മാഡ്രിഡ്: ലോകകപ്പ് ഫുട്ബോളിൽ നാളെ പോർച്ചുഗലിനെ നേരിടാനൊരുങ്ങുന്ന 2010 ചാന്പ്യന്മാരായ സ്പെയിനിന് കനത്ത പ്രഹരം. ലോകകപ്പ് മുന്നൊരുക്കത്തിനിടെ റയൽ മാഡ്രിഡ് ക്ലബ്ബിന്റെ പരിശീലക സ്ഥാനം ഏറ്റെടുത്ത യൂലൻ ലോപെടെഗിയെ സ്പാനിഷ് ഫുട്ബോൾ ഫെഡറേഷൻ (ആർഎഫ്ഇഎഫ്) ദേശീയ ടീമിന്റെ പരിശീലക സ്ഥാനത്തുനിന്നു പുറത്താക്കി. ലോകകപ്പ് മത്സരങ്ങൾ തുടങ്ങാൻ ഒരു ദിവസം മാത്രമുള്ളപ്പോഴാണ് സ്പെയിൻ പരിശീലകനെ നീക്കിയത്. സ്പാനിഷ് ക്ലബ് റയൽ മാഡ്രിഡുമായി ലോപെടെഗി മൂന്നു വർഷത്തെ കരാറിൽ ചൊവ്വാഴ്ച ഒപ്പുവച്ചിരുന്നു. ചാന്പ്യൻസ് ലീഗ് ജയത്തിനു പിന്നാലെ സിനദിൻ സിദാൻ രാജിവച്ച ഒഴിവിലേക്കാണ് റയൽ മാഡ്രിഡ് ലോപെടെഗിയെ നിയമിച്ചത്. ലോപെടെഗിയ്ക്കു പകരം ഫെർണാണ്ടോ യെറോയെ പുതിയ പരിശീലകനായി ആർഎഫ്ഇഎഫ് ഇന്നലെ നിയമിച്ചു. നാളെ പോർച്ചുഗലിനെതിരേ ഇറങ്ങുന്പോൾ യെറോയായിക്കും സൈഡ് ലൈനിൽ. റയൽ മാഡ്രിഡിന്റെയും ബോൾട്ടന്റെയും മുൻ താരമാണ് ഡിഫൻസീവ് മിഡ്ഫീൽഡറായ ഫെർണാണ്ടോ റൂയിസ് യെറോ. 1989 മുതൽ 2002വരെ സ്പെയിനിനായി…
Read MoreCategory: Sports
ജുബിന് ജിമ്മി, കേരളാ ചെസില് ഉദിച്ചുവരുന്ന താരം
കോട്ടയം: കേരളാ ചെസില് നിഹാല് സരിന്റെ പിന്ഗാമിയായി ഉദിച്ചുവരുന്ന താരമാണ് തങ്കശ്ശേരി ഇന്ഫന്റ് ജീസസ് സ്കൂളിലെ ഏഴാം ക്ലാസ് വിദ്യാര്ഥി ജുബിന് ജിമ്മി. കഴിഞ്ഞ മാസം 14 മുതല് 22 വരെ തീയതികളില് കോല്ക്കത്തയില് നടന്ന ഇന്റര്നാഷണല് ഗ്രാന്ഡ് മാസ്റ്റേഴ്സ് ചെസ് ടൂര്ണമെന്റില് റേറ്റിംഗില് 154 പോയിന്റിന്റെ നേട്ടം കൈവരിച്ച് പ്രത്യേക പ്രശംസയ്ക്കും പാരിതോഷികത്തിനും അര്ഹനായി ഈ പന്ത്രണ്ടുകാരന്. സാധാരണ നാലഞ്ച് മത്സരങ്ങളില്നിന്നും നേടുന്ന റേറ്റിംഗ് പോയിന്റ് ഒറ്റ മല്സരത്തില്നിന്നും ജുബിന് നേടാനായി. മുപ്പതില്പരം