വേ​ന​ൽച്ചൂടി​ൽ ജി​ല്ല​യി​ലേ​ക്ക് ല​ഹ​രി​ക്ക​ള്ളൊ​ഴു​കു​ന്നു;  ക​ള്ളി​ൽ ക​ഞ്ചാ​വും സ്പി​രി​റ്റും ല​ഹ​രി​പ​ദാ​ർ​ഥ​ങ്ങ​ളും

ചേ​ർ​ത്ത​ല: ക​ടു​ത്ത ചൂ​ടി​ൽ തെ​ങ്ങു​ക​ളി​ൽ ക​ള്ളി​ന്‍റെ ല​ഭ്യ​ത കു​റ​യു​ക​യും പാ​ല​ക്കാ​ട്ടു നി​ന്നു​ള്ള ക​ള​ളി​ന്‍റെ വ​ര​വു കു​റ​യു​ക​യും ചെ​യ്ത​തോ​ടെ ജി​ല്ല​യി​ൽ ല​ഹ​രിക്ക​ള്ള് വ്യാ​പ​ക​മാ​യി. ക​ള്ളി​ന് വീ​ര്യം കൂ​ടാ​ൻ ക​ഞ്ചാ​വും സ്പി​രി​റ്റും ഹാ​ൻ​സ് പോ​ലെ​യു​ള്ള ല​ഹ​രി​പ​ദാ​ർ​ഥങ്ങ​ളും കൂ​ട്ടി​ചേ​ർ​ത്താ​ണ് വി​ല്പ​ന പൊ​ടി​പൊ​ടി​ക്കു​ന്ന​ത്. വേ​ന​ൽച്ചൂട് കൂ​ടി​യ​തും ഗ്രാ​മ​പ്ര​ദേ​ശ​ങ്ങ​ളി​ൽ ഉ​ത്സ​വ കാ​ല​മാ​യ​തും മൂ​ലം ല​ഹ​രി​ക്ക​ള്ളു വി​ൽ​പ​ന വ​ൻ​തോ​തി​ലാ​ണ് ന​ട​ക്കു​ന്ന​ത്.

ചേ​ർ​ത്ത​ല താ​ലൂ​ക്കി​ലെ വി​വി​ധ​യി​ട​ങ്ങ​ളി​ലെ ഷാ​പ്പു​ക​ളി​ൽ കൃ​ത്രി​മ​മാ​യി നി​ർ​മി​ച്ച ക​ള്ള് സു​ല​ഭ​മാ​ണ്. ക​ഴി​ഞ്ഞ​ദി​വ​സം ജി​ല്ല​യി​ൽ വി​വി​ധ പ്ര​ദേ​ശ​ങ്ങ​ളി​ൽ ന​ട​ന്ന റെ​യ്ഡി​ൽ ക​ള്ളി​ൽ ക​ഞ്ചാ​വി​ന്‍റെ അം​ശം ക​ണ്ടെ​ത്തി​യി​രു​ന്നു. ഇ​തേത്തുട​ർ​ന്ന് 22 ഓ​ളം ഷാ​പ്പു​ക​ളാ​ണ് എ​ക്സൈ​സ് പൂ​ട്ടി​ച്ച​ത്. ചേ​ർ​ത്ത​ല​യി​ലെ ര​ണ്ട് ഗ്രൂ​പ്പു​ക​ളി​ലും കു​ട്ട​നാ​ട്, മാ​വേ​ലി​ക്ക​ര ഗ്രൂ​പ്പു​ക​ളി​ലു​മാ​ണ് പ​രി​ശോ​ധ​ന ന​ട​ത്തി​യ​ത്.

ക​ള്ളു​ഷാ​പ്പു​ക​ളി​ൽ നി​ന്നും ശേ​ഖ​രി​ക്കു​ന്ന സാം​പി​ളു​ക​ളു​ടെ പ​രി​ശോ​ധ​നാ​ഫ​ലം ല​ഭി​ക്കാ​നു​ള്ള കാ​ല​താ​മ​സ​വും ഇ​വ​ർ​ക്ക് അ​നു​ഗ്ര​ഹ​മാ​ണ്. പ​രി​ശോ​ധ​നാ​ഫ​ലം ല​ഭി​ക്കാ​ൻ ഏ​ക​ദേ​ശം അ​ഞ്ചു​മാ​സ​ത്തോ​ളം കാ​ത്തി​രി​ക്കേ​ണ്ടി​വ​രും. ത​ൽ​സ​മ​യം ഫ​ലം ല​ഭി​ക്കു​ന്ന സം​വി​ധാ​നം എ​ക്സൈ​സി​ന്‍റെ മൊ​ബൈ​ൽ പ​രി​ശോ​ധ​ന ലാ​ബി​ൽ മാ​ത്ര​മാ​ണു​ള്ള​ത്.

ഒ​ക്ടോ​ബ​റി​ൽ ശേ​ഖ​രി​ച്ച സാം​പി​ളു​ക​ളു​ടെ പ​രി​ശോ​ധ​നാ​ഫ​ലം അ​ടു​ത്തി​ടെ ല​ഭി​ച്ച​പ്പോ​ഴാ​ണ് ഗു​രു​ത​ര​മാ​യ മാ​യം ചേ​ർ​ക്ക​ൽ ക​ണ്ടെ​ത്തി​യ​ത്. ഇ​തേത്തുട​ർ​ന്ന് ഷാ​പ്പു​ക​ളു​ടെ ലൈ​സ​ൻ​സി​ക​ളു​ടെ​യും വി​ൽ​പ​ന​ക്കാ​രു​ടെ​യും പേ​രി​ൽ കേ​സെ​ടു​ത്തി​ട്ടു​ണ്ട്. ഒ​റ്റ​പ്പെ​ട്ട ഇ​ത്ത​രം സം​ഭ​വ​ങ്ങ​ൾ വെ​ളി​ച്ച​ത്തു​വ​രു​ന്ന​ത​ല്ലാ​തെ കൂ​ടു​ത​ൽ ന​ട​പ​ടി​ക​ൾ അ​ധി​കൃ​ത​ർ എ​ടു​ക്കു​ന്നി​ല്ലെ​ന്ന് ആ​ക്ഷേ​പം ഉ​ണ്ട്.

