കുഞ്ഞനെ ഒന്നു സഹായിക്കാമോ! നിമോണിയ കരളിന് ബാധിച്ച് കിടപ്പിലാണ് കുഞ്ഞൻ; സീതയും നാ​യ​യും ത​മ്മി​ലു​ള്ള അ​പൂ​ർ​വ സ്നേ​ഹ​ത്തി​ന്‍റെ നേ​ർ​ക്കാ​ഴ്ച …

കെ.​കെ.​ അ​ർ​ജു​ന​ൻ
വെ​ള​പ്പാ​യ: ഒ​രു കു​ടും​ബം മു​ഴു​വ​ൻ പ്രാ​ർ​ഥനയിലാ​ണ്….​ത​ങ്ങ​ളു​ടെ പ്രി​യ​പ്പെ​ട്ട വ​ള​ർ​ത്തു​നാ​യ ജീ​വി​ത​ത്തി​ലേ​ക്കു തി​രി​ച്ചെ​ത്താ​ൻ. വെ​ള​പ്പായ ചൈ​ന ബ​സാ​റി​ലെ പ​ട്ടി​യ​ത്ത് വീ​ട്ടി​ൽ സീ​ത​യും കു​ടും​ബ​വു​ം ഓ​മ​നി​ച്ചു വ​ള​ർ​ത്തി​യ കു​ഞ്ഞ​നെന്ന നാ​ട​ൻ വ​ള​ർ​ത്തു​നാ​യ ഇ​പ്പോ​ൾ ത​ള​ർ​ന്നു​കി​ട​പ്പാ​ണ്. ഉ​ത്സാ​ഹ​ത്തോ​ടെ ഓ​ടിന​ട​ന്നി​രു​ന്ന കു​ഞ്ഞ​ൻ ഒ​രു​മാ​സം മു​ന്പാ​ണ് കി​ട​പ്പി​ലാ​യ​ത്.

തൃ​ശൂ​ർ ന​ഗ​ര​ത്തി​ലെ ഷോ​പ്പിം​ഗ് കോം​പ്ലെ​ക്സി​ൽ ശു​ചീ​ക​ര​ണ തൊ​ഴി​ലാ​ളി​യാ​യ സീ​ത ജോ​ലി ക​ഴി​ഞ്ഞ് വീ​ട്ടി​ലേ​ക്കു തി​രി​ച്ചെ​ത്തു​ന്ന​തും കാ​ത്ത് വീ​ടി​നു മു​ന്നി​ലെ റോ​ഡി​ൽ കു​ഞ്ഞ​ൻ നി​ൽ​ക്കു​ക പ​തി​വാ​യി​രു​ന്നു. ഇ​ങ്ങ​നെ റോ​ഡി​ൽ നി​ൽ​ക്കു​ന്ന​തി​നി​ടെ അ​വ​ണൂ​ർ പ​ഞ്ചാ​യ​ത്ത് നി​യോ​ഗി​ച്ച പ​ട്ടി​പി​ടിത്ത​ക്കാ​ർ വ​ന്ധ്യം​ക​ര​ണത്തിനാ​യി കു​ഞ്ഞ​നെ പി​ടി​ച്ചു​കൊ​ണ്ടു​പോ​യി.

നാ​ട്ടു​കാ​ർ ത​ട​യാ​ൻ ശ്ര​മി​ച്ചെ​ങ്കി​ലും അവ​ർ സമ്മതിച്ചില്ല.ജോ​ലി ക​ഴി​ഞ്ഞെ​ത്തി​യ​പ്പോ​ഴാ​ണ് സീ​ത ത​ന്‍റെ ഓ​മ​ന​യെ കൊ​ണ്ടു​പോ​യ​തറി​ഞ്ഞ​ത്. ഉ​ട​ൻ ഓ​ട്ടോ വി​ളി​ച്ച് പ​ഞ്ചാ​യ​ത്തി​ന്‍റെ പ​ല ഭാ​ഗ​ത്തും പോ​യി പ​ട്ടി​പി​ടിത്ത​ക്കാ​രെ അ​ന്വേ​ഷി​ച്ചെ​ങ്കി​ലും ക​ണ്ടെ​ത്താ​നാ​യി​ല്ല.

പ​ഞ്ചാ​യ​ത്തി​ലെ ആ​രോ​ഗ്യ​ വ​കു​പ്പ് സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ തോം​സ​ണ്‍ ന​ൽ​കി​യ ഫോ​ണ്‍ ന​ന്പ​റി​ൽ പ​ട്ടി​പി​ടിത്ത​ക്കാ​രെ ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും അ​വർ ഫോ​ണെ​ടു​ത്തി​ല്ല​. 22 ത​വ​ണ ഫോ​ണ്‍ ചെ​യ്തെ​ന്നു സീ​ത പ​റ​യു​ന്നു.മൂ​ന്നാം നാ​ൾ വ​ന്ധ്യം​ക​ര​ണം ന​ട​ത്തി​യ ശേ​ഷം കു​ഞ്ഞ​നെ തി​രി​കെ​യെ​ത്തി​ക്കാ​മെ​ന്ന് ഇവർ അ​റി​യി​ച്ചു.

