ഞാനൊരു ബിസിനസുകാരിയായി വരുന്നതേയുള്ളൂ. ഭർത്താവ് ബിസിനസ് ചെയ്യുന്നത് കണ്ടുള്ള പരിചയമുണ്ട്. പുള്ളി അത്യാവശ്യം നല്ലൊരു ബിസിനസുകാരനാണ്. മറ്റാരിലും കണ്ടിട്ടില്ലാത്ത തരത്തിൽ വളരെ കെയർഫുളാണ് അദ്ദേഹം. 50 ലക്ഷം കൈയിലുണ്ടെങ്കിൽ 40 ലക്ഷം സൈഡിൽ വച്ച് ബാക്കി പത്തു ലക്ഷമേ പുള്ളി ഉപയോഗിക്കൂ.
ബേസ് സ്ട്രോംഗ് ആക്കി വയ്ക്കും. ഞങ്ങളിത്രയും സിനിമകൾ ചെയ്തു. അവസാനം ചെയ്ത രണ്ട് സിനിമകളും ഫ്ലോപ്പ് ആണ്. ആ രണ്ട് സിനിമകളിലൂടെ ഞങ്ങൾക്ക് നഷ്ടപ്പെട്ടത് പന്ത്രണ്ടര കോടി രൂപയാണ്. പക്ഷേ, അത് ഞങ്ങളുടെ ബിസിനസിനെയോ ഫാമിലിയെയോ ഞങ്ങളുടെ സാമ്പത്തിക സ്ഥിതിയെയോ ബാധിച്ചിട്ടില്ല.
ഒരു സൈഡിൽ പുള്ളിയുണ്ടാക്കി വച്ച സ്ട്രോംഗായ ബേസ് ആണ്. പക്ഷേ, പന്ത്രണ്ടര കോടി പോയതിൽ അദ്ദേഹത്തിന് വിഷമമുണ്ട്. സിനിമ ചെയ്യുമ്പോൾ ആ ബേസിൽ തൊട്ടുള്ള പൈസയല്ല ഉപയോഗിക്കുന്നത്. ആരോടും കടം മേടിച്ചല്ല ഒന്നും ചെയ്യുന്നത്. അത് പുള്ളിക്കാരന്റെ സ്ട്രാറ്റജി ആണ്.
ഒരിക്കലും ഒരിടത്തുനിന്നും അഞ്ച് പൈസ വാങ്ങുന്നത് ഞാൻ കണ്ടിട്ടില്ല. 15 സിനിമകൾ ചെയ്തതിൽ 13ലും വലിയ നഷ്ടമില്ല. പക്ഷേ, സിനിമയിൽ നിന്ന് ഒന്നും ഉണ്ടാക്കിയിട്ടില്ല. സിനിമയിൽ നിന്ന് സാമ്പത്തിക സ്ഥിതി ഉണ്ടാക്കാം എന്ന് പ്രതീക്ഷിച്ചാൽ 500 പ്രൊഡ്യൂസേഴ്സിൽ പത്ത് പേർക്കൊക്കെയേ അത് ഉണ്ടായിട്ടുള്ളൂ.
-ഷീലു ഏബ്രഹാം
