സെഞ്ചൂറിയൻ: എന്റെ സ്വപ്നം പൂവണിഞ്ഞു: പറയുന്നത് മറ്റാരുമല്ല, ഇന്ത്യക്കെതിരായ രണ്ടാം ട്വന്റി-20യിൽ ദക്ഷിണാഫ്രിക്കയുടെ വിജയനായകൻ ഹെയ്റിച്ച് ക്ലാസൻ. ടീമിനെ ജയത്തിലേക്ക് നയിക്കുക എന്നതായിരുന്നു ക്ലാസന്റെ സ്വപ്നം. അത് ഫലംകണ്ടു. ക്ലാസന്റെ വെടിക്കെട്ട് ബാറ്റിംഗ് പ്രകടനത്തിലൂടെ ദക്ഷിണാഫ്രിക്ക ആറ് വിക്കറ്റിന്റെ ജയം സ്വന്തമാക്കി. അതോടെ മൂന്ന് മത്സര പരന്പര 1-1ൽ എത്തുകയും ചെയ്തു. 30 പന്തിൽ ഏഴ് സിക്സും നാല് ഫോറും അടക്കം 69 റണ്സ് എടുത്ത ക്ലാസനായിരുന്ന മാൻ ഓഫ് ദ മാച്ച്. നാലാം ഏകദിനത്തിൽ ദക്ഷിണാഫ്രിക്ക ജയിച്ചപ്പോഴും ക്ലാസൻ ആയിരുന്നു മാൻ ഓഫ് ദ മാച്ച്. സ്ഥിരം വിക്കറ്റ് കീപ്പർ ക്വിന്റണ് ഡികോക്ക് പരിക്കേറ്റ് പുറത്തായതോടെയാണ് ക്ലാസൻ എത്തുന്നത്. ഡികോക്ക് തിരിച്ചെത്തുന്നതോടെ ടീമിൽ സ്ഥാനം നഷ്ടമാകില്ലേയെന്ന് ചോദിച്ചപ്പോൾ, ഡികോക്ക് ലോകോത്തര താരമാണെന്നും ടോപ് ഓർഡർ ബാറ്റിംഗിൽ അദ്ദേഹത്തിന്റെ സാന്നിധ്യം ടീമിന് ഒഴിച്ചുകൂടാൻ സാധിക്കാത്തതാണെന്നുമായിരുന്നു ക്ലാസന്റെ മറുപടി.…
Read MoreCategory: Sports
ടോറസ് അത്ലറ്റിക്കോ വിടാനൊരുങ്ങുന്നു
മാഡ്രിഡ്: സ്പാനിഷ് താരം ഫെർണാണ്ടോ ടോറസ് അത്ലറ്റിക്കോ മാഡ്രിഡ് വിടാനൊരുങ്ങുന്നതായി സൂചന. ഈ സീസണോടെ ടോറസിന്റെ കരാർ അവസാനിക്കും. അന്റോണിയെ ഗ്രീസ്മാനെ ടീമിൽ നിർത്താൻ ശ്രമിക്കുന്ന അത്ര ശക്തമായി ടോറസിനെ നിലനിർത്താൻ ശ്രമിക്കുമോ എന്ന് പരിശീലകൻ ഡിയേഗോ സിമയോണിയോട് ചോദിച്ചപ്പോൾ ഇല്ലെന്നായിരുന്നു മറുപടി. ടോറസ് ഈ സീസണിൽ 27 മത്സരങ്ങളിൽനിന്ന് അഞ്ച് ഗോളുകൾ നേടിയിട്ടുണ്ട്. കഴിഞ്ഞ വർഷം 45 കളികളിൽ 10 ഗോൾ നേടിയിരുന്നു. ഡിയേഗോ കോസ്റ്റയും വിറ്റോലോയും ടീമിൽ എത്തിയതോടെ ടോറസിന്റെ റോൾ അത്ലറ്റിക്കോയിൽ കുറഞ്ഞിരിക്കുകയാണ്. 2001 മുതൽ 2007വരെ അത്ലറ്റിക്കോയിലായിരുന്ന ടോറസ് തുടർന്ന് ലിവർപൂളിലും ചെൽസിയിലും എസി മിലാനിലും കളിച്ചു. 2015ലാണ് തിരിച്ച് അത്ലറ്റിക്കോയിൽ എത്തിയത്.
