വ​സ്ത്ര വ്യാ​പാ​ര സ്ഥാപനം ക​ത്തി​ച്ച സം​ഭ​വം; പ്ര​തി ഉ​പ​യോ​ഗി​ച്ച വാ​ഹ​നം ക​ണ്ടെ​ത്തി; മുഖ്യ പ്രതി വിദേശത്തേക്ക് കടന്നത് പോലീസ് വീഴ്ചയെന്ന് ആക്ഷേപം; കത്തിയമർന്നത് കോടികളുടെ വസ്ത്രശേഖരം

കോ​ഴി​ക്കോ​ട്: പ​റ​മ്പി​ല്‍ ബ​സാ​റി​ലെ മ​മ്മാ​സ് ആ​ന്‍​ഡ് പ​പ്പാ​സ് വ​സ്ത്ര വ്യാ​പാ​ര ക​ട തീ​വ​ച്ചു ന​ശി​പ്പി​ച്ച കേ​സി​ലെ മു​ഖ്യ​പ്ര​തി ഉ​പ​യോ​ഗി​ച്ച പി​ക്ക​പ്പ് വാ​നി​നെ കു​റി​ച്ച് പോ​ലീ​സി​ന് സൂ​ച​ന ല​ഭി​ച്ചു.കൃ​ത്യം നി​ര്‍​ഹി​ച്ച ശേ​ഷം പ്ര​തി​ക​ള്‍ വാ​ഹ​നം സു​ര​ക്ഷി​ത​മാ​യി ഒ​ളി​പ്പി​ക്കു​ക​യാ​യി​രു​ന്നു.

ഇ​ന്ന് വാ​ഹ​നം ക​സ്റ്റ​ഡി​യി​ലെ​ടു​ക്കു​മെ​ന്ന് ക്രൈം​സ്‌​ക്വാ​ഡ് അ​റി​യി​ച്ചു. അ​തേ​സ​മ​യം മു​ഖ്യ​പ്ര​തി​യാ​യ താ​മ​ര​ശേ​രി മ​ഞ്ചു ചി​ക്ക​ന്‍ സ്റ്റാ​ള്‍ ഉ​ട​മ റ​ഫീ​ക്ക് വി​ദേ​ശ​ത്തേ​ക്ക് ക​ട​ന്നു. കൃ​ത്യം ന​ട​ന്ന​തി​ന് തൊ​ട്ട​ടു​ത്ത ദി​വ​സ​ങ്ങ​ളി​ല്‍ നാ​ട്ടി​ലു​ണ്ടാ​യി​രു​ന്ന പ്ര​തി​യെ പി​ടി​കൂ​ടാ​നാ​വാ​ത്ത​ത് പോ​ലീ​സി​ന്‍റെ വീ​ഴ്ച​യാ​യാ​ണ് കാ​ണു​ന്ന​ത്.

സം​ഭ​വം ന​ട​ന്ന​തി​ന് പി​ന്നാ​ലെ പ്ര​തി​ക​ളെ കു​റി​ച്ചു​ള്ള വ്യ​ക്ത​മാ​യ വി​വ​രം പ​രാ​തി​ക്കാ​ര​ന്‍ പോ​ലീ​സി​ല്‍ അ​റി​യി​ച്ചി​രു​ന്നു.
മു​ഖ്യ​പ്ര​തി​യു​ടെ വീ​ടും കു​റ്റ​കൃ​ത്യ​ത്തി​ന് ഉ​പ​യോ​ഗി​ച്ച വാ​ഹ​ന​വും പോ​ലീ​സി​ന് നേ​രി​ട്ട് കാ​ണി​ച്ചു​കൊ​ടു​ത്തി​ട്ടും ന​ട​പ​ടി സ്വീ​ക​രി​ച്ചി​ല്ലെ​ന്ന് ആ​രോ​പ​ണ​വും ഉ​യ​ര്‍​ന്നി​രു​ന്നു.

