ഉത്തർപ്രദേശിലെ പ്രയാഗ് രാജിൽ ജനുവരി 13 മുതൽ ഫെബ്രുവരി 26 വരെ നടക്കുന്ന മഹാകുംഭമേളയ്ക്കായി 12 കിലോമീറ്റർ ദൂരത്തിൽ സ്നാന ഘാട്ടുകൾ ഒരുങ്ങി. സംഗമതീരമായ ഗംഗയുടെയും യമുനയുടെയും തീരത്ത് ഏഴ് കോൺക്രീറ്റ് ഘട്ടങ്ങൾ നിർമിച്ചിട്ടുണ്ട്. കുളിക്കുന്നവരുടെയും ഭക്തരുടെയും സൗകര്യത്തിനായാണ് ഈ ഘാട്ടുകൾ ഒരുക്കിയിരിക്കുന്നത്. സംഗമത്തിൽ വാച്ച് ടവർ നിർമിക്കുകയും ഹൈമാസ്റ്റ് ലൈറ്റുകൾ സ്ഥാപിക്കുകയും ചെയ്തു. ബോട്ടുകളിൽ സുരക്ഷിതമായ യാത്രയ്ക്ക് ലൈസൻസ് നമ്പർ നൽകുകയും സീറ്റ് കപ്പാസിറ്റി പ്രദർശിപ്പിക്കുകയും ചെയ്യും. 12 വർഷത്തിലൊരിക്കലാണ് മഹാകുംഭമേള ആഘോഷിക്കുന്നത്. ഗംഗ, യമുന, സരസ്വതി നദികളുടെ സംഗമസ്ഥാനത്തു പാപമോചനവും മോക്ഷവും തേടിയാണു പുണ്യസ്നാനം. ഒരുക്കങ്ങൾ വിലയിരുത്താൻ മുഖ്യമന്ത്രി യോഗി ആദിത്യനാഥ് പ്രയാഗ്രാജ് സന്ദർശിക്കും.
Read MoreCategory: Today’S Special
വാലിൽ പിടിച്ചുകറക്കി പുലിയെ കീഴടക്കി: യുവാവിനു കൈയടി
വനംവകുപ്പ് സ്ഥാപിച്ച കെണിയിൽ വീഴാതിരുന്ന പുള്ളിപ്പുലിയെ വാലിൽ പിടിച്ചുകറക്കി യുവാവ് കീഴടക്കി. കർണാടകയിലെ തുംകൂരു ജില്ലയിലെ പുരേലഹള്ളിയിലാണു സംഭവം. ആനന്ദ് ആണ് നാട്ടിലിറങ്ങിയ പുള്ളിപ്പുലിയെ അതിസാഹസികമായി പിടികൂടി ഗ്രാമവാസികള്ക്കു രക്ഷകനായത്. ഗ്രാമം പുള്ളിപ്പുലിയുടെ ഭീഷണിയിലായിട്ട് ദിവസങ്ങളായിരുന്നു. ധാരാളം വളത്തുമൃഗങ്ങളെ പുലി വകവരുത്തുകയും ചെയ്തു. പുലിയെ പിടികൂടാൻ വനംവകുപ്പ് കെണിയൊരുക്കിയെങ്കിലും ഫലമുണ്ടായില്ല. ഇതിനിടെ, വീണ്ടും പുള്ളിപ്പുലി ഗ്രാമത്തിലെത്തിയതറിഞ്ഞ് നാട്ടുകാർ സംഘടിച്ചു. വനംവകുപ്പ് ഉദ്യോഗസ്ഥരും സ്ഥലത്തെത്തി. എന്നാല് പുലിയെ പിടികൂടാൻ കഴിയാത്ത സാഹചര്യമായിരുന്നു. ഈ സമയത്താണ് ആനന്ദ് രക്ഷകനാകുന്നത്. പുലിയുടെ പിന്നിലൂടെ പതുങ്ങിയെത്തിയ ആനന്ദ് പുലിയുടെ വാലില് പിടിച്ചുകറക്കി. ഫോറസ്റ്റ് ഉദ്യോഗസ്ഥർ പെട്ടെന്നുതന്നെ പുലിയെ വലയിലുമാക്കുകയും ചെയ്തു. പുലി വലയിലായെന്ന് ഉറപ്പിക്കുംവരെ ആനന്ദ് വാലില്നിന്നു പിടിവിട്ടില്ല. സംഭവത്തിന്റെ വീഡിയോ സോഷ്യൽ മീഡിയയിൽ വൈറലായതോടെ യുവാവിന്റെ ധീരതയ്ക്ക് അഭിനന്ദനപ്രവാഹമായിരുന്നു. പുലിയെ പിന്നീടു വനത്തില് കൊണ്ടുപോയി തുറന്നുവിട്ടു.
