ഭാ​ര്യ​യെ ക​ഴു​ത്ത​റുത്ത് കൊ​ന്ന ഭ​ര്‍​ത്താ​വ്; ഭാ​ര്യ​യു​ടെ ദ്രോ​ഹം സ​ഹി​ക്കാ​നായില്ലെന്നു മൊഴി; നാടിനെ നടുക്കിയ സംഭവം പയ്യന്നൂർ കാങ്കോലിൽ

പ​യ്യ​ന്നൂ​ര്‍: പ​ട്ടാ​പ്പ​ക​ല്‍ ഭാ​ര്യ​യെ വീ​ടി​നു​ള്ളി​ല്‍ ക​ഴു​ത്ത​റുത്ത് കൊ​ല​പ്പെ​ടു​ത്തി​യ സം​ഭ​വ​ത്തി​ല്‍ ഭ​ര്‍​ത്താ​വ് അ​റ​സ്റ്റി​ല്‍.​ വാ​ക്കേ​റ്റ​ത്തി​നി​ട​യി​ല്‍ ത​ല​യ്ക്ക​ടി​ച്ചു വീ​ഴ്ത്തി​യ​ശേ​ഷ​മാ​ണ് ക​ഴു​ത്ത​റു​ത്ത് കൊ​ല​പാ​ത​ക​മെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം.

ന​ര​ഹ​ത്യാ​ക്കു​റ്റ​ത്തി​ന് അ​റ​സ്റ്റി​ലാ​യ പ്ര​തി​യെ ഇ​ന്ന് കോ​ട​തി​യി​ല്‍ ഹാ​ജ​രാ​ക്കും. പി​ന്നീ​ട് ക​സ്റ്റ​ഡി​യി​ല്‍ വാ​ങ്ങി തെ​ളി​വെ​ടു​പ്പ് ന​ട​ത്തു​മെ​ന്നു പെ​രി​ങ്ങോം സ്‌​റ്റേ​ഷ​ന്‍ ഇ​ന്‍​സ്‌​പെ​ക്ട​ര്‍ പി.​ സു​ഭാ​ഷ് പ​റ​ഞ്ഞു.

പെ​രി​ങ്ങോം പോ​ലീ​സ് സ്റ്റേ​ഷ​ന്‍ പ​രി​ധി​യി​ലെ കാ​ങ്കോ​ല്‍ പ​പ്പാ​ര​ട്ട​യി​ലെ ബ​മ്മാ​ര​ടി കോ​ള​നി​യി​ല്‍ താ​മ​സി​ക്കു​ന്ന പ​ള്ളി​ക്കു​ടി​യ​ന്‍ ഹൗ​സി​ല്‍ ഷാ​ജി (40)യാ​ണ് ഭാ​ര്യ ക​ണ്ണൂ​ര്‍ മ​യ്യി​ല്‍ പെ​രു​മാ​ച്ചേ​രി​യി​ലെ കെ.​വി.​ പ്ര​സ​ന്ന​യെ (36) ഇ​ന്ന​ലെ ഉ​ച്ച​യ്ക്ക് ര​ണ്ട​ര​യോ​ടെ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യ​ത്. ഇ​തി​നു​ശേ​ഷം പ​യ്യ​ന്നൂ​ര്‍ പോ​ലീ​സ് സ്റ്റേ​ഷ​നി​ലെ​ത്തി കീ​ഴ​ട​ങ്ങി​യ പ്ര​തി​യെ പെ​രി​ങ്ങോം പോ​ലീ​സി​ന് കൈ​മാ​റി.

ഭാ​ര്യ​യു​ടെ ദ്രോ​ഹം പ​ര​മാ​വ​ധി സ​ഹി​ച്ചു​വെ​ന്നും തു​ട​ര്‍​ന്നും സ​ഹി​ക്കാ​നാ​കാ​തെ വ​ന്ന​പ്പോ​ഴാ​ണ് കൃ​ത്യം ന​ട​ത്തി​യ​തെ​ന്നും പ്ര​തി പോ​ലീ​സി​ന് മൊ​ഴി ന​ല്‍​കി​യ​താ​യാ​ണ് സൂ​ച​ന. മു​മ്പ് ജോ​ലി​സ്ഥ​ല​ത്തു​ണ്ടാ​യ വീ​ഴ്ച​യി​ല്‍ പ​രി​ക്ക് പ​റ്റി​യ​ശേ​ഷം നി​ര്‍​മാ​ണ തൊ​ഴി​ലാ​ളി​യാ​യ ഷാ​ജി ജോ​ലി​ക്ക് പോ​കാ​നാ​വാ​തെ ക​ഴി​യു​ക​യാ​യി​രു​ന്നു.

