ജൊഹാന്നസ്ബർഗ്: ദക്ഷിണാഫ്രിക്കയ്ക്കെതിരേയുള്ള ആദ്യ ട്വന്റി- 20യിൽ ശിഖർ ധവാൻ, ഭുവനേശ്വർ കുമാർ എന്നിവരുടെ പ്രകടനത്തിനിടെ എം.എസ്. ധോണി ഒരു റിക്കാർഡ് സ്വന്തമാക്കി. റീസ് ഹെൻഡ്രിക്സിനെ കൈക്കുള്ളിലാക്കിയ ധോണി ഏറ്റവും കൂടുതൽ ക്യാച്ച് നേടിയ വിക്കറ്റ് കീപ്പറെന്ന റിക്കാർഡാണ് സ്വന്തമാക്കിയത്. ഭുവനേശ്വർ കുമാറിന്റെ പന്തിലായിരുന്നു ക്യാച്ച്. 275 ട്വന്റി-20 മത്സരങ്ങളിൽ മുൻ ഇന്ത്യൻ നായകന്റെ 134-ാമത്തെ ക്യാച്ചായിരുന്നു അത്. ശ്രീലങ്കൻ ഇതിഹാസം കുമാർ സംഗക്കാരയുടെ പേരിലുണ്ടായിരുന്ന 254 ട്വന്റി-20യിൽ 133 ക്യാച്ചാണ് ധോണി മറികടന്നത്. ഇന്ത്യയുടെ ദിനേശ് കാർത്തിക് (227 കളിയിൽ 123 ക്യാച്ച്), പാക്കിസ്ഥാന്റെ കമ്രാൻ അക്മൽ (211 കളിയിൽ 115 ക്യാച്ച്), വെസ്റ്റ് ഇൻഡിസീന്റെ ദിനേഷ് രാംദിൻ (168 കളിയിൽ 108 ക്യാച്ച്) എന്നിവരാണ് പിന്നിലുള്ളത്. അന്താരാഷ്ട്ര ട്വന്റി-20യിൽ ഏറ്റവും കൂടുതൽ പുറത്താക്കലുകൾ നടത്തിയതിന്റെ റിക്കാർഡും ധോണിയുടെ പേരിലാണ്. 87 കളിയിൽ 77 പുറത്താക്കലുകളാണ് മുൻ…
Read MoreCategory: Sports
ദേശീയ സീനിയർ വോളിക്കു നാളെ തുടക്കം; മുഖ്യമന്ത്രി പിണറായി വിജയൻ ഉദ്ഘാടനം ചെയ്യും
കോഴിക്കോട് : ദേശീയ സീനിയര് വോളിബോള് ചാമ്പ്യന്ഷിപ്പിന് നാളെ തുടക്കമാവും. 28 വരെയായി വി.കെ. കൃഷ്ണമേനോന് ഇന്ഡോര് സ്റ്റേഡിയത്തിലും സ്വപ്ന നഗരിയിലെ ഇന്ഡോര് സ്റ്റേഡിയത്തിലും നടക്കുന്ന ചാമ്പ്യന്ഷിപ്പ് ഇന്ന് വൈകിട്ടു നാലിന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. രാജ്യത്തെ വിവിധ സംസ്ഥാനങ്ങളില് നിന്നായി 54 ടീമുകളാണ് 66-ാമത് ദേശീയ വോളിയില് മാറ്റുരയ്ക്കുന്നത്. വിവിധ ടീമുകള് ഇന്നലെ മുതല് കോഴിക്കോട്ട് എത്തിത്തുടങ്ങി. ആന്ധ്രപ്രദേശ്, ചണ്ഡീഗഡ് ടീമുകള് ഇന്നലെ രാവിലെതന്നെ കോഴിക്കോട്ടെത്തി. വൈകിട്ട് നാലിനു സര്വീസസും, ഛത്തീസ്ഗഢ് വനിതാ – പുരുഷ ടീമും എത്തി. ടീമുകള്ക്ക് ഉജ്വല സ്വീകരണമാണു സംഘാടകര് ഒരുക്കിയത്. എം. മെഹബൂബ്, ജനറല് കണ്വീനര് നാലകത്ത് ബഷീര്, സംഘാടകസമിതി സെക്രട്ടറി സി. സത്യന്, കെ. മൊയ്തീന്കോയ, സംസ്ഥാന- ജില്ലാ വോളിബോള് അസോസിയേഷന് ഭാരവാഹികള് എന്നിവര് ചേര്ന്നായിരുന്നു ടീം അംഗങ്ങളെ സ്വീകരിച്ചത്. പുരുഷ വിഭാഗത്തില് നിലവിലെ ചാമ്പ്യന്മാരാണ്…