Read Moreസഞ്ചാരികളുടെ മനം കവർന്ന് ഐക്യത്തിന്റെ പ്രതിമ; പിന്നിലാക്കിയത് അമേരിക്കയിലെ സ്റ്റാച്യു ഓഫ് ലിബര്ട്ടിയെ
ഗുജറാത്തിലെ നര്മദ നദിയില് സര്ദാര് സരോവര് അണക്കെട്ടിനു സമീപമുള്ള കെവാഡിയ ഗ്രാമത്തില് പണിതുയര്ത്തിയിട്ടുള്ള ഏകത പ്രതിമ (സ്റ്റാച്യു ഓഫ് യൂണിറ്റി) സഞ്ചാരികളുടെ മനം കവരുന്നു. ഇന്ത്യയുടെ “ഉരുക്കു മനുഷ്യന്’ എന്നറിയപ്പെടുന്ന സര്ദാര് വല്ലഭായ് പട്ടേലിന്റെ സ്മരണാര്ഥമുള്ള ഈ പ്രതിമയ്ക്ക് ലോകത്തിലെ ഏറ്റവും ഉയരം കൂടിയ പ്രതിമ എന്ന ഖ്യാതിയുമുണ്ട്. പിന്നിലാക്കിയത് അമേരിക്കയിലെ സ്റ്റാച്യു ഓഫ് ലിബര്ട്ടിയെഗുജറാത്ത് കെവാഡിയയിലെ സത്പുര, വിന്ധ്യാചല് കുന്നുകളുടെ പശ്ചാത്തലത്തിലായാണ് സ്വതന്ത്ര ഇന്ത്യയുടെ ശില്പിയായ സര്ദാര് വല്ലഭായ് പട്ടേലിന്റെ സ്മരണാര്ഥമുള്ള ഈ പ്രതിമ സ്ഥാപിച്ചിരിക്കുന്നത്. സര്ദാര് പട്ടേലിന്റെ 143-ാം ജന്മദിനമായ 2018 ഒക്ടോബര് 31ന് പ്രധാനമന്ത്രി നരേന്ദ്ര മോദിയാണ് പ്രതിമ ഉദ്ഘാടനം ചെയ്തത്. വര്ഷങ്ങള് പിന്നിട്ടെങ്കിലും ഇന്നും വിദേശികളും സ്വദേശികളുമായി നിരവധിപ്പേരാണ് സ്റ്റാച്യു ഓഫ് യൂണിറ്റി കാണാനെത്തുന്നത്. 182 മീറ്റര് (ഏകദേശം 600 അടി)ആണ് പ്രതിമയുടെ ഉയരം. 2013ല് തറക്കല്ലിടുകയും 46 മാസം എന്ന…
Read Moreമെനുവിൽ ‘ബീഫ്, ഇംഗ്ലണ്ടിലെ റെസ്റ്റോറന്റ് ആക്രമിച്ച് യുവാക്കൾ; വൈറലായി വീഡിയോ
വീട്ടിലെ ഭക്ഷണം കഴിച്ച് മടുക്കുന്പോൾ അതിൽ നിന്നൊരു ചേഞ്ച് വേണെന്ന് ആഗ്രഹിക്കാറുള്ളവരാണ് നമ്മളിൽ പലരും. അത്തരമൊരു മാറ്റം ഇഷ്ടപ്പെടുന്നവർ കൂട്ടുകാർക്കൊപ്പമോ വീട്ടുകാർക്കൊപ്പമോ ഒക്കെ ഹോട്ടലുകളിൽ പോകാറുണ്ട്. അവിടെ എത്തി ഇഷ്ടമുള്ളതെല്ലാം വാങ്ങി കഴിക്കുന്പോഴേക്കും നമുക്ക് തൃപ്തിയുമാകും. കഴിഞ്ഞദിവസം ഇംഗ്ലണ്ടിലെ അബ്ബാസിൻ ഡൈനർ റെസ്റ്റോറന്റിൽ നടന്ന സംഭവമാണ് ഇപ്പോൾ വൈറലാകുന്നത്. ഇവിടുത്തെ മെനുവിൽ ബീഫ് വിഭവങ്ങൾ ഉൾപ്പെടുത്തിയിട്ടുണ്ടായിരുന്നു. ഒരു കൂട്ടം ചെറുപ്പക്കാർ റെസ്റ്റോറന്റിൽ ഭക്ഷണം കഴിക്കാൻ വന്നപ്പോൾ ഇതവരുടെ ശ്രദ്ധയിൽപ്പെട്ടു. അതേ ചൊല്ലി ഹോട്ടൽ ജീവനക്കാരുമായി ചെറുപ്പക്കാർ കൊന്പ് കോർത്തു. അത് വലിയ തർക്കത്തിന് കാരണമായി. നാല് യുവാക്കൾ ചേര്ന്ന് റെസ്റ്റോറന്റ് ജീവിക്കാര്ക്ക് നേരെ കൈയില് കിട്ടിയ സാധനങ്ങള് എടുത്തെറിയുകയും അസഭ്യം വിളിച്ചു പറയുകയും ചെയ്തു. റെസ്റ്റോറന്റിന് പുറത്ത് നിന്ന് ആരോ പകര്ത്തിയ ദൃശ്യങ്ങളാണ് സമൂഹ മാധ്യമങ്ങളില് വൈറലായി. ഇന്ത്യക്കാരായ ഒരു കൂട്ടം ഹിന്ദുക്കളാണ് ബീഫ് വിഭവങ്ങളെ ചൊല്ലി…
Read Moreപ്രായമൊക്കെ എന്ത്… അമ്മമാരായാൽ ഇങ്ങനെ വേണം; തിരക്കുള്ള റോഡിലൂടെ കാർ ഓടിച്ചു പോകുന്ന വയോധികയെ പ്രശംസിച്ച് സൈബറിടം
പ്രായമാകുന്പോൾ മിക്കവരും വീടുകളിൽ ഒതുങ്ങിക്കൂടാനാണ് ശ്രമിക്കുന്നത്. എന്നാൽ അതിൽ നിന്നെല്ലാം വ്യത്യസ്തമായൊരു ചിന്താ ഗതി വച്ചു പുലർത്തുന്ന ഒരു വയോധികയുടെ വീഡിയോ ആണ് സോഷ്യൽ മീഡിയയിൽ വൈറലാകുന്നത്. പാകിസ്ഥാനിൽ നിന്നുള്ള ഡിജിറ്റൽ കണ്ടന്റ് ക്രിയേറ്ററായ മജീദ് അലിയാണ് വീഡിയോ സോഷ്യൽ മീഡിയയിൽ ഷെയർ ചെയ്തിരിക്കുന്നത്. അദ്ദേഹത്തിന്റെ അമ്മ ഒരു റോഡിലൂടെ കാറോടിക്കുന്നതാണ് വീഡിയോ. പ്രായമായെന്നും പറഞ്ഞ് വീടിനുള്ളിൽ ഒതുങ്ങിക്കൂടാൻ മജീദിന്റെ അമ്മയ്ക്ക് മനസില്ല. പ്രായത്തിന്റെ ആധിക്യമൊന്നും ആ സ്ത്രീയിൽ നമുക്ക് കാണാൻ സാധിക്കില്ല. കാരണം, നിഷ്പ്രയാസത്തോടെയാണ് അമ്മ വണ്ടി ഓടിക്കുന്നത്. വീഡിയോ വൈറലായതോടെ നിരവധി ആളുകളാണ് കമന്റുമായി എത്തിയത്. എല്ലാ മടിച്ചികൾക്കും ഈ അമ്മ ഒരു റോൾ മോഡൽ ആകട്ടെ എന്നാണ് പലരും വീഡിയോയ്ക്ക് താഴെ കുറിച്ചത്. എന്റെ 20 വയസുള്ള സുഹൃത്തിന് പോലും ഇതുവരെ വാഹനം ഓടിക്കാൻ അറിയില്ല’ അപ്പോൾ ഇത്രയും പ്രായമായ നിങ്ങൾ ഇങ്ങനെ…
Read Moreഒരു കയ്യബദ്ധം, നാറ്റിക്കരുത്… “സ്വപ്നത്തിൽ’ ആണെന്നു കരുതി സഹയാത്രികനുമേല് മൂത്രമൊഴിച്ചു
വിമാനയാത്രയ്ക്കിടെ സ്വപ്നത്തിലാണെന്നു കരുതി സഹയാത്രികനുമേൽ അടുത്തിരുന്നയാൾ മൂത്രമൊഴിച്ചു. സാൻഫ്രാൻസിസ്കോ ഇന്റർനാഷണൽ എയർപോർട്ടിൽനിന്നു മനിലയിലേക്കു പോവുകയായിരുന്ന യുണൈറ്റഡ് എയർലൈൻസിന്റെ യുഎ ഫ്ലൈറ്റ് 189-ലെ ബിസിനസ് ക്ലാസില് ജെറോം ഗുട്ടറസ് എന്ന യാത്രക്കാരനാണ് ഈ ദുരനുഭവം. ഇയാൾ ഉറങ്ങുന്നതിനെയായിരുന്നു സംഭവം. തന്റെ വയറ്റത്ത് ആരോ വെള്ളമൊഴിക്കുന്നതായി തോന്നി എഴുന്നേറ്റ് നോക്കിയപ്പോള് സഹയാത്രികൻ തന്റെ ദേഹത്തേക്കു മൂത്രമൊഴിക്കുന്നതാണു കണ്ടത്. വയറ് മുതല് കാൽ വരെ നനഞ്ഞതായി ജെറോം ഗുട്ടറസ് പറയുന്നു. ഇതേക്കുറിച്ച് ചോദിച്ചപ്പോൾ “സ്വപ്നത്തില്’ അറിയാതെ സംഭവിച്ചതാണെന്നായിരുന്നത്രെ മൂത്രമൊഴിച്ചയാളുടെ ക്ഷമാപണത്തോടെയുള്ള കുറ്റസമ്മതം. ജെറോം ഗുട്ടറസ് സംയമനം പാലിച്ചതിനാൽ മറ്റ് അനിഷ്ടസംഭവങ്ങളുണ്ടായില്ല. അതേസമയം, തങ്ങളുടെ വിമാനങ്ങളില് കയറുന്നതില്നിന്നു മൂത്രമൊഴിച്ച യാത്രക്കാരനെ വിലക്കിയെന്നു യുണൈറ്റഡ് എയർലൈൻസ് അറിയിച്ചതായി ദി ന്യൂയോര്ക്ക് പോസ്റ്റ് റിപ്പോര്ട്ട് ചെയ്തു.
