ബിർമിംഗ്ഹാം: മത്സരത്തിനിടെ തുടർച്ചയായി സർവീസിംഗ് പിഴവ് വിളിച്ച അന്പയറിനെ പരിഹസിച്ച് കിഡംബി ശ്രീകാന്ത്. ഓൾ ഇംഗ്ലണ്ട് ചാന്പ്യൻഷിപ്പിന്റെ പ്രീക്വാർട്ടറിൽ ചൈനയുടെ ഹുവാംഗ് യുഹിയാംഗിനെതിരേയുള്ള മത്സരത്തിനിടെയാണ് ശ്രീകാന്തിനെതിരേ അന്പയർ തുടർച്ചയായി സർവീസിംഗിൽ പിഴവ് വിളിച്ചത്. ടൂർണമെന്റിന്റെ ആദ്യ മത്സരത്തിൽ സർവീസ് പിഴവുകൾ സംഭവിച്ചിരുന്നു. അത് സംഭവിക്കുമെന്ന് കരുതിയതല്ല. കൃത്യമായ നിയമങ്ങൾ ഉള്ളപ്പോൾ ഒരു ടൂർണമെന്റിൽ സംഭവിക്കരുതാത്തതാണ് – ശ്രീകാന്ത് പറഞ്ഞു.
Read MoreCategory: Sports
തകർത്തടിച്ചു മഹമ്മദുള്ള; ലങ്കയെ വീഴ്ത്തി ബംഗ്ലാദേശ് ഫൈനലിൽ
കൊളംബോ: ആതിഥേയരായ ശ്രീലങ്കയെ രണ്ടു വിക്കറ്റിനു പരാജയപ്പെടുത്തി ബംഗ്ലാദേശ് നിദാഹസ് ട്വന്റി20 ടൂർണമെന്റ് ഫൈനലിൽ കടന്നു. ലങ്ക ഉയർത്തിയ 160 റണ്സ് വിജയലക്ഷ്യം ബംഗ്ലാദേശ് ഒരു പന്ത് ശേഷിക്കെ എട്ടു വിക്കറ്റ് നഷ്ടത്തിൽ മറികടന്നു. 18 പന്തിൽ 43 റണ്സ് നേടിയ മഹമ്മദുള്ളയുടെ പ്രകടനമാണ് ബംഗ്ലാദേശിനു വിജയമൊരുക്കിയത്. ഫൈനലിൽ ബംഗ്ലാദേശ് ഇന്ത്യയെ നേരിടും. ആദ്യം ബാറ്റു ചെയ്ത ശ്രീലങ്ക കുശാൽ പെരേര, ഏഴാമതായി ബാറ്റിംഗിനിറങ്ങിയ തിസാര പെരേര എന്നിവരുടെ അർധസെഞ്ചുറികളുടെ മികവിലാണ് ഭേദപ്പെട്ട സ്കോർ നേടിയത്. കുശാൽ 40 പന്തിൽനിന്ന് 61 റണ്സ് നേടിയപ്പോൾ 37 പന്തിൽനിന്ന് 58 റണ്സായിരുന്നു തിസാരയുടെ സംഭാവന. മറ്റു ശ്രീലങ്കൻ ബാറ്റ്സ്മാൻമാർക്കൊന്നും തിളങ്ങാൻ കഴിഞ്ഞില്ല. ബംഗ്ലാദേശിനായി മുസ്താഫിസുർ റഹ്മാൻ രണ്ടു വിക്കറ്റ് നേടി. മറുപടി ബാറ്റിംഗിനിറങ്ങിയ ബംഗ്ലാദേശിനു കൃത്യമായ ഇടവേളകളിൽ വിക്കറ്റുകൾ നഷ്ടമായെങ്കിലും തമിം ഇഖ്ബാൽ ഒരറ്റത്ത് ഉറച്ചുനിന്നു. മൂന്നാം വിക്കറ്റിൽ…