ഗ്രാന്ഡ് മാസ്റ്റര്മാരും അതിലധികം ഇന്റര്നാഷണല് മാസ്റ്റര്മാരും പങ്കെടുത്ത ഈ ടൂര്ണമെന്റില് 185-ാം സീഡുകാരനായിരുന്നു. ഒന്പതില് അഞ്ചര പോയിന്റോടെ ജുബിന് പല ഗ്രാന്ഡ് മാസ്റ്റര്മാരെയും ഇന്റര്നാഷണല് മാസ്റ്റര്മാരെയും പിന്നിലാക്കി നാല്പത്തിയാറാം സ്ഥാനം നേടി. എറണാകുളത്തു നടന്ന സംസ്ഥാന സീനിയര് ചെസ് ചാമ്പ്യന്പട്ടം ടൈബ്രേക്ക് പോയിന്റിലെ നേരിയ മാറ്റത്തില് കൈവിട്ടു പോയെങ്കിലും റണ്ണര് അപ്…
Read Moreവരവായ് വസന്തം
ലോകം റഷ്യയിലേക്കു കുടിയേറി, റഷ്യയാകട്ടെ ലോക തലസ്ഥാനവുമായി. ഇനിയുള്ള ദിനങ്ങൾ ടെൽസ്റ്റാർ എന്ന പന്തിനു ചുറ്റും മുപ്പത്തിരണ്ട് ലോക രാജ്യങ്ങളും, 736 കളിക്കാരും വോൾഗാ നദിയുടെ തരംഗമാലകളിൽ ലയിക്കും. ഇന്ത്യൻ സമയം ഇന്നു രാത്രി 8.30ന് ലുഷ്നികി സ്റ്റേഡിയത്തിൽ 21-ാം എഡിഷൻ ഫിഫ ലോകകപ്പ് ഫുട്ബോളിനു കിക്കോഫ്. നീലയും ചുവപ്പും വെള്ളയും ഇടകലർന്ന റഷ്യയുടെ ത്രിവർണ പതാകയുടെ കീഴിൽ മുപ്പത്തിയൊന്നു ദിനരാത്രങ്ങളിൽ ഫുട്ബോൾ വസന്തം നിറയും. ചരിത്രത്തിൽ ആദ്യമായിട്ടാണ് റഷ്യ ലോകകപ്പിന് ആതിഥേയത്വം വഹിക്കുന്നത്. ലുഷ്നികി സ്റ്റേഡിയ കവാടത്തിൽ ഉയർത്തിയിരിക്കുന്ന ലെനിൻ പ്രതിമതന്നെ റഷ്യയുടെ പഴയ പ്രതാപം വിളിച്ചോതുന്നു. റഷ്യൻ നഗരങ്ങളും തെരുവോരങ്ങളും രാജ്യത്തലവന്മാരെയും, താരങ്ങളെയും, ഒഫീഷലുകളെയും, ആരാധകരെയുമെല്ലാം സ്വീകരിക്കാനും നേരിൽക്കാണാനും വെന്പിനിൽക്കുന്ന കാഴ്ച എവിടെയും ദൃശ്യമാണ്. കടകൾ, ഹോട്ടലുകൾ, റസ്റ്ററന്റുകൾ, സൂപ്പർമാർക്കറ്റുകൾ, മധുരപലഹാര ഷോപ്പുകൾ, കായിക ഷോപ്പുകൾ, എവിടെയും എല്ലായിടത്തും കാൽപ്പന്തിന്റെ എന്തെങ്കിലും പ്രത്യേകത നിറഞ്ഞു…
Read Moreമൊറോക്കോ ഇനിയും കാത്തിരിക്കണം; 2026 ലോകകപ്പ് വടക്കേ അമേരിക്കയിൽ
