ആപ്പ് ഡൗൺലോഡ് ചെയ്തപ്പോഴെ ഇര വലയിൽവീണു..!  മോ​ർ​ഫ് ചെ​യ്ത ന​ഗ്ന​ചി​ത്രം പ്ര​ച​രി​പ്പി​ച്ച്  ലോ​ൺ ആ​പ്പു​കാ​രു​ടെ ത​ട്ടി​പ്പു​ത​ന്ത്രം; ലോ​ൺ ആ​പ്പ് ച​തി​ക്കു​ഴി ഒ​രുക്കുന്നതിങ്ങനെ…


സ്വ​ന്തം ലേ​ഖ​ക​ൻ
തൃ​ശൂ​ർ: ലോ​ൺ എ​ടു​ത്ത​യാ​ളു​ടെ കൂ​ടെ ജോ​ലി ചെ​യ്യു​ന്ന യു​വ​തി​യു​ടെ മോ​ർ​ഫ് ചെ​യ്ത ന​ഗ്ന​ചി​ത്രം പ്ര​ച​രി​പ്പി​ച്ച് ഭീ​ഷ​ണി​പ്പെ​ടു​ത്തി ലോ​ൺ ആ​പ്പ് ക​ന്പ​നി​യു​ടെ ത​ട്ടി​പ്പു​ത​ന്ത്രം.

ലോ​ൺ എ​ടു​ത്ത​തി​ന്‍റെ ഇ​ര​ട്ടി​യോ​ളം തു​ക അ​ട​ച്ചു​തീ​ർ​ത്തി​ട്ടും കൂ​ടു​ത​ൽ പ​ണം ആ​വ​ശ്യ​പ്പെ​ട്ടു​ള്ള ലോ​ൺ ആ​പ്പി​ന്‍റെ ഭീ​ഷ​ണി​ക്കു വ​ഴ​ങ്ങാ​തി​രു​ന്ന​താ​ണ് ഫോ​ൺ ആ​പ്പു​കാ​രെ ചൊടി​പ്പി​ച്ച​ത്.

യു​വ​തി പ​രാ​തി​യു​മാ​യി എ​ത്തി​യ​പ്പോ​ൾ പോ​ലീ​സ് ന​ട​ത്തി​യ അ​നേ്വ​ഷ​ണ​ത്തി​ലാ​ണു വ്യാ​ജ ന​ഗ്ന​ചി​ത്ര​ത്തി​ന്‍റെ ഉ​റ​വി​ടം വെ​ളി​വാ​യ​ത്.

വി​വാ​ഹി​ത​യും ഒ​രു കു​ട്ടി​യു​ടെ അ​മ്മ​യു​മാ​യ യു​വ​തി​യു​ടെ ചി​ത്ര​മാ​ണ് ലോ​ണെ​ടു​ത്ത​യാ​ളെ അ​പ​മാ​നി​ക്കാ​ൻ ലോ​ൺ ആ​പ്പു​കാ​ർ ഉ​പ​യോ​ഗി​ച്ച​ത്. കു​റ്റ​വാ​ളി​ക​ളെ ക​ണ്ടെ​ത്താ​ൻ സൈ​ബ​ർ ക്രൈം പോ​ലീ​സ് അ​നേ്വ​ഷ​ണം ഉൗ​ർ​ജി​ത​മാ​ക്കി.

ജോ​ലി ചെ​യ്യു​ന്ന സ്ഥാ​പ​ന​ത്തി​ലെ വി​ശേ​ഷ ച​ട​ങ്ങി​നോ​ട​നു​ബ​ന്ധി​ച്ച് സ​ഹ​പ്ര​വ​ർ​ത്ത​ക​രോ​ടൊ​പ്പം എ​ടു​ത്ത ഫോ​ട്ടോ​യാ​ണു ത​ട്ടി​പ്പു​കാ​ർ മോ​ർ​ഫ് ചെ​യ്ത് പ്ര​ച​രി​പ്പി​ച്ചി​രു​ന്ന​ത്.

