കൊല്ലം: വയനാട്ടിലെ ഉരുള്പൊട്ടലില് വീടും മാതാപിതാക്കളെയും നഷ്ടമായ കുഞ്ഞുങ്ങള്ക്ക് കരുതലും സ്നേഹവും പകരാനായി കളിപ്പാട്ട വണ്ടിയുമായി സമൂഹമാധ്യമ പേജുകളിലെ അഡ്മിന്മാരുടെ കൂട്ടായ്മയായ കെപിഎ എന്ന കേരള പേജ് അഡ്മിന്സ്. ദുരന്തബാധിത പ്രദേശത്തെ കുട്ടികള്ക്ക് നല്കുന്നതിനായി കളിപ്പാട്ടങ്ങളും ഡയപ്പറുകളും മറ്റും ശേഖരിച്ച് എത്തിക്കാനാണ് കെപിഎ കൂട്ടായ്മ ലക്ഷ്യമിടുന്നത്. കളിപ്പാട്ടങ്ങളും ഡയപ്പറുകളും വാങ്ങി നല്കുവാന് താല്പര്യം ഉള്ളവര് കെപിഎ (കേരള പേജ് അഡ്മിന്സ് ) അംഗങ്ങളെ ബന്ധപ്പെടാവുന്നതാണ്. ഞായർ രാവിലെ 6ന് കളിപ്പാട്ടവണ്ടി കൊല്ലത്തു നിന്നും പുറപ്പെടും. കുഞ്ഞുങ്ങള്ക്ക് കളിപ്പാട്ടങ്ങളും മറ്റ് അവശ്യ വസ്തുക്കളും നല്കാന് ആഗ്രഹിക്കുന്നവര് കളക്ഷന് പോയിന്റുകളായ തിരുവനന്തപുരം, എറണാകുളം, തൃശൂര് എന്നീ സ്ഥലങ്ങളിൽ വസ്തുക്കള് എത്തിക്കാവുന്നതാണ് . കൂടുതല് വിവരങ്ങള്ക്ക് താഴെയുള്ള നമ്പരുകളില് ബന്ധപ്പെടുക. തിരുവനന്തപുരം+91 95395 92444,+91 70125 51884 കൊല്ലം+91 99955 73140 തൃശൂര്+918113813413 എറണാകുളം+91 96332 20171+91 9037049149.
Read Moreവയനാട്ടിലെ കുഞ്ഞുങ്ങള്ക്കായി കളിപ്പാട്ടവണ്ടി പുറപ്പെടുന്നു; നേതൃത്വം നല്കി കേരളാ പേജ് അഡ്മിന്സ് കൂട്ടായ്മ