മോസ്കോ: 2026 ഫുട്ബോൾ ലോകകപ്പ് അമേരിക്കയും കാനഡയും മെക്സിക്കോയും സംയുക്തമായി നടത്തും. മൊറോക്കോയെ പിന്തള്ളിയാണ് വടക്കേ അമേരിക്കയ്ക്കു നറുക്കുവീണത്. ഫിഫയുടെ അംഗരാജ്യങ്ങൾ പങ്കെടുത്ത ഫിഫ കോണ്ഗ്രസിൽ 210 ല് 134 അംഗങ്ങൾ വടക്കേ അമേരിക്കയെ പിന്തുണച്ചപ്പോൾ മൊറോക്കോയ്ക്കു 65 വോട്ടുകൾ മാത്രമാണ് ലഭിച്ചത്. ഏഴു രാജ്യങ്ങൾ വോട്ടെടുപ്പിൽ പങ്കെടുത്തില്ല. 2026 ലെ ലോകകപ്പ് ഇതുവരെയുള്ളതിൽ വലിയ ടൂർണമെന്റിനാകും സാക്ഷ്യം വഹിക്കുക. ടൂർണമെന്റിൽ 48 രാജ്യങ്ങളാണ് പങ്കെടുക്കുന്നത്. 34 ദിവസങ്ങളിലായി 80 മത്സരങ്ങൾ നടക്കും. മെക്സിക്കോയും (1970, 1986) യുഎസും (1994) നേരത്തെ ഫുട്ബോൾ ലോകകപ്പിനു വേദിയായിട്ടുണ്ട്. കാനഡ 2015 ൽ വനിതാ ലോകകപ്പിനു വേദിയായി.
Read Moreറഷ്യയിൽ സാംബാ ലഹരി, തൃശൂരിൽ സാംബാ സാലി
അഖിൽ മുരളീധരൻ കൂർക്കഞ്ചേരി(തൃശൂർ): റഷ്യയിൽ സാംബാ ലഹരി നിറയുന്പോൾ ഇവിടെ തൃശൂരിൽ സാംബാ സാലിയാണ് നഗരവീഥികളിൽ നിറഞ്ഞാടുന്നത്. നാലുവർഷത്തിലൊരിക്കൽ വിരുന്നെത്തുന്ന ലോകകപ്പ് ഫുട്ബോൾ മാമാങ്കത്തിനെ വരവേൽക്കാൻ പതിവുതെറ്റാതെ വടൂക്കര എസ്.എൻ.നഗർ സ്വദേശി സാംബാ സാലി അണിഞ്ഞൊരുങ്ങിയെത്തി. കടുത്ത ബ്രസീൽ ആരാധകനായ സാംബാ സാലി ബ്രസീലിന്റെ ജഴ്സിയുടെ നിറമുള്ള ജഴ്സിയെല്ലാം അണിഞ്ഞാണ് തന്റെ പര്യടനം നടത്തുന്നത്. ബ്രസീൽ ടീമിന്റെ വിജയത്തിനായി ആവേശത്തോടെ ബ്രസീലിനു ജയ് വിളിച്ച് സാംബാ സാലി നാടും നഗരവും ചുറ്റും. കഴിഞ്ഞ ലോകകപ്പിനു കുതിരപ്പുറത്തും സൈക്കിളിലുമായാണ് സാംബാ സാലി നാടുചുറ്റിയത്. ഇത്തവണ ലോകകപ്പ് പ്രചാരണ പര്യടനം സ്കൂട്ടറിലാണ്. രാവിലെ ആരംഭിക്കുന്ന നാടുചുറ്റൽ രാത്രി ഏഴോടെയാണ് അവസാനിക്കുക. ബ്രസീൽ ടീമിനോടുളള അടങ്ങാത്ത ആവേശം തന്റെ 62-ാം വയസിലും പ്രകടമാക്കുന്ന സാംബാ സാലി പുതുതലമുറയ്ക്ക് അത്ഭുതമാണ്. സാംബാ സാലിയുടെ സ്കൂട്ടർ മുഴുവൻ ബ്രസീൽ നിറത്തിലാണ്. ബ്രസീലിന്റെ കൊടിയും താരങ്ങളുടെ…