Read Moreബിസിസിഐയ്ക്ക് തിരിച്ചടി: കൊച്ചിന് ടസ്കേഴ്സിന് നഷ്ടപരിഹാരം നല്കണമെന്ന് സുപ്രീം കോടതി
ഇന്ത്യന് പ്രീമിയര് ലീഗില്നിന്നു പുറത്താക്കപ്പെട്ട കൊച്ചിന് ടസ്കേഴ്സിന് ബിസിസിഐ നഷ്ടപരിഹാരം നല്കണമെന്ന് സുപ്രീം കോടതി. ആര്ബിട്രേഷന് ഫോറം നിശ്ചയിച്ച 550 കോടി രൂപ ബിസിസിഐ കൊച്ചിന് ടസ്കേഴ്സിന് നല്കണമെന്നാണ് സുപ്രീം കോടതി നിര്ദേശിച്ചിരിക്കുന്നത്. വ്യവസ്ഥകള് പാലിക്കാതെ ടീമിനെ പുറത്താക്കിയതിനാലാണ് തുക നല്കാന് സുപ്രീം കോടതി ഉത്തരവിട്ടത്. കൊച്ചിന് ടസ്കേഴ്സിന് 550 കോടി നഷ്ടപരിഹാരം നല്കണമെന്ന് 2015ലാണ് ആര്ബിട്രേഷന് ഫോറം വിധിക്കുന്നത്. പണം മടക്കിനല്കിയില്ലെങ്കില് വര്ഷം 18 ശതമാനം പലിശ നല്കണമെന്നും വിധിയില് പറഞ്ഞിരുന്നു. 2011ലാണ് കൊച്ചിന് ടസ്കേഴ്സിനെ വാര്ഷിക ബാങ്ക് ഗ്യാരന്റി തുക നല്കിയില്ല എന്ന പേരില് ഐപിഎലില്നിന്ന് ബിസിസിഐ പുറത്താക്കിയത്.
Read Moreഇന്ത്യക്ക് സുന്ദര വിജയം; ബംഗ്ലാദേശിനെ തകർത്ത് ഫൈനലിൽ
കൊളംബോ: മുഷ്ഫിക്കർ റഹീമിന്റെ പോരാട്ടത്തിനും ബംഗ്ലാദേശിനെ രക്ഷിക്കാനായില്ല. വാഷിംഗ്ടൺ സുന്ദറിന്റെ മൂന്നു വിക്കറ്റ് മികവിൽ ബംഗ്ലാദേശിനെ 17 റൺസിന് തകർത്ത ഇന്ത്യ ത്രിരാഷ്ട്ര ട്വന്റി-20 ചാമ്പ്യൻഷിപ്പിന്റെ ഫൈനലിൽ കടന്നു. ഇന്ത്യ ഉയർത്തിയ 176 റൺസ് വിജയ ലക്ഷ്യം പിന്തുടർന്ന ബംഗ്ലാദേശിന് നിശ്ചിത 20 ഓവറിൽ ആറു വിക്കറ്റ് നഷ്ടത്തിൽ 159 റൺസ് എടുക്കാനെ സാധിച്ചുള്ളു. അർധ സെഞ്ചുറിയുമായി പുറത്താകാതെനിന്ന വിക്കറ്റ് കീപ്പർ ബാറ്റ്സ്മാൻ മുഷ്ഫിക്കർ റഹീം (72) ബംഗ്ലാദേശിനു പ്രതീക്ഷ നൽകിയെങ്കിലും പിന്തുണ നൽകാനാളുണ്ടായില്ല. 55 പന്തിൽനിന്ന് എട്ടു ബൗണ്ടറികളും ഒരു സിക്സറും അടങ്ങുന്നതായിരുന്നു മുഷ്ഫിക്കറിന്റെ ഇന്നിംഗ്സ്. ബംഗ്ലാദേശ് നിരയിൽ 27 റൺസ് വീതമെടുത്ത തമിം ഇക്ബാലും സാബിർ റഹിമും മാത്രമാണ് മുഷ്ഫിക്കറിനു പിന്തുണ നൽകിയത്. മുൻനിരയെ അരിഞ്ഞു വീഴ്ത്തിയ വാഷിംഗ്ടൺ സുന്ദറാണ് ബംഗ്ലാദേശിനെ വരിഞ്ഞുമുറുക്കി ഇന്ത്യയെ വിജയ തീരത്തെത്തിച്ചത്. ചാഹലും ശാർദുൽ താക്കൂറും മുഹമ്മദ് സിറാജും…
Read Moreവീണ്ടും മെസി മാസ്മരികത..! ചെൽസിയെ കീഴടക്കി ബാഴ്സ ക്വാർട്ടറിൽ
ക്യാംപ്നൗ: സ്പാനിഷ് ഫുട്ബോൾ ക്ലബ്ബ് ബാഴ്സലോണ യുവേഫ ചാന്പ്യൻസ് ലീഗ് ക്വാർട്ടർ ഫൈനലിൽ കടന്നു. സ്വന്തം തട്ടകമായ ക്യാംപ്നൗവിൽ നടന്ന മത്സരത്തിൽ കരുത്തരായ ചെൽസിയെ എതിരില്ലാത്ത മൂന്നു ഗോളുകൾക്കു കീഴടക്കിയാണ് ബാഴ്സ മുന്നേറിയത്. രണ്ടു ഗോളുകളും ഒരു അസിസ്റ്റുമായി തിളങ്ങിയ ലയണൽ മെസിയുടെ മാസ്മരിക പ്രകടനമായിരുന്നു ബാഴ്സ വിജയത്തിന്റെ സവിശേഷത. ഇതോടെ ഇരു പാദത്തിലുമായി 4-1 എന്ന അഗ്രിഗേറ്റ് സ്കോറിൽ വിജയിക്കാൻ ബാഴ്സയ്ക്കായി. സമനിലയിൽ പരിഞ്ഞ ആദ്യപാദ മത്സരത്തിലും മെസി ഗോൾ നേടിയിരുന്നു. https://twitter.com/_/status/974051368070713344 മത്സരത്തിനു 127 സെക്കൻഡ് മാത്രം പ്രായമുള്ളപ്പോൾ ബാഴ്സയുടെ ആദ്യ ഗോളെത്തി. മെസി-ഒൗസ്മൻ ഡെംബാല-ലുയിസ് സുവാരസ് കൂട്ടുകെട്ടിന്റെ മുന്നേറ്റം മനോഹരമായ ഒരു വലംകാലനടിയിലൂടെ മെസി വലയിലാക്കുകയായിരുന്നു. 20-ാം മിനിറ്റിൽ ബാഴ്സ ലീഡ് ഉയർത്തി. മെസിയായിരുന്നു ഗോളിന്റെ സൂത്രധാരൻ. ബോക്സിനുള്ളിൽനിന്നു മെസി നൽകിയ പാസ് ഉജ്ജ്വല ഷോട്ടിലൂടെ ഡെംബാല വലയിലാക്കി. ആദ്യ പകുതി ബാഴ്സയുടെ…
Read Moreഓൾ ഇംഗ്ലണ്ട് ബാഡ്മിന്റൺ ചാമ്പ്യൻഷിപ്പ്: സൈന ആദ്യ റൗണ്ടിൽ പുറത്ത്
