മാഡ്രിഡ്: ഫുട്ബോള് മത്സരത്തിനിടെ വംശീയ അധിക്ഷേപമുണ്ടായ നിരവധി സംഭവങ്ങളുണ്ടായിട്ടുണ്ട്. പലപ്പോഴും എതിര് ടീമിലെ ആരാധകരില് നിന്നാണ് കളിക്കാര് വര്ണവെറിക്ക് ഇരയായിട്ടുള്ളത്. എന്നാല്, ഇവിടെ പരിധി ലംഘിച്ചുകൊണ്ട് ഒരു ടീമിലെ താരത്തിനെതിരേ മറ്റൊരു ടീമിലെ താരം തന്നെയാണ് വംശീയാധിക്ഷേപവുമായി രംഗത്തെത്തിയത്. ലാ ലിഗയില് ബാഴ്സലോണയും എസ്പാനിയോളും തമ്മിലുള്ള മത്സരത്തിനിടെയായിരുന്നു സംഭവം. എസ്പാനിയോളിന്റെ സെര്ജിയോ ഗാര്സി ബാഴ്സലോണ താരം സാമുവല് ഉംറ്റിറ്റിയെയാണ് ഗ്രൗണ്ടില് അപമാനിച്ചത്. ഗാര്സിയുടെ പരാമര്ശത്തില് പ്രകോപിതനായ ഫ്രഞ്ച് താരം ഉംറ്റിറ്റി എസ്പാനിയോള് താരവുമായി കൈയാങ്കളിയില് ഏര്പ്പെട്ടു. ഒടുവില് ബാഴ്സയുടെ മറ്റൊരു പ്രതിരോധ താരമായ ജെറാര്ഡ് പിക്വെ ഇടപെട്ട് രംഗം ശാന്തമാക്കുകയായിരുന്നു. എന്നാല്, വിഷയത്തെ യുവേഫയും സ്പാനിഷ് ലാ ലിഗ അധികൃതരും ഗൗരവമായാണ് കാണുന്നത്. മത്സരശേഷം ഗാര്സി ബാഴ്സയുടെ ഡ്രെസിംഗ് റൂമിലെത്തി ഉംറ്റിറ്റിയോട് മാപ്പ് പറഞ്ഞു തത്കാലം തടിതപ്പിയതായാണ് വിവരം.
Read MoreCategory: Sports
സിഫ്നിയോസ് ഇന്ത്യ വിട്ടു
പനാജി: കളിക്കളത്തിലെ കള്ളത്തരത്തിന് കേരള ബ്ലാസ്റ്റേഴ്സിന്റെ മുന് താരം മാര്ക് സിഫ്നിയോസിന് തിരിച്ചടി. പരിക്കാണെന്ന നുണ പറഞ്ഞ് എഫ്സി ഗോവയിലേക്കു കൂടുമാറാന് ശ്രമിച്ച സിഫ്നിയോസിന് കേരള ബ്ലാസ്റ്റേഴ്സ് തന്നെയാണ് പണികൊടുത്തത്്. താരം അനധികൃതമായാണ് ഇന്ത്യയില് തുടരുന്നതെന്ന് കാണിച്ച ബ്ലാസ്റ്റേഴ്സ് മാനേജ്മെന്റ് വിദേശ താരങ്ങളെ രജിസ്റ്റര് ചെയ്യുന്ന ഫോറിന് റീജണല് രജിസ്ട്രേഷന് ഓഫീസില് പരാതി നല്കി. പ്രശ്നം സങ്കീര്ണമായതോടെ താരം ഇന്ത്യ വിട്ടുവെന്നാണ് റിപ്പോര്ട്ടുകള്. പരിശീലകനായി ഡേവിഡ് ജയിംസ് എത്തിയതിന് ശേഷമാണ് താരം ബ്ലാസ്റ്റേഴ്സ് വിട്ടത്. ബ്ലാസ്റ്റേഴ്സിനെ ഈ സീസണില് ആദ്യം പരിശീലിപ്പിച്ചിരുന്ന റെനെ മ്യൂളന്സ്റ്റീനാണ് 20 കാരനായ താരത്തെ കൊച്ചിയിലെത്തിച്ചത്. മ്യൂളൻസ്റ്റീന്റെ ഇടപെടലിലാണ് സിഫ്നിയോസ് കൂടുമാറാൻ കാരണമെന്ന് റിപ്പോര്ട്ടുകളുമുണ്ടായിരുന്നു. കഴിഞ്ഞ ദിവസം നോര്ത്ത് ഈസ്റ്റ് യുണൈറ്റഡിനെ നേരിട്ട എഫ്സി ഗോവ നിരയില് താരത്തിന് ഇടം ലഭിച്ചിരുന്നില്ല. ഈ മത്സരത്തിനു മുന്പ് തന്നെ താരം ഇന്ത്യ…