Read Moreഇന്ത്യൻ താരം ഹലിചരണ് നർസാരെ കേരളാ ബ്ലാസ്റ്റേഴ്സിൽ
കൊച്ചി: ഇന്ത്യൻ കോണ്ടിനെന്റൽ കപ്പിൽ രാജ്യത്തിനുവേണ്ടി മികച്ച പ്രകടനം കാഴ്ചവച്ച ആസാം സ്വദേശി ഹലിചരൺ നർസാരെ കേരള ബ്ലാസ്റ്റേഴ്സിനുവേണ്ടി ബൂട്ടണിയും. ഐഎസ്എലിന്റെ കഴിഞ്ഞ മൂന്ന് സീസണിലും നോർത്ത് ഈസ്റ്റ് യുണൈറ്റഡിന്റെ കളിക്കാരനായിരുന്നു ഹലിചരൺ. അറ്റാക്കിംഗ് മിഡ് ഫീൽഡർ പൊസിഷനിൽ കളിക്കുന്ന ഹലിചരണ് അണ്ടർ-19, അണ്ടർ-21 അന്താരാഷ്ട്ര ടൂർണമെന്റുകളിൽ ഇന്ത്യയെ പ്രതിനിധീകരിച്ചിട്ടുണ്ട്. എഫ്സി ഗോവ, ഡംപോ, പെയ്ലിയൻ ആരോസ്, ഡിഎസ്കെ ശിവാജിയൻസ് തുടങ്ങിയ ക്ലബുകൾക്കുവേണ്ടി കളിച്ചിട്ടുണ്ട്.
Read Moreപ്രവചനങ്ങളിൽ മഞ്ഞപ്പട
റഷ്യൻ ലോകകപ്പ് ഫുട്ബോൾ കിരീടം നേടാൻ ഏറ്റവും സാധ്യത മഞ്ഞപ്പടയായ ബ്രസീലിനാണെന്ന് ഗ്രേസ്നോട്ട് അവകാശപ്പെടുന്നു. ലോക ഒന്നാം നന്പറായി നിലവിലെ ജേതാക്കളായ ജർമനിയെയും രണ്ടാമനായി ബ്രസീലിനെയും മൂന്നാമതായി ബെൽജിയത്തെയും നാലും അഞ്ചും സ്ഥാനക്കാരായി പോർച്ചുഗലിനെയും അർജന്റീനയെയുമാണ് ഫിഫ പ്രഖ്യാപിച്ചത്. എന്നാൽ, ലോകത്തിലെ പ്രമുഖ എന്റർടെയ്മെന്റ് ഡാറ്റ കന്പനിയായ ഗ്രേസ്നോട്ട് ബ്രസീലിനെയാണ് ഒന്നാം റാങ്കുകാരായി മുന്നോട്ടുവയ്ക്കുന്നത്. അതിനുള്ള കാരണം 2014 ലോകകപ്പിലെ സെമിഫൈനൽ തോൽവിക്കുശേഷം ബ്രസീൽ ഇതുവരെ നാല് മത്സരങ്ങളിൽ മാത്രമാണ് പരാജയപ്പെട്ടത്. 2016 ജൂണിനുശേഷം ഒരു തോൽവി മാത്രവും. അതുകൊണ്ടുതന്നെ റഷ്യൻ ലോകകപ്പ് സ്വന്തമാക്കാൻ ബ്രസീലിന് 21 ശതമാനം സാധ്യതയുണ്ടെന്ന് ഗ്രേസ്നോട്ട് വിലയിരുത്തുന്നു. ബ്രിട്ടീഷ് വാതുവയ്പ് കന്പനിയായ വില്യംഹില്ലും ബ്രസീലിനാണ് സാധ്യത കൽപ്പിക്കുന്നത്. 4/1 അനുപാതമാണ് ബ്രസീൽ കിരീടം നേടുമെന്നതിനായി വില്യംഹിൽ വയ്ക്കുന്നത്. കിരീട സാധ്യതയിൽ 9/2 അനുപാതവുമായി ജർനി രണ്ടാമതും 6/1 അനുപാതവുമായി സ്പെയിൻ മൂന്നാമതുമാണ്.…
