ന്യൂഡല്ഹി: കോമണ്വെല്ത്ത് ഗെയിംസിനുള്ള 18 അംഗ ഇന്ത്യന് ഹോക്കി ടീമിനെ പ്രഖ്യാപിച്ചു. മിഡ് ഫീല്ഡര് മന്പ്രീത് സിംഗാണ് നായകൻ. മലയാളിയായ ഗോള്കീപ്പര് പി.ആര്. ശ്രീജേഷ് ടീമിൽ തിരിച്ചെത്തി. പരിക്കേറ്റ് വിശ്രമത്തിലായിരുന്ന ശ്രീജേഷിനെ ഒന്നാം നമ്പര് ഗോള് കീപ്പറായിട്ടാണ് ടീമില് ഉള്പ്പെടുത്തിയിരിക്കുന്നത്. മലേഷ്യയിൽ നടന്ന അസ്ലൻഷാ കപ്പ് ഹോക്കിയിൽ ശ്രീജേഷ് ടീമിൽ ഇല്ലായിരുന്നു. മുന് നായകനും മിഡ് ഫീല്ഡറുമായ സര്ദാര് സിംഗിനെയും രമൺദീപ് സിംഗിനെയും ഒഴിവാക്കി. പ്രതിരോധനിര താരം ചിംഗ്ലെന്സന സിംഗാണ് വൈസ്ക്യാപ്റ്റൻ. മന്ദീപ് സിംഗ്, ലളിത് കുമാര് ഉപാധ്യ, ആകാശ് ദീപ് സിംഗ്, എസ്.വി. സുനില്, ഗുര്ജന് സിംഗ്, ദില്പ്രീത് സിംഗ് എന്നിവരാണ് മുന്നേറ്റനിരയിലെ താരങ്ങള്. സുമിത്, വിവേക് സാഗര് പ്രസാദ് എന്നിവർ മധ്യനിരയിലും രൂപീന്ദര്പാല് സിംഗ്, ഹര്മന്പ്രീത് സിംഗ്, വരുണ് കുമാര്, കോതാജിത് സിംഗ്, ഗുരീന്ദര് സിംഗ്, അമിത് രോഹിദാസ് എന്നിവര് പ്രതിരോധനിരയിലും സ്ഥാനമുറപ്പിച്ചു. ശ്രീജേഷിനു…
Read MoreCategory: Sports
മേരികോമിന്റെ അക്കാദമി മോദി ഉദ്ഘാടനം ചെയ്യും
ന്യൂഡൽഹി: ഇന്ത്യൻ വനിതാ ബോക്സിംഗിന്റെ മുഖമായ മേരികോമിന്റെ അക്കാദമി പ്രധാനമന്ത്രി നരേന്ദ്ര മോദി വെള്ളിയാഴ്ച ഉദ്ഘാടനം ചെയ്യും. ഇംഫാലിലാണ് കോമിന്റെ അക്കാദമി. ഒളിന്പിക് മെഡൽ ജേതാക്കളായ ബോക്സിംഗ്താരം വിജേന്ദർ സിംഗും ഗുസ്തി താരം സുശീൽ കുമാറും ചടങ്ങിൽ സംബന്ധിക്കും. ഇംഫാലിൽനിന്ന് പത്ത് കിലോമീറ്റർ അകലെയായി 3.3 ഏക്കറിലാണ് അക്കാദമി സ്ഥിതി ചെയ്യുന്നത്. 2013ൽ മണിപ്പുർ സർക്കാരാണ് അക്കാദമിക്കായി സ്ഥലം അനുവദിച്ചത്. നിലവിൽ 20 പെണ്കുട്ടികൾ അടക്കം 45 യുവ ബോക്സർമാരാണ് അക്കാദമിയിൽ മേരികോമിന്റെ ശിക്ഷണത്തിലുള്ളത്.