ബർമിംഗ്ഹാം: ഓൾ ഇംഗ്ലണ്ട് ബാഡ്മിന്റൺ ചാമ്പ്യൻഷിപ്പിലെ ആദ്യ റൗണ്ടിൽ തന്നെ ഇന്ത്യയുടെ സൈന നെഹ്വാൾ പുറത്തായി. ലോക ഒന്നാം നമ്പറും നിലവിലെ ചാമ്പ്യനുമായ തായി സു യിംഗാണ് സൈനയെ വീഴ്ത്തിയത്. നേരിട്ടുള്ള ഗെയിമുകൾക്കായിരുന്നു സൈനയുടെ പരാജയം. തായ്വാൻ താരത്തിന്റെ കൃത്യതയ്ക്കും വേഗത്തിനും ഒപ്പമെത്താൻ കഴിയാതിരുന്ന സൈന 14-21, 18-21 എന്ന സ്കോറിനു തോൽവി സമ്മതിച്ചു. അഞ്ചു വർഷത്തിനിടെ തുടർച്ചയായ എട്ടാം തവണയാണ് തായ്വാൻ താരത്തോട് സൈന പരാജയപ്പെടുന്നത്. ആദ്യ റൗണ്ടിൽ തുടക്കത്തിൽ തന്നെ പിന്നിലായ സൈനയ്ക്കു യിംഗിന്റെ അടുത്തെത്താൻപോലുമായില്ല. രണ്ടാം സെറ്റിൽ തിരിച്ചുവരവിന് സൈന ശ്രമിച്ചെങ്കിലും തായ്വാൻ താരം 18-21 ന് മത്സരം സ്വന്തമാക്കി. 2009-ന് ശേഷം ഇതാദ്യമായാണ് സൈന ഓള് ഇംഗ്ലണ്ട് ഓപ്പണ് ബാഡ്മിന്റൺ ചാമ്പ്യൻഷിപ്പിന്റെ ആദ്യ റൗണ്ടില് പുറത്താകുന്നത്.
Read Moreഗ്രാൻഡ് മാസ്റ്റർ പദവിക്കരികെ നിഹാൽ സരിൻ
ചെസിൽ ഇന്ത്യയുടെ അത്ഭുതബാലൻ നിഹാൽ സരിൻ ഗ്രാൻഡ് മാസ്റ്റർ പദവിക്കു തൊട്ടരികിൽ. റെയ്ക്ക്ജാവിക്കിൽ നടന്ന ബോബി ഫിഷർ സ്മാരക ഇന്റർനാഷണൽ ഓപ്പണ് ചെസ് ടുർണമെന്റിൽ പതിമ്മൂന്നുകാരൻ മലയാളി ഇന്റർനാഷണൽ മാസ്റ്റർ നിഹാൽ സരിൻ തന്റെ രണ്ടാം ഗ്രാൻഡ്മാസ്റ്റർ നോം നേടി. കഴിഞ്ഞ വർഷം ഏപ്രിലിൽ നോർവയിൽ നടന്ന ഫാഗെർ നെസ് ഇന്റർനാഷണൽ ഗ്രാൻഡ് മാസ്റ്റേഴ്സ് ചെസിലാണ് നിഹാലിന് ആദ്യ ജിഎം നോം ലഭിച്ചത്. ഒരു ജിഎം നോമുകൂടി നേടിയാൽ നിഹാൽ സരിൻ ഗ്രാൻഡ് മാസ്റ്റർ പദവിക്കർഹനാകും. ഒന്പതു റൗണ്ടു മൽസരം നടന്ന ഇതിൽ ഏഴു റൗണ്ടു മൽസരം കഴിഞ്ഞപ്പോൾ അഞ്ചര പോയിന്റും 2767 റേറ്റിംഗ് പെർഫോമൻസും ഉണ്ടായിരുന്ന നിഹാൽ ജിഎം നോമിന് അർഹനായിരുന്നു. പിന്നീടു നടന്ന എട്ടാം റൗണ്ടിൽ സമനില നേടിയ നിഹാൽ ഒൻപതാം റൗണ്ടിൽ ജിഎം ല ഗാർ ദേ മാക്സി മേയോട് ആദ്യ പരാജയം…
Read Moreവിജയത്തിന്റെ ക്രെഡിറ്റ് പ്രതിരോധനിരയ്ക്കെന്ന് ചെന്നൈയിൻ കോച്ച്
ചെന്നൈ: എഫ്സി ഗോവയെ 3-0ന് കീഴടക്കിയ ചെന്നൈയിൻ എഫ്സി ടീം അംഗങ്ങളെ പ്രശംസകൾ കൊണ്ട് മൂടി മുഖ്യപരിശീലകൻ ജോൺ ഗ്രിഗറി. കളിജയിച്ചതിന്റെ ക്രെഡിറ്റ് പ്രതിരോധനിരയ്ക്ക് അവകാശപ്പെട്ടതാണെന്ന് ഗ്രിഗറി പറഞ്ഞു. ഹെൻട്രിക് സെർനോ, മെയിൽസൺ അൽവെസ്, ജെറി ലാൽറിൻസ്വാല എന്നിവർ നേതൃത്വം നൽകിയ പ്രതിരോധനിരയാണ് ചെന്നൈയ്ക്ക് കാര്യങ്ങൾ എളുപ്പമാക്കിയതെന്നും ഗ്രിഗറി വ്യക്തമാക്കി.’തുടക്കം മുതൽ ഗോവ നിരന്തരം ആക്രമിച്ചാണ് കളിച്ചത്. അത് തങ്ങളുടെ കളിക്കാർക്ക് ഉണ്ടാക്കിയ സമ്മർദ്ദം ചെറുതല്ല. എന്നിട്ടും പ്രതിരോധനില കുലുക്കമില്ലാതെ നിലയുറപ്പിച്ചു. ഗോളി കരണ്ജിത് സിംഗും മികച്ച പ്രകടനമാണ് പുറത്തെടുത്തത്”- ഗ്രിഗറി പറഞ്ഞു. കളിയുടെ ആദ്യ 20 മിനിറ്റ് ഗോവയായിരുന്നു ഗ്രൗണ്ട് നിറഞ്ഞ് കളിച്ചത്. 20 മിനിറ്റിനുള്ളിൽ ഗോവ നേടിയെടുത്തത് ഏഴ് കോർണർ കിക്കുകളാണ്. ഗോവയുടെ സ്പാനിഷ് താരങ്ങളായ കോറോയും ലാൻസറോട്ടെയുമാണ് ചെന്നൈ പ്രതിരോധത്തെ തുടർച്ചയായി സമ്മർദത്തിലാക്കിയത്. ശനിയാഴ്ച ബംഗളൂരുവിൽ നടക്കുന്ന കലാശപ്പോരാട്ടത്തിൽ ബംഗളൂരു എഫ്സിയാണ് ചെന്നൈയിന്റെ…
Read Moreബംഗളൂരു x ചെന്നൈയിൻ ഫൈനൽ ശനിയാഴ്ച
ചെന്നൈ: കാത്തിരിപ്പുകൾക്കു വിരാമം. ഐഎസ്എൽ ഫൈനൽ ചിത്രം തെളിഞ്ഞു. ഫൈനലിൽ ബംഗളൂരു എഫ്സിയും ചെന്നൈയിൻ എഫ്സിയും ഏറ്റുമുട്ടും. ശനിയാഴ്ച ബംഗളൂരുവിലാണ് കിരീടപോരാട്ടം. ചെന്നൈയിലെ മറീന അരീനയിൽ ഇന്നലെ നടന്ന രണ്ടാം പാദ സെമിയിൽ 3-0ന് എഫ്സി ഗോവയെ കീഴടക്കിയാണ് ചെന്നൈയിൻ ഫൈനൽബർത്ത് ഉറപ്പിച്ചത്. ഗോവയിൽ നടന്ന ആദ്യപാദ മത്സരത്തിൽ ഇരു ടീമുകളും ഓരോ ഗോളടിച്ച് പിരിഞ്ഞതിനാൽ ചെന്നൈയിന്റെ ജയം ഇരുപാദങ്ങളിലുമായി 4-1 ആണ്. ജെജെയുടെ ഇരട്ടഗോളാണ് രണ്ടാം പാദത്തിൽ ചെന്നൈയിന് ഏകപക്ഷീയ ജയം ഒരുക്കിയത്. 