Read Moreപെലെയുടെയും മാറഡോണയുടെയും പ്രിയപ്പെട്ട മുഹൂർത്തങ്ങൾ…
ഫുട്ബോൾ ഇതിഹാസങ്ങളായ അർജന്റീനയുടെയും ഡിയേഗോ മാറഡോണയുടെയും ബ്രസീലിന്റെ പെലെയുടെയും പ്രിയപ്പെട്ട ലോകകപ്പ് മുഹൂർത്തങ്ങൾ… 1982 ജൂണ് 18 അർജന്റീന ഹംഗറിയെ 4-1നു തോൽപ്പിച്ച അന്നത്തെ മത്സരത്തിലായിരുന്നു മാറഡോണയുടെ ആദ്യ ലോകകപ്പ് ഗോൾ. ബെൽജിയത്തോട് ആദ്യമത്സരം തോറ്റ ശേഷമുള്ള ശക്തമായ തിരിച്ചുവരവ്. അമ്മ പ്രഭാത ഭക്ഷണം കിടക്കയിൽ എത്തിച്ചു തരുന്നതു പോലുള്ള ആഹ്ലാദാനുഭവം എന്നാണ് ആദ്യഗോളിനെ അദ്ദേഹം വിശേഷിപ്പിക്കുന്നത്. 1982 ജൂലൈ 2 അർജന്റീന ബ്രസീലിനോട് 1-3നു തോറ്റ മത്സരം. അന്ന് ബാറ്റിസ്റ്റയെ ചവിട്ടിയതിന് ചുവപ്പു കാർഡ് വാങ്ങി പുറത്തു പോയി മാറഡോണ. മത്സരത്തിൽ വ്യക്തമായ ലീഡ് നേടിയ ശേഷം ബ്രസീൽ താരങ്ങൾ പരിഹസിച്ചതാണ് തന്നെ പ്രകോപിപ്പിച്ചതെന്ന് അദ്ദേഹം അനുസ്മരിച്ചു. 1986 ജൂണ് 22 അർജന്റീന ഇംഗ്ലണ്ടിനെ 2-1നു തോൽപ്പിച്ച മത്സരം. നൂറ്റാണ്ടിന്റെ ഗോൾ എന്നു വിശേഷിപ്പിക്കപ്പെട്ട ഗോൾ മാറഡോണയുടെ ബൂട്ടിൽനിന്നു പിറന്ന കളി. മധ്യവരയിൽനിന്ന് അത്രയധികം പേരെ…
Read Moreറഷ്യൻ കിക്കോഫ് നാളെ
വീണ്ടുമിതാ ലോക ഫുട്ബോൾ വേദിയുടെ പുൽമൈതാനത്ത് പന്തുരുളാൻ പോകുന്നു. ഈ ദിനം കൊഴിഞ്ഞാൽ നാളത്തെ പുലരി ലോകകപ്പിന്റെ ഉദയത്തിന്റെ വെളിച്ചം റഷ്യയിൽ വീശും. ആ വെളിച്ചത്തിൽ ലോകം ഒന്നാകും… 21-ാം ലോകകപ്പ് ഫുട്ബോളിന് നാളെ മോസ്കോയിൽ കിക്കോഫ്… ലോകകപ്പ് മാമാങ്കം ഏതു കോണിലാണെങ്കിലും ഭൂഗോളത്തിലെ വിവിധ സംസ്കാരങ്ങളുടെ സംഗമ വേദികൂടിയാകും അത്. ടീമുകളുടെയും താരങ്ങളുടെ യും കാൽപ്പന്തിന്റെയും ആരാധകർ അവിടേക്ക് ഒഴുകിയെത്തും. നിരവധി മനോഹര മുഹൂർത്തങ്ങളാണ് ഓരോ ലോകകപ്പും നൽകുന്നത്. ചിരിയും കണ്ണീരും വേദനയും എല്ലാമുണ്ടായിരുന്നു. 