മലപ്പുറം: നിരീശ്വരവാദികളുടെ സമൂഹ മാധ്യമ പേജുകൾ ഏറ്റവും കൂടുതൽ ഫോളോ ചെയ്യുന്നത് മുസ്ലിം പെൺകുട്ടികളാണെന്ന് തദ്ദേശ വകുപ്പ് മന്ത്രി കെ.എം. ഷാജി. മുസ്ലിം പെൺകുട്ടികളുടെ പുരോഗതിയും സാമൂഹിക മാറ്റങ്ങളും മനസിലാക്കാൻ സമുദായ സംഘടനകൾക്ക് സാധിക്കുന്നില്ലെന്നും അദ്ദേഹം പറഞ്ഞു.
ഇക്കാര്യത്തിൽ വലിയ ആശങ്കയുണ്ടെന്നും മന്ത്രി വ്യക്തമാക്കി. പുരോഗമനപരമെന്ന് അവകാശപ്പെടുന്ന സംഘടനകൾക്ക് പോലും പുതിയ തലമുറയിലെ പെൺകുട്ടികളെ ശരിയായ രീതിയിൽ നയിക്കാനോ നിർദേശങ്ങൾ നൽകാനോ സാധിക്കുന്നില്ലെന്നും ഷാജി പറഞ്ഞു.
നിലവിലെ സാഹചര്യത്തിൽ ഒരുതരത്തിലും പരിവർത്തിക്കപ്പെടാത്ത സംഘടനകൾ ഉണ്ടെന്നും മന്ത്രി ചൂണ്ടിക്കാട്ടി. സിജെപി സമരത്തിൽ പോലും മുസ്ലിം പെൺകുട്ടികൾ വലിയ പങ്കുവഹിച്ചിട്ടുണ്ടെന്നും കെ.എം. ഷാജി കൂട്ടിച്ചേർത്തു. കാലിക്കറ്റ് സർവകലാശാലയിൽ സംഘടിപ്പിച്ച സി.എച്ച്. മുഹമ്മദ് കോയ ദേശീയ സെമിനാറിൽ സംസാരിക്കുകയായിരുന്നു മന്ത്രി.
