അധികമായാൽ പിടിവീഴും..! അ​ന​ധി​കൃ​ത​മാ​യും അ​ധി​ക​മാ​യും ലൈ​റ്റു​ക​ള്‍ പി​ടി​പ്പി​ച്ചി​ട്ടു​ള്ള വാ​ഹ​ന​ങ്ങ​ള്‍​ക്കെ​തി​രേ നടപടിയുമായി മോട്ടോർ വാഹനവകുപ്പ്

കൊ​ച്ചി: അ​ന​ധി​കൃ​ത​മാ​യും അ​ധി​ക​മാ​യും ലൈ​റ്റു​ക​ള്‍ പി​ടി​പ്പി​ച്ചി​ട്ടു​ള്ള വാ​ഹ​ന​ങ്ങ​ള്‍​ക്കെ​തി​രേ മോ​ട്ടോ​ര്‍ വാ​ഹ​ന വ​കു​പ്പ് പി​ടി​മു​റു​ക്കു​ന്നു. ഹെ​ഡ് ലൈ​റ്റു​ക​ളി​ല്‍ അം​ഗീ​കാ​ര​മി​ല്ലാ​തെ കൂ​ടു​ത​ല്‍ വാ​ട്ടേ​ജുള്ള ബ​ള്‍​ബ് ഉ​പ​യോ​ഗി​ക്കു​ന്ന വാ​ഹ​ന​ങ്ങ​ള്‍​ക്ക് പി​ഴ ഈ​ടാ​ക്കാ​ന്‍ പ്ര​ത്യേ​ക സ്‌​ക്വാ​ഡി​നെ നി​യ​മി​ച്ചി​ട്ടു​ള്ള​താ​യും മോ​ട്ടോ​ര്‍ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ര്‍ പ​റ​ഞ്ഞു.

രാ​ത്രി സ​മ​യ​ങ്ങ​ളി​ല്‍ ലൈ​റ്റ് ഡിം ​ചെ​യ്യാ​തെ വാ​ഹ​നം ഓ​ടി​ക്കു​ന്ന​വ​ര്‍​ക്കെ​തിരേ​യും ന​ട​പ​ടി​യു​ണ്ടാ​കും. എ​തി​രേ വാ​ഹ​ന​ങ്ങ​ള്‍ വ​ന്നാ​ല്‍ ലൈ​റ്റ് ഡിം ​ചെ​യ്യ​ണ​മെ​ന്ന​താ​ണ് മോ​ട്ടോ​ര്‍ വാ​ഹ​ന ച​ട്ടം. എ​ന്നാ​ല്‍ തി​ര​ക്കേ​റി​യ കൊ​ച്ചി പോ​ലു​ള്ള ന​ഗ​ര​ത്തി​ല്‍ പ​കു​തി​യി​ല​ധി​കം ഡ്രൈ​വ​ര്‍​മാ​രും ഇ​തി​ന് ത​യാ​റാ​കാ​റി​ല്ലെ​ന്നും ആ​ര്‍​ടി​ഒ സാ​ദി​ഖ് അ​ലി ചൂ​ണ്ടി​ക്കാ​ട്ടി. രാ​ത്രി സ​മ​യ​ങ്ങ​ളി​ല്‍ ഉ​ണ്ടാ​കു​ന്ന ‍അ​പ​ക​ട​ങ്ങ​ള്‍​ക്ക് പ്ര​ധാ​ന കാ​ര​ണം എ​തി​രെ വ​രു​ന്ന വാ​ഹ​നം ഹെ​ഡ് ലൈ​റ്റ് ഡിം ​ചെ​യ്യാ​ത്ത​തു​മൂ​ലം ഡ്രൈ​വ​റു​ടെ കാ​ഴ്ച​ മ​ങ്ങു​ന്ന​താ​ണ്.

നി​യ​മം ലംഘിച്ച് പ്ര​കാ​ശം കു​ടു​ത​ലു​ള്ള ലൈ​റ്റ് ഘ​ടി​പ്പി​ക്കു​ന്ന വാ​ഹ​ന​ങ്ങ​ള്‍​ക്കെ​തി​രേ 500 മു​ത​ല്‍ 1000 രൂ​പ വ​രെ​യാ​ണ് വാ​ഹ​ന വ​കു​പ്പ് പി​ഴ ഈ​ടാ​ക്കു​ന്ന​ത്. ഈ ​നി​യ​മ​ങ്ങ​ള്‍ ലം​ഘി​ക്കു​ന്ന വാ​ഹ​ന​ങ്ങ​ള്‍​ക്കെ​തി​രേ ന​ട​പ​ടി​യെ​ടു​ക്കാ​ന്‍ എ​റ​ണാ​കു​ളം ആ​ര്‍​ടി​ഒ​ക്ക് കീ​ഴി​ല്‍ പ്ര​ത്യേ​ക​മാ​യി മൂ​ന്നു എ​ന്‍​ഫോ​ഴ്‌​സ​മെ​ന്‍റ് സ്‌​ക്വാ​ഡു​ക​ളാ​ണ് പ്ര​വ​ര്‍​ത്തി​ക്കു​ന്ന​ത്. ജി​ല്ല​യി​ല്‍ അ​ങ്ക​മാ​ലി-പ​റ​വൂ​ര്‍, എ​റ​ണാ​കു​ളം-ആ​ലു​വ, മ​ട്ടാ​ഞ്ചേ​രി-തൃ​പ്പൂ​ണി​ത്തു​റ ഭാ​ഗ​ങ്ങ​ളാ​യി തി​രി​ഞ്ഞാ​ണ് സ്ക്വാഡ് പ​രി​ശോ​ധ​ന ന​ട​ക്കു​ന്ന​ത്.

രാ​ത്രി​കാ​ല​ങ്ങ​ളി​ല്‍ വ​ള​വു​ക​ളി​ലും  വാ​ഹ​ന​ങ്ങ​ളെ മ​റി​ക​ട​ക്കു​ന്പോ​ഴും മാ​ത്ര​മാ​ണ് ബ്രൈ​റ്റ് ലൈ​റ്റു​ക​ള്‍ ഉ​പ​യോ​ഗി​ക്കാ​ന്‍ പാ​ടു​ള്ളു. ഫോ​ഗ് ലാ​മ്പു​ക​ള്‍ മ​ഞ്ഞു​ള്ള സ​മ​യ​ങ്ങ​ളി​ല്‍ മാ​ത്ര​മെ ഉ​പ​യോ​ഗി‌​ക്കാ​വൂ. കൂ​ടാ​തെ ലൈ​റ്റു​ക​ളു​ടെ മേ​ല്‍ നി​റ​ങ്ങ​ള്‍ പൂ​ശു​ക​യോ സ്റ്റി​ക്ക​റു​ക​ള്‍ ഒ​ട്ടി​ക്കു​ക​യോ, ര​ജി​സ്‌​ട്രേ​ഷ​ന്‍ സ​മ​യ​ത്തു​ണ്ടാ​യി​രു​ന്ന ലൈ​റ്റു​ക​ള്‍ പു​റ​മെ സ്‌​പോ​ട്ട് ലൈ​റ്റു​ക​ള്‍ എ​ല്‍​ഇ​ഡി ലൈ​റ്റു​ക​ൾ, കൂ​ടി​യ പ്ര​കാ​ശ​മു​ള്ള ഹൈ ​ഇ​ന്‍റ​ന്‍​സി​റ്റി ബ​ള്‍​ബു​ക​ള്‍ എ​ന്നി​വ ഉ​പ​യോ​ഗി​ക്കു​ന്ന​തും ര​ജി​സ്‌​ട്രേ​ഷ​ന്‍ വ്യ​വ​സ്ഥ​ക​ളു​ടെ ലം​ഘ​ന​മാ​ണ്.

മൂ​ന്നു മാ​സ​ത്തി​നി​ടെ പി​ഴ ഈ​ടാ​ക്കി​യ​ത് 541  കേ​സു​ക​ളി​ൽ

എ​റ​ണാ​കു​ളം ആ​ര്‍​ടി​ഒ​യു​ടെ കീ​ഴി​ല്‍ മാ​ത്രം മൂ​ന്നു മാ​സ​ത്തി​നി​ടെ അ​ന​ധി​കൃ​ത​മാ​യി ലൈ​റ്റ് ഉ​പ​യോ​ഗി​ച്ച​തി​നെത്തു​ട​ര്‍​ന്ന് മോ​ട്ടോ​ര്‍ വാ​ഹ​ന വ​കു​പ്പ് പി​ടി​ച്ച​തും പി​ഴ ഈ​ടാ​ക്കി​യ​തും 541 കേ​സു​ക​ളി​ലാ​ണ്. ഇ​രു​ച​ക്ര വാ​ഹ​ന​ങ്ങ​ളും, നാ​ലു ച​ക്ര വാ​ഹ​ന​ങ്ങ​ളും കൂ​ടാ​തെ സം​സ്ഥാ​ന​ത്തി​ന് പു​റ​ത്തു​നി​ന്ന് വ​രു​ന്ന വാ​ഹ​ന​ങ്ങ​ളും ഇ​തി​ല്‍​പ്പെ​ടു​ന്നു.  ഹൈ​ബീം ലൈ​റ്റു​ക​ള്‍ ഉ​പ​യോ​ഗി​ച്ച​തി​നു ടൂ​റി​സ്റ്റ് വാ​ഹ​ന​ങ്ങ​ള്‍, സം​സ്ഥാ​ന​ത്തി​നു പു​റ​ത്തു നി​ന്നെ​ത്തി​ച്ച വാ​ഹ​ന​ങ്ങ​ള്‍ എ​ന്നി​വ​യ്‌​ക്കെ​തി​രേ​യാ​ണ് വ​കു​പ്പ് അ​ധി​ക​വും പി​ഴ ചു​മ​ത്തി​യി​രി​ക്കു​ന്ന​തെ​ന്നും അ​ധി​കൃ​ത​ര്‍ പ​റ​യു​ന്നു.