കൊച്ചി: ഡാറ്റാ ചോര്ച്ചയില് സര്ക്കാരിനെതിരായ ഹര്ജി ഹൈക്കോടതി തള്ളി. മുഖ്യമന്ത്രിയുടെ ഓഫീസ് സന്ദേശം അയച്ചതില് നിയമവിരുദ്ധതയില്ലെന്ന് ഹൈക്കോടതി ചൂണ്ടിക്കാട്ടി. സന്ദേശം നല്ല ഭരണത്തിന്റെ ഭാഗമെന്നും സ്വകാര്യതാ ലംഘനമെന്ന ഹര്ജിക്കാരുടെ വാദത്തില് കഴമ്പില്ലെന്നും ഹൈക്കോടതി വ്യക്തമാക്കി.
തെരഞ്ഞെടുപ്പുകാലത്ത് സന്ദേശം അയച്ചുവെന്നത് യാഥാര്ഥ്യമല്ലെന്നും ഹര്ജിക്കാരുടെ ഭരണഘടനാ അവകാശം ലംഘിച്ചിട്ടില്ലെന്നും സര്ക്കാര് കോടതിയില് നേരത്തെ വിശദീകരിച്ചിരുന്നു.
സന്ദേശം അയയ്ക്കുന്നതിനുള്ള സമ്പൂര്ണ നിയന്ത്രണം ഐടി മിഷനെന്ന് സര്ക്കാര് വിശദീകരിച്ചു. ഐടി മിഷനിലെ ഉദ്യോഗസ്ഥന് നേരിട്ട് ഹാജരായാണ് നടപടിക്രമം വിശദീകരിച്ചത്.
ഐടി മിഷന് നിരവധി സെന്ഡര് ഐഡി ഉണ്ട്, അതിലൊന്നാണ് സിഎംഒ കേരളയെന്നും മെറ്റ വെരിഫൈ ചെയ്ത ഐഡി ആണ് സന്ദേശങ്ങള്ക്കായി ഉപയോഗിക്കുന്നതെന്നുമായിരുന്നു വിശദീകരണം.