നാ​ലാം നാ​ളി​ൽ അ​വ​ശ​നാ​യ കു​ഞ്ഞ​നെ റോ​ഡി​ൽ ഉ​പേ​ക്ഷി​ച്ച നി​ല​യി​ലാ​ണു ക​ണ്ട​ത്. തു​ട​ർ​ന്ന് ആ​ക്കോ​ടി​ക്കാ​വ്, കൊ​ക്കാ​ലെ​, മ​ണ്ണു​ത്തി എന്നിവിടങ്ങളിലെ ആശു​പ​ത്രി​കളിൽ കൊ​ണ്ടു​പോ​യി വി​ദ​ഗ്ധ ഡോ​ക്ട​ർ​മാ​രെ കാ​ണി​ച്ചു മ​രു​ന്നു​കൾ കൊ​ടു​ത്തെ​ങ്കി​ലും അ​വ​ശ​ത മാ​റി​യി​ല്ല.

കൊ​ക്കാ​ലെയി​ലെ പ​രി​ശോധ​ന​യി​ൽ കു​ഞ്ഞ​നു ന്യൂ​മോ​ണി​യ ബാ​ധി​ച്ച​താ​യും അ​തു ക​ര​ളി​ലേ​ക്കു വ്യാ​പി​ച്ച​താ​യും കണ്ടത്തി.ചി​കി​ത്സ​ക്കാ​യി ന​ല്ലൊ​രു തു​ക ചെല​വാ​യി. സാ​ന്പ​ത്തി​ക പ്രതിസ ന്ധിയിൽ കാ​തി​ലെ സ്വ​ർ​ണ​ക്ക​മ്മ​ൽ വി​റ്റാ​ണു സീ​ത കു​ഞ്ഞ​ന്‍റെ ചി​കി​ത്സയ്ക്കു പ​ണം ക​ണ്ടെ​ത്തി​യ​ത്.

ഇ​പ്പോ​ൾ വീ​ട്ടി​ലെ ക​ട്ടി​ലി​ൽ കി​ട​ത്തി ഫാ​നി​ട്ടുകൊടുത്ത് പ​രി​ച​രി​ക്കു​ക​യാ​ണ് ഇവർ. രാ​വി​ലെ ജോ​ലി​ക്കു പോ​കും മു​ൻ​പ് കു​ഞ്ഞ​ന്‍റെ മ​ല​വും മൂ​ത്ര​വു​മെ​ല്ലാം സീ​തത​ന്നെ വൃ​ത്തി​യാ​ക്കും. ത​നി വെ​ജി​റ്റേ​റി​യ​നാ​ണെ​ങ്കി​ലും ആ​രോ​ഗ്യ​മു​ണ്ടാ​ക​ട്ടെ​യെ​ന്നു ക​രു​തി എ​ന്നും കു​ഞ്ഞ​നുവേ​ണ്ടി മ​ത്സ്യ​വും മാം​സ​വും വാ​ങ്ങി​ക്കൊ​ണ്ടു​വരും.

എ​ന്നാ​ൽ, കു​ഞ്ഞ​ൻ ഒ​ന്നും ക​ഴി​ക്കു​ന്നി​ല്ല. ട്യൂ​ബി​ലൂ​ടെ ന​ൽ​കു​ന്ന ക​ഞ്ഞി​വെ​ള്ള​മാ​ണു ജീ​വ​ൻ പി​ടി​ച്ചു നി​ർ​ത്തു​ന്ന​ത്.പ​തി​നൊ​ന്നു വ​ർ​ഷം മു​ന്പ് ആ​രോ​ഗ്യ​ സ​ർ​വ​ക​ലാ​ശാ​ല​ക്ക​ടു​ത്തു​ള്ള സ​ഹോ​ദ​ര​ന്‍റെ വീ​ട്ടി​ൽ നി​ന്ന് കു​ഞ്ഞിലേയാ​ണു കു​ഞ്ഞ​നെ സീ​ത​യ്ക്കു കി​ട്ടി​യ​ത്.

ഭ​ർ​ത്താ​വ് മ​രി​ച്ച സീ​ത​യെ സ​ഹോ​ദ​ര​നാ​ണു നോ​ക്കി​യി​രു​ന്ന​ത്. ആറു വ​ർ​ഷം മു​ന്പ്് സ​ഹോ​ദ​ര​ൻ മ​രി​ച്ചു. മ​ക​ൾ വി​വാ​ഹം ക​ഴി​ഞ്ഞു​പോ​യ​തോ​ടെ സീ​ത​യ്ക്കു കൂ​ട്ടും കാ​വ​ലും കു​ഞ്ഞ​നാ​യി​രു​ന്നു. സീ​ത ജോ​ലി​ക്കു പോ​കു​ന്പോ​ഴും തി​ര​കെ വ​രു​ന്പോ​ഴും ബ​സ് സ്റ്റോ​പ്പുവ​രെ കു​ഞ്ഞ​ൻ കൂ​ടെ​പ്പോ​കു​മാ​യി​രു​ന്നു.ഇ​പ്പോ​ൾ ജോ​ലി ക​ഴി​ഞ്ഞാ​ൽ സീ​ത വേ​ഗം ഓ​ടി​യെ​ത്തും…​ത​ന്‍റെ കു​ഞ്ഞ​ന്‍റെ​യ​രി​കി​ലേ​ക്ക്…