തു​ട​ര്‍​ന്ന് സി​റ്റി പോ​ലീ​സ് ക​മ്മീ​ഷ​ണ​ര്‍ എ.​വി.​ജോ​ര്‍​ജ് ഇ​ട​പെ​ട്ടാ​ണ് ക്രൈം​സ്‌​ക്വാ​ഡി​നെ ചു​മ​ത​ല​പ്പെ​ടു​ത്തി​യ​ത്. ക്രൈം​സ്‌​ക്വാ​ഡ് അ​ന്വേ​ഷ​ണം ആ​രം​ഭി​ച്ച് ദി​വ​സ​ങ്ങ​ള്‍​ക്കു​ള്ളി​ല്‍ ത​ന്നെ ര​ണ്ടാം പ്ര​തി​യെ പി​ടി​കൂ​ടു​ക​യും ചെ​യ്തു.

ആദ്യം ഡൽഹി
റ​ഫീ​ക്ക് ക​ട​യ്ക്ക് തീ​വ​ച്ച​തി​ന് പി​ന്നാ​ലെ ഡ​ല്‍​ഹി​യി​ലേ​ക്ക് ര​ക്ഷ​പ്പെ​ടു​ക​യാ​യി​രു​ന്നു. പി​ന്നീ​ട് ഇ​വി​ടെ നി​ന്നാ​ണ് വി​ദേ​ശ​ത്തേ​ക്ക് പോ​യ​ത്. ഇ​ന്ന​ലെ​യാ​ണ് കേ​സി​ലെ ര​ണ്ടാം​പ്ര​തി താ​മ​ര​ശേ​രി പ​ണ്ടാ​ര​ക്ക​ണ്ടി​യി​ല്‍ നൗ​ഷാ​ദി​നെ സി​റ്റി ക്രൈം ​സ്‌​ക്വാ​ഡ് പി​ടി​കൂ​ടിയത് .

ഏ​പ്രി​ല്‍ എ​ട്ടി​നാ​ണ് കേ​സി​നാ​സ് പ​ദ​മാ​യ സം​ഭ​വം. കു​രു​വ​ട്ടൂ​ര്‍ സ്വ​ദേ​ശി​യു​ടെ പ​റ​മ്പി​ല്‍ ബ​സാ​റി​ലെ ര​ണ്ടു നി​ല​യു​ള്ള റെ​ഡിമെ​യ്ഡ് ഷോ​റൂം ഉ​ദ്ഘാ​ട​നം ക​ഴി​ഞ്ഞ് മൂ​ന്ന് ദി​വ​സ​ങ്ങ​ള്‍​ക്ക് ശേ​ഷം പു​ല​ര്‍​ച്ചെ എ​ത്തി​യ സം​ഘം തീവ​ച്ച് ന​ശി​പ്പി​ക്കു​ക​യാ​യി​രു​ന്നു.

സം​ഭ​വ​ത്തി​ല്‍ പൂ​ര്‍​ണ​മാ​യും ക​ത്തി​ന​ശി​ച്ച ക​ട​യ്ക്ക് ഒ​ന്ന​ര കോ​ടി​യോ​ളം രൂ​പ​യു​ടെ നാ​ശ​ന​ഷ്ട​ങ്ങ​ള്‍ ഉ​ണ്ടാ​യി​രു​ന്നു.​തു​ട​ര്‍​ന്ന് ഉ​ട​മ​സ്ഥ​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ല്‍ ചേ​വാ​യൂ​ര്‍ പോ​ലീ​സ് കേ​സ് ര​ജി​സ്റ്റ​ര്‍ ചെ​യ്ത് അ​ന്വേ​ഷ​ണ​മാ​രം​ഭി​ച്ചു.
​
കേസിന്‍റെ ഗൗരവം
കേ​സി​ന്‍റെ ഗൗ​ര​വം ക​ണ​ക്കി​ലെ​ടു​ത്ത് സി​റ്റി പോ​ലീ​സ് ക​മ്മീ​ഷ​ണ​ര്‍ എ​.വി. ജോ​ര്‍​ജ് സി​റ്റി ക്രൈം ​സ്‌​ക്വാ​ഡി​നെ അ​ന്വേ​ഷ​ണ സം​ഘ​ത്തി​ല്‍ ഉ​ള്‍​പ്പെ​ടു​ത്തു​ക​യാ​യി​രു​ന്നു. ശാ​സ്ത്രീ​യ​മാ​യ തെ​ളി​വു​ക​ള്‍ ശേ​ഖ​രി​ച്ച് അ​ന്വേ​ഷ​ണം ന​ട​ത്തി വ​ര​വെ പ്ര​തി ത​മി​ഴ് നാ​ട്ടി​ലേ​ക്ക് മു​ങ്ങി​യ​താ​യി വി​വ​രം ല​ഭി​ച്ചു.​

ഉ​ട​ന്‍ ത​മി​ഴ്നാ​ട്ടി​ലെ നാ​മ​ക്ക​ല്‍ കേ​ന്ദ്രീ​ക​രി​ച്ച് ക്രൈം ​സ്‌​ക്വാ​ഡ് ന​ട​ത്തി​യ ര​ഹ​സ്യ അ​ന്വേ​ഷ​ണ​ത്തി​ല്‍ നൗ​ഷാ​ദ് കേ​ര​ള​ത്തി​ലേ​ക്ക് ക​ട​ന്ന​താ​യി ര​ഹ​സ്യ​വി​വ​രം ല​ഭി​ക്കു​ക​യും പി​ന്‍​തു​ട​ര്‍​ന്ന പോ​ലീ​സ് താ​മ​ര​ശേ​രി​യി​ല്‍ നി​ന്നും നൗ​ഷാ​ദി​നെ ക​സ്റ്റ​ഡി​യി​ല്‍ എ​ടു​ക്കു​ക​യും ചെ​യ്തു. ഇ​യാ​ളെ ചോ​ദ്യം ചെ​യ്ത​തി​ല്‍ നി​ന്നാ​ണ് മു​ഖ്യ പ്ര​തി റ​ഫീ​ക്ക് വി​ദേ​ശ​ത്തേ​ക്ക് ക​ട​ന്ന​താ​യി സൂ​ച​ന ല​ഭി​ക്കു​ക​യും ചെ​യ്തു.

ഒ​ളി​വി​ല്‍ പോ​കാ​നു​പ​യോ​ഗി​ച്ച ആ​ഡം​ബ​ര കാ​റും പോ​ലീ​സ് ക​സ്റ്റ​ഡി​യി​ലെ​ടു​ത്തു. മു​ഖ്യ പ്ര​തി​ക്ക് ക​ട​യു​ട​മ​യു​ടെ ബ​ന്ധു​ക്ക​ളു​മാ​യു​ള്ള സാ​മ്പ​ത്തി​ക ഇ​ട​പാ​ടു​ക​ളി​ലെ പ്ര​ശ്ന​ങ്ങ​ളി​ല്‍ ക​ട​യു​ട​മ ഇ​ട​പ്പെ​ട്ട​തു​മാ​യു​ള്ള വി​രോ​ധ​മാ​ണ് ക​ട ന​ശി​പ്പി​ക്കാ​ന്‍ പ്രേ​ര​ണ​യാ​യ​ത്.

ക​ട​യു​ട​മ​യു​മാ​യി പ്ര​തി​ക്ക് യാ​തൊ​രു സാ​മ്പ​ത്തി​ക ഇ​ട​പാ​ടു​ക​ളും ഉ​ണ്ടാ​യി​രു​ന്നി​ല്ലെ​ന്ന് പോ​ലീ​സി​ന്‍റെ പ്രാ​ഥ​മി​ക അ​ന്വേ​ഷ​ണ​ത്തി​ല്‍ നി​ന്നും ബോ​ധ്യ​മാ​യി​ട്ടു​ണ്ട്.

https://www.rashtradeepika.com/fire-kada-kozhikode/