ഫോ​ർ​ട്ട്കൊ​ച്ചി​യി​ലെ പു​തു​വ​ർ​ഷാ​ഘോ​ഷം; സു​ര​ക്ഷാ വീ​ഴ്ചയിൽ സി​റ്റി പോ​ലീ​സ് ക​മ്മീ​ഷ​ണ​ർ റി​പ്പോ​ർ​ട്ട് തേ​ടി

കൊ​ച്ചി: ഫോ​ർ​ട്ടു​കൊ​ച്ചി​യി​ലെ പു​തു​വ​ർ​ഷാ​ഘോ​ഷ​ത്തി​ൽ സു​ര​ക്ഷാ വീ​ഴ്ച ഉ​ണ്ടാ​യി​ട്ടു​ണ്ടോ​യെ​ന്ന​റി​യാ​ൻ കൊ​ച്ചി സി​റ്റി പോ​ലീ​സ് ക​മ്മീ​ഷ​ണ​ർ കെ. ​സേ​തു​രാ​മ​ൻ റി​പ്പോ​ർ​ട്ട് തേ​ടി.

സം​ഭ​വ​ത്തെ​ക്കു​റി​ച്ച് പ​ഠി​ച്ച് വി​ശ​ദ​മാ​യ റി​പ്പോ​ർ​ട്ട് ഉ​ട​ൻ ന​ൽ​കാ​ൻ ഡി​സി​പി എ​സ്. ശ​ശി​ധ​ര​നെ ചു​മ​ത​ല​പ്പെ​ടു​ത്തി​യ​താ​യി ക​മ്മീ​ഷ​ണ​ർ കെ. ​സേ​തു​രാ​മ​ൻ പ​റ​ഞ്ഞു.

എത്തിയത് നാല് ലക്ഷം പേർ
ഡി​സം​ബ​ർ 31 ന് ​ഫോ​ർ​ട്ടു​കൊ​ച്ചി​യി​ൽ ന​ട​ന്ന പു​തു​വ​ർ​ഷാ​ഘോ​ഷ​ത്തി​ൽ ഗു​രു​ത​ര സു​ര​ക്ഷാ വീ​ഴ്ച സം​ഭ​വി​ച്ച​താ​യി ആ​രോ​പ​ണം ഉ​യ​ർ​ന്നി​രി​ക്കു​ക​യാ​ണ്. സം​സ്ഥാ​ന​ത്തെ ത​ന്നെ ഏ​റ്റ​വും വ​ർ​ണാ​ഭ​മാ​യ പു​തു​വ​ത്സ​രാ​ഘോ​ഷം ന​ട​ന്ന ഫോ​ർ​ട്ട്കൊ​ച്ചി​യി​ൽ തി​ക്കി​ലും തി​ര​ക്കി​ലും​പ്പെ​ട്ട് നി​ര​വ​ധി​പ്പേ​രാ​ണ് അ​വ​ശ​രാ​യ​ത്.

ഇ​രു​പ​തി​നാ​യി​രം പേ​ർ മാ​ത്രം ഉ​ൾ​ക്കൊ​ള്ളു​ന്ന പ​രേ​ഡ് ഗ്രൗ​ണ്ടി​ൽ നാ​ല് ല​ക്ഷ​ത്തോ​ളം പേ​ർ എ​ത്തി​യെ​ന്നാ​ണ് ക​ണ​ക്ക്. തി​ര​ക്ക് മു​ന്നി​ൽ​ക​ണ്ടു​ള്ള ഗ​താ​ഗ​ത ക്ര​മീ​ക​ര​ണ​ങ്ങ​ളോ സു​ര​ക്ഷ​യോ ഒ​രു​ക്കി​യി​ല്ലെ​ന്നും ആ​ക്ഷേ​പം ഉ​യ​രു​ക​യാ​ണ്. എ​ങ്കി​ലും ഇ​ത്ര​യ​ധി​കം ജ​നം എ​ത്തി​യി​ട്ടും ക്ര​മ​സ​മാ​ധാ​ന പ്ര​ശ്ന​ങ്ങ​ളൊ​ന്നും റി​പ്പോ​ർ​ട്ടു ചെ​യ്തി​ട്ടി​ല്ല.