Read Moreകേരള ബ്ലാസ്റ്റേഴ്സ് നൂൽപ്പാലത്തിൽ
കൊച്ചി: ഭാഗ്യനിർഭാഗ്യങ്ങളുടെ നൂൽപ്പാലത്തിലൂടെ പ്ലേഓഫ് കടന്പ കടക്കാമെന്ന പ്രതീക്ഷയിൽ കേരള ബ്ലാസ്റ്റേഴ്സ് ഇന്നു ചെന്നൈയിൻ എഫ്സിക്കെതിരേ ഇറങ്ങുന്നു. സീസണിലെ അവസാന ഹോം മത്സരത്തിനിറങ്ങുന്പോൾ കലാശ പോരാട്ടത്തെക്കാൾ സമ്മർദത്തിലാണ് സന്ദേശ് ജിങ്കനും സംഘവും. ജയിച്ചാൽ കണക്കുകളിൽ വിശ്വസിച്ചു കളത്തിൽനിന്നു കയറാം, അല്ലെങ്കിൽ സ്വന്തം കാണികൾക്കു മുന്നിൽ കണ്ണീരോടെ ലീഗിന്റെ പുറത്തേക്കു പോകാം. തേസമയം, ജയിച്ചാൽ അവസാന നാലിലെ സ്ഥാനം അരക്കിട്ടുറപ്പിക്കാമെന്ന സാധ്യത യോടെയാണ് ചെന്നൈയുടെ നീലപ്പട എത്തുന്നത്. കൊച്ചിക്കു കണ്ണീർ മുൻ സീസണുകളിൽ മറ്റു ടീമുകളിൽ അസൂയ ജനിപ്പിക്കുന്ന റിക്കാർഡായിരുന്നു കേരള ബ്ലാസ്റ്റേഴ്സിനു സ്വന്തം മൈതാനത്തുണ്ടായിരുന്നത്. രണ്ടു സീസണിൽ ഫൈനൽവരെ കുതിച്ചെത്തിയിട്ടുണ്ടെങ്കിൽ അത് സ്റ്റേഡിയം നിറഞ്ഞിരുന്ന കാണികളുടെ പിന്തുണകൊണ്ടു കൂടിയാണ്. പക്ഷേ, ഈ സീസണിൽ ഉദ്ഘാടനമത്സരം മുതൽ കലൂർ ജവഹർലാൽ നെഹ്റു സ്റ്റേഡിയത്തിലെ പുൽമൈതാനം ബ്ലാസ്റ്റേഴ്സിനു നഷ്ടങ്ങൾ മാത്രമാണു സമ്മാനിച്ചത്. സ്വന്തം മൈതാനത്ത് എട്ടു മത്സരങ്ങൾ പൂർത്തിയാക്കിയപ്പോൾ രണ്ടു…
Read Moreക്ലാസിക് ക്ലാസൻ, ക്യാപ്റ്റൻ ഡുമിനി; സെഞ്ചൂറിയനിൽ ഇന്ത്യ വീണു
സെഞ്ചൂറിയൻ: എം.എസ്.ധോണിയുടെയും മനീഷ് പാണ്ഡെയുടെയും തട്ടുപൊളിപ്പൻ ബാറ്റിംഗിന് ഹെന്റിച്ച് ക്ലാസൻ, നായകൻ ജെ.പി.ഡുമിനി എന്നിവരിലൂടെ ദക്ഷിണാഫ്രിക്ക മറുപടി നൽകിയപ്പോൾ ഇന്ത്യയ്ക്കെതിരായ ട്വന്റി 20 പരന്പരയിലെ രണ്ടാം മത്സരത്തിൽ ദക്ഷിണാഫ്രിക്കയ്ക്കു ജയം. ഇന്ത്യ ഉയർത്തിയ 189 റണ്സ് വിജയലക്ഷ്യം എട്ടു പന്ത് ശേഷിക്കെ നാലു വിക്കറ്റ് നഷ്ടത്തിൽ ആതിഥേയർ മറികടന്നു. 30 പന്തിൽനിന്ന് 69 റണ്സ് നേടിയ ക്ലാസന്റെ ബാറ്റിംഗാണ് മത്സരം ഇന്ത്യയുടെ കൈപ്പിടിയിൽനിന്ന് അകറ്റിയത്. ഇതോടെ പരന്പര 1-1 സമനിലയിലായി. പരന്പരയിലെ ആദ്യ മത്സരത്തിൽ ഇന്ത്യ വിജയിച്ചിരുന്നു. ശനിയാഴ്ച കേപ്ടൗണിലാണ് പരന്പരയിലെ അവസാനത്തേതും വിജയികളെ നിർണയിക്കുന്നതുമായ മത്സരം. ടോസ് നഷ്ടപ്പെട്ടു ബാറ്റിംഗിനിറങ്ങിയ ഇന്ത്യ, മനീഷ് പാണ്ഡ(48 പന്തിൽ 79) എം.എസ് ധോണി (28 പന്തിൽ 52) എന്നിവരുടെ മികവിലാണ് 188/4 എന്ന ടോട്ടൽ പടുത്തുയർത്തിയത്. തകർച്ചയോടെയാണ് ഇന്ത്യ തുടങ്ങിയത്. രണ്ടാം ഓവറിൽ, നേരിട്ട ആദ്യ പന്തിൽ തന്നെ…