പി​ന്നീ​ട് പ്ര​സ​ന്ന​യാ​ണ് ഭ​ര്‍​ത്താ​വി​നെ​യും മൂ​ന്നു മ​ക്ക​ളെ​യും സം​ര​ക്ഷി​ച്ചു വ​ന്ന​ത്.അ​പ​ക​ട​മു​ണ്ടാ​കു​ന്ന​തി​ന് മു​മ്പാ​രം​ഭി​ച്ച വീ​ടു​നി​ര്‍​മാ​ണ​ത്തി​ന്‍റെ സാ​മ്പ​ത്തി​ക പ്ര​യാ​സ​ങ്ങ​ള്‍​ക്കി​ട​യി​ല്‍ കു​റ​ച്ചു​നാ​ളു​ക​ളാ​യി ദ​മ്പ​തി​ക​ള്‍​ക്കി​ട​യി​ല്‍ അ​സ്വാ​ര​സ്യ​ങ്ങ​ളും വാ​ക്കേ​റ്റ​ങ്ങ​ളു​മു​ണ്ടാ​യി​രു​ന്നു.

ഇ​തേ​തു​ട​ര്‍​ന്നാ​ണ് പ്ര​സ​ന്ന മ​ക്ക​ളാ​യ ജ​ന​ഷ, പാ​ര്‍​ഥീ​വ് ശി​വ, ശി​വ​ദ​ര്‍​ശ​ക് എ​ന്നി​വ​രെ​യും​കൂ​ട്ടി ക​ണ്ണൂ​രി​ലെ വീ​ട്ടി​ലേ​ക്ക് പോ​യ​ത്. ഭാ​ര്യ​യു​മാ​യി വി​വാ​ഹ​ബ​ന്ധം വേ​ര്‍​പെ​ടു​ത്തു​ന്ന​തി​നു​ള്ള ശ്ര​മ​ങ്ങ​ളും ന​ട​ന്നു​വ​രി​ക​യാ​യി​രു​ന്നു.

അ​തി​നി​ട​യി​ലാ​യി​രു​ന്നു നി​ര്‍​മാ​ണം പൂ​ര്‍​ത്തീ​ക​രി​ച്ചു​കൊ​ണ്ടി​രു​ന്ന വീ​ട്ടി​ല്‍ ഭാ​ര്യ​യു​ടെ ജീ​വ​നെ​ടു​ത്ത സം​ഭ​വം. മ​ക്ക​ളെ സ്‌​കൂ​ളി​ല​യ​ച്ച​ശേ​ഷം കാ​ങ്കോ​ലി​ലെ വീ​ടി​ന​ടു​ത്തു​ള്ള ഒ​രു വി​വാ​ഹ​ത്തി​ല്‍ പ​ങ്കെ​ടു​ക്കാ​നെ​ത്തി​യ പ്ര​സ​ന്ന അ​തി​നി​ട​യി​ല്‍ കോ​ള​നി​യി​ലെ വീ​ട്ടി​ലെ​ത്തി​യ​പ്പോ​ഴാ​ണ് ത​ല​യ്ക്ക​ടി​ച്ചു​വീ​ഴ്ത്തി​യ ശേ​ഷം ഭ​ര്‍​ത്താ​വ് ദേ​ഹ​ത്തി​ല്‍​നി​ന്നും ത​ല​യ​റു​ത്തു മാ​റ്റി​യ​ത്.

വി​വാ​ഹ വീ​ട്ടി​ലേ​ക്ക് പോ​യി​രു​ന്ന​തി​നാ​ല്‍ അ​ടു​ത്ത വീ​ടു​ക​ളി​ല്‍ ആ​രു​മു​ണ്ടാ​യി​രു​ന്നി​ല്ല. സം​ഭ​വ​ത്തി​നു‌​ശേ​ഷം പ്ര​തി ബൈ​ക്കി​ല്‍ പ​യ്യ​ന്നൂ​ര്‍ പോ​ലീ​സ് സ്‌​റ്റേ​ഷ​നി​ലെ​ത്തി ഭാ​ര്യ​യെ കൊ​ന്ന വി​വ​ര​മ​റി​യി​ച്ച് കീ​ഴ​ട​ങ്ങു​ക​യാ​യി​രു​ന്നു.

വീ​ട്ടി​ലേ​ക്ക് പോ​യ പ്ര​സ​ന്ന​യെ കാ​ണാ​ത്ത​തി​നാ​ല്‍ പ​രി​സ​ര​വാ​സി​ക​ള്‍ ന​ട​ത്തി​യ അ​ന്വേ​ഷ​ണ​ത്തി​ലാ​ണ് കൊ​ല​പാ​ത​കം ശ്ര​ദ്ധ​യി​ല്‍​പെ​ട്ട​ത്. സം​ഭ​വ​ത്തെ​പ്പ​റ്റി​യു​ള്ള അ​യ​ല്‍​വാ​സി​യു​ടെ പ​രാ​തി​യി​ലാ​ണ് പെ​രി​ങ്ങോം പോ​ലീ​സ് ന​ര​ഹ​ത്യ​ക്ക് കേ​സെ​ടു​ത്ത​ത്.