ഇ​തു പ​രി​ശോ​ധി​ച്ച വ​നി​താ പോ​ലീ​സി​ന്‍റെ നേ​തൃ​ത്വ​ത്തി​ലു​ള്ള സം​ഘം ഫോ​ട്ടോ​യിൽ ക​ണ്ട യു​വാ​വി​നെ വി​ളി​ച്ചു​വ​രു​ത്തി ചോ​ദ്യം ചെ​യ്തു.

ഇ​യാ​ള​ല്ല കു​റ്റ​ക്കാ​ര​നെ​ന്നു വ്യ​ക്ത​മാ​യെ​ങ്കി​ലും മൊ​ബൈ​ൽ ഫോ​ൺ സൈ​ബ​ർ പ​രി​ശോ​ധ​ന​യ്ക്കു വി​ധേ​യ​മാ​ക്കി. ഇ​തി​ൽ ഒ​രു ഇ​ൻ​സ്റ്റ​ന്‍റ് ലോ​ൺ ആ​പ്പ് ഇ​ൻ​സ്റ്റാ​ൾ ചെ​യ്തി​രി​ക്കു​ന്ന​തും ലോ​ൺ ആ​പ്പ് ക​മ്പ​നി​ക്കാ​രു​ടെ സ​ന്ദേ​ശ​വും ശ്ര​ദ്ധ​യി​ൽ​പെ​ട്ടു. തു​ട​ർ​ന്നു​ള്ള പ​രി​ശോ​ധ​ന​യി​ലാ​ണ് ഫോ​ൺ ആ​പ്പു​കാ​രു​ടെ ത​ട്ടി​പ്പ് പോ​ലീ​സി​നു വ്യ​ക്ത​മാ​യ​ത്.


ഒ​ടു​വി​ൽ പ​രാ​തി​ക്കാ​രി​ക്കും കൂ​ടെ ജോ​ലി​ചെ​യ്തി​രു​ന്ന യു​വാ​വി​നും ഫോ​ട്ടോ മോ​ർ​ഫ് ചെ​യ്ത​ത് ലോ​ൺ ആ​പ്പ് ക​മ്പ​നി​ക്കാ​ർ ത​ന്നെ​യാ​ണെ​ന്നു പോ​ലീ​സ് ഓ​ഫീ​സ​ർ പ​റ​ഞ്ഞു മ​ന‌​സി​ലാ​ക്കി.

ലോ​ൺ ആ​പ്പി​ന്‍റെ ച​തി​ക്കു​ഴി ഒ​രു​ങ്ങി​യ​ത് ഇ​ങ്ങ​നെ
യു​വാ​വ് ലോ​ൺ ആ​പ്പ് വ​ഴി ര​ണ്ടു പ്രാ​വ​ശ്യ​മാ​യി പ​തി​നാ​യി​രം രൂ​പ ലോ​ൺ എ​ടു​ത്തി​രു​ന്നു. പ​ലി​ശ സ​ഹി​തം ഇ​ര​ട്ടി​യോ​ളം തി​രി​ച്ച​ട​ച്ചു.

എ​ന്നാ​ൽ ലോ​ൺ ആ​പ്പ് ക​മ്പ​നി​ക്കാ​ർ പ​ണം ല​ഭി​ച്ചി​ല്ലെ​ന്നും വീ​ണ്ടും തു​ക അ​ട​യ്ക്ക​ണ​മെ​ന്നും നി​ർ​ദേ​ശി​ച്ചു. ക​ണ​ക്കു സ​ഹി​തം സ​മ​ർ​ഥി​ച്ചി​ട്ടും ലോ​ൺ ആ​പ്പു​കാ​ർ വി​ട്ടി​ല്ല.

