വീട്ടുകാരടെ എതിർപ്പോ‍? യു​വാ​വും യു​വ​തി​യും മ​രി​ച്ച നി​ല​യി​ൽ; കമിതാക്കളെന്നു സംശയം; മരണ ദൃശ്യങ്ങൾ കാമറയിൽ

അ​ടൂ​ർ: യു​വാ​വി​നെ​യും യു​വ​തി​യെ​യും വാ​ട​ക​വീ​ട്ടി​ൽ മ​രി​ച്ച നി​ല​യി​ൽ ക​ണ്ടെ​ത്തി. ക​മി​താ​ക്ക​ളെ​ന്നു സം​ശ​യം.  അ​ടൂ​ർ പ​ന്നി​വി​ഴ​യ്ക്കു സ​മീ​പ​മു​ള്ള വാ​ട​ക​വീ​ട്ടി​ലാ​ണ് ഇ​ന്ന​ലെ രാ​ത്രി ഇ​രു​വ​രെ​യും ക​ണ്ടെ​ത്തി​യ​ത്. കൊ​ടു​മ​ണ്‍ ഐ​ക്കാ​ട് തോ​ട്ട​രി​കി​ൽ റി​ജോ​മോ​ൻ ( 26), ഏ​നാ​ത്ത് – കു​ള​ക്ക​ട ഷിനു (32) എ​ന്നി​വ​രെ​യാ​ണ് മ​രി​ച്ച​നി​ല​യി​ൽ​ ക​ണ്ടെ​ത്തി​യ​ത്.     തു​ന്പ​മ​ണ്ണി​ൽ സ്റ്റു​ഡി​യോ ന​ട​ത്തി​വ​രി​ക​യാ​യി​രു​ന്നു റി​ജോ​മോ​ൻ.പ​ന്നി​വി​ഴ സൊ​സൈ​റ്റി​ക്കു സ​മീ​പ​മു​ള്ള ഫ്ളാ​റ്റിൽ മുറി ക​ഴി​ഞ്ഞ പ​ത്തി​നാ​ണ് റി​ജോ വാ​ട​ക​യ്ക്കെ​ടു​ത്ത​തെ​ന്നു പ​റ​യു​ന്നു. ഒ​റ്റ​യ്ക്കാ​യി​രു​ന്നു താ​മ​സം.

റി​ജോ ഇ​ന്ന​ലെ ഫ്ളാ​റ്റി​നു പു​റ​ത്തി​റ​ങ്ങി​യി​രു​ന്നി​ല്ലെ​ന്നു പ​റ​യു​ന്നു. ഇ​യാ​ളു​ടെ ഓ​ൾ​ട്ടോ കാ​ർ വീ​ടി​നു മു​ന്പി​ൽ പാ​ർ​ക്ക് ചെ​യ്തി​രു​ന്നു. ഇ​തി​നു തൊ​ട്ടു​മു​ന്പി​ൽ പാ​ർ​ക്ക് ചെ​യ്തി​രു​ന്ന മ​റ്റൊ​രു താ​മ​സ​ക്കാ​ര​ന്‍റെ കാ​ർ പു​റ​ത്തേ​ക്കി​റ​ക്കാ​നാ​കാ​തെ വ​ന്ന​തോ​ടെ ന​ട​ന്ന അ​ന്വേ​ഷ​ണ​മാ​ണ് റി​ജോ​യു​ടെ താ​മ​സ​സ്ഥ​ല​ത്തേ​ക്ക്  വ്യാ​പി​പ്പി​ച്ച​ത്.     വീ​ട്ടു​മു​റ്റ​ത്ത് അ​യ കെ​ട്ടി​യി​രു​ന്ന പ്ലാ​സ്റ്റി​ക് ക​യ​ർ മു​റി​ച്ചെ​ടു​ത്ത​തും നാ​ട്ടു​കാ​രി​ൽ സം​ശ​യം ജ​നി​പ്പി​ച്ചു. രാ​ത്രി​യി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ര​ണ്ടു​പേ​രെ​യും വീ​ടി​നു​ള്ളി​ൽ ക​ണ്ട​ത്. തൂ​ങ്ങി​മ​രി​ച്ച നി​ല​യി​ലാ​യി​രു​ന്നു ഇ​വ​ർ.

പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പെ​ണ്‍​കു​ട്ടി ഫ്ളാ​റ്റി​ലെ സ്വീ​ക​ര​ണ​മു​റി​യി​ലും റി​ജോ കി​ട​പ്പു​മു​റി​യി​ലു​മാ​ണ് മ​രി​ച്ച​നി​ല​യി​ൽ ക​ണ്ട​ത്.     ഇ​വ​രു​ടെ മ​ര​ണ​ദൃ​ശ്യ​ങ്ങ​ൾ വീ​ഡി​യോ​യി​ൽ പ​ക​ർ​ത്തി​യി​രു​ന്ന​താ​യും പോ​ലീ​സ് പ​റ​യു​ന്നു. അ​ടൂ​ർ പോ​ലീ​സ് സ്ഥ​ല​ത്തെ​ത്തി ഇ​ൻ​ക്വ​സ്റ്റ് ത​യാ​റാ​ക്കി. പെ​ണ്‍​കു​ട്ടി​യെ തി​രി​ച്ച​റി​ഞ്ഞ​ശേ​ഷം മൃ​ത​ദേ​ഹം കോ​ട്ട​യം മെ​ഡി​ക്ക​ൽ കോ​ള​ജി​ൽ പോ​സ്റ്റു​മോ​ർ​ട്ട​ത്തി​ന് അ​യ​യ്ക്കും.