റോഡിൽ നിൽക്കുകയായിരുന്നു  ഇ​രു​പ​ത്തൊ​ന്നു​കാ​രി​യെ   ത​ട്ടി​ക്കൊ​ണ്ടുപോ​യി;  പോലീസും നാട്ടുകാരും തടയാൻ ശ്രമിച്ചിട്ടും കഴിഞ്ഞില്ല;  നാദാപുരത്ത് നടന്നത് സിനിമയെ വെല്ലുന്ന തട്ടിക്കൊണ്ടുപോകൽ 

നാ​ദാ​പു​രം: ഇ​രു​പ​ത്തൊ​ന്നു​കാ​രി​യെ കാ​റി​ലെ​ത്തി ത​ട്ടി​കൊ​ണ്ടുപോ​യ​ത് സി​നി​മ​യെ വെ​ല്ലു​ന്ന സ്റ്റൈ​ലി​ൽ. സം​ഭ​വ​ത്തി​ൽ വ​ട​ക്കേ പൊ​യി​ലൂ​ർ സ്വ​ദേ​ശി​ക്കെ​തി​രേ യു​വ​തി​യു​ടെ ബ​ന്ധു​ക്ക​ളു​ടെ പ​രാ​തി​യി​ൽ നാ​ദാ​പു​രം പോ​ലീ​സ് കേ​സെ​ടു​ത്തു.

ക​ണ്ണൂ​ർ ജി​ല്ല​യി​ലെ പൊ​യി​ലൂ​ർ സ്വ​ദേ​ശി​നി​യാ​യ 21-കാ​രി​യെ യാ​ണ് ഇന്നലെ ഉച്ചയ്ക്ക് എ​ട​ച്ചേ​രി റോ​ഡി​ൽ കൈ​ര​ളി മു​ക്കി​ന് സ​മീ​പ​ത്ത് നി​ന്ന് കാ​റി​ലെ​ത്തി​യ വ​ട​ക്കേ പൊ​യി​ലൂ​ർ സ്വ​ദേ​ശി ര​മീ​ജ് ബ​ല​മാ​യി പി​ടി​ച്ചുക​യ​റ്റി ത​ട്ടിക്കൊണ്ടുപോ​യ​താ​യി ബ​ന്ധു​ക്ക​ൾ പ​രാ​തി ന​ൽ​കി​യ​ത്.

ത​ട്ടി​ക്കൊ​ണ്ടു പോ​യെ​ന്ന് പ​റ​ഞ്ഞു കൂടെയുണ്ടായിരുന്ന സ്ത്രീ ​ബ​ഹ​ളംവ​ച്ച​തോ​ടെ​ പ​രി​സ​ര​ത്തു​ള്ള ആ​ളു​ക​ൾ കാ​റി​ലും ഓ​ട്ടോ​യി​ലും കി​ട്ടാ​വു​ന്ന മ​റ്റു വാ​ഹ​ന​ങ്ങ​ളി​ലും കാ​റി​നെ പി​ന്തു​ട​ർ​ന്നു. എ​ന്നാ​ൽ ഇ​വ​ർ​ക്ക് കാ​റി​നെ മ​റി​ക​ട​ക്കാ​ൻ ക​ഴി​ഞ്ഞി​ല്ല. ഇ​തി​നി​ട​യി​ൽ മൊ​ബൈ​ൽ ഫോ​ണി​ലും ന​വ മാ​ധ്യമ​ങ്ങ​ളി​ലൂ​ടെ​യും പ​തി​നാ​ലു​കാ​രി​യെ ഇ​ന്നോ​വ കാ​റി​ൽ ത​ട്ടി​ക്കൊ​ണ്ടു​പോ​യെ​ന്ന വ്യാ​ജ സ​ന്ദേ​ശ​ങ്ങ​ൾ പ്ര​ച​രി​ച്ച​ത് നാ​ട്ടു​കാ​രിൽ ​പ​രി​ഭ്രാ​ന്തി പ​ര​ത്തി.​

പു​റ​മേ​രി​യി​ലെ​ത്തി​യ യു​വ​തി​യെ ക​ട​ത്തിക്കൊണ്ടുപോ​യ കാ​ർ ത​ട​യാ​ൻ നാ​ട്ടു​കാ​ർ ശ്ര​മം ന​ട​ത്തി​യെ​ങ്കി​ലും​വി​ജ​യി​ച്ചി​ല്ല. കാ​ർ നാ​ദാ​പു​രം ഭാ​ഗ​ത്തേ​ക്ക് അ​തി​വേ​ഗം ഓ​ടി​ച്ചു പോ​യി.​നാ​ദാ​പു​ര​ത്തെ​ത്തി​യ കാ​റി​നെ ത​ട​യാ​ൻ ഹോം ​ഗാ​ർ​ഡും ജീ​പ്പ് ഡ്രൈ​വ​ർ​മാ​രും സ​ന്ന​ദ്ധ​രാ​യി നി​ന്നു.

എ​ന്നാ​ൽ ഇ​വ​ർ​ക്കി​ട​യി​ലൂ​ടെ ഇ​ന്നോ​വ കാ​റി​ന് പ​ക​രം ഒ​രു ആ​ൾ​ട്ടോ കാ​ർ ശ​ര​വേ​ഗ​ത്തി​ൽ ഓ​ടി​ച്ചു പോ​യി. ഇ​തി​നി​ട​യി​ൽ നാ​ദാ​പു​ര​ത്തുവ​ച്ച് ആ​ൾ​ട്ടോ കാ​ർ മ​റ്റൊ​രു കാ​റി​ൽ ഇ​ടി​ച്ചെ​ങ്കി​ലും ത​ല​ശ്ശേ​രി റോ​ഡി​ലേ​ക്ക് തിരിച്ച് അ​മി​തവേ​ഗ​ത​യി​ൽ നിർ​ത്താ​തെ ഓ​ടി​ച്ചു പോ​വുകയായിരുന്നു. പ്ര​തി​ക്ക് വേ​ണ്ടി അ​ന്വേ​ഷ​ണം ആ​രം​ഭി​ച്ച​താ​യി പോ​ലീ​സ് പ​റ​ഞ്ഞു.