അ​ട്ട​വാ​ടി​ക്കാ​ർ പു​റം​ലോ​ക​വു​മാ​യി ബ​ന്ധ​പ്പെ​ടാ​ൻ ച​ങ്ങാ​ട​യാ​ത്ര തന്നെ ശരണം

ഫ്രാൻസിസ് തയ്യൂർ‌
മം​ഗ​ലം​ഡാം: മം​ഗ​ലം​ഡാ​മി​ന്‍റെ മ​റു​ക​ര​യാ​യ അ​ട്ട​വാ​ടി​യി​ലെ താ​മ​സ​ക്കാ​ർ​ക്ക് പു​റം​ലോ​ക​വു​മാ​യി ബ​ന്ധ​പ്പെ​ട​ണ​മെ​ങ്കി​ൽ വെ​ള്ളം നി​റ​ഞ്ഞു​കി​ട​ക്കു​ന്ന റി​സ​ർ​വോ​യ​റി​ലൂ​ടെ പ്രാ​ണ​ൻ അ​ട​ക്കി​പ്പി​ടി​ച്ചു​ള്ള ച​ങ്ങാ​ട​യാ​ത്ര താ​ണ്ട​ണം.യാ​ത്ര​യ്ക്കി​ടെ കാ​റ്റും കോ​ളും വ​ന്നാ​ൽ പി​ന്നെ ശ്വാ​സം​വി​ടാ​ൻ​പോ​ലും ഇ​വ​ർ ഭ​യ​ക്കും.

രാ​വി​ലെ​യും വൈ​കു​ന്നേ​ര​വു​മു​ള്ള സ്കൂ​ൾ കു​ട്ടി​ക​ളു​ടെ ച​ങ്ങാ​ട​യാ​ത്ര​യാ​ണ് ഏ​റെ ഭീ​തി​ജ​ന​കം. ഇ​വി​ട​ത്തു​കാ​ർ​ക്ക് അ​ത്ര പു​തു​മ​യു​ള്ള കാ​ര്യ​മ​ല്ലെ​ങ്കി​ലും ഡാം ​നി​റ​ഞ്ഞ് തു​ളു​ന്പി​നി​ല്ക്കു​ന്ന മാ​സ​ങ്ങ​ളി​ലെ ച​ങ്ങാ​ട​യാ​ത്ര​യ്ക്ക് കു​റ​ച്ചു മ​നോ​ധൈ​ര്യം വേ​ണം. നീ​ന്ത​ല​റി​യാ​ത്ത​വ​രാ​ണെ​ങ്കി​ൽ ആ​ധി​യേ​റും.

എ​ന്നാ​ൽ നീ​ന്ത​ൽ അ​റി​യാ​ത്ത​വ​ർ ഇ​വി​ടെ താ​മ​സ​ക്കാ​രാ​യു​ണ്ടാ​കി​ല്ല. ചെ​റി​യ കൂ​ട്ടി​ക​ൾ​വ​രെ നീ​ന്ത​ൽ പ​ഠി​ച്ചി​രി​ക്കും. ര​ക്ഷി​താ​ക്ക​ളും ഇ​ക്കാ​ര്യ​ത്തി​ൽ ശ്ര​ദ്ധി​ക്കും. പൊ​ൻ​ക​ണ്ടം ക​ര​ഭാ​ഗ​ത്തെ പ​ത്തോ​ളം ക​ട​വു​ക​ളി​ൽ​നി​ന്നാ​ണ് അ​ട്ട​വാ​ടി​ക്കാ​ർ വീ​ടു​ക​ളി​ലെ​ത്തു​ക. മു​ള​ക​ൾ കൂ​ട്ടി​കെ​ട്ടി​യോ മ​ര​പ​ല​ക​ൾ​കൊ​ണ്ടോ ആ​ണ് ച​ങ്ങാ​ടം നി​ർ​മി​ക്കു​ന്ന​ത്.

ഒ​ഴി​ഞ്ഞ വ​ലി​യ പ്ലാ​സ്റ്റി​ക് ക​ന്നാ​സു​ക​ൾ വെ​ള്ളം ക​ട​ക്കാ​ത്ത​വി​ധം അ​ട​ച്ച് പ​ല​ക​ക​ൾ​ക്കി​ട​യി​ൽ കെ​ട്ടി​യും ച​ങ്ങാ​ടം ഉ​ണ്ടാ​ക്കു​ന്ന​വ​രു​ണ്ട്.ര​ണ്ടു​ക​ര​ക​ളെ ത​മ്മി​ൽ ബ​ന്ധി​പ്പി​ക്കു​ന്ന​തി​നാ​യി ക​യ​ർ​കെ​ട്ടും. ഈ ​ക​യ​ർ​പി​ടി​ച്ചു വ​ലി​ച്ചാ​ണ് ച​ങ്ങാ​ട​ത്തെ മു​ന്നോ​ട്ടു​നീ​ക്കു​ക. കാ​റ്റു​ള്ള സ​മ​യ​ങ്ങ​ളി​ൽ അ​തീ​വ​ശ്ര​ദ്ധ​യും ക​രു​ത​ലും​വേ​ണം. ചി​ല​പ്പോ​ഴൊ​ക്കെ കാ​റ്റി​ൽ ച​ങ്ങാ​ടം മ​റ്റൊ​രു ദി​ശ​യി​ലേ​ക്ക് തെ​ന്നി​പോ​കു​മെ​ന്ന് ച​ങ്ങാ​ട​യാ​ത്ര​ക്കാ​ര​നാ​യ പൊ​ൻ​ക​ണ്ടം ത​ന്പു​രാ​ട്ടി​പാ​റ ന​ടു​വി​ലേ​ക്കു​റ്റ് റെ​ജി പ​റ​ഞ്ഞു.