1970ൽ ബ്രസീലിന്റെ കാർലോസ് ആൽബർട്ടോ നേടിയ ഗോൾ- എക്കാലത്തെയും മികച്ച ടീം ഗോളെന്നു വിശേഷിപ്പിക്കാവുന്ന ഗോൾ. സ്വന്തം പകുതിയിൽനിന്നും തുടങ്ങിയ മുന്നേറ്റത്തിൽ പന്ത് പത്തുപേരുടെ കാൽ മറിഞ്ഞാണ് ആൽബർട്ടോയിലെത്തിയത്. പിന്നെ 1986ലെ ലോകകപ്പിൽ ഇംഗ്ലണ്ടിനെതിരേ അർജന്റീനയുടെ ഡിയേഗോ മാറഡോണയുടെ ദൈവത്തിന്റെ കൈ എന്നു വിശേഷിപ്പിക്കപ്പെട്ട ഗോൾ. ആ ഗോൾ ഉയർത്തിയ…
Read Moreഎന്തുകൊണ്ട് അർജന്റീന…
ലോകത്തെ ഏറ്റവും വലിയ കായിക മേളകളിൽ ഒന്നായ ലോകകപ്പ് ഫുട്ബോൾ ആഘോഷങ്ങൾക്കായി ലോകം തയാറായിക്കഴിഞ്ഞു. കളിക്കാരെല്ലാം റഷ്യയിലെത്തിത്തുടങ്ങി, ആരാധകർ ബാഗുകൾ പായ്ക്ക് ചെയ്തുകഴിഞ്ഞു. എല്ലാവരും ഏറ്റവും മഹത്തരമായ ടൂർണമെന്റ് കാണുന്നതിനായി ഒരുങ്ങിക്കഴിഞ്ഞു. ആവേശകരവും ഒപ്പം സംഭവബഹുലവുമായി മത്സരങ്ങളുടെ ഒരു നിമിഷംപോലും നഷ്ടപ്പെടുത്താൻ ആർക്കും താത്പര്യമില്ല. ലോകകപ്പിന് അർജന്റീന യോഗ്യത നേടിയപ്പോൾമുതൽ ആരാധകർ പറഞ്ഞുതുടങ്ങി, ഈ ടീം ലോകകപ്പ് നേടും… ഇപ്പോഴല്ലെങ്കിൽ ഒരിക്കലുമില്ല… 2014 ലോകകപ്പിൽ ഫൈനലിലെത്തിയെങ്കിലും ജർമനിയോടു തോറ്റു. ഹൊർഹെ സാംപോളിയുടെ പരിശീലന മികവും ലയണൽ മെസിയുടെ നേതൃ ഗുണവുമെല്ലാം ചേർന്നപ്പോൾ അർജന്റീന യോഗ്യത നേടി. കഴിഞ്ഞ പ്രാവശ്യത്തെ കിരീട നഷ്ടം ഈ ലോകകപ്പിൽ തീർക്കാനാകും മെസിയും സംഘവും ലക്ഷ്യമിടുന്നത്. രണ്ട് തവണ ലോകകിരീടം ഉയർത്തിയ അർജന്റീന റഷ്യയിൽ ചരിത്രമാവർത്തിക്കുമെന്നാണ് ഏവരുടെയും പ്രതീക്ഷ. റൊസാരിയോയിലെ തെരുവിൽ പന്തുതട്ടാനാരംഭിച്ച് ലോകത്തിന്റെ നെറുകയിലെത്തിനിൽക്കുന്ന ലയണൽ മെസി കപ്പുമായി നാട്ടിൽപറന്നിറങ്ങുന്നതാണ് ഓരോ…
Read More