Read Moreബ്ലാസ്റ്റേഴ്സിനു വീണ്ടും ആശ്വാസം; ഗോവയ്ക്കു സമനിലക്കുരുക്ക്
പനാജി: കേരള ബ്ലാസ്റ്റേഴ്സിനു ആശ്വാസമേകി ഗോവയെ സമനിലയിൽപിടിച്ച് ഡൽഹി. പോയിന്റ് പട്ടികയിൽ അവസാനക്കാരായ ഡൽഹി പ്ലേഓഫ് കൊതിക്കുന്ന ഗോവയെ ഒരു ഗോളിനാണ് സമനിലയിൽ കുരുക്കിയത്. ഗോവയ്ക്കായി ഹ്യൂഗോ ഹോമൈസ് ഗോൾ നേടിയപ്പോൾ ഡൽഹിയുടെ സമനില ഗോൾ കാലു ഉച്ചെ നേടി. ഗോൾ രഹിതമായ ആദ്യ പകുതിക്കു ശേഷമായിരുന്നു രണ്ടു ഗോളുകളും. സമനിലയോടെ ഗോവ 21 പോയിന്റുമായി കേരളത്തിനു പിന്നിൽ ആറാം സ്ഥാനത്താണ്. എന്നാൽ കേരളത്തേക്കാൾ ഒരു മത്സരം കുറച്ചാണ് ഗോവ കളിച്ചിരിക്കുന്നത്. സമനില ഡൽഹിയെ അവസാനക്കാരെന്ന നാണക്കേടിൽനിന്നും രക്ഷിച്ചു. നോർത്ത് ഈസ്റ്റ് യുണൈറ്റഡിന്റെ മുന്നിലെത്താൻ ഇതോടെ ഡൽഹിക്ക് സാധിച്ചു.
Read Moreസന്തോഷ് ട്രോഫി ഫൈനൽ റൗണ്ട് കോൽക്കത്തയിൽ
തിരുവനന്തപുരം: ഇന്ത്യൻ കാൽപന്തുകളിയുടെ തട്ടകമായ കോൽക്കത്ത സന്തോഷ് ട്രോഫി ഫുട്ബോൾ ഫൈനൽ റൗണ്ട് മത്സരങ്ങൾക്ക് വേദിയാകും. സന്തോഷ് ട്രോഫി മത്സരങ്ങൾ നടത്താൻ ഇത്തവണ ഈസ്റ്റേണ് സോണിനായിരുന്നു ഫുട്ബോൾ ഫെഡറേഷൻ അനുമതി നല്കിയിരുന്നത്. ഇതേത്തുടർന്നാണ് ബംഗാൾ മത്സരനടത്തിപ്പ് ഏറ്റെടുക്കാൻ സന്നദ്ധത അറിയിച്ചത്. ഓൾ ഇന്ത്യ ഫുട്ബോൾ ഫെഡറേഷൻ കഴിഞ്ഞ ദിവസം കോൽക്കത്തയിൽ സന്ദർശനം നടത്തുകയും വേദി സംബന്ധിച്ചുള്ള അന്തിമ തീരുമാനം കൈക്കൊള്ളുകയുമായിരുന്നു. മാർച്ച് 19നാണ് ഫൈനൽ റൗണ്ട് മത്സരങ്ങൾ ആരംഭിക്കുന്നത്. പത്തു ടീമുകളാണ് ഫൈനൽ റൗണ്ടിൽ. ഗ്രൂപ്പ് എയിൽ കേരളം, വെസ്റ്റ് ബംഗാൾ, ചണ്ഡിഗഡ്, മണിപ്പൂർ, മഹാരാഷ്ട്ര. ഗ്രൂപ്പ് ബിയിൽ ഗോവ, മിസോറാം, ഒഡീഷ, പഞ്ചാബ്, കർണാടക. കേരളത്തിന്റെ ആദ്യ മത്സരം മാർച്ച് 23ന് ശക്തരായ മണിപ്പൂരുമായാണ്. മാർച്ച് 25 ന് മഹാരാഷ്ട്രയേയും 27 ന് വെസ്റ്റ് ബംഗാളിനേയും നേരിടും. മാർച്ച് 30 ന് സെമിഫൈനലും ഏപ്രിൽ ഒന്നിന്…