മം​ഗ​ലം​ഡാ​മി​ൽ പെ​രു​കി​വ​രു​ന്ന നീ​ർ​നാ​യ്ക്കൂ​ട്ട​ങ്ങ​ളെ​യാ​ണ് ഇ​വ​ർ​ക്ക് പേ​ടി. ഇ​രു​പ​തും മു​പ്പ​തും എ​ണ്ണം​വ​രു​ന്ന നീ​ർ​നാ​യ് കൂ​ട്ട​ങ്ങ​ൾ ഡാ​മി​ലു​ണ്ട്.തെ​രു​വു​നാ​യ്ക്ക​ളെ​പോ​ലെ ചീ​റ്റി​വ​രു​ന്ന ഇ​വ​യു​ടെ ആ​ക്ര​മ​ണം ഉ​ണ്ടാ​യി​ട്ടി​ല്ലെ​ങ്കി​ലും പെ​രു​കി കൂ​ടു​ന്ന​ത് പി​ന്നീ​ട് ദോ​ഷ​ക​ര​മാ​കു​മെ​ന്നാ​ണ് ചൂ​ണ്ടി​ക്കാ​ട്ടു​ന്ന​ത്.

ഡാ​മി​ൽ മ​ത്സ്യം​വ​ള​ർ​ത്ത​ൽ പ​ദ്ധ​തി​യു​ള്ള​തിനാ​ൽ മ​ത്സ്യ​ങ്ങ​ളെ മു​ഴു​വ​ൻ നീ​ർ​നാ​യ്ക്ക​ൾ തി​ന്നു​തീ​ർ​ക്കു​ക​യാ​ണ്. ഇ​വ​യു​ടെ ഭ​ക്ഷ​ണം ത​ന്നെ മ​ത്സ്യം മാ​ത്ര​മാ​ണ്.മ​ത്സ്യ​ബ​ന്ധ​ന വ​ല​ക​ൾ ക​ടി​ച്ചു​മു​റി​ച്ചും ല​ക്ഷ​ങ്ങ​ളു​ടെ ന​ഷ്ടം ഇ​വ വ​രു​ത്തി​വ​യ്ക്കു​ന്ന​താ​യി ഡാ​മി​ൽ മ​ത്സ്യം വ​ള​ർ​ത്തു​ന്ന​തി​നു നേ​തൃ​ത്വം ന​ല്കു​ന്ന ഫി​ഷ​റീ​സ് സ​ഹ​ക​ര​ണ​സം​ഘം പ്ര​സി​ഡ​ന്‍റ് ച​ന്ദ്ര​ൻ പ​റ​ഞ്ഞു.

റി​സ​ർ​വോ​യ​റി​ലൂ​ടെ ച​ങ്ങാ​ട​ത്തി​ലോ തോ​ണി​യി​ലോ ഉ​ള്ള യാ​ത്ര ഭീ​തി​ജ​ന​ക​മാ​ണെ​ങ്കി​ലും ഇ​ത​ല്ലാ​തെ മ​റു​ക​ര​യി​ൽ​നി​ന്നും ഡാ​മി​ലെ​ത്താ​ൻ മ​റ്റു എ​ളു​പ്പ​മാ​ർ​ഗ​മൊ​ന്നു​മി​ല്ല. കി​ലോ​മീ​റ്റ​റു​ക​ൾ ഏ​റെ വ​ള​ഞ്ഞ് താ​ത്കാ​ലി​ക വ​ഴി​യു​ണ്ടെ​ങ്കി​ലും കാ​ൽ​ന​ട മാ​ത്ര​മാ​ണ് ആ​ശ്ര​യം. അ​ത്യാ​സ​ന്ന​ഘ​ട്ട​ങ്ങ​ളി​ലും അ​ത്യാ​വ​ശ്യ​ങ്ങ​ൾ​ക്കും ച​ങ്ങാ​ട​യാ​ത്ര ത​ന്നെ വേ​ണം.