കൊച്ചി: സ്വർണവില റിക്കാർഡ് തിരുത്തി കുതിക്കുന്നു. ഇന്ന് പവന് 240 രൂപ വർധിച്ച് 25,160 രൂപയ്ക്കാണ് വ്യാപാരം നടക്കുന്നത്. ഗ്രാമിന് 30 രൂപ വർധിച്ച് 3145 രൂപയായി. ഇന്നലെ ഒരു ഗ്രാമിന് 3115 രൂപയായിരുന്നു വില. 2012 ൽ ഗ്രാമിന് 3030 രൂപ രേഖപ്പെടുത്തിയതായിരുന്നു നേരത്തേയുണ്ടായിരുന്ന റിക്കാർഡ്.
കഴിഞ്ഞ ഒന്നിന് ഈ വില മറികടന്നാണ് സ്വർണത്തിന്‍റെ കുതിപ്പ് തുടരുന്നത്. 1345 ഡോളറിലാണ് ഏഷ്യൻ മാർക്കറ്റിൽ ഇന്ന് സ്വർണത്തിന്‍റെ ഇടപാടുകൾ പുരോഗമിക്കുന്നത്. നിലവിലെ സ്ഥിതി തുടർന്നാൽ വരും ദിവസങ്ങളിലും വില വർധനയ്ക്കുള്ള സാധ്യത ഏറെയാണ്.