Read Moreട്വന്റി-20യിലും ഇന്ത്യക്ക് വിജയത്തുടക്കം
ജൊഹാന്നസ്ബർഗ്: ബാറ്റുകൊണ്ടും പന്തുകൊണ്ടും ഒന്നുപോലെ ആക്രമിച്ചു കയറിയ ഇന്ത്യക്കു മുന്നിൽ ദക്ഷിണാഫ്രിക്ക വീണ്ടും മുട്ടുമടക്കി. മൂന്ന് മത്സര ട്വന്റി-20 പരന്പരയിലെ ആദ്യ മത്സരത്തിൽ ഇന്ത്യക്ക് 28 റണ്സിന്റെ ഉജ്വല ജയം. ശിഖർ ധവാന്റെ (39 പന്തിൽ 72 റണ്സ്) ഇന്നിംഗ്സും ഭുവനേശ്വർ കുമാറിന്റെ (നാല് ഓവറിൽ 24 റണ്സിന് അഞ്ച് വിക്കറ്റ്) ബൗളിംഗും ചേർന്നതോടെ ആതിഥേയർ ചിത്രത്തിൽപോലും ഇല്ലാതായി. ഓപ്പണർ റീസ ഹെൻഡ്രിക്കസ് (50 പന്തിൽ 70) മാത്രമാണ് ദക്ഷിണാഫ്രിക്കയ്ക്കായി പൊരുതി നിന്നത്. സ്കോർ: ഇന്ത്യ 20 ഓവറിൽ അഞ്ച് വിക്കറ്റിന് 203. ദക്ഷിണാഫ്രിക്ക 20 ഓവറിൽ ഒന്പത് വിക്കറ്റിന് 175. ഭുവനേശ്വറാണ് മാൻ ഓഫ് ദ മാച്ച്. കൂറ്റനടിയുമായി ഇന്ത്യ ടോസ് നേടിയ ദക്ഷിണാഫ്രിക്ക ഫീൽഡിംഗ് തെരഞ്ഞെടുക്കുകയായിരുന്നു. വാണ്ടറേർസിൽ അവസാനം നടന്ന നാല് ട്വന്റി-20യിലും രണ്ടാമത് ബാറ്റ് ചെയ്ത ടീമാണ് ജയിച്ചത് എന്ന ചരിത്ര സ്മരണയിലാണ്…
Read Moreതോറ്റിട്ടും കിവി ഫൈനലിൽ
ഹാമിൽട്ടണ്: ത്രിരാഷ്ട്ര ട്വന്റി-20 ക്രിക്കറ്റിൽ ഇംഗ്ലണ്ടിനെതിരായ അവസാന ലീഗ് മത്സരത്തിൽ പരാജയപ്പെട്ടിട്ടും ന്യൂസിലൻഡ് ഫൈനലിൽ. രണ്ട് റണ്സിനായിരുന്നു ഇംഗ്ലണ്ടിന്റെ ജയം. നെറ്റ് റണ്റേറ്റിന്റെ അടിസ്ഥാനത്തിൽ ഇംഗ്ലണ്ടിനെ മറികടന്നാണ് കിവീസ് ഓസ്ട്രേലിയയ്ക്കെതിരായ ഫൈനലിന് യോഗ്യത സ്വന്തമാക്കിയത്. സ്കോർ: ഇംഗ്ലണ്ട് 20 ഓവറിൽ ഏഴിന് 194. ന്യൂസിലൻഡ് 20 ഓവറിൽ നാല് വിക്കറ്റ് നഷ്ടത്തിൽ 192. ന്യൂസിലൻഡ് ഓപ്പണർ കോളിൻ മണ്റോയുടെ മിന്നൽ അർധസെഞ്ചുറിയായിരുന്നു മത്സരത്തിന്റെ ഹൈലൈറ്റ്. 18 പന്തിൽ അർധശതകം പിന്നിട്ട മണ്റോ 21 പന്തിൽ 57 റണ്സ് നേടി. ഇത് മൂന്നാം തവണയാണ് 20 പന്തിൽ താഴെ നേരിട്ട് മണ്റോ അർധസെഞ്ചുറി നേട്ടം കൈവരിക്കുന്നത്. ഇംഗ്ലണ്ട് നിരയിൽ ഇയോണ് മോർഗണ് 46 പന്തിൽ 80 റണ്സ് എടുത്ത് പുറത്താകാതെനിന്ന് ടോപ് സ്കോറർ ആയി. മലാൻ 53 റണ്സ് എടുത്തു.