Read Moreലങ്ക കടന്ന് ഇന്ത്യ
കൊളംബോ: മഴമൂലം ഓവർ വെട്ടിക്കുറച്ച മത്സരത്തിൽ ശ്രീലങ്കയ്ക്കെതിരെ ഇന്ത്യക്ക് ആറു വിക്കറ്റ് വിജയം. ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ശ്രീലങ്ക നിശ്ചിത 19 ഓവറിൽ ഒന്പതു വിക്കറ്റ് നഷ്ടത്തിൽ 152 റണ്സെടുത്തു. ലങ്ക മുന്നോട്ടുവച്ച ലക്ഷ്യം ഇന്ത്യ 17.3 ഓവറിൽ നാല് വിക്കറ്റ് നഷ്ടത്തിൽ മറികടന്നു. ഇന്ത്യക്കായി ദിനേഷ് കാർത്തികും (25 പന്തിൽ 39 റണ്സ്) മനീഷ് പാണ്ഡെയും (31 പന്തിൽ 42 റണ്സ്) പുറത്താകാതെ നിന്നു. നിദാഹാസ് ത്രിരാഷ്ട്ര ട്വന്റി-20യിലെ ഇന്ത്യയുടെ രണ്ടാം ജയമാണിത്. തുടർച്ചയായ രണ്ടാം മത്സരത്തിലും അർധസെഞ്ചുറി നേടിയ ഓപ്പണർ കുശാൽ മെൻഡിസാണ് ആതിഥേയരുടെ ടോപ് സ്കോറർ. 38 പന്തിൽ മൂന്നു വീതം ബൗണ്ടറിയും സിക്സും ഉൾപ്പെടെ മെൻഡിസ് 55 റണ്സെടുത്തു. ഓപ്പണർമാരായ ഗുണതിലകയും മെൻഡിസും ചേർന്ന് ലങ്കയ്ക്കു ഭേദപ്പെട്ട തുടക്കമാണ് നൽകിയത്. സ്കോർ 25ൽ നിൽക്കെ ഗുണതിലകയെ മടക്കി ഠാക്കൂർ ഇന്ത്യക്ക്…
Read Moreബെൻ സ്റ്റോക്സ് ലോഡ്സ് ടെസ്റ്റിൽ ഉണ്ടാകില്ല
മദ്യപിച്ചശേഷം കഴിഞ്ഞ സെപ്റ്റംബറിൽ ബ്രിസ്റ്റളിലെ നിശാക്ലബ്ബിന് പുറത്ത് യുവാവിനെ കൈയേറ്റം ചെയ്ത കേസിന്റെ വിസ്താരം ഉള്ളതിനാൽ ഇന്ത്യക്കെതിരായ ലോഡ്സ് ടെസ്റ്റിൽ ഇംഗ്ലണ്ടിന്റെ ഓൾറൗണ്ടർ ബെൻ സ്റ്റോക്സ് കളിക്കാനിടയില്ല. ഓഗസ്റ്റ് ആറിനാണ് വിസ്താരം ആരംഭിക്കുക. വിസ്താരം ഏഴ് ദിവസമെങ്കിലും നീളുമെന്നതിനാലാണ് സ്റ്റോക്സ് ലോഡ്സ് ക്രിക്കറ്റ് ടെസ്റ്റിൽ ഉണ്ടാകാനിടയില്ലാത്തത്. ലോഡ്സിൽ നടക്കുന്ന ഇന്ത്യ-ഇംഗ്ലണ്ട് രണ്ടാം ക്രിക്കറ്റ് ടെസ്റ്റ് ഓഗസ്റ്റ് ഒന്പതിനാണ് ആരംഭിക്കുക. നിശാക്ലബ്ബിനു പുറത്തെ സംഘർഷത്തെത്തുടർന്ന് അറസ്റ്റിലായ സ്റ്റോക്സിനെ ഓസ്ട്രേലിയയ്ക്കെതിരേയുള്ള ആഷസ് പരന്പരയിലും ഏകദിന പരന്പരയിലും അതിനുശേഷം നടന്ന ത്രിരാഷ് ട്ര ട്വന്റി-20 പരന്പരയിലും ഉൾപ്പെടുത്തിയിരുന്നില്ല. എന്നാൽ, ന്യൂസിലൻഡിനെതിരേയുള്ള പരന്പരയിൽ തിരിച്ചുവിളിച്ചിരുന്നു. ന്യൂസിലൻഡ് പര്യടനത്തിലുള്ള സ്റ്റോക്സ് കഴിഞ്ഞ ദിവസം വീഡിയോ കോണ്ഫറൻസിലൂടെ കോടതിമുന്പാകെ മൊഴി നല്കി. അടുത്ത വിസ്താരത്തിൽ നേരിട്ട് ഹാജരാകാൻ കോടതി ആവശ്യപ്പെട്ടു.
Read Moreലോകകപ്പിൽ വിഎആർ ഉണ്ടാകുമോ!
