പതിനേഴുകാരി വാടകഗര്‍ഭധാരണത്തിലൂടെ ഇരട്ടക്കുട്ടികൾക്കു ജന്മം നല്‍കിയ സംഭവത്തിൽ ചൈനയിൽ അന്വേഷണം. പ്രായപൂർത്തിയാകും മുൻപ് പതിനാറാമത്തെ വയസിലാണ്, വാടകഗര്‍ഭധാരണത്തിനായുള്ള ഭ്രൂണം പെണ്‍കുട്ടിയിൽ നിക്ഷേപിച്ചതെന്നും ഇതിനു പ്രേരിപ്പിച്ച അന്പതുകാരന്‍ പ്രത്യുപകാരമായി ഒരു കോടി രൂപ നല്‍കിയെന്നുമുള്ള വിവരം പുറത്തുവന്നതോടെയാണു ചൈനീസ് സർക്കാർ അന്വേഷണം പ്രഖ്യാപിച്ചത്. സിചുവാന്‍ പ്രവിശ്യയിൽ താമസിക്കുന്ന പെണ്‍കുട്ടി ഒരു ഏജന്‍സി വഴിയാണ് വാടകഗര്‍ഭധാരണത്തിന് സമ്മതിച്ചത്. കഴിഞ്ഞ ഫെബ്രുവരി രണ്ടിന് ഇരട്ടക്കുട്ടികൾക്കു ജന്മം നല്‍കി. ഷിയാങ്ജി പ്രവിശ്യയില്‍നിന്നുള്ള 50 കാരനായ ലോങ് ആണ് വാടകഗർഭധാരണത്തിന് പ്രേരിപ്പിച്ചത്. തനിക്ക് ഇരട്ടക്കുട്ടികൾതന്നെ വേണമെന്ന് ഇയാൾ ആവശ്യപ്പെട്ടിരുന്നെന്നും പറയുന്നു. മനുഷ്യക്കടത്തുവിരുദ്ധ പ്രവര്‍ത്തകനായ ഷാങ്ഗുവാന്‍ ഷെങ്ഷി ആണ് ഈ സംഭവം സമൂഹമാധ്യമത്തിലൂടെ പുറത്തുവിട്ടത്. ഗ്വാങ്ഷോ ജുന്‍ലാന്‍ മെഡിക്കല്‍ എക്യുമെന്‍റ് കമ്പനിയുമായി 81 ലക്ഷം രൂപയുടെ കരാറാണ് ഇരട്ടക്കുട്ടികൾക്കായി ലോങ് ഒപ്പിട്ടതെന്നും എന്നാല്‍ കുട്ടികൾ ജനിച്ചശേഷം ഒരു കോടി രൂപ നല്‍കേണ്ടി വന്നെന്നും കുറിപ്പിലുണ്ടായിരുന്നു. ഇതിൽ…
Read Moreവാടകഗര്‍ഭധാരണം: ഒരു കോടി രൂപയ്ക്കു കരാർ; 17 കാരി ഇരട്ടക്കുട്ടികൾക്കു ജന്മം നല്‍കി; ചൈനയിൽ അന്വേഷണം