Read Moreകൗമാര ലോകകപ്പില് ഇന്ത്യ നാലാമതും ചാമ്പ്യന്മാര്
അണ്ടര്-19 ലോകകപ്പില് ഇന്ത്യ വീണ്ടും ചാമ്പ്യന്മാരായി. ഇത് നാലാം തവണയാണ് ഇന്ത്യ കുട്ടി ക്രിക്കറ്റിലെ വിശ്വകിരീടം ഉയര്ത്തുന്നത്. ഫൈനലില് ഓസ്ട്രേലിയയെ എട്ട് വിക്കറ്റിന് തകര്ത്താണ് ഇന്ത്യയുടെ കിരീടനേട്ടം. ആദ്യം ബാറ്റ് ചെയ്ത ഓസീസ് 47.2 ഓവറില് 216 റണ്സിന് ഓള്ഔട്ടായി. ഇന്ത്യ 38.5 ഓവറില് രണ്ടു വിക്കറ്റ് മാത്രം നഷ്ടത്തില് ലക്ഷ്യം മറികടന്നു. ഇടംകൈയന് ഓപ്പണര് മന്ജോത് കല്റയുടെ തകര്പ്പന് സെഞ്ചുറിയാണ് ഇന്ത്യയ്ക്ക് അനായാസ വിജയം സമ്മാനിച്ചത്. 101 റണ്സുമായി പുറത്താകാതെ നിന്ന മന്ജോത് ഫൈനലിന്റെ താരവുമായി. 102 പന്തില് എട്ട് ഫോറും രണ്ടു സിക്സും അടങ്ങിയതായിരുന്നു മന്ജോതിന്റെ ഇന്നിംഗ്സ്. 47 റണ്സുമായി ഹാര്വിക് ദേശായിയും പുറത്താകാതെ നിന്നു. ശുബ്മാന് ഗില് (31), ക്യാപ്റ്റന് പൃഥ്വി ഷാ (29) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. നേരത്തെ ടോസ് നേടി ആദ്യ ബാറ്റ് ചെയ്ത ഓസീസിന് വേണ്ടി ജൊനാദന്…
Read Moreദക്ഷിണാഫ്രിക്കയ്ക്കു വീണ്ടും തിരിച്ചടി; നായകൻ ഡുപ്ലസിയും പുറത്ത്
സെഞ്ചൂറിയൻ: ആദ്യ ഏകദിനത്തിൽ ഇന്ത്യയോടു പരാജയപ്പെട്ട ദക്ഷിണാഫ്രിക്കൻ ടീമിനു വീണ്ടും തിരിച്ചടി. നായകൻ ഫാഫ് ഡുപ്ലസിയെ പരന്പരയിലെ ശേഷിക്കുന്ന മത്സരങ്ങളിൽനിന്ന് ഒഴിവാക്കി. കൈവിരലിനേറ്റ പരിക്കാണ് ദക്ഷിണാഫ്രിക്കൻ നായകനു തിരിച്ചടിയായത്. ട്വന്റി 20 പരന്പരയിൽനിന്നും ഡുപ്ലസിയെ ഒഴിവാക്കിയിട്ടുണ്ട്. പരന്പരയിലെ ആദ്യ ഏകദിനത്തിനിടെയാണ് നായകനു പരിക്കേറ്റത്. പരിക്ക് ഭേദമാകാൻ ആറാഴ്ച വിശ്രമം വേണ്ടിവരുമെന്നാണു റിപ്പോർട്ടുകൾ. മത്സരത്തിൽ ഡുപ്ലസി സെഞ്ചുറി നേടിയെങ്കിലും ഇന്ത്യൻ നായകൻ വിരാട് കോഹ്ലിയുടെ സെഞ്ചുറി മികവിൽ ഇന്ത്യ ലക്ഷ്യം മറികടന്നു. ഞായറാഴ്ചയാണ് പരന്പരയിലെ രണ്ടാം മത്സരം. നായകസ്ഥാനത്ത് ഡുപ്ലസിക്കു പകരക്കാരനെ ഇതേവരെ പ്രഖ്യാപിച്ചിട്ടില്ല. അതേമസയം, ഡുപ്ലസിക്കു പകരക്കാരനായി ഫർഹാൻ ബഹാർദീനെ ടീമിൽ ഉൾപ്പെടുത്തി. നേരത്തെ, മുൻ നായകൻ എ.ബി.ഡിവില്ല്യേഴ്സും പരിക്കിനെ തുടർന്ന് പരന്പരയിലെ ആദ്യ മത്സരങ്ങളിൽനിന്ന് ഒഴിവായിരുന്നു.
