തൃശൂര്: തൃശൂര് പൂരം ട്രോളന്മാര്ക്കു പൂരക്കാലമാണ്. പൂരം നടത്തിപ്പ് സംബന്ധിച്ച ആശയക്കുഴപ്പങ്ങളും അവ്യക്തതകളും ട്രോളന്മാര് ആഘോഷമാക്കുമ്പോള് ട്രോള് തൃശൂരിന്റെ പൂരം ജോജി ട്രോള് വൈറലായി. തൃശൂര് പൂരത്തേയും തൃശൂര്ക്കാരേയും വിമര്ശിക്കുകയും ആക്ഷേപിക്കുകയും ചെയ്യുന്നവരെയാണ് ട്രോള് തൃശൂര് തങ്ങളുടെ ജോജി ട്രോളിലൂടെ കൈകാര്യം ചെയ്യുന്നത്. ഫഹദ് ഫാസിലിന്റെ പുതിയ സിനിമ ജോജിയിലെ ഏറ്റവും ഹിറ്റ് സീനുകളിലൊന്നായ ബാബുരാജിന്റെ കിടു ഡയലോഗാണ് ട്രോള് തൃശൂര് ഉപയോഗിച്ചിരിക്കുന്നത്. കിട്ടിയ ഗ്യാപ്പില് തൃശൂര് പൂരത്തേയും തൃശൂര്ക്കാരേയും കുറ്റം പറഞ്ഞുനടക്കുന്നവരെ ശ്രദ്ധയില്പെട്ടിട്ടുണ്ട് എന്നാരംഭിക്കുന്ന ഡയലോഗാണ് ട്രോളില്. അവരോട് ഒന്നേ പറയാനുള്ളൂ. ഇനി അങ്ങനെ പറഞ്ഞുനടക്കുന്നവരെ ഞങ്ങള് നിയമപരമായും കായികമായും നേരിടും എന്ന സിനിമാ ഡയലോഗ് അതുപോലെയും ഉപയോഗിച്ചിട്ടുണ്ട്. അതിപ്പോ ഫേസ്ബുക്കിലിരുന്നു കണകൊണ പറയുന്നവരായാലും ചാനലില് ഇരുന്നു താളത്തില് പറയുന്നവരായാലും ശരി എന്ന താക്കീതോടെയാണ് ട്രോള് അവസാനിക്കുന്നത്.
Read Moreകിട്ടിയ ഗ്യാപ്പില് തൃശൂര് പൂരത്തെയും, തൃശൂരുകാരേയും കുറ്റം പറഞ്ഞു നടക്കുന്നരെ ശ്രദ്ധയില് പെട്ടിട്ടുണ്ട്..! പൂരം ജോജി ട്രോള് വൈറല്