റഷ്യൻ ലോകകപ്പിൽ വീഡിയോ അസിസ്റ്റന്റ് റഫറി (വിഎആർ) സിസ്റ്റം ഉണ്ടാകുമോ എന്നതാണ് ഫുട്ബോൾ ലോകത്തെ ഇപ്പോഴത്തെ ചർച്ചയും ആശങ്കയും. വിഎആർ ലോകകപ്പിൽ ഉണ്ടെങ്കിൽ കളിയുടെ സൗന്ദര്യവും ഒഴുക്കും നഷ്ടപ്പെടുമെന്നും ഇല്ലെന്നുമുള്ള വാദപ്രതിവാദങ്ങൾ ഉണ്ട്. വിഎആർ അനുവദിച്ചാൽ കളിയിൽ ഓഫ് സൈഡ്, ഗോൾ, ഫൗൾ തുടങ്ങിയവയ്ക്കെല്ലാം റഫറിക്ക് വീഡിയോ റീപ്ലേയുടെ സഹായംതേടി തീരുമാനമെടുക്കാം. ക്രിക്കറ്റിൽ തേർഡ് അന്പയറുടെ സഹായത്തോടെ അന്പയർ തീരുമാനമെടുക്കുന്നതിനു സമാനമെന്നു ചുരുക്കം. ഫിഫ പ്രസിഡന്റ് ഗിയാനി ഇൻഫാന്റിനോ അടക്കമുള്ളവർ വിഎആറിനെ അനുകൂലിക്കുന്നുണ്ട്. ഇന്റർനാഷണൽ ഫുട്ബോൾ അസോസിയേഷൻ ബോർഡിന്റെ സൂറിച്ചിൽ നടന്ന യോഗത്തിൽ വിഎആർ ലോകകപ്പിൽ ഉപയോഗിക്കാമെന്ന് തീരുമാനമെടുത്തിട്ടുണ്ട്. കഴിഞ്ഞ ലോകകപ്പിൽ ഗോൾ ലൈൻ ടെക്നോളജി ഉപയോഗിച്ചതുപോലെ ഇത്തവണ വിഎആർ നടപ്പാക്കാമെന്നാണ് ഇൻഫാന്റിനോയുടെ നിലപാട്. വിഎആർ ഉപയോഗിക്കുന്നതു സംബന്ധിച്ച് വെള്ളിയാഴ്ച കൊളംബിയൻ തലസ്ഥാനമായ ബൊഗോട്ടയിൽ നടക്കുന്ന ഫിഫ കൗണ്സിലിൽ മാത്രമേ അന്തിമ തീരുമാനം ഉണ്ടാകൂ. എഫ്എ കപ്പ്…
Read Moreമടങ്ങിവരവിലൊരു കിരീടം..! ഇനി ചേച്ചിയാണ് തടസം
കാലിഫോർണിയ: അമ്മയായ ശേഷമുള്ള ആദ്യ ടൂർണമെന്റിൽതന്നെ കിരീടം ലക്ഷ്യമിടുന്ന സെറീന വില്യംസിനു സഹോദരിയുടെ വെല്ലുവിളി. ബിഎൻപി പാരിബാസ് (ഇന്ത്യൻ വെൽസ്) ഓപ്പൺ മൂന്നാം റൗണ്ടിൽ സെറീനയെ ചേച്ചി വീനസ് വില്യംസ് നേരിടും. പതിനാലുമാസത്തെ ഇടവേളയ്ക്കു ശേഷം കോർട്ടിൽ തിരിച്ചെത്തിയ സെറീന രണ്ടാം റൗണ്ടിലും അനായാസ ജയമാണ് സ്വന്തമാക്കിയത്. ഡച്ച് താരം കികി ബെർട്ടെൻസിനെയാണ് സെറീന പരാജയപ്പെടുത്തിയത്. നേരിട്ടുള്ള സെറ്റുകൾക്കായിരുന്നു സെറീനയുടെ വിജയം. സ്കോർ: 7-6 (7-5), 7-5. 2017 ഓസ്ട്രേലിയൻ ഓപ്പണിലായരുന്നു സഹോദരങ്ങൾ അവസാനമായി ഏറ്റുമുട്ടിയത്. ചേച്ചിയെ പരാജയപ്പെടുത്തി കിരീടം സ്വന്തമാക്കിയ സെറീന പിന്നീട് കുഞ്ഞിനു ജന്മം നൽകാനായി കോർട്ടിൽനിന്നും നീണ്ട ഇടവേളയെടുക്കുകയായിരുന്നു. വീനസ് രണ്ടാം റൗണ്ടിൽ റൊമാനിയയുടെ കിർസ്റ്റ്യയെ ആണ് പരാജയപ്പെടുത്തിയത്. നേരിട്ടുള്ള സെറ്റുകൾക്കായിരുന്നു വീനസും എതിരാളിയെ വീഴ്ത്തിയത്. സ്കോർ: 6-3, 6-4.