Read Moreഅണ്ടർ 19: നീലപ്പടയുടെ നാലാം ലോകകിരീടം 217 റൺസ് അകലെ
ക്രൈസ്റ്റ്ചർച്ച്: അണ്ടർ 19 ലോകകിരീടം കൈപ്പിടിയിലൊതുക്കാൻ ഇന്ത്യയ്ക്ക് വേണ്ടത് 217 റൺസ്. ഫൈനലിൽ ഓസീസ് ബാറ്റിംഗ് നിരയെ, തുടക്കത്തിൽ ഇന്ത്യൻ ബൗളർമാർ വരിഞ്ഞുമുറുക്കിയതാണ്. സ്കോർബോർഡിൽ 59 റൺസ് ചേർക്കുന്നതിനിടെ മൂന്ന് മുൻനിര ബാറ്റ്സ്മാൻമാരെ ഇന്ത്യൻ ബൗളർമാർ പവലിയനിലേക്ക് മടക്കി അയച്ചു. എന്നാൽ, 76 റൺസ് നേടിയ ജോനാഥൻ മെർലോയും 34 റൺസ് നേടിയ പരം ഉപ്പലും ചേർന്ന് ഓസീസ് ബാറ്റിംഗ് നിരയെ വൻ തകർച്ചയിൽ നിന്ന് കരകയറ്റുകയായിരുന്നു.
Read Moreഇന്ത്യൻ ഓപ്പണ്: സൈന പുറത്ത്
ന്യൂഡൽഹി: ഇന്ത്യ ഓപ്പണ് സൂപ്പർ 500 ബാഡ്മിന്റൺ ടൂർണമെന്റിന്റെ ക്വാർട്ടറിൽ ഇന്ത്യ താരം സൈന നെഹ്വാൾ പുറത്ത്. ലോക 11-ാം നന്പർ താരമായ അമേരിക്കയുടെ ബീവെൻ സാംഗിനോടാണ് സൈന പരാജയപ്പെട്ടത്. സ്കോർ 21-10, 21-13. കഴിഞ്ഞയാഴ്ച സൈന ഇന്തോനേഷ്യൻ മാസറ്റേഴ്സ് ഫൈനലിൽ പ്രവേശിച്ചിരുന്നു.