Read Moreടീമിൽ ഇടം ലഭിച്ചില്ല; പാക് മുൻ ക്രിക്കറ്റ് താരത്തിന്റെ മകൻ ജീവനൊടുക്കി
ഇസ്ലാമാബാദ്: അണ്ടർ 19 ടീമിൽ ഇടം ലഭിക്കാത്തതിനെ തുടർന്ന് പാക്കിസ്ഥാൻ മുൻ ക്രിക്കറ്റ് താരത്തിന്റെ മകൻ ജീവനൊടുക്കി. ആമീർ ഹനീഫിന്റെ മകൻ മുഹമ്മദ് സരിയാബ് ആണ് മരിച്ചത്. 1990 ൽ അഞ്ച് ഏകദിനങ്ങളിൽ പാക്കിസ്ഥാനായി കളിച്ചിട്ടുള്ള താരമാണ് ഹനീഫ്. ഒന്നാം വർഷ കോളജ് വിദ്യാർഥിയായ സരിയാബിനെ പ്രായക്കൂടുതലിനെ തുടർന്നാണ് ടീമിൽനിന്നും ഒഴിവാക്കിയത്. ഇതിൽ മനംനൊന്താണ് സരിയാബ് ജീവനൊടുക്കിയത്. ജനുവരിയിൽ കറാച്ചിയെ പ്രതിനിധീകരിച്ച് സരിയാബ് അണ്ടർ 19 ടൂർണമെന്റിൽ പങ്കെടുത്തിരുന്നു. എന്നാൽ പരിക്കിനെ തുടർന്ന് ടീമിൽനിന്നും പുറത്തായി. എന്നാൽ വീണ്ടും ടീമിലെത്താനാവുമെന്ന് സരിയാബ് പ്രതീക്ഷിച്ചിരുന്നു.
Read Moreഇന്ത്യൻ പുരുഷ-വനിതാ സംഘങ്ങളുടെ ലക്ഷ്യം പരമ്പര
സെഞ്ചൂറിയൻ: ദക്ഷിണാഫ്രിക്കയ്ക്കെതിരായ ഏകദിനത്തിനു പിന്നാലെ ട്വന്റി-20 പരന്പരയും നേടാൻ വിരാട് കോഹ്ലിയും സംഘവും ഇന്നിറങ്ങും. മൂന്നു മത്സരങ്ങളുടെ ട്വന്റി- 20 പരന്പരയിലെ രണ്ടാം മത്സരം ഇന്ന് സെഞ്ചൂറിയനിൽ. ഇന്ത്യൻ സമയം രാത്രി 9.30നാണ് മത്സരം. ആദ്യ മത്സരത്തിൽ പരാജയപ്പെട്ട ആതിഥേയർ ഇന്നു ജയിച്ച് ജീവൻ നിലനിർത്താനാണ് ഇറങ്ങുന്നത്. ആദ്യ മത്സരത്തിൽ ശിഖർ ധവാന്റെ നേതൃത്വത്തിലുള്ള ഇന്ത്യൻ ബാറ്റിംഗ് നിര മികച്ച പ്രകടനത്തിലൂടെ മികച്ച സ്കോർ നൽകിയപ്പോൾ കൃത്യമായ ഇടവേളകളിൽ വിക്കറ്റ് വീഴ്ത്തി ബൗളർമാർ ശക്തമായ പിന്തുണ നല്കി. സമാനമായ പ്രകടനമാണ് ടീം ഇന്ത്യ സെഞ്ചൂറിയനിലും ലക്ഷ്യമിടുന്നത്. പരിക്ക് സാരമല്ലാത്തതിനാൽ കോഹ്ലി ഇന്നു കളിക്കുമെന്ന് ഇന്ത്യൻ ക്യാന്പ് അറിയിച്ചു. കഴിഞ്ഞ മത്സരത്തിന്റെ അവസാന ഘട്ടത്തിൽ ഇന്ത്യൻ നായകന്റെ അരക്കെട്ടിന് വേദന അനുഭവപ്പെട്ടിരുന്നു. പരിക്ക് ഗുരുതരമല്ലെന്ന് ടീം മാനേജ്മെന്റ് അറിയിച്ചു. സ്പിന്നിനെ പിന്തുണയ്ക്കുന്ന സെഞ്ചൂറിയനിലെ സൂപ്പർസ്പോർട്ട് പാർക്ക് പിച്ചിൽ രണ്ട്…
Read Moreകോഹ്ലിക്കു മുന്നിൽ ബ്രാഡ്മാൻ, റിച്ചാർഡ്സ് !