Read Moreദിനേഷ് ചൻഡിമലിനു സസ്പെൻഷൻ
കൊളംബോ: ശ്രീലങ്കൻ ട്വന്റി-20 ക്യാപ്റ്റൻ ദിനേഷ് ചൻഡിമലിന് കുറഞ്ഞ ഓവർ റേറ്റിന്റെ പേരിൽ രണ്ട് മത്സരത്തിൽനിന്ന് വിലക്ക്. നിദാഹാസ് ട്രോഫി ട്വന്റി-20യിൽ ഇന്ന് ഇന്ത്യക്കെതിരേ നടക്കുന്ന നിർണായക മത്സരത്തിൽ ചൻഡിമലിനു കളിക്കാൻ സാധിക്കില്ല. ബംഗ്ലാദേശിനെതിരേയ മത്സരത്തിലാണ് കുറഞ്ഞ ഓവർ നിരക്ക് സംഭവിച്ചത്. നിശ്ചയിച്ച സമയത്തിൽ നാല് ഓവർ കുറഞ്ഞാണ് ശ്രീലങ്ക പന്തെറിഞ്ഞിരുന്നത്. 16-ാം തീയതി ബംഗ്ലാദേശിനെതിരേ നടക്കുന്ന അടുത്ത മത്സരത്തിലും ചൻഡിമലിനു പുറത്തിരിക്കേണ്ടിവരും. കുറഞ്ഞ ഓവർ റേറ്റിന് കളിക്കാർക്ക് ആദ്യ രണ്ട് ഓവറിന് മത്സരപ്രതിഫലത്തിന്റെ പത്ത് ശതമാനം പിഴയും തുടർന്നുള്ള ഓരോ ഓവറിനും 20 ശതമാനം വീതവുമാണ് പിഴ. ടീം ക്യാപ്റ്റന് രണ്ട് സസ്പെൻഷൻ പോയിന്റും ലഭിക്കും. രണ്ട് സസ്പെൻഷൻ പോയിന്റ് ലഭിച്ചാൽ ഒരു ടെസ്റ്റ് അല്ലെങ്കിൽ രണ്ട് ഏകദിനം അതുമല്ലെങ്കിൽ രണ്ട് ട്വന്റി-20യോ പുറത്തിരിക്കേണ്ടിവരും. ഇപ്പോൾ ട്വന്റി-20 നടക്കുന്നതിനാലാണ് അടുത്ത മത്സരങ്ങളിൽ പുറത്തിരിക്കേണ്ടിവന്നത്.
Read Moreസുനിൽ ഠേ..! ത്രീ.. പൂനയെ വീഴ്ത്തി ബംഗളൂരു ഫൈനലിൽ
ബംഗളൂരു: സൂപ്പർ താരം സുനിൽ ഛേത്രിയുടെ ഹാട്രിക് ഗോളിൽ ബംഗളൂരു എഫ്സി ഐഎസ്എലിലെ ആദ്യ ഫൈനലിസ്റ്റുകളായി. രണ്ടാം പാദ സെമിയിൽ ഒന്നിനെതിരെ മൂന്നു ഗോളുകൾക്ക് എഫ്സി പൂന സിറ്റിയെ പരാജയപ്പെടുത്തിയാണ് ഐഎസ്എലിലെ പുതുമുഖക്കാരായ ബംഗളൂരു കലാശപ്പോരിന് അർഹരായത്. പൂനയുടെ ആശ്വാസ ഗോൾ ജൊനാഥൻ ലൂക്ക നേടി. ആദ്യപാദത്തിൽ ഗോള് രഹിത സമനിലയില് പിരിഞ്ഞ ബംഗളൂരു സ്വന്തം തട്ടകത്തിൽ വിശ്വരൂപം പുറത്തെടുക്കുകയായിരുന്നു. കളിയുടെ ആദ്യ 15 മിനിറ്റിൽ തന്നെ ഛേത്രിയിലൂടെ ബംഗളൂരു മുന്നിലെത്തി. ഛേത്രിയുടെ ദുർബലമായൊരു ഹെഡ്ഡർ പൂനയുടെ വലയിൽ വീഴുകയായിരുന്നു. പൂന ഗോളിയും പ്രതിരോധനിരക്കാരും തമ്മിലുള്ള ആശയക്കുഴപ്പമാണ് ഗോളുവീഴാൻ കാരണമായത്. ഒന്നാം പകുതിയിൽ ഒരു ഗോൾ ലീഡുമായി അവസാനിപ്പിച്ച ബംഗളൂരു രണ്ടാം പകുതിയിൽ പൂനയുടെ പ്രതീക്ഷകളെ തല്ലിക്കെടുത്തി. 65 ാം മിനിറ്റിൽ ഗോൾ വരയ്ക്കടുത്ത് ഛേത്രിയെ ഫൗൾ ചെയ്തു വീഴ്ത്തിയതിന് പൂനയ്ക്കെതിരായി റഫരി പെനാൽറ്റി വിധിച്ചു. പെനാൽറ്റി…