Read Moreഅടിയോടടി… മൂന്നു വയസുകാരി കരഞ്ഞു, സത്രീകൾ ഏറ്റുമുട്ടി
മുത്തശിക്കൊപ്പം യാത്രചെയ്യുന്നതിനിടെ മൂന്നു വയസുകാരി കരഞ്ഞതിനെത്തുടർന്നു വിമാനത്തിനുള്ളിൽ കൈയേറ്റം. സപ്പോറോയിൽനിന്നു ഹോങ്കോങ്ങിലേക്കു പോകുകയായിരുന്ന കാത്തെ പസഫിക് വിമാനത്തിലായിരുന്നു സംഭവം. മൂന്നു വയസുകാരിക്കൊപ്പം യാത്രചെയ്യുകയായിരുന്ന 60 കാരിയും പിൻസീറ്റിലിരുന്ന 32കാരിയും തമ്മിലാണു പ്രശ്നങ്ങളുണ്ടായത്. കുട്ടി കരഞ്ഞതോടെ യുവതി കുട്ടിക്കുനേരേ കുപ്പിവെള്ളം വലിച്ചെറിയുകയായിരുന്നു. കുട്ടിയുടെ മുത്തശി ഇത് ചോദ്യം ചെയ്തതോടെ ഇരുവരും തമ്മിൽ ഏറ്റുമുട്ടലുണ്ടായി. എയർഹോസ്റ്റസുമാരും സഹയാത്രികരും ഇടപെട്ടെങ്കിലും വിമാനത്തിലെ ചെറിയ തലയിണയും മറ്റും ഉപയോഗിച്ച് തമ്മിലടി തുടർന്നു. രാത്രി 9.40ഓടെയായിരുന്നു സംഭവം. വിമാനം ഹോങ്കോംഗിൽ ലാൻഡ് ചെയ്തതിന് പിന്നാലെ ഇരുവരെയും വിമാനജീവനക്കാർ പോലീസിനു കൈമാറി. ഇരുവരുടെയും കൈകളിൽ ചതവുകളും മുറിവുകളും സംഭവിച്ചിരുന്നു. സംഭവത്തിൽ തുടർ അന്വേഷണം നടക്കുമെന്നു ഹോങ്കോംഗ് വിമാനത്താവള അധികൃതർ വ്യക്തമാക്കി.
Read Moreഗുഡ്സ് ട്രെയിന് അടിയിലകപ്പെട്ട് സ്ത്രീ: നെഞ്ചിടിപ്പോടെ അല്ലാതെ ഈ വീഡിയോ കണ്ടു തീർക്കാനാകില്ല
അപ്രതീക്ഷിതമായി എത്തിയ ട്രെയിന് മുന്നില് നിന്നും രക്ഷപ്പെടുന്നതിനായി പാളത്തിന് സമാന്തരമായി കിടന്ന കണ്ണൂര് സ്വദേശി പവിത്രന്റെ വാര്ത്ത സോഷ്യൽ മീഡിയയിൽ ഉൾപ്പെടെ വൈറലായിരുന്നു. ഇപ്പോഴിതാ അത്തരത്തിലൊരു വാർത്തയാണ് വീണ്ടും പുറത്ത് വരുന്നത്. ഉത്തര്പ്രദേശിലെ മഥുരയിലാണ് സംഭവം. ട്രെയിൻ കടന്നു പോകുമ്പോൾ അതിനടിയിലായി റെയിൽവേ ട്രാക്കിൽ കിടക്കുന്ന ഒരു സ്ത്രീയാണ് വീഡിയോയിൽ. ട്രയിൻ വളരെ വേഗത്തിൽ കടന്നു പോകുന്പോൾ ഒരു സ്ത്രീ അതിനിടയിൽ കുടുങ്ങിക്കിടക്കുന്നത് കാണാൻ സാധിക്കും. ഇത് കാണുന്ന ‘അവിടെത്തന്നെ കിടക്കുക എഴുന്നേൽക്കരുത്’ എന്ന് ഉച്ചത്തിൽ വിളിച്ചുപറയുന്നത് കേൾക്കാം. അല്പസമയത്തിന് ശേഷം ട്രെയിൻ നിർത്തിയതോടെ ട്രെയിനിന്റെ അടിയിൽ നിന്നും സ്ത്രീ സുരക്ഷിതയായി പുറത്തുവരുന്നു. ‘മാതാ റാണി കീ ജയ്’ എന്ന് വിളിച്ച് ദൈവത്തിന് നന്ദി പറഞ്ഞുകൊണ്ട് ആളുകൾ കൈയടിക്കുന്നതും വീഡിയോയില് കാണാം.