ഒരു വിദേശ പര്യടനത്തിൽ 1,000 റണ്സ് എന്ന അപൂർവ നേട്ടത്തിലേക്ക് എത്താൻ വിരാടിന് വേണ്ടിയത് 130 റണ്സ് കൂടി. അതിലേക്ക് ശേഷിക്കുന്നത് ഇന്നത്തേതുൾപ്പെടെ രണ്ട് ട്വന്റി-20 മത്സരങ്ങളും. വെസ്റ്റ് ഇൻഡീസിന്റെ ഇതിഹാസ താരമായ വിവിയൻ റിച്ചാർഡ്സ് മാത്രമാണ് ഒരു ഇന്റർനാഷണൽ പര്യടനത്തിൽ 1,000 റണ്സ് നേട്ടത്തിൽ എത്തിയിട്ടുള്ളത്. 1976ൽ വിൻഡീസിന്റെ ഇംഗ്ലണ്ട് പര്യടനത്തിൽ റിച്ചാർഡ്സ് 1,045 റണ്സ് നേടിയിരുന്നു. ഓസ്ട്രേലിയയുടെ ഇതിഹാസം സർ ഡൊണാൾഡ് ബ്രാഡ്മാൻ ഇംഗ്ലണ്ട് പര്യടനത്തിൽ 974 റണ്സ് നേടിയതാണ് രണ്ടാം സ്ഥാനത്തുള്ളത്. ദക്ഷിണാഫ്രിക്കൻ പര്യടനത്തിൽ നിലവിൽ കോഹ്ലി 870 റണ്സ് എടുത്തിട്ടുണ്ട്. ബ്രാഡ്മാനെയും റിച്ചാർഡ്സിനെയും കോഹ്ലി പിന്തള്ളുമോ എന്നതും ക്രിക്കറ്റ് ലോകത്തിന്റെ ആകാംക്ഷയാണ്.
Read Moreഅടിയോടടി..! ഒമ്പതു പേർക്ക് ചുവപ്പ് കാർഡ്; മത്സരം റദ്ദാക്കി
സാംപൗളോ: ഫുട്ബോൾ മൈതാനം കൂട്ടത്തല്ലിന് വഴിമാറിയപ്പോൾ അരങ്ങേറിയത് ഇതുവരെ കണ്ടിട്ടില്ലാത്ത കയ്യാങ്കളി. കളത്തിൽ അടിയോടടി… ഓടിച്ചിട്ടടി… റഫറിയും നോക്കിനിന്നില്ല, തലങ്ങുംവിലങ്ങും ചുവപ്പുകാർഡ് വീശി… ഒടുവിൽ ഒമ്പതുപേരെ ചുവപ്പ് കാർഡ് കാണിച്ച റഫറി, മത്സരം നിർത്തിവച്ചതായുള്ള ലോംഗ് വിസിൽ മുഴക്കിയശേഷമാണ് കാര്യങ്ങൾ ശാന്തമായത്. സംഭവം നടന്നത് ഫുട്ബോളിന്റെ ഈറ്റില്ലമായ ബ്രസീലിൽ. ബ്രസീൽ ഡെർബി എന്നറിയപ്പെടുന്ന വിക്ടോറിയ-ബഹിയ പോരാട്ടമാണ് വേദി. മത്സരം തീരാൻ 11 മിനിറ്റ് ബാക്കിയുള്ളപ്പോൾ ബഹിയയ്ക്ക് അനുകൂലമായി റഫറി പെനാൽറ്റി വിധിച്ചു. കിക്ക് എടുത്ത വിനീഷ്യസ് പന്ത് വലയിലെത്തിച്ച് അതുവരെ പിന്നിലായിരുന്ന ടീമിനെ 1-1ന് ഒപ്പമെത്തിച്ചു. തുടർന്ന് വിനീഷ്യസും കൂട്ടരും നടത്തിയ ഗോൾ ആഹ്ലാദ നൃത്തമാണ് കൂട്ടത്തല്ലിലേക്കും ചുവപ്പ് കാർഡ് പ്രളയത്തിലേക്കും കാര്യങ്ങൾ എത്തിച്ചത്. ആതിഥേയ കാണികളെ കളിയാക്കുന്ന തരത്തിൽ ലൈംഗിക ചുവയുള്ള ബഹിയ താരങ്ങളുടെ നൃത്തം വിക്ടോറിയ താരങ്ങൾ തടയുകയും കൈയ്യാങ്കളിയിലെത്തുകയും ചെയ്തു. വിക്ടോറിയയുടെ അഞ്ച്…
Read More