Read Moreനീലം കപുര് സായ് ഡയറക്ടര് ജനറല്
ന്യൂഡല്ഹി: ഇന്ത്യന് ഇന്ഫര്മേഷന് സര്വീസ് ഓഫീസര് നീലം കപുറിനെ സ്പോര്ട്സ് അഥോറിറ്റി ഓഫ് ഇന്ത്യയുടെ (സായ്) പുതിയ ഡയറക്ടര് ജനറലായി നിയമിച്ചു. ആദ്യമായാണ് ഒരു ഐഐഎസ് ഓഫീസര് സയ് തലപ്പത്തെത്തുന്നത്. സാധാരണയായി ഐഎഎസ് ഓഫീസര്മാരാണ് സായിയുടെ തലപ്പത്തെത്തുക. യുപിഎ ഭരണകാലത്ത് സര്ക്കാര് വക്താവായും ഇവര് സേവനമനുഷ്ടിച്ചിരുന്നു. 1982ലെ ഐഐഎസ് ബാച്ച് ഓഫീസര് ഇപ്പോള് ഡയറക്ടറേറ്റ് ഓഫ് ഫീല്ഡ് പബ്ലിസിറ്റി (ഡിഇപി)യുടെ പ്രിന്സിപ്പള് ഡയറക്ടര് ജനറലാണ്. 2009 യുപിഎ ഗവണ്മെന്റിന്റെ കാലത്ത് കപുര് പ്രസ് ഇന്ഫര്മേഷന് ബ്യൂറോയുടെ പ്രിന്സിപ്പള് ഡയറക്ടര് ജനറലായിരുന്നു.
Read Moreമേരി കോം, സരിതദേവി ഫൈനലില്
ന്യൂഡല്ഹി: ഇന്ത്യ ഓപ്പണ് ബോക്സിംഗില് മേരി കോമും സരിത ദേവിയും ഫൈനലില്. എന്നാല് സെമി ഫൈനലില് തോറ്റ ശിവ ഥാപ്പയ്ക്കു വെങ്കലം ലഭിക്കും. മേരി കോം (48 കിലോഗ്രാം) സെമിയില് മംഗോളിയയുടെ അറ്റ്ലാന്സെറ്റ്സെഗ് ലുറ്റസയ്ഖാനെ തോല്പിച്ചു. ഫൈനലില് മേരി കോം ഫിലിപ്പീന്സിന്റെ ജോസി ഗാബുകോയെ നേടിരും. ഗാബുകോ ഇന്ത്യയുടെ മോണിക്കയെ തോല്പ്പിച്ചാണ് ഫൈനലിലെത്തിയത്. പുരുഷന്മാരുടെ 60 കിലോഗ്രാം വിഭാഗത്തില് ശിവ ഥാപ്പയെ ഇന്ത്യയുടെതന്നെ മനീഷ് കൗശിക് പരാജപ്പെടുത്തി. ഇരുവരും പഞ്ചുകള് ഉതിര്ത്തെങ്കിലും ജഡ്ജിയുടെ തീരുമാനം കൗശിക്കിന് അനുകൂലമായിരുന്നു. പുരുഷന്മാരുടെ 49 കിലോഗ്രാം വിഭാഗത്തില് അമിത് പന്ഗാല് ഫൈനലിലെത്തി. വനിതകളുടെ 60 കിലോഗ്രാമില് എല്. സരിത ദേവി ശക്തമായ പഞ്ചുകളുമായി ഇന്ത്യയുടെ തന്നെ പ്രിയങ്കയെ തോല്പ്പിച്ചു. ഫൈനലില് സരിത ഫിന്ലന്ഡിന്റെ മിറ പോട്കോനനെ നേരിടും.