മുന്നൊരുക്കത്തിൽ വൻ വീഴ്ച്ച
ഫോ​ർ​ട്ടു​കൊ​ച്ചി​യി​ൽ മു​ന്നൊ​രു​ക്ക​ത്തി​ൽ വ​ലി​യ വീ​ഴ്ച​ സം​ഭ​വി​ച്ച​താ​യാ​ണ് പ്രാ​ഥ​മി​ക വി​വ​രം. ജി​ല്ലാ ഭ​ര​ണ​കൂ​ടം കാ​ർ​ണി​വ​ൽ ന​ട​ത്തി​പ്പി​ന് നി​യോ​ഗി​ച്ച സ​ബ് ക​ള​ക്ട​ർ പി​ന്നീ​ട് മാ​റി.

പി​ന്നാ​ലെ വ​ന്ന ഉ​ദ്യോ​ഗ​സ്ഥ​നും മ​റ്റ് ചു​മ​ത​ല​ക​ളു​ടെ ഭാ​ഗ​മാ​യി സ്ഥാ​ന​മൊ​ഴി​ഞ്ഞു. ഏ​റ്റ​വും ഒ​ടു​വി​ൽ ചു​മ​ത​ല​യി​ലേ​ക്ക് വ​ന്ന​വ​ർ​ക്ക് കൃ​ത്യ​മാ​യ ഏ​കോ​പ​ന​വും സാ​ധ്യ​മാ​യി​ല്ലെ​ന്നും പ​റ​യ​പ്പെ​ടു​ന്നു.

പ​പ്പാ​ഞ്ഞി​യെ ക​ത്തി​ക്ക​ൽ ഫോ​ർ​ട്ടു​കൊ​ച്ചി ബീ​ച്ചി​ൽ നി​ന്ന് പ​രേ​ഡ് ഗ്രൗ​ണ്ടി​ലേ​ക്ക് മാ​റി​യ ശേ​ഷം പ​രി​മി​തി​ക​ൾ പ​ഠി​ച്ച് നി​യ​ന്ത്ര​ണ​ങ്ങ​ൾ ഏ​ർപ്പെ​ടു​ത്താ​ത്ത​ത് സ്ഥി​തി​ഗ​തി​ക​ൾ വ​ഷ​ളാ​ക്കി​യ​താ​യി പ്ര​ദേ​ശ​വാ​സി​ക​ൾ പ​റ​യു​ന്നു. ത​ല​നാ​രി​ഴ​യ്ക്കാ​ണ് വ​ൻ ദു​ര​ന്തം ഒ​ഴി​വാ​യ​ത്.

പ​പ്പാ​ഞ്ഞി​യെ ക​ത്തി​ച്ച ശേ​ഷം വെ​ടി​ക്കെ​ട്ട് ക​ഴി​ഞ്ഞ​തോ​ടെ പ​രേ​ഡ് ഗ്രൗ​ണ്ടി​ൽ നി​ന്ന് പു​റ​ത്തു​വ​രാ​ൻ ആ​ളു​ക​ൾ തി​ക്കും തി​ര​ക്കും കൂ​ട്ടി. ഇ​തോ​ടെ പോ​ലീ​സിന്‍റെ നി​യ​ന്ത്ര​ണം കൈ​വി​ട്ടു. താ​ത്കാ​ലി​ക ബാ​രി​കേ​ഡു​ക​ൾ പ​ല​യി​ട​ങ്ങ​ളി​ലും ത​ക​ർ​ത്തു. തി​ക്കും തി​ര​ക്കി​ലും പെ​ട്ട് പോ​ലീ​സു​കാ​ര​ട​ക്കം നൂ​റോ​ളം പേ​രെ ആ​ശു​പ​ത്രി​യി​ലാ​ക്കി.

നിരവധി പേർക്ക് ചികിത്സ കിട്ടിയില്ല
തി​ക്കി​ലും തി​ര​ക്കി​ലും​പെ​ട്ട് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട യു​വ​തി​യെ ഓ​ട്ടോ​റി​ക്ഷ​യ്ക്ക് മു​ക​ളി​ൽ കി​ട​ത്തി​യാ​ണ് ആ​ശു​പ​ത്രി​യി​ൽ എ​ത്തി​ച്ച​ത്.