Read Moreഷൂട്ടിംഗ് ലോകകപ്പ്: ഇന്ത്യക്കു ചരിത്ര കിരീടം
മെക്സിക്കോ സിറ്റി: ഐഎസ്എസ്എഫ് ഷൂട്ടിംഗ് ലോകകപ്പിൽ ഇന്ത്യക്കു ചരിത്ര നേട്ടം. നാലു സ്വർണവും ഒരു വെള്ളിയും നാലു വെങ്കലവുമായി ഇന്ത്യ ലോകകപ്പ് ചാന്പ്യന്മാരായി. പുരുഷന്മാരുടെ സ്കീറ്റ് ഫൈനൽ ശേഷിക്കേയാണ് ഇന്ത്യ ലോകകപ്പിൽ ഒന്നാം സ്ഥാനം ഉറപ്പിച്ചത്. ഇന്റർനാഷണൽ ഷൂട്ടിംഗ് സ്പോർട്സ് ഫെഡറേഷൻ (ഐഎസ്എസ്എഫ്) ലോകകപ്പിൽ ആദ്യമായാണ് ഇന്ത്യ ഒന്നാം സ്ഥാനത്തെത്തുന്നത്. പുരുഷന്മാരുടെ 50 മീറ്റർ റൈഫിളിൽ ഇന്ത്യയുടെ അഖിൽ ഷെറോണിന്റെ സ്വർണത്തോടെയാണ് ഇന്ത്യ ലോകകപ്പിൽ നാലാം സ്വർണം നേടിയത്. രണ്ടു സ്വർണവും രണ്ടു വെള്ളിയും ഒരു വെങ്കലവുമുള്ള ചൈനയാണ് രണ്ടാം സ്ഥാനത്ത്. ഇന്ത്യ നേടിയ നാലു സ്വർണത്തിൽ രണ്ടെണ്ണം പതിനാറുകാരി മനു ഭാകറുടേതാണ്. വനിതകളുടെ 10 മീറ്റർ പിസ്റ്റളിലും 10 മീറ്റർ പിസ്റ്റൾ മിക്സഡ് ടീം ഇനത്തിലുമാണ് മനു സ്വർണം നേടിയത്. അതേസമയം, വനിതകളുടെ 25 മീറ്റർ പിസ്റ്റൾ ഫൈനലിൽ മനുവിനു അഞ്ചാം സ്ഥാനത്തെത്താനേ സാധിച്ചുള്ളൂ.…
Read Moreവിരാട് കോഹ്ലി യൂബറിന്റെ ബ്രാൻഡ് അംബാസഡർ
ന്യൂഡൽഹി: ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്ലി ഓൺലൈൻ ടാക്സി സേവനദാതാക്കളായ യൂബറിന്റെ ബ്രാൻഡ് അംബാസഡർ ആവും. എന്നാൽ കോഹ്ലിയുമായുള്ള കരാറിന്റെ വിശദാംശങ്ങൾ വെളിപ്പെടുത്താൻ യൂബർ തയാറായില്ല. ഏഷ്യ പസഫിക് റീജണിൽ ഇതാദ്യമായാണ് യൂബർ ഒരു ബ്രാൻഡ് അംബാസഡറെ നിയമിക്കുന്നത്. പ്രധാന എതിരാളിയായ ഒല സൃഷ്ടിക്കുന്ന വെല്ലുവിളി തടയിടുകയാണ് ബ്രാൻഡ് അംബാസഡറെ നിയമിക്കുന്നതിലൂടെ യൂബർ ലക്ഷ്യമിടുന്നത്. കഴിഞ്ഞ മാസം ഈജിപ്ത് മാർക്കറ്റിന് വേണ്ടി ഫുട്ബോൾ താരം മുഹമ്മദ് സലായെ ബ്രാൻഡ് അംബാസഡറായി യൂബർ നിയമിച്ചിരുന്നു.
Read More