Read Moreലിവര്പൂള് ജയിച്ചു; ആഴ്സണല് തോറ്റു
ലണ്ടന്: ഇംഗ്ലീഷ് പ്രീമിയര് ലീഗില് ലിവര്പൂള് മികച്ച ജയം സ്വന്തമാക്കിയപ്പോള് ആഴ്സണല് അപ്രതീക്ഷിത തോല്വി ഏറ്റുവാങ്ങി. ലിവര്പൂള് എതിരില്ലാത്ത മൂന്നു ഗോളിന് ഹഡേഴ്സ്ഫീല്ഡ് ടൗണിനെ പരാജയപ്പെടുത്തി വിജയവഴിയില് തിരിച്ചെത്തി. ആഴ്സണല് ഒന്നിനെതിരേ മൂന്നു ഗോളിന് സ്വാന്സി സിറ്റിയോടു തോറ്റു. ജയത്തോടെ സ്വാന്സി തരംതാഴ്ത്തല് ഘട്ടത്തില്നിന്ന് പുറത്തുകടന്നു. തുടര്ച്ചയായ രണ്ടു മത്സരങ്ങളിൽ പരാജയപ്പെട്ട ലിവര്പൂള് ഹഡേഴ്സ്ഫീല്ഡില് നേടിയ ജയത്തോടെ വിജയപാതയിലേക്കു തിരിച്ചെത്തി. എമര് കാന്, റോബര്ട്ടോ ഫിര്മിനോ എന്നിവരുടെ ഗോളില് ലിവര്പൂള് ആദ്യ പകുതിയില് തന്നെ കളിയുടെ നിയന്ത്രണം സ്വന്തമാക്കി. രണ്ടാം പകുതിയില് മുഹമ്മദ് സാലഹ് പെനാല്റ്റി വലയിലാക്കി യുര്ഗന് ക്ലോപ്പിന്റെ ടീമിന് മികച്ച ജയം നല്കി. വിവിധ ടൂര്ണമെന്റിലായി കഴിഞ്ഞ എട്ടു കളിയില് ലിവര്പൂളിന്റെ ആറാം ജയമാണ്. പോയിന്റ് നിലയില് ലിവര്പൂള് 50 പോയിന്റുമായി നാലാം സ്ഥാനത്താണ്. ഹഡേഴ്സ്ഫീല്ഡിന്റെ തുടര്ച്ചയായ നാലാം പ്രീമിയര് ലീഗ് തോല്വിയാണ്. കഴിഞ്ഞ…
Read Moreഒന്നാംസ്ഥാനം ലക്ഷ്യമിട്ട് ഇന്ത്യ
ഡര്ബന്: ദക്ഷിണാഫ്രിക്കയ്ക്കെതിരേയുള്ള ടെസ്റ്റ് പരമ്പ നഷ്ടമായെങ്കിലും അവസാന ടെസ്റ്റ് മത്സരം ജയിച്ച ഇന്ത്യന് ടീം ആത്മവിശ്വാസത്തോടെ ഏകദിന പരമ്പരയ്ക്കൊരുങ്ങുകയാണ്. ഇന്ത്യ-ദക്ഷിണാഫ്രിക്ക ആറു മത്സരങ്ങളുടെ ഏകദിന പരമ്പരയിലെ ആദ്യ മത്സരം ഇന്ന് ഡര്ബനില് തുടങ്ങും. ടെസ്റ്റ് പരമ്പര പോലെ ഇന്ത്യക്ക് ഇതുവരെ ദക്ഷിണാഫ്രിക്കയില് ഏകദിന പരമ്പരയും നേടാനായിട്ടില്ല. ഇന്ത്യന് സമയം വൈകുന്നേരം 4.30ന് മത്സരം ആരംഭിക്കും. ഈ പരമ്പര നേടാനായാല് ഇന്ത്യക്ക് ഐസിസി ഏകദിന റാങ്കിംഗില് ഒന്നാം സ്ഥാനത്തെത്താനാകും. നിലവില് ദക്ഷിണാഫ്രിക്കയാണ് ഒന്നാം സ്ഥാനത്ത്. 2019ല് നടക്കുന്ന ഏകദിന ലോകകപ്പിന് 14 മാസം കൂടിയുള്ളപ്പോള് ദക്ഷിണാഫ്രിക്കയ്ക്കെതിരേയുള്ള പരമ്പര ജയത്തോടെ ഇന്ത്യ ലോകകപ്പിന് മികച്ച തയാറെടുപ്പിനുള്ള ഒരുക്കത്തിലാണ്. ഈ വര്ഷം ഇന്ത്യക്ക് വലിയ ടെസ്റ്റ് മത്സരങ്ങള്ക്കൊപ്പം ലിമിറ്റഡ് ഓവര് ക്രിക്കറ്റിലും ധാരാളം മത്സരങ്ങളുണ്ട്. ദക്ഷിണാഫ്രിക്കയില് ആറ് ഏകദിനം മൂന്നു ട്വന്റി 20യുമാണുള്ളത്. അതിനുശേഷം ശ്രീലങ്കയില് ത്രിരാഷ്ട്ര ടൂര്ണമെന്റ്. ഇംഗ്ലണ്ട്, അയര്ലന്ഡ്…
Read More