തി​ര​ക്കി​ൽ​പെ​ട്ട് ശ്വാ​സം കി​ട്ടാ​തെ വ​ന്ന​തോ​ടെ അ​വ​ശ​യാ​യ യു​വ​തി​യെ കി​ട​ത്താ​ൻ സ്ഥ​ലം ല​ഭി​ക്കാ​ത്ത​തി​നാ​ലാ​ണ് ഓ​ട്ടോ​യ്ക്ക് മു​ക​ളി​ൽ കി​ട​ത്തേ​ണ്ടി​വ​ന്ന​ത്.

ഓ​ട്ടോ​യ്ക്ക് മു​ക​ളി​ൽ കി​ട​ത്തി​യാ​ണ് ഇ​വ​ർ​ക്ക് കൃ​ത്രി​മ ശ്വാ​സോ​ച്ഛ്വാ​സം ന​ൽ​കി​യ​തും. ല​ക്ഷ​ക്ക​ണ​ക്കി​ന് ആ​ളു​ക​ൾ എ​ത്തി​യ സ്ഥ​ല​ത്ത് കേ​വ​ലം മൂ​ന്ന് ആം​ബു​ല​ൻ​സു​ക​ളും ഒ​രു ഡോ​ക്ട​റു​മാ​ണ് ഉ​ണ്ടാ​യി​രു​ന്ന​ത്.

അ​ടു​ത്തു​ള്ള ഫോ​ർ​ട്ടു​കൊ​ച്ചി താ​ലൂ​ക്ക് ആ​ശു​പ​ത്രി​യി​ലും ഒ​രു ഡോ​ക്ട​ർ മാ​ത്ര​മാ​ണ് ഉ​ണ്ടാ​യി​രു​ന്ന​ത്. ഇ​വി​ടെ​യെ​ത്തി​യ 200ഓ​ളം പേ​ർ​ക്ക് ചി​കി​ത്സ കി​ട്ടാ​തെ മ​ട​ങ്ങേ​ണ്ടി വ​ന്ന സാ​ഹ​ച​ര്യ​വും ഉ​ണ്ടാ​യി.

പൊ​ടി​പ​ല​ട​ങ്ങ​ൾ ഉ​യ​ർ​ന്ന​താ​ണ് ഭൂ​രി​ഭാ​ഗം പേ​ർ​ക്കും അ​സ്വ​സ്ഥ​ത ഉ​ണ്ടാ​കു​ന്ന​തി​ന് കാ​ര​ണ​മാ​യ​ത്. ഇ​ത് നി​യ​ന്ത്ര​ണ വി​ധേ​യ​മാ​ക്കു​ന്ന യാ​തൊ​രു സം​വി​ധാ​ന​ങ്ങ​ളും സം​ഘാ​ട​ക​ർ ഒ​രു​ക്കി​യി​രു​ന്നി​ല്ല.

തീരുമാനങ്ങൾ നടപ്പായില്ല
കാ​ർ​ണി​വ​ലി​ന്‍റെ മു​ന്നൊ​രു​ക്ക​ങ്ങ​ൾ ച​ർ​ച്ച ചെ​യ്യാ​ൻ ജ​ന​പ്ര​തി​നി​ധി​ക​ള​ട​ക്ക​മു​ള്ള​വ​രു​ടെ സാ​ന്നി​ധ്യ​ത്തി​ൽ ചേ​ർ​ന്ന് യോ​ഗ​ത്തി​ലെ തീ​രു​മാ​ന​ങ്ങ​ളൊ​ന്നും പാ​ലി​ക്ക​പ്പെ​ട്ടി​ല്ലെ​ന്ന് അ​ധി​കൃ​ത​ർ ത​ന്നെ വ്യ​ക്ത​മാ​ക്കു​ന്നു.

കാ​ർ​ണി​വ​ലി​നോ​ട​നു​ബ​ന്ധി​ച്ച് അ​ന്നേ​ദി​വ​സം അ​ഞ്ച് കെഎ​സ്ആ​ർ​ടി​സി, 20 പ്രൈ​വ​റ്റ് ബ​സ് എ​ന്നി​ങ്ങ​നെ പ്ര​ത്യേ​ക സ​ർ​വീ​സ് ന​ട​ത്ത​ണ​മെ​ന്ന് തീ​രു​മാ​നി​ച്ചി​രു​ന്നെ​ങ്കി​ലും ഇ​വ പാ​ലി​ക്ക​പ്പെ​ട്ടി​ല്ല.

