മൂവാറ്റുപുഴ നഗരത്തിൽ വൈ​ദ്യു​തി മു​ട​ക്കം പതിവാകുന്നു; വ്യാപാരികളും ജനങ്ങൾ ദുരിതത്തിൽ

മൂ​വാ​റ്റു​പു​ഴ: ന​ഗ​ര​ത്തി​ൽ വൈ​ദ്യു​തി മു​ട​ക്കം പ​തി​വാ​കു​ന്ന​ത് ഉ​പ​യോക്താ​ക്ക​ൾ​ക്ക് ദു​രി​ത​മാ​കു​ന്നു. വ്യാ​പാ​ര വ്യ​വ​സാ​യ സ്ഥാ​പ​ന​ങ്ങ​ളു​ടെയും ധ​ന​കാ​ര്യ സ്ഥാ​പ​ങ്ങ​ളു​ടെയും പ്ര​വ​ർ​ത്ത​നം താ​റു​മാ​റാ​ക്കു​ന്ന വി​ധ​ത്തി​ലാ​ണ് വൈ​ദ്യു​തി ത​ട​സ​പ്പെ​ടു​ന്ന​ത്. ഓ​രോ മ​ണി​ക്കൂ​റി​ലും നി​ര​വ​ധി ത​വ​ണ​യാ​ണ് വൈ​ദ്യു​തി മു​ട​ങ്ങു​ന്ന​ത്. നേ​ര​ത്തെ ന​ഗ​ര​ത്തി​ൽ അ​ടി​ക്ക​ടി വൈ​ദ്യു​തി ത​ട​സ​മു​ണ്ടാ​കു​ന്ന​തു വ്യാ​പ​ക പ്ര​തി​ഷേ​ധ​ത്തി​നി​ട​യാ​ക്കി​യി​രു​ന്നു.

ഇ​തേ​ത്തു​ട​ർ​ന്നു വൈ​ദ്യു​തി ത​ട​സം പ​രി​ഹ​രി​ക്കാ​ൻ 1.46 കോ​ടി ചെ​ല​വ​ഴി​ച്ച് ന​ഗ​ര​ത്തി​ൽ ഏ​രി​യ​ൽ ബ​ഞ്ച​ഡ് കേ​ബി​ൾ (എ​ബി​സി) സം​വി​ധാ​നം ഒ​രു​ക്കി​യി​രു​ന്നു. ഇ​തി​നാ​യി ന​ഗ​ര​ത്തി​ലു​ട​നീ​ളം പ്ര​ത്യേ​ക കേ​ബി​ളും വ​ലി​ച്ചു. എ​ബി​സി സം​വി​ധാ​നം നി​ല​വി​ൽ വ​രു​ന്ന​തോ​ടെ ന​ഗ​ര​ത്തി​ലെ വൈ​ദ്യു​തി മു​ട​ക്ക​ത്തി​ന് പ​രി​ഹാ​ര​മാ​കു​മെ​ന്ന് അ​ന്ന് അ​ധി​കൃ​ത​ർ വ്യ​ക്ത​മാ​ക്കി​യി​രു​ന്നു.

കൊ​ടും​വേ​ന​ലി​ൽ ദി​വ​സ​ങ്ങ​ളോ​ളം വൈ​ദ്യു​തി വി​ച്ഛേ​ദി​ച്ച​ശേ​ഷ​മാ​യി​രു​ന്നു നി​ർ​മാ​ണ പ്ര​വൃത്തികൾ ന​ട​ത്തി​യ​ത്. വൈ​ദ്യു​തി ത​ട​സ​ത്തി​നു ശാ​ശ്വ​ത പ​രി​ഹാ​ര​മാ​കു​മെ​ന്ന​തി​നാ​ൽ ജ​ന​ങ്ങ​ളും സ​ഹ​ക​രി​ക്കു​ക​യാ​യി​രു​ന്നു. പ​ദ്ധ​തി നി​ല​വി​ൽ​വ​ന്ന ഏ​താ​നും ദി​വ​സ​ത്തേ​ക്ക് വൈ​ദ്യു​തി ത​ട​സം ഒ​ഴി​വാ​യി​രു​ന്നെ​ങ്കി​ലും പി​ന്നീ​ട് അ​ടി​ക്ക​ടി വൈ​ദ്യു​തി ബ​ന്ധം വി​ച്ഛേ​ദി​ക്ക​പ്പെ​ടു​ന്ന സ്ഥി​തി​യാ​യി​രു​ന്നു.