ചേ​ർ​ത്ത​ല, മാ​വേ​ലി​ക്ക​ര, ചെ​ങ്ങ​ന്നൂ​ർ,കാ​ർ​ത്തി​ക​പ്പ​ള്ളി, കു​ട്ട​നാ​ട് താ​ലൂ​ക്കു​ക​ളി​ൽ ല​ഹ​രി​ക്കള്ളി​ന്‍റെ വേ​ന​ൽ​കാ​ല വി​ൽ​പ​ന പ​തി​വു​പോ​ലെ ത​കൃ​തി​യാ​യി ന​ട​ക്കു​ക​യാ​ണെ​ന്ന് എ​ക്സൈ​സ് സേ​ന​യു​മാ​യി ബ​ന്ധ​പ്പെ​ട്ട​വ​ർ ത​ന്നെ വെ​ളി​പ്പെ​ടു​ത്തി. ന​ല്ല ക​ള​ളി​ന്‍റെ സാ​പിം​ൾ പ​രി​ശോ​ധ​ന​ക​ർ​ക്കാ​യി ക​രു​തി​വെ​ച്ച ശേ​ഷ​മാ​ണ് ഇ​വ​ർ ല​ഹ​രി​ക്ക​ള്ള് വി​ൽ​ക്കു​ന്ന​ത്. ജി​ല്ല​യി​ലെ തെ​ക്ക​ൻ​മേ​ഖ​ല​ക​ളി​ൽ ഷാ​പ്പു​ക​ളി​ൽ ത​ന്നെ​യാ​ണ് ല​ഹ​രി​ക്കള്ള് നി​ർ​മാ​ണം.

ഈ ​പ്ര​ദേ​ശ​ങ്ങ​ളി​ൽ കൃ​ത്രി​മ ക​ള്ളു​ക​ൾ വ​ൻ തോ​തി​ൽ നി​ർ​മി​ക്കു​ന്ന കേ​ന്ദ്ര​ങ്ങ​ളു​ണ്ട്. ചി​ല അ​ബ്കാ​രി​ക​ൾ ഇ​തി​നാ​യി ഗോ​ഡൗ​ണു​ക​ൾ വ​രെ പ്ര​വ​ർ​ത്തി​പ്പി​ക്കു​ന്നു​ണ്ട​ത്രെ. ജി​ല്ല​യു​ടെ തെ​ക്ക​ൻ മേ​ഖ​ല​ക​ളി​ൽ വ​ൻ​തോ​തി​ൽ സ്പി​രി​റ്റ് എ​ത്തു​ന്ന​താ​യും സൂ​ച​ന​യു​ണ്ട്. വി​വി​ധ ത​രി​ശു​നി​ല​ങ്ങ​ൾ കേ​ന്ദ്രീ​ക​രി​ച്ച് വ്യാ​ജ​മ​ദ്യ​വും ക​ഞ്ചാ​വ് ചാ​രാ​യ​വും ഉ​ൽ​പാ​ദി​പ്പി​ക്കു​ന്നു​ണ്ട്.

തീ​ര​ദേ​ശ​മേ​ഖ​ല​യി​ലും അ​ന​ധി​കൃ​ത മ​ദ്യ​വി​ൽ​പ​ന വ്യാ​പ​ക​മാ​ണ്. ര​ക്ത​ശു​ദ്ധി വ​രു​ത്തു​ന്ന അ​രി​ഷ്ടം എ​ന്ന പേ​രി​ൽ ല​ഹ​രി​വ​സ്തു​ക്ക​ൾ ക​ല​ർ​ന്ന ലാ​യ​നി​യു​ടെ വി​ൽ​പ​ന​യും ജി​ല്ല​യി​ൽ വ​ർ​ധി​ച്ചി​ട്ടു​ണ്ട്. വി​വി​ധ ബാ​റു​ക​ളി​ൽ കൂ​ടി​യും വ്യാ​ജ​മ​ദ്യം വി​ൽ​ക്കു​ന്ന​താ​യി ആ​ക്ഷേ​പ​മു​ണ്ട്. എ​ന്നാ​ൽ എ​ക്സൈ​സ് അ​ധി​കൃ​ത​ർ വ​ൻ​കി​ട ബാ​റു​ക​ൾ​ക്കെ​തി​രെ പ്ര​തി​ക​രി​ക്കാ​ൻ ത​യ്യാ​റാ​കു​ന്നി​ല്ല. എ​ക്സൈ​സ് ര​ജി​സ്റ്റ​ർ ചെ​യ്യു​ന്ന കേ​സു​ക​ളി​ൽ തു​ട​ർ ന​ട​പ​ടി​ക​ൾ യ​ഥാ​വി​ധി​യു​ണ്ടാ​കു​ന്നി​ല്ലെ​ന്ന് നേ​ര​ത്തെ വി​ജി​ല​ൻ​സ് ന​ട​ത്തി​യ പ​രി​ശോ​ധ​ന​യി​ൽ തെ​ളി​ഞ്ഞി​രു​ന്നു