26, 90 മിനിറ്റുകളിലായിരുന്നു ജെജെയുടെ ഗോൾ. ധനപാൽ ഗണേഷും (29-ാം മിനിറ്റ്) ചെന്നൈയിനായി ലക്ഷ്യംകണ്ടു. ഐഎസ്എലിൽ ഇതു രണ്ടാം തവണയാണ് ചെന്നൈയിൻ എഫ്സി ഫൈനലിൽ പ്രവേശിക്കുന്നത്. 2015ൽ നടന്ന ഫൈനലിൽ എഫ്സി ഗോവയെ രണ്ടിനെതിരേ മൂന്നു ഗോളുകൾക്ക് തോൽപ്പിച്ച് ചെന്നൈയിൻ കിരീടം നേടിയിരുന്നു. ആദ്യപാദത്തിൽ ഗോവയിൽ ഗോളടിച്ചതിന്റെ മുൻതൂക്കം ചെന്നൈയിന് ഉണ്ടായിരുന്നെങ്കിലും…
Read Moreബാഡ്മിന്റണിൽ ഇന്നുമുതൽ പുതിയ നിയമം
ലണ്ടൻ: ലോക ബാഡ്മിന്റണിന് ഇന്നു മുതൽ പുതിയ നിയമം. ഇന്ന് ആരംഭിക്കുന്ന ഓൾ ഇംഗ്ലണ്ട് ബാഡ്മിന്റൺ ചാന്പ്യൻഷിപ്പ് മുതലാണ് പുതിയ നിയമം പ്രാബല്യത്തിൽവരിക. സർവീസിന്റെ കാര്യത്തിലാണ് നിയമം പൊളിച്ചെഴുതുന്നത്. സർവീസ് ചെയ്യുന്പോൾ ഷട്ടിൽ, കോർട്ടിന്റെ പ്രതലത്തിൽനിന്ന് 1.15 മീറ്റർ (3.8 ഫീറ്റ്) ഉയരം വരെയേ പാടുള്ളൂ എന്നതാണ് പുതിയ നിയമം. എത്ര ഉയരമുള്ള കളിക്കാർ ആണെങ്കിലും ഷട്ടിൽ 1.15 മീറ്റർ ഉയരത്തിൽ കൂടുതൽ വച്ച് സർവീസ് ചെയ്യാൻ പാടില്ല. ഇതു നിർണയിക്കാൻ അന്പയർമാർക്ക് കൃത്യമായ മാനദണ്ഡവുമുണ്ട്. സർവ് ചെയ്യുന്പോൾ ഷട്ടിൽ കളിക്കാരുടെ അരക്കെട്ടിനു താഴെ ആയിരിക്കണമെന്ന നിയമമാണ് പുതിയ നിയമത്തിനു വഴിമാറുന്നത്. പഴയ നിയമത്തിൽ കളിക്കാരുടെ ഉയരത്തിനനുസരിച്ച് സർവിൽ ഷട്ടിൽ ഉപയോഗിക്കുന്ന ഉയരവും വ്യത്യസ്തപ്പെട്ടിരുന്നു. സർവീസിന് ഏകീകൃത മാനദണ്ഡം കൊണ്ടുവരാനാണ് രാജ്യാന്തര ബാഡ്മിന്റണ് ഫെഡറേഷന്റെ തീരുമാനം. പുതിയ നിയമത്തിനെതിരേ കളിക്കാരും താരങ്ങളും രംഗത്തെത്തിയിട്ടുണ്ട്. ഉയരമുള്ള കളിക്കാർക്ക് ഇതു…
Read More