ജെസ്നയുടെ തിരോധാനം; മൊ​ബൈ​ൽ സി​ഗ്ന​ലു​ക​ൾ കേ​ന്ദ്രീ​ക​രി​ച്ച് അ​ന്വേ​ഷ​ണം; സൈ​ബ​ർ വി​ദ​ഗ്ധ​സം​ഘ​ത്തി​ന്‍റെ നി​ഗ​മ​ന​ങ്ങ​ളി​ൽ പ്ര​തീ​ക്ഷ അ​ർ​പ്പി​ച്ച് അന്വേഷണ സംഘം

പ​ത്ത​നം​തി​ട്ട: മു​ക്കൂ​ട്ടു​ത​റ കൊ​ല്ല​മു​ള സ്വ​ദേ​ശി ജെ​സ്ന മ​റി​യ ജയിം​സി​ന്‍റെ തി​രോ​ധാ​ന​വു​മാ​യി ബ​ന്ധ​പ്പെ​ട്ട് മൊ​ബൈ​ൽ സ​ന്ദേ​ശ​ങ്ങ​ൾ, വി​ളി​ക​ൾ ഇ​വ​യു​ടെ വി​ശ​ദാം​ശം തേ​ടി​യു​ള്ള അ​ന്വേ​ഷ​ണം തു​ട​രു​ന്നു. സൈ​ബ​ർ വി​ദ​ഗ്ധ​സം​ഘ​ത്തി​ന്‍റെ നി​ഗ​മ​ന​ങ്ങ​ളി​ൽ പ്ര​തീ​ക്ഷ അ​ർ​പ്പി​ച്ചി​രി​ക്കു​കാ​യ​ണ് കേ​സ​ന്വേ​ഷി​ക്കു​ന്ന പ്ര​ത്യേ​ക സം​ഘം.

സൈ​ബ​ർ സെ​ല്ലി​ന്‍റെ സ​ഹാ​യ​ത്തി​ൽ വി​ശ​ദ​മാ​യ ഒ​രു അ​ന്വേ​ഷ​ണം നാ​ലു​മാ​സ​ത്തി​നി​ടെ ഇ​താ​ദ്യ​മാ​യാ​ണ് ന​ട​ക്കു​ന്ന​ത്. ക​ഴി​ഞ്ഞ മാ​ർ​ച്ച് 22നാ​ണ് ജെ​സ്ന​യെ വീ​ട്ടി​ൽ നി​ന്നും കാ​ണാ​താ​യ​ത്. ഇ​തി​നി​ട​യി​ൽ ല​ഭ്യ​മാ​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ പ്ര​ത്യേ​ക പോ​ലീ​സ് സം​ഘം അ​ന്വേ​ഷ​ണം തു​ട​രു​ക​യാ​യി​രു​ന്നു.

ജെ​സ്ന ഉ​പ​യോ​ഗി​ച്ചി​രു​ന്ന മൊ​ബൈ​ൽ​ഫോ​ൺ വീ​ട്ടി​ൽ ത​ന്നെ ഉ​ണ്ടാ​യി​രു​ന്ന​തി​നാ​ൽ ഇ​തി​ലെ കോ​ളു​ക​ൾ സ​ന്ദേ​ശ​ങ്ങ​ൾ കേ​ന്ദ്രീ​ക​രി​ച്ച് അ​ന്വേ​ഷ​ണം ന​ട​ന്നി​രു​ന്നു. എ​ന്നാ​ൽ ജെ​സ്ന ര​ണ്ടാ​മ​തൊ​രു ഫോ​ൺ ഉ​പ​യോ​ഗി​ച്ചി​രു​ന്നു​വെ​ന്നു സം​ശ​യി​ക്ക​ത്ത​ക്ക ചി​ല സൂ​ച​ന​ക​ൾ സൈ​ബ​ർ വി​ദ​ഗ്ധ സം​ഘ​ത്തി​ന്‍റെ അ​ന്വേ​ഷ​ണ​ത്തി​ൽ നി​ന്നു ല​ഭി​ച്ചു. ഇ​തു സം​ബ​ന്ധി​ച്ചു സ്ഥി​രീ​ക​ര​ണം ആ​യി​ട്ടി​ല്ലെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​ർ പ​റ​ഞ്ഞു.

ഇ​ത്ത​ര​ത്തി​ലൊ​രു ഫോ​ൺ ജെ​സ്ന​യ്ക്കു​ണ്ടാ​യി​രു​ന്ന​താ​യി ബ​ന്ധു​ക്ക​ളോ സു​ഹൃ​ത്തു​ക്ക​ളോ പ​റ​ഞ്ഞി​രു​ന്നി​ല്ല. എ​ന്നാ​ൽ സു​ഹൃ​ത്തു​ക്ക​ളി​ൽ ചി​ല​രു​ടെ ഫോ​ൺ ജെ​സ്ന ഉ​പ​യോ​ഗി​ച്ചി​രു​ന്ന​താ​യി അ​റി​ഞ്ഞി​രു​ന്നു. ഇ​തും പോ​ലീ​സ് പ​രി​ശോ​ധി​ച്ചി​രു​ന്ന​താ​ണ്. ജെ​സ്ന വീ​ട്ടി​ൽ ഉ​പ​യോ​ഗി​ച്ചു​കൊ​ണ്ടി​രു​ന്ന സാ​ധാ​ര​ണ മൊ​ബൈ​ൽ ഫോ​ണി​ൽ നി​ന്നാ​ണ് സ​ന്ദേ​ശ​ങ്ങ​ളും കോ​ളു​ക​ളും ഏ​റെ​യും പോ​യി​രി​ക്കു​ന്ന​ത്.

ടി.​പി.​ച​ന്ദ്ര​ശേ​ഖ​ര​ൻ വ​ധ​ക്കേ​സ് അ​ന്വേ​ഷി​ച്ച സൈ​ബ​ർ സം​ഘ​ത്തി​ലെ വി​ദ​ഗ്ധ​രും ജെ​സ്ന​യു​ടെ കേ​സ് ഇ​പ്പോ​ൾ അ​ന്വേ​ഷി​ക്കു​ന്നു​ണ്ട്. ഇ​വ​രു​ടെ നി​ഗ​മ​ന​ങ്ങ​ളു​ടെ അ​ടി​സ്ഥാ​ന​ത്തി​ൽ 10 ദി​വ​സ​ത്തി​ന​കം തി​രോ​ധാ​ന കേ​സി​ൽ ഇ​പ്പോ​ഴ​ത്തെ അ​ന്വേ​ഷ​ണം പൂ​ർ​ത്തീ​ക​രി​ക്കാ​മെ​ന്നാ​ണ് സം​ഘ​ത്തി​ന്‍റെ പ്ര​തീ​ക്ഷ.