Read Moreരണ്ടാം പ്രസവത്തിൽ കുട്ടിക്കൊപ്പം ഡോക്ടർമാർ പുറത്തെടുത്തത് സൂചിയും; വയറിനുള്ളിൽ സൂചി വന്നകഥ ഞെട്ടിക്കുന്നത്
ഭോപ്പാൽ: പ്രസവശസ്ത്രക്രിയയ്ക്കിടെ ഡോക്ടർമാരുടെ അശ്രദ്ധമൂലം സ്ത്രീയുടെ വയറ്റിൽ അകപ്പെട്ടുപോയ സൂചി രണ്ടു വർഷത്തിനുശേഷം രണ്ടാമത്തെ പ്രസവസമയത്തു കണ്ടെത്തി. മധ്യപ്രദേശിലെ രേവയിലാണു ഞെട്ടലുളവാക്കുന്ന സംഭവം. ഘോഘർ പ്രദേശവാസിയായ ഹിനാ ഖാൻ എന്ന യുവതിയുടെ വയറ്റിൽനിന്നാണു സർജിക്കൽ നീഡിൽ പുറത്തെടുത്തത്. രേവയിലെ സഞ്ജയ് ഗാന്ധി ആശുപത്രിയിൽ സിസേറിയനിലൂടെയായിരുന്നു ഹിനാ ഖാന്റെ ആദ്യ പ്രസവം. ഏതാനും ദിവസത്തിനുശേഷം അമ്മയും കുഞ്ഞും ആശുപത്രിയിൽനിന്നു വീട്ടിലേക്കു മടങ്ങിയെങ്കിലും പിന്നീട് ഹിനാ ഖാന് കഠിനമായ വയറുവേദന അനുഭവപ്പെടാൻ തുടങ്ങി. എന്നാൽ മുറിവുകൾ ഉണങ്ങുന്നതോടെ വേദന മാറുമെന്നു പറഞ്ഞ് ഡോക്ടർമാർ മറ്റു പരിശോധനകളൊന്നും നടത്തിയില്ല. വേദന സഹിച്ചായിരുന്നു യുവതിയുടെ പിന്നീടുള്ള ജീവിതം. രണ്ടു വർഷത്തിനുശേഷം ജില്ലാ ആശുപത്രിയിൽ രണ്ടാമത്തെ കുഞ്ഞിന്റെ ജനനത്തിനായി ഹിനാ ഖാൻ എത്തിയപ്പോഴാണു നവജാത ശിശുവിനൊപ്പം ശസ്ത്രക്രിയ സൂചി ഡോക്ടർമാർ കണ്ടെത്തിയത്. അമ്മയുടെ വയറ്റിലെ സൂചി മൂലം നവജാതശിശുവിന്റെ ശരീരം നിറയെ വരഞ്ഞു മുറിവേറ്റ…
Read Moreവിവാഹാഭ്യര്ഥന വീഡിയോ സോഷ്യൽ മീഡിയയിൽ പങ്കുവച്ചു; 31കാരിയായ കാമുകിയോട് 52 കാരനായ കാമുകൻ ചെയ്തിങ്ങനെ…
ന്യൂജഴ്സി: വിവാഹാഭ്യര്ഥന നടത്തുന്ന വീഡിയോ ദൃശ്യങ്ങള് പങ്കുവച്ചതിനു 31കാരിയായ കാമുകിയെ 52കാരന് കൊലപ്പെടുത്തി. അമേരിക്കയിലെ ന്യൂജഴ്സിയിലാണു സംഭവം. പ്യൂര്ട്ടോ റിക്കോ സ്വദേശിയായ നകെറ്റ് ജാഡിക്സിനെ ജോസ് മെലോ എന്നയാളാണു കൊലപ്പെടുത്തിയത്. ഇരുവരും തമ്മില് ഏറെനാളായി പ്രണയത്തിലായിരുന്നു. ജോസ് മെലോയുടെ വീട്ടില്നിന്നു നകെറ്റിന്റെ മൃതദേഹം പോലീസ് കണ്ടെടുത്തു. സംഭവത്തില് ജോസ് മെലോയെ അറസ്റ്റ് ചെയ്തു. മുന്പു മറ്റൊരു യുവതിയെ ഭീഷണിപ്പെടുത്തിയതിനും ലൈംഗികമായി ഉപദ്രവിച്ചതിനും ജോസ് മെലോയ്ക്കെതിരേ കേസുണ്ട്. ഇതേതുടര്ന്ന് ഇയാളെ ന്യൂജഴ്സിയിലെ ലൈംഗിക കുറ്റവാളികളുടെ പട്ടികയില് അധികൃതര് ഉള്പ്പെടുത്തിയിരുന്നു. കൊല്ലപ്പെട്ട യുവതിക്കു രണ്ടു മക്കളുണ്ടെന്നാണു വിവരം.
Read More