വൈ​ദ്യു​തി മു​ട​ക്കം പ​തി​വാ​കു​ന്ന​ത് ന​ഗ​ര​ത്തി​ലെ വ്യാ​പാ​ര-​വ്യ​വ​സാ​യ സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​ന​ത്തെ​യും കാ​ര്യ​മാ​യി ബാ​ധി​ക്കു​ന്നു​ണ്ട്. മി​നി​റ്റു​ക​ളു​ടെ വ്യ​ത്യാ​സ​ത്തി​ൽ ഉ​ണ്ടാ​കു​ന്ന വൈ​ദ്യു​തി ത​ട​സം മൂ​ലം ബേ​ക്ക​റി​ക​ൾ, കോ​ൾ​ഡ് സ്റ്റോ​റേ​ജ്, ഭ​ക്ഷ​ണ ശാ​ല​ക​ൾ എ​ന്നി​വ​യ്ക്കു വ​ൻ ന​ഷ്ട​മാ​ണു​ണ്ടാ​കു​ന്ന​ത്. ഫ്രീ​സ​റു​ക​ൾ പ്ര​വ​ർ​ത്തി​ക്കാ​ത്ത​തി​നാ​ൽ ഭ​ക്ഷ​ണ​പ​ദാ​ർ​ഥ​ങ്ങ​ൾ കേ​ടു​കൂ​ടാ​തെ സൂ​ക്ഷി​ക്കാ​ൻ ക​ഴി​യു​ന്നി​ല്ലെ​ന്നു വ്യാ​പാ​രി​ക​ൾ പ​റ​യു​ന്നു.

വ​ലി​യ വ്യാ​പാ​ര സ്ഥാ​പ​ന​ങ്ങ​ൾ ജ​ന​റേ​റ്റ​റു​ക​ൾ ഉ​പ​യോ​ഗി​ച്ച് പി​ടി​ച്ചു​നി​ൽ​ക്കു​ന്പോ​ൾ ചെ​റു​കി​ട വ്യാ​പാ​രി​ക​ളാ​ണ് ബു​ദ്ധി​മു​ട്ടു​ന്ന​ത്. പ​ല​വ​ട്ടം വൈ​ദ്യു​തി ബ​ന്ധം ത​ട​സ​പ്പെ​ടു​ന്ന​തു​മൂ​ലം ശീ​തീ​ക​ര​ണ ഉ​പ​ക​ര​ണ​ങ്ങ​ളും മ​റ്റ് വൈ​ദ്യു​ത ഉ​പ​ക​ര​ണ​ങ്ങ​ളും ത​ക​രാ​റി​ലാ​കു​ന്ന​തും നി​ത്യ​സം​ഭ​വ​മാ​ണ്. ന​ഗ​ര​ത്തി​ൽ ഒ​രു ദി​വ​സം 20 ത​വ​ണ​വ​രെ വൈ​ദ്യു​തി ത​ട​സ​പ്പെ​ടു​ന്നു​വെ​ന്നു വ്യാ​പാ​രി​ക​ൾ പ​റ​യു​ന്നു.

മാ​റാ​ടി​യി​ൽ സ​ബ് സ്റ്റേ​ഷ​ന്‍റെ നി​ർ​മാ​ണം പൂ​ർ​ത്തി​യാ​യാ​ൽ എ​ല്ലാ വൈ​ദ്യു​തി പ്ര​ശ്ന​ങ്ങ​ളും പ​രി​ഹ​രി​ക്ക​പ്പെ​ടു​മെ​ന്നും അ​ധി​കൃ​ത​ർ പ​റ​ഞ്ഞി​രു​ന്നു. എ​ന്നാ​ൽ നി​ർ​മാ​ണം പൂ​ർ​ത്തീ​ക​രി​ച്ച് ഉ​ദ്ഘാ​ട​ന​വും ക​ഴി​ഞ്ഞെ​ങ്കി​ലും ന​ഗ​ര​ത്തി​ലെ വൈ​ദ്യു​ത പ്ര​ശ്ന​ത്തി​നു പ​രി​ഹാ​ര​മാ​യി​ട്ടി​ല്ല. ഗ്രാ​മ​പ്ര​ദേ​ശ​ങ്ങ​ളി​ലും വൈ​ദ്യു​തി ത​ട​സ​പ്പെ​ടു​ന്ന​ത് പ​തി​വാ​യി​രി​ക്കു​ക​യാ​ണ്. രാ​ത്രി​യി​ൽ വൈ​ദ്യു​തി നി​ല​ച്ചാ​ൽ പി​റ്റേ​ദി​വ​സ​മാ​ണ് പ​ല​പ്പോ​ഴും പു​നഃ​സ്ഥാ​പി​ക്ക​പ്പെ​ടു​ന്ന​ത്. ഇ​തു​മൂ​ലം മോ​ഷ​ണ​വും സാ​മൂ​ഹ്യ​വി​രു​ദ്ധ​ശ​ല്യ​വും വ​ർ​ധി​ക്കു​മെ​ന്ന ഭീ​തി​യും ജ​ന​ങ്ങ​ൾ​ക്കി​ട​യി​ലു​ണ്ട്.