പാ​ച​ക​വാ​ത​ക വി​ലവർധനയ്ക്കൊപ്പം ‘സ​ർ​വീ​സ് ചാ​ർ​ജ്’ എ​ന്ന ഓ​മ​ന പേ​രി​ലുള്ള  എണ്ണക്കമ്പനികളുടെ  പുതിയ കൊള്ളയിങ്ങനെ…

കോ​ഴി​ക്കോ​ട്: പാ​ച​ക​വാ​ത​ക​ത്തി​ന് തോ​ന്നി​യ​പോ​ലെ വി​ല വ​ർ​ധി​പ്പി​ക്കു​ന്ന​തോ​ടൊ​പ്പം എ​ണ്ണ​ക്ക​ന്പ​നി​ക​ളു​ടെ പു​തി​യ കൊ​ള്ള. സ​ർ​വീ​സ് ചാ​ർ​ജ് എ​ന്ന ഓ​മ​ന പേ​രി​ലാ​ണ് പു​തി​യ കൊ​ള്ള തു​ട​ങ്ങി​യി​ട്ടു​ള്ള​ത്. സ​ബ്സി​ഡി ക​ഴി​ഞ്ഞു​ള്ള തു​ക​യ്ക്ക് പു​റ​മെ ഇ​നി സ​ർ​വീ​സ് ചാ​ർ​ജ് കൂ​ടി ന​ൽ​കി​യാ​ലേ പാ​ച​ക​വാ​ത​കം വീ​ട്ടി​ൽ ല​ഭി​ക്കു​ക​യു​ള്ളൂ. ഇ​തി​നാ​യി പു​തി​യ രൂ​പ​രേ​ഖ​ക​ൾ ത​യ്യാ​റാ​ക്കി ഏ​ജ​ൻ​സി​ക​ൾ​ക്ക് എ​ണ്ണ​ക്ക​ന്പ​നി​ക​ൾ നി​ർ​ദേ​ശം ന​ൽ​കി ക​ഴി​ഞ്ഞു.

വീ​ട്ടി​ൽ ഉ​പ​യോ​ഗി​ക്കു​ന്ന പാ​ച​ക​വാ​ത​ക​ത്തി​ന്‍റെ സു​ര​ക്ഷി​ത​ത്വം ഉ​റ​പ്പ് വ​രു​ത്താ​നെ​ന്ന ന്യാ​യം നി​ര​ത്തി​യാ​ണ് സ​ർ​വീ​സ് ചാ​ർ​ജ് ആ​യ 180 രൂ​പ ഈ​ടാ​ക്കാ​ൻ എ​ണ്ണ​ക്ക​ന്പ​നി​ക​ൾ ആ​രം​ഭി​ച്ച​ത്. വീ​ട്ടി​ലെ​ത്തി​ക്കു​ന്ന ഗ്യാ​സ് സി​ലി​ണ്ടി​റി​ന്‍റെ സു​ര​ക്ഷ ഉ​റ​പ്പ് വ​രു​ത്താ​നും സി​ലി​ണ്ട​ർ ഘ​ടി​പ്പി​ക്കു​ന്ന ട്യൂ​ബി​ലെ ലീ​ക്ക് പ​രി​ശോ​ധി​ക്കാ​നു​മാ​ണ് സ​ർ​വീ​സ് ചാ​ർ​ജ് എ​ന്ന പേ​രി​ൽ 180 രൂ​പ എ​ല്ലാ​വ​രി​ൽ നി​ന്നു​മാ​യി ഈ​ടാ​ക്കു​ന്ന​ത്.

ഭീ​മ​മാ​യ തു​ക​യ്ക്ക് പു​റ​മെ നൂ​റ് രൂ​പ കൂ​ടി അ​ധി​കം വ​രു​ന്ന​തോ​ടെ ജ​ന​ങ്ങ​ൾ​ക്ക് താ​ങ്ങാ​നാ​വു​ന്ന​തി​ലും അ​പ്പു​റ​മാ​കും പാ​ച​ക​വാ​ത​ക​ത്തി​ന്‍റെ വി​ല. സു​ര​ക്ഷ​യ്ക്ക് വേ​ണ്ടി​യാ​ണ് പ​ണം ഈ​ടാ​ക്കു​ന്ന​തെ​ന്ന വാ​ദം എ​ണ്ണ​ക്ക​ന്പ​നി​ക​ൾ ഉ​ന്ന​യി​ക്കു​ന്ന​തി​നാ​ൽ ഉ​പ​ഭോ​ക്താ​ക്ക​ളി​ൽ പ​ല​രും ഇ​ത് ചോ​ദ്യം ചെ​യ്യാ​ത്ത അ​വ​സ്ഥ​യാ​ണ്.

എ​ന്നാ​ൽ സ​ർ​വീ​സ് ആ​വ​ശ്യ​മു​ള്ള​വ​ർ വി​ളി​ക്കു​ന്ന​തി​ന് അ​നു​സ​രി​ച്ച് സ​ർ​വീ​സ് ചാ​ർ​ജ് ഈ​ടാ​ക്കി​യാ​ൽ പോ​രെ​യെ​ന്ന ചോ​ദ്യ​വു​മാ​യി ചി​ല ഉ​പ​ഭോ​ക്താ​ക്ക​ൾ ഇ​പ്പോ​ൾ രം​ഗ​ത്തെ​ത്തി​യി​ട്ടു​ണ്ട്.മു​ക്കം മേ​ഖ​ല​യി​ലും മ​റ്റും ഇ​ത്ത​രം സ​ർ​വീ​സ് ചാ​ർ​ജി​നെ​തി​രെ ജ​ന​ങ്ങ​ൾ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​ട്ടു​ണ്ട്.

സ​ർ​വീ​സ് ചാ​ർ​ജ് ഇ​ല്ലാ​തെ ത​ന്നെ ത​ങ്ങ​ൾ​ക്ക് പ​ഴ​യ പോ​ലെ പാ​ച​ക​വാ​ത​കം ന​ൽ​ക​ണ​മെ​ന്ന ആ​വ​ശ്യ​വു​മാ​യാ​ണ് ജ​ന​ങ്ങ​ൾ രം​ഗ​ത്തെ​ത്തി​യ​ത്. ഒ​രു ഉ​പ​ഭോ​ക്താ​വി​ൽ നി​ന്ന് നൂ​റ് രൂ​പ അ​ധി​കം ഈ​ടാ​ക്കു​ന്ന​തോ​ടെ എ​ണ്ണ​ക്ക​ന്പ​നി​ക​ൾ​ക്ക് കോ​ടി​ക്ക​ണ​ക്കി​ന് രൂ​പ​യു​ടെ ലാ​ഭ​മാ​ണു​ണ്ടാ​കു​ക.