പ്ര​ദേ​ശ​ത്ത് മെ​ഡി​ക്ക​ൽ ഔ​ട്ട്പോ​സ്റ്റ് സ്ഥാ​പി​ക്കാ​ണ​മെ​ന്ന നി​ർ​ദേ​ശ​വും ന​ട​പ്പാ​യി​ല്ല. ഇ​തോ​ടെ​യാ​ണ് ആ​രോ​ഗ്യ പ്ര​ശ്ന​ങ്ങ​ളാ​ൽ വ​ല​ഞ്ഞ​വ​രെ സം​ര​ക്ഷി​ക്കാ​ൻ ക​ഴി​യാ​തെ വ​ന്ന​ത്.

പോ​ലീ​സ് കാ​ര്യ​ക്ഷ​മ​മാ​യ ഇ​ട​പെ​ട​ലു​ക​ൾ ന​ട​ത്തി​യെ​ങ്കി​ലും ഇ​വ​രെ സ​ഹാ​യി​ക്കാ​നു​ള്ള അ​നു​ബ​ന്ധ വ​കു​പ്പു​ക​ളു​ടെ പ്ര​വ​ർ​ത്ത​നം പ​രാ​ജ​യ​മാ​യി​രു​ന്നു​വെ​ന്ന് കോ​ർ​പ്പ​റേ​ഷ​ൻ കൗ​ണ്‍​സി​ലർ ആ​ന്‍റ​ണി പൈ​നു​ത്ത​റ ആ​രോ​പി​ച്ചു.

ശ്വാ​സ​ത​ട​സം അ​ട​ക്കം അ​നു​ഭ​വ​പ്പെ​ട്ട​വ​രെ എ​ത്തി​ച്ച ഫോ​ർ​ട്ടു​കൊ​ച്ചി താ​ലൂ​ക്ക് ആ​ശു​പ​ത്രി​യി​ൽ അ​ത്യാ​ഹി​ത വി​ഭാ​ഗ​ത്തി​ലു​മാ​യി ഏ​ക ഡോ​ക്ട​റാ​ണു​ണ്ടാ​യി​രു​ന്ന​ത്. ആ​ളു​ക​ൾ കൂ​ട്ട​മാ​യെ​ത്തി​യ​തോ​ടെ ഡോ​ക​ട​ർ​ക്കും ത​ള​ർ​ച്ച നേ​രി​ടു​ന്ന സാ​ഹ​ച​ര്യ​വു​മു​ണ്ടാ​യി.

ആ​ഘോ​ഷ​ങ്ങ​ൾ ക​ണ​ക്കി​ലെ​ടു​ത്ത് ഫോ​ർ​ട്ടു​കൊ​ച്ചി​യി​ലേ​ക്ക് ര​ണ്ട് റോ-​റോ സ​ർ​വീ​സു​ക​ൾ ന​ട​ത്ത​ണ​മെ​ന്ന് നി​ർ​ദേ​ശം ഉ​ണ്ടാ​യി​രു​ന്നെ​ങ്കി​ലും സ​ർ​വീ​സ് ന​ട​ത്തി​യ​ത് ഒ​രെ​ണ്ണം മാ​ത്ര​മാ​ണ്.

ഇ​തോ​ടെ ജ​നം ഇ​ര​ച്ചു ക​യ​റി. ഇ​ത് അ​പ​ക​ട സാ​ധ്യ​ത​യ്ക്ക് വ​ഴി​വെ​ച്ചെ​ങ്കി​ലും ത​ല​നാ​രി​ഴ​യ്ക്ക് ര​ക്ഷ​പ്പെ​ടു​ക​യാ​യി​രു​ന്നു.അ​തേ​സ​മ​യം വേ​ണ്ട സു​ര​ക്ഷാ മു​ൻ ക​രു​ത​ലു​ക​ൾ സ്വീ​ക​രി​ച്ചി​രു​ന്ന​താ​യാ​ണ് സം​ഘ​ട​ക​രു​ടെ വാ​ദം.