ക​ണ്ണൂ​ർ രാ​ജ്യാ​ന്ത​ര ‌വി​മാ​ന​ത്താ​വ​ള​ത്തി​ൽ സ്വ​ർ​ണ​വേ​ട്ട തുടരുന്നു; മൂന്ന് ദിവസം ഏഴ് പേരിൽ നിന്നായി പിടികൂടിയത് 5 കിലോ സ്വർണം

മ​ട്ട​ന്നൂ​ർ: ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ വീ​ണ്ടും സ്വ​ർ​ണ​വേ​ട്ട. 1212 ഗ്രാം ​സ്വ​ർ​ണം പി​ടി​കൂ​ടി. വി​മാ​ന യാ​ത്ര​ക്കാ​ര​നാ​യ വ​ട​ക​ര ഇ​ട​ച്ചേ​രി നോ​ർ​ത്ത് സ്വ​ദേ​ശി സാ​ദി​ഖി​ൽ നി​ന്നാ​ണ് 50 ല​ക്ഷ​ത്തോ​ളം രൂ​പ വി​ല​മ​തി​ക്കു​ന്ന സ്വ​ർ​ണം പി​ടി​കൂ​ടി​യ​ത്.

ഇ​ന്നു പു​ല​ർ​ച്ചെ ദു​ബാ​യി​യി​ൽ നി​ന്ന് ഗോ​എ​യ​ർ വി​മാ​ന​ത്തി​ലെ​ത്തി​യ യു​വാ​വി​ൽ നി​ന്നാ​ണ് സ്വ​ർ​ണം പി​ടി​കൂ​ടി​യ​ത്. ക​സ്റ്റം​സ് ചെ​ക്കിം​ഗ് പ​രി​ശോ​ധ​ന​യി​ൽ സം​ശ​യം തോ​ന്നി​യ​തി​നെ തു​ട​ർ​ന്നു യു​വാ​വി​നെ ക​സ്റ്റ​ഡി​യി​ലെ​ടു​ത്ത് പ​രി​ശോ​ധി​ച്ച​പ്പോ​ഴാ​ണ് സ്വ​ർ​ണം ക​ണ്ടെ​ത്തി​യ​ത്.

സാ​ദി​ഖ് ധ​രി​ച്ച ഷൂ​സി​നു​ള്ളി​ൽ ഷോ​ക്സി​ൽ ഒ​ളി​പ്പി​ച്ച നി​ല​യി​ലാ​യി​രു​ന്നു സ്വ​ർ​ണം. പേ​സ്റ്റ് രൂ​പ​ത്തി​ൽ ര​ണ്ടു പേ​യ്ക്ക​റ്റു​ക​ളാ​ക്കി​യാ​യി​രു​ന്നു സ്വ​ർ​ണം സൂ​ക്ഷി​ച്ചി​രു​ന്ന​ത്.

ക​ഴി​ഞ്ഞ മൂ​ന്ന് ദി​വ​സ​ങ്ങ​ളി​ലാ​യി ഏ​ഴ് പേ​രി​ൽ നി​ന്നാ​യി അ​ഞ്ച​ര കി​ലോ സ്വ​ർ​ണം ക​സ്റ്റം​സ് പി​ടി​ച്ചെ​ടു​ത്തി​രു​ന്നു. പ​രി​ശോ​ധ​ന​യി​ൽ ക​സ്റ്റം​സ് അ​സി. ഇ. ​വി​കാ​സ്, സൂ​പ്ര​ണ്ടു​മാ​രാ​യ വി.​പി. ബേ​ബി, രാ​ജു നി​ക്കു​ന്ന​ത്ത്, എ​സ്. ന​ന്ദ​കു​മാ​ർ, ഇ​ൻ​സ്പെ​ക്ട​ർ​മാ​രാ​യ വി. ​പ്ര​കാ​ശ​ൻ, ഗു​ർ​മി​ത്ത് സിം​ഗ്, കെ. ​ഹ​ബീ​ബ്, ദി​ലീ​പ് കൗ​ശ​ൽ, കെ. ​ഹ​ബീ​ബ്, മ​നോ​ജ് യാ​ദ​വ്, പ്രി​യ​ങ്ക, ഹ​വീ​ൽ​ദാ​രാ​യ തോ​മ​സ് സേ​വ്യ​ർ എ​ന്നി​വ​ർ പ​ങ്കെ​ടു​ത്തു.