അ​പ്പോ​ൾ അ​യാ​ൾ അ​വ​രു​ടെ ന​മ്പ​ർ ബ്ലോ​ക്ക് ചെ​യ്തു. അ​വ​ർ വേ​റെ മൊ​ബൈ​ൽ ന​മ്പ​റു​ക​ളി​ൽ നി​ന്നും വി​ളി​ച്ച് ഭീ​ഷ​ണി​പ്പെ​ടു​ത്ത​ൽ തു​ട​ർ​ന്നു. നാ​ണ​ക്കേ​ട് ഭ​യ​ന്ന് യു​വാ​വ് ഇ​തൊ​ന്നും പു​റ​ത്തു പ​റ​ഞ്ഞി​ല്ല.

യു​വാ​വി​ന്‍റെ ഫോ​ൺ പോ​ലീ​സ് പ​രി​ശോ​ധി​ച്ച​പ്പോ​ൾ ക​ണ്ട സ​ന്ദേ​ശ​ത്തി​ൽ​നി​ന്നാ​ണ് പോ​ലീ​സി​നു തു​ന്പ് ല​ഭി​ച്ച​ത്. “നി​ങ്ങ​ളു​ടെ ലോ​ൺ തു​ക അ​ട​ച്ചു തീ​ർ​ന്നി​ട്ടി​ല്ല.

നി​ശ്ചി​ത ദി​വ​സ​ത്തി​ന​കം അ​ട​ച്ചു തീ​രാ​തി​രു​ന്നാ​ൽ ഇ​ക്കാ​ര്യം നി​ങ്ങ​ളു​ടെ കു​ടും​ബാം​ഗ​ങ്ങ​ളേ​യും, കൂ​ട്ടു​കാ​രേ​യും അ​റി​യി​ക്കും, നി​ങ്ങ​ളെ അ​പ​മാ​നി​ത​നാ​ക്കും’ എ​ന്നാ​യി​രു​ന്നു സ​ന്ദേ​ശം.

ലോ​ൺ ആ​പ്പ് ഇ​ൻ​സ്റ്റാ​ൾ ചെ​യ്യു​ന്പോ​ൾ​ത​ന്നെ ഫോ​ണി​ൽ നി​ന്നും ന​മ്മു​ടെ കോ​ൺ​ടാ​ക്ട്സ്, ഗാ​ല​റി എ​ന്നി​വ ആ​പ്പു​കാ​ർ കൈ​ക്ക​ലാ​ക്കു​ന്നു.

ലോ​ൺ ല​ഭി​ക്കു​ന്ന​തി​നു വ്യ​ക്തി​യു​ടെ സെ​ൽ​ഫി ഫോ​ട്ടോ, ആ​ധാ​ർ​കാ​ർ​ഡ്, പാ​ൻ​കാ​ർ​ഡ്, ബാ​ങ്ക് പാ​സ് ബു​ക്ക് എ​ന്നി​വ​യു​ടെ പ​ക​ർ​പ്പു​ക​ളും ആ​വ​ശ്യ​പ്പെ​ടും.

ഇ​തെ​ല്ലാം ന​ൽ​കു​ന്പോ​ഴാ​ണ് ലോ​ൺ ​ആ​പ്പു​കാ​ർ അ​ക്കൗ​ണ്ടി​ലേ​ക്ക് പ​ണം നി​ക്ഷേ​പി​ക്കു​ക. അ​തും ലോ​ൺ തു​ക​യി​ൽ​നി​ന്ന് വ​ലി​യൊ​രു തു​ക കി​ഴി​ച്ച​ശേ​ഷം.

ലോ​ൺ കൃ​ത്യ​മാ​യി തി​രി​ച്ച​ട​ച്ചാ​ലും മു​ട​ങ്ങി​യ​താ​യി പ​റ​ഞ്ഞ് പ​ണം ആ​വ​ശ്യ​പ്പെ​ടും. ഇ​തി​ൽ ഏ​റ്റ​വും പു​തി​യ ത​ട്ടി​പ്പു​രീ​തി​യാ​ണ് ഇ​പ്പോ​ൾ പു​റ​ത്തു​വ​ന്നി​രി​ക്കു​ന്ന​ത്.

Related posts

Leave a Comment