Read Moreതോൽവി; കാത്തിരിപ്പ് നീളും
ജൊഹാന്നസ്ബർഗ്: ദക്ഷിണാഫ്രിക്കയ്ക്കെതിരായ മൂന്നാം ട്വന്റി-20യിൽ ഇന്ത്യൻ വനിതകൾക്കു തോൽവി. ആദ്യ രണ്ടു മത്സരങ്ങളും ജയിച്ച ഇന്ത്യയെ അഞ്ച് വിക്കറ്റിനാണ് ആതിഥേയ യുവതികൾ കീഴടക്കിയത്. ഇതോടെ പരന്പര സജീവമായി നിർത്താൻ ദക്ഷിണാഫ്രിക്കയ്ക്ക് സാധിച്ചു. മൂന്നാം മത്സരത്തിലും ജയം ആവർത്തിച്ച് കിരീടം സ്വന്തമാക്കുകയായിരുന്നു ഇന്ത്യൻ സംഘത്തിന്റെ ലക്ഷ്യം. അതിലൂടെ ദക്ഷിണാഫ്രിക്കൻ പര്യടനത്തിൽ ഏകദിന പരന്പരയ്ക്കൊപ്പം ട്വന്റി-20 കിരീടവും നേടി ചരിത്രം കുറിക്കാമെന്നും നീലപ്പട ആഗ്രഹിച്ചിരുന്നു. 3.5 ഓവറിൽ 30 റണ്സിന് അഞ്ച് വിക്കറ്റ് പിഴുത ശബ്നിം ഇസ്മയിൽ ആണ് ഇന്ത്യയുടെ നട്ടെല്ലൊടിച്ചത്. കളിയിലെ കേമിയും ശബ്നിം ആണ്. സ്കോർ: ഇന്ത്യ 17.5 ഓവറിൽ 133. ദക്ഷിണാഫ്രിക്ക 19 ഓവറിൽ അഞ്ച് വിക്കറ്റ് നഷ്ടത്തിൽ 134.ടോസ് നഷ്ടപ്പെട്ട് ബാറ്റേന്തേണ്ടിവന്ന ഇന്ത്യക്ക് ഒന്നാം ഓവറിൽത്തന്നെ പ്രഹരമേറ്റു. ആദ്യ രണ്ട് മത്സരങ്ങളിലും അർധസെഞ്ചുറിനേടി ജയത്തിലേക്ക് ഇന്ത്യയെ കൈപിടിച്ച മിതാലി രാജ് പൂജ്യത്തിനു പുറത്ത്. കാപ്പിന്റെ…
Read Moreആയുസ് നീട്ടിയെടുക്കാനുള്ള പോരാട്ടത്തിൽ ബ്ലാസ്റ്റേഴ്സിന് ജയിച്ചേമതിയാകു
ഐഎസ്എല് നാലാം സീസണില് ആയുസ് നീട്ടിയെടുക്കാനുള്ള പോരാട്ടത്തിനു കേരള ബ്ലാസ്റ്റേഴ്സ് ഇന്നിറങ്ങുന്നു. പ്ലേഓഫ് പ്രവേശനത്തിന് കണക്കിലെ കളികളിലെ ഭാഗ്യം പിന്തുണയ്ക്കുമെന്ന വിശ്വാസത്തില് പോരിനിറങ്ങുന്ന മഞ്ഞപ്പടയ്ക്കു നോര്ത്ത് ഈസ്റ്റ് യുണൈറ്റഡാണ് എതിരാളികള്. വടക്കന് ടീമിന്റെ ഗുവാഹ ത്തി ഇന്ദിരാ ഗാന്ധി സ്റ്റേഡിയ ത്തിലാണ് മത്സരം. എതിരാളികളുടെ തട്ടകത്തില് നടക്കുന്ന മത്സരത്തില് വിജയത്തില് കുറഞ്ഞതൊന്നും സന്ദേശ് ജിങ്കനും സംഘവും പ്രതീക്ഷിക്കുന്നില്ല. ലീഗില്നിന്നു പുറത്തായ നോര്ത്ത് ഈസ്റ്റ് ബ്ലാസ്റ്റേഴ്സിനെ കീഴടക്കി വഴിമുടക്കികളാകാന് കോപ്പുകൂട്ടിയാണ് കാത്തിരിക്കുന്നത്. ജിങ്കന് തിരിച്ചെത്തും എഫ്സി പൂന സിറ്റിക്കെതിരായ മത്സരത്തില് സീസണിലെ നാലാം മഞ്ഞക്കാര്ഡും ലഭിച്ചു കഴിഞ്ഞ മത്സരത്തില് പുറത്തിരുന്ന നായകന് സന്ദേശ് ജിങ്കന് ഇന്നത്തെ മത്സരത്തില് തിരിച്ചെത്തും. രണ്ടു വട്ടം ലീഡ് നേടിയിട്ടും സമനില വഴങ്ങി അര്ഹിച്ച വിജയം ബ്ലാസ്റ്റേഴ്സിനു സ്വന്തമാക്കാന് സാധിക്കാതെ പോവുകയായിരുന്നു. ഗോളടിച്ചു ബെര്ബ മോശം ഫോമിന്റെയും പരിക്കിന്റെയും പേരില് ഏറെ പഴി കേട്ടിരുന്ന…
Read Moreസെഞ്ചൂറിയൻ വിരാട്, ദക്ഷിണാഫ്രിക്കയെ നിഷ്പ്രഭരാക്കി ഇന്ത്യ(5-1)
സെഞ്ചൂറിയൻ: സെഞ്ചൂറിയനിലും ടീം ഇന്ത്യ വെന്നിക്കൊടി പറിച്ചു. നായകൻ വിരാട് കോഹ്ലി വീണ്ടും വീണ്ടും സെഞ്ചുറി കുറിച്ച മത്സരത്തിൽ എട്ടു വിക്കറ്റുകൾക്കാണ് ഇന്ത്യ ദക്ഷിണാഫ്രിക്കയെ കെട്ടുകെട്ടിച്ചത്. ആതിഥേയർ ഉയർത്തിയ 205 റണ്സ് വിജയലക്ഷ്യം ഇന്ത്യ 32.1 ഓവറിൽ 107 പന്ത് ശേഷിക്കെ മറികടന്നു. സ്കോർ: ദക്ഷിണാഫ്രിക്ക- 204, ഇന്ത്യ- 206/2. ഇതോടെ ആറു മത്സര പരന്പര ഇന്ത്യ 5-1ന് സ്വന്തമാക്കി. ആദ്യമായാണ് ഇന്ത്യ ദക്ഷിണാഫ്രിക്കൻ മണ്ണിൽ ഏകദിന പരന്പര സ്വന്തമാക്കുന്നത്. വിരാട് കോഹ്ലി 96 പന്തിൽ 129 റണ്സുമായി പുറത്താകാതെനിന്നു. 81 പന്തിൽനിന്നാണു കോഹ്ലി സെഞ്ചുറി തികച്ചത്. പരന്പരയിൽ മൂന്ന്, ഏകദിനത്തിൽ 35* ഏകദിന പരന്പരയിലെ ആറാം മത്സരത്തിൽ തന്റെ മൂന്നാം സെഞ്ചുറി കുറിച്ച ഇന്ത്യൻ നായകൻ ക്രിക്കറ്റ് ഇതിഹാസം സച്ചിൻ തെണ്ടുൽക്കറിന്റെ റിക്കാർഡിനോട് ഒരുപടികൂടി അടുത്തു. കരിയറിലെ 35-ാം സെഞ്ചുറിയാണ് കോഹ്ലി സെഞ്ചൂറിയനിൽ കുറിച്ചത്. സച്ചിന്റെ…
Read Moreറോജര് ഫെഡറര് ഏറ്റവും പ്രായമേറിയ ലോക ഒന്നാം നമ്പര് താരം
റോട്ടര്ഡാം: പ്രായം തളർത്താത്ത പോരാട്ട വീര്യവുമായി ടെന്നീസിൽ ആരാധകരുടെ ആവേശമാകുന്ന സ്വിസ് താരം റോജര് ഫെഡററുടെ കിരീടത്തിൽ മറ്റൊരു പൊൻതൂവൽ കൂടി. എടിപി റാങ്കിംഗിലെ ഏറ്റവും പ്രായമേറിയ ലോക ഒന്നാം നമ്പര് ടെന്നീസ് താരമെന്ന റിക്കാർഡാണ് 36 വയസുകാരനായ ഫെഡറർ പേരിലാക്കിയത്. റോട്ടര്ഡാം ഓപ്പണ് ക്വാർട്ടർ ഫൈനലിലെ ജയത്തോടെയാണ് ഫെഡറർ ചരിത്രം കുറിച്ചത്. ക്വാർട്ടറിൽ ഫ്രാന്സിന്റെ റോബിന് ഹാസിനെ 4-6, 6-1, 6-1 എന്ന സ്കോറിന് ഫെഡറർ തോൽപ്പിച്ചു. ഇതിഹാസ താരം ആന്ദ്രേ ആഗസിയുടെ റിക്കാർഡാണ് ഫെഡറർ മറികടന്നത്. 