കാ​യ​ലോ​ര​ങ്ങ​ളും വ​ന​മേ​ഖ​ല​ക​ളും കേ​ന്ദ്രീ​ക​രി​ച്ച് കൊ​ല്ലം ജി​ല്ല​യി​ൽ ചാ​രാ​യ​വാ​റ്റും വി​ല്പ​ന​യും പൊ​ടി​പൊ​ടി​ക്കു​ന്നു

കൊ​ല്ലം: കൊ​റോ​ണ ബാ​ധ​യെ തു​ട​ർ​ന്ന് മ​ദ്യ​വി​ല്പ​ന നി​രോ​ധി​ച്ച​തോ​ടെ ചാ​രാ​യം വാ​റ്റും വി​ല്പ​ന​യും പൊ​ടി​പൊ​ടി​ക്കു​ക​യാ​ണ്. കാ​യ​ലോ​ര​ങ്ങ​ളും വ​ന​മേ​ഖ​ല​ക​ളും കേ​ന്ദ്രീ​ക​രി​ച്ചാ​ണ് വാ​റ്റ് .

വീ​ടു​ക​ളി​ൽ ചാ​രാ​യം വാ​റ്റി വി​ല്പ​ന ന​ട​ത്തു​ന്ന​തും ഗ്രാ​മീ​ണ മേ​ഖ​ല​ക​ളി​ലേ​റി. ഒ​രു ലി​റ്റ​ർ ചാ​രാ​യ​ത്തി​ന് 1000 രൂ​പ വ​രെ ഈ​ടാ​ക്കു​ന്ന​വ​രും ഉ​ണ്ട്. മ​ദ്യ​ത്തി​നാ​യി പ​ര​ക്കം​പാ​യു​ന്ന​വ​ർ​ക്ക് വി​ല പ്ര​ശ്ന​മ​ല്ല.

നേ​ര​ത്തെ എ​ക്സൈ​സും പോ​ലീ​സും ചേ​ർ​ന്നാ​യി​രു​ന്നു പ​രി​ശോ​ധ​ന .ഇ​പ്പോ​ൾ മി​ക്ക പ്ര​ദേ​ശ​ങ്ങ​ളി​ലും എ​ക്സൈ​സ് സം​ഘ​ങ്ങ​ൾ മാ​ത്ര​മാ​ണ് പ​രി​ശോ​ധ​ന.​വി​വ​രം ല​ഭി​ക്കു​ന്ന കേ​സു​ക​ളി​ൽ അ​വ​ർ ഓ​ടി​യെ​ത്തി വാ​റ്റ് സം​ഘ​ങ്ങ​ളെ പി​ടി​കൂ​ടു​ക​യും ചെ​യ്യു​ന്നു​ണ്ട്.

വ​ള​രെ കു​റ​ച്ചു കേ​സു​ക​ളെ​ന്നു മാ​ത്രം.​വാ​റ്റു​കാ​രെ കു​റി​ച്ച് പ​ല​പ്പോ​ഴും സ​മീ​പ​വാ​സി​ക​ൾ പ​റ​യാ​റി​ല്ല. എ​ന്നി​ട്ടും നി​ര​വ​ധി പേ​രെ എ​ക്സൈ​സ് സം​ഘം ദി​നം​പ്ര​തി പി​ടി​കൂ​ടു​ന്നു.​ഇ​തി​ൽ നി​ന്ന് വാ​റ്റ് സം​ഘ​ങ്ങ​ളു​ടെ വ​ർ​ധ​ന ഊ​ഹി​ക്കാ​വു​ന്ന തെ​യു​ള്ളു.

ഉ​റു​കു​ന്ന് പൊ​ള്ള​ച്ചാ​ലി​ൽ വീ​ട്ടി​ലെ കു​ളി​മു​റി​യി​ൽ സൂ​ക്ഷി​ച്ചി​രു​ന്ന 770 ലി​റ്റ​ർ കോ​ട ഇ​ന്ന​ലെ എ​ക്‌​സൈ​സ് പി​ടി​കൂ​ടി.​സം​ഭ​വ​വു​മാ​യി ബ​ന്ധ​പ്പെ​ട്ട് രാ​ഹു​ൽ രാ​ജ് എ​ന്ന​യാ​ൾ പി​ടി​യി​ലാ​യി .അ​ച്ച​ൻ​കോ​വി​ലി​ൽ വീ​ടി​നോ​ട് ചേ​ർ​ന്നു​ള്ള ര​ഹ​സ്യ അ​റ​യി​ൽ നി​ന്ന് 275 ലി​റ്റ​ർ കോ​ട​യും പി​ടി​കൂ​ടി.

വീ​ട്ടു​ട​മ​യേ​യും ക​സ്റ്റ​ഡി​യി​ലെ​ടു​ത്തു.​ഇ​യാ​ൾ ഒ​രു ലി​റ്റ​ർ ചാ​രാ​യ​ത്തി​ന് 1000 രൂ​പ​യാ​ണ് വാ​ങ്ങി​യി​രു​ന്ന​ത്.​ക​രു​നാ​ഗ​പ്പ​ള്ളി​യി​ൽ വ​ൻ​തോ​തി​ൽ ചാ​രാ​യം വാ​റ്റി വി​ല്പ​ന ന​ട​ത്തി​വ​ന്ന യു​വാ​വും ഇ​ന്ന​ലെ ക​സ്റ്റ​ഡി​യി​ലാ​യി.

ശാ​സ്താം​കോ​ട്ട​യി​ൽ വീ​ടി​ന്‍റെ അ​ടു​ക്ക​ള​യി​ൽ വ​ച്ച് ചാ​രാ​യം വാ​റ്റി വി​ല്പ​ന ന​ട​ത്തി​വ​ന്ന ഇ​ട​വ​ന​ശേ​രി സ്വ​ദേ​ശി​യാ​യ യു​വാ​വി​നെ​യും എ​ക്സൈ​സ് സം​ഘം പി​ടി​കൂ​ടി. 500 ലി​റ്റ​ർ കോ​ട​യും വാ​റ്റു​പ​ക​ര​ണ​ങ്ങ​ളും ക​ണ്ടെ​ടു​ത്തു.