ഡ​ൽ​ഹി​യി​ൽ ആ​ശു​പ​ത്രി​ക്കു മു​ന്നി​ൽ ചി​കി​ത്സയ്ക്കു കാ​ത്തു​കി​ട​ന്ന മു​ൻ അം​ബാ​സ​ഡ​ർ​ക്കു ദ​യ​നീ​യ അ​ന്ത്യം ! സംഭവത്തിൽ പ്രതിഷേധം…

ജോ​​​​ർ​​​​ജ് ക​​​​ള്ളി​​​​വ​​​​യ​​​​ലി​​​​ൽ
ന്യൂ​ഡ​ൽ​ഹി: കോ​വി​ഡ് ബാ​ധി​ത​നാ​യ​തി​നെ​ത്തു​ട​ർ​ന്നു ചി​കി​ത്സ​തേ​ടി​ആ​ശു​പ​ത്രി​ക്കു മു​ന്നി​ലെ പാ​ർ​ക്കിം​ഗി​ൽ വാ​ഹ​ന​ത്തി​ൽ മ​ണി​ക്കൂ​റു​ക​ൾ കാ​ത്തു​കി​ട​ന്ന മു​ൻ അം​ബാ​സ​ഡ​റു​ടെ മ​ര​ണം ന​യ​ത​ന്ത്ര കേ​ന്ദ്ര​ങ്ങ​ളി​ൽ ഞെ​ട്ട​ലും രാ​ജ്യ​ത്തി​നു നാ​ണ​ക്കേ​ടു​മാ​യി.

സംഭവത്തിൽ പ്രതിഷേധവുമായി കൂടുതൽപേർ രംഗത്തുവന്നു. അ​ൾ​ജീ​രി​യ, ബ്രൂ​ണൈ, മൊ​സാം​ബി​ക് തു​ട​ങ്ങി​യ രാ​ജ്യ​ങ്ങ​ളി​ലെ അം​ബാ​സ​ഡ​ർ ആ​യി​രു​ന്ന ഡോ. ​അ​ശോ​ക് കു​മാ​ർ അം​റോ​ഹി​ക്കാ​ണു ഡ​ൽ​ഹി ഗു​രു​ഗ്രാ​മി​ലെ മേ​ദാ​ന്ത ആ​ശു​പ​ത്രി​ക്കു മു​ന്നി​ൽ ചി​കി​ത്സ കി​ട്ടാ​തെ ദ​യ​നീ​യ അ​ന്ത്യം.

അ​ശോ​ക് കു​മാ​റി​ന്‍റെ വേ​ർ​പാ​ടി​ൽ കേ​ന്ദ്ര വി​ദേ​ശ​കാ​ര്യ​മ​ന്ത്രി​യും സ​ഹ​പ്ര​വ​ർ​ത്ത​ക​നു​മാ​യി​രു​ന്ന ഡോ. ​എ​സ്. ജ​യ​ശ​ങ്ക​ർ അ​നു​ശോ​ച​നം രേ​ഖ​പ്പെ​ടു​ത്തി​യെ​ങ്കി​ലും ആ​ശു​പ​ത്രി​യി​ൽ പ്ര​വേ​ശ​നം കി​ട്ടാ​തെ​യാ​ണു മ​ര​ണ​മെ​ന്ന കാ​ര്യം പ​രാ​മ​ർ​ശി​ച്ചി​രു​ന്നി​ല്ല.

ഖ​ത്ത​റി​ൽ മൂ​ന്നു വ​ർ​ഷ​ത്തോ​ളം ഫ​സ്റ്റ് സെ​ക്ര​ട്ട​റി​യാ​യി​രു​ന്ന കാ​ല​ത്ത് പ്ര​വാ​സി മ​ല​യാ​ളി​ക​ളു​ടെ ഉ​റ്റ​സു​ഹൃ​ത്താ​യി​രു​ന്നു ഇ​ദ്ദേ​ഹം.

രാ​ജ്യ​ത​ല​സ്ഥാ​ന​ത്തു ചി​കി​ത്സ കി​ട്ടാ​തെ മു​തി​ർ​ന്ന ന​യ​ത​ന്ത്ര​ജ്ഞ​ൻ മ​രി​ച്ച സം​ഭ​വ​ത്തി​ൽ ന​യ​ത​ന്ത്ര ഉ​ദ്യോ​ഗ​സ്ഥ​ർ ക​ടു​ത്ത അ​മ​ർ​ഷ​വും പ്ര​തി​ഷേ​ധ​വും അ​റി​യി​ച്ചു.

അ​പ​മാ​ന​ക​ര​മാ​യ ഈ ​സം​ഭ​വ ത്തി​ന്‍റെ ഉ​ത്ത​ര​വാ​ദി​ത്തം ആ​ർ​ക്കാ​ണെ​ന്ന് നെ​ത​ർ​ല​ൻ​ഡ്സി​ലെ മു​ൻ അം​ബാ​സ​ഡ​റും മു​ൻ രാ​ഷ്‌​ട്ര​പ​തി പ്ര​ണാ​ബ് മു​ഖ​ർ​ജി​യു​ടെ പ്ര​സ് സെ​ക്ര​ട്ട​റി​യു​മാ​യി​രു​ന്ന വേ​ണു രാ​ജാ​മ​ണി ട്വി​റ്റ​റി​ലെ​ഴു​തി​യ കു​റി​പ്പി​ൽ ചോ​ദി​ച്ചു.