2003ല് 33 വയസും 131 ദിവസവും പിന്നിട്ടപ്പോഴായിരുന്നു ആഗസി ടെന്നീസ് റാങ്കിംഗിൽ ഒന്നാമതെത്തിയത്. 20 തവണ ഗ്രാന്സ്ലാം സ്വന്തം പേരിലുള്ള ഫെഡററിന് ഇപ്പോൾ 36 വയസും ആറു മാസവുമാണ് പ്രായം. 2004ൽ ഫെബ്രുവരിയിലാണ് ഫെഡറര് ആദ്യമായി റാങ്കിംഗിൽ ഒന്നാമതെത്തുന്നത്. 2008 ഓഗസ്റ്റ് 17 വരെ തുടർച്ചയായി 237…
Read Moreബെല്ലിസിനെ വീഴ്ത്തി സിമോണ ഹാലെപ് ഖത്തർ ഓപ്പണ് സെമിയിൽ
ദോഹ: അമേരിക്കൻ താരം സിസി ബെല്ലിസിന്റെ അപ്രതീക്ഷിത കുതിപ്പിന് തടയിട്ട് ലോക രണ്ടാം നന്പർ സിമോണ ഹാലെപ് ഖത്തർ ഓപ്പണ് ടെന്നീസ് സെമി ഫൈനലിൽ കടന്നു. ക്വാർട്ടർ ഫൈനലിൽ ഹാലെപ്പ് ബെല്ലിസിനെ നേരിട്ടുള്ള സെറ്റുകൾക്കു പരാജയപ്പെടുത്തുകയായിരുന്നു. സ്കോർ: 6-0, 6-4. മാഡിസണ് കെയ്സ്, നിലവിലെ ജേതാവ് കരോളിന പ്ലിസ്കോവ എന്നിവരെ പരാജയപ്പെടുത്തിയാണ് ബെല്ലിസ് ക്വാർട്ടറിൽ എത്തിയത്.
Read Moreവിജയം തുടരാൻ ഇന്ത്യ
സെഞ്ചൂറിയന്: ഇന്ത്യ-ദക്ഷിണാഫ്രിക്ക ഏകദിന പരമ്പരയിലെ ആറാമത്തെയും അവസാനത്തെയും മത്സരം ഇന്ന് സെഞ്ചൂറിയനില്. ആറു മത്സരങ്ങളുടെ പരമ്പര നേടിയ വിരാട് കോഹ് ലിയുടെയും സംഘത്തിന്റെയും ലക്ഷ്യം ജയംമാത്രം. ദക്ഷിണാഫ്രിക്കയില് ഇന്ത്യയുടെ ആദ്യ ഏകദിന പരമ്പര നേട്ടമാണ് കോഹ് ലിയുടെ ടീം സ്വന്തമാക്കിയത്. പരമ്പര നേടിക്കഴിഞ്ഞ നായകന് ഇനി ടീമില് അവസരം കാത്തിരിക്കുന്നവരെ ഇന്നിറക്കാനാകും. 17 പേരുടെ സംഘത്തിലെ 12 പേരെയാണ് നായകന് കഴിഞ്ഞ അഞ്ചു കളിയില് ഇറക്കിയത്. പരമ്പര 5-1ന് നേടണമെന്നാണ് ആഗ്രഹമെന്ന് കോഹ് ലി പോര്ട്ട് എലിസബത്തിലെ അഞ്ചാം ഏകദിനത്തിനുശേഷം പറഞ്ഞിരുന്നു. അതുകൊണ്ട് വിജയം തുടരുന്ന ടീമിനെ ഇന്നിറക്കിയാലും അതില് അദ്ഭുതപ്പെടാനില്ല. ഞങ്ങള്ക്ക് പരമ്പര 5-1ന് ജയിക്കണം, പക്ഷേ മറ്റ് കളിക്കാര്ക്ക് അവസരം കൊടുക്കാനുമുള്ള സാഹചര്യമുണ്ടെന്ന് പോര്ട്ട് എലിസബത്തിലെ വിജയത്തിനുശേഷം കോഹ്ലി പറഞ്ഞിരുന്നു. ടെസ്റ്റ് പരമ്പരയിലെ അവസാന മത്സരത്തില് നേടിയ ജയമാണ് കോഹ്ലിയെയും സംഘത്തെയും ഏകദിനത്തിലേക്ക് ആത്മവിശ്വാസത്തോടെ…
Read More