തലശേരി നഗരത്തിന്‍റെ ഇടവഴികൾ ലഹരി കേന്ദ്രങ്ങളാകുന്നു; ഇ​ട​വ​ഴി​ക​ളിലെ യാ​ത്ര​ക​ളി​ല്‍ നി​ന്നും ജ​ന​ങ്ങ​ളെ പി​ന്തി​രി​പ്പി​ക്കാ​ന്‍  നടപ്പാതയുടെ ഇ​രു​വ​ശ​ങ്ങ​ളി​ലും മ​ല​മൂ​ത്ര വി​സ​ര്‍​ജ​നം നടത്തുന്നു

സ്വ​ന്തം ലേ​ഖ​ക​ൻ
ത​ല​ശേ​രി: ത​ല​ശേ​രി ന​ഗ​രം ല​ഹ​രി മാ​ഫി​യ​യു​ടെ പി​ടി​യി​ല്‍. വി​ദ്യാ​ര്‍​ഥി​ക​ളെ ല​ക്ഷ്യ​മി​ട്ട് ന​ഗ​ര​ത്തി​ലെ ഇ​ട​വ​ഴി​ക​ള്‍ കൈ​യ​ട​ക്കി ല​ഹ​രി മാ​ഫി​യ സം​ഘ​ങ്ങ​ള്‍ സ​ജീ​വം. ഇ​ട​വ​ഴി​ക​ളി​ലൂ​ടെ​യു​ള്ള യാ​ത്ര​ക​ളി​ല്‍ നി​ന്നും ജ​ന​ങ്ങ​ളെ പി​ന്തി​രി​പ്പി​ക്കാ​ന്‍ ന​ട​പ്പാ​ത​ക​ളി​ല്‍ മ​ല​മൂ​ത്ര വി​സ​ര്‍​ജ​നം ന​ട​ത്തി​യും സാ​മൂ​ഹ്യ വി​രു​ദ്ധ സം​ഘ​ങ്ങ​ള്‍ ത​ങ്ങ​ളു​ടെ വി​ഹാ​ര കേ​ന്ദ്ര​ങ്ങ​ള്‍ സു​ര​ക്ഷി​ത​മാ​ക്കു​ന്ന പു​തി​യ കാ​ഴ്ച​യാ​ണ് ന​ഗ​ര​ത്തി​ല്‍ കാ​ണു​ന്ന​ത്.

അ​ര​ഡ​സ​ന്‍ സ്‌​കൂ​ളു​ക​ള്‍ സ്ഥി​തി ചെ​യ്യു​ന്ന പ​ഴ​യ ബ​സ്‌​സ്റ്റാ​ൻ​ഡ് പ​രി​സ​ര​ത്ത് എം.​ജി റോ​ഡി​ല്‍ മു​നി​സി​പ്പ​ല്‍ ഓ​ഫീ​സി​നോ​ട് ചേ​ര്‍​ന്ന് ഗു​ണ്ട​ര്‍​ട്ട് റോ​ഡി​ലേ​ക്ക് എ​ത്തു​ന്ന ന​ട​പ്പാ​ത പൂ​ര്‍​ണ​മാ​യും സാ​മൂ​ഹ്യ വി​രു​ദ്ധ​രു​ടെ പി​ടി​യി​ലാ​യി​ട്ട് നാ​ളു​ക​ളേ​റെ​യാ​യി. വി​ദ്യാ​ര്‍​ഥി​ക​ള്‍ ഗു​ണ്ട​ര്‍​ട്ട് റോ​ഡി​ലും എം.​ജി റോ​ഡി​ലും സ്ഥി​തി ചെ​യ്യു​ന്ന വി​ദ്യാ​ല​യ​ങ്ങ​ളി​ലേ​ക്ക് എ​ളു​പ്പ​ത്തി​ല്‍ വ​ന്നി​രു​ന്ന ഇ​ട​വ​ഴി​യാ​ണ് സാ​മൂ​ഹ്യ​വി​രു​ദ്ധ​ര്‍ രാ​പ്പ​ക​ല്‍ ഭേ​ദ​മി​ല്ലാ​തെ കൈ​യ​ട​ക്കി​യി​ട്ടു​ള്ള​ത്. മ​യ​ക്കു മ​രു​ന്ന് വി​ല്പ​ന​യും പ്ര​കൃ​തി വി​രു​ദ്ധ പ്ര​വ​ര്‍​ത്ത​ന​ങ്ങ​ളും ഈ ​ന​ട​പ്പാ​ത​യി​ല്‍ രാ​പ്പ​ക​ല്‍ വ്യ​ത്യാ​സ​മി​ല്ലാ​തെ ത​കൃ​തി​യാ​യി ന​ട​ക്കു​ക​യാ​ണ്.

ന​ട​പ്പാ​ത​യി​ലേ​ക്ക് ആ​ളു​ക​ള്‍ ക​ട​ന്നു​വ​രാ​തി​രി​ക്കാ​ന്‍ ന​ട​പ്പാ​ത തു​ട​ങ്ങു​ന്ന ഇ​രു​വ​ശ​ങ്ങ​ളി​ലും മ​ല​മൂ​ത്ര വി​സ​ര്‍​ജ​നം ന​ട​ത്തി ആ​ളു​ക​ളെ ഇ​വി​ടെ നി​ന്നും അ​ക​റ്റി നി​ര്‍​ത്തു​ന്ന പു​തി​യ ത​ന്ത്ര​വും സാ​മൂ​ഹ്യ വി​രു​ദ്ധ​ര്‍ പ​യ​റ്റു​ന്നു.​ബ​സ്‌​സ്റ്റാ​ൻ​ഡി​ലെ പോ​സ്റ്റ് ഓ​ഫീ​സ് റോ​ഡി​ലും ബ​സ്‌​സ്‌​റ്റോ​പ്പു​ക​ളി​ലും ല​ഹ​രി മാ​ഫി​യ​യി​ലെ ക​ണ്ണി​ക​ള്‍ സ്ഥി​ര​മാ​യി ക്യാ​മ്പ് ചെ​യ്ത് ഇ​ര​ക​ളെ വ​ല​യി​ലാ​ക്കു​ന്നു​ണ്ട്.

അ​തി​രാ​വി​ലെ ട്യൂ​ഷ​ന്‍ സെ​ന്‍റു​ക​ളി​ലെ​ത്തു​ന്ന വി​ദ്യാ​ര്‍​ത്ഥി​ക​ളേ​യും ല​ഹ​രി മാ​ഫി​യ വ​ല​യി​ലാ​ക്കു​ന്ന​താ​യി റി​പ്പോ​ര്‍​ട്ടു​ക​ളു​ണ്ട്. പ​ല ട്യൂ​ഷ​ന്‍ സെ​ന്‍റ​റു​ക​ളു​ടേ​യും പ​രി​സ​ര​ത്ത് ല​ഹ​രി സം​ഘ​ങ്ങ​ള്‍ പു​ല​ര്‍​ച്ചെ ത​ന്നെ എ​ത്തു​ന്നു. അ​തി​രാ​വി​ലെ പോ​ലീ​സി​ന്‍റെ ശ്ര​ദ്ധ ഉ​ണ്ടാ​കി​ല്ലാ​യെ​ന്ന​താ​ണ് ഈ ​സ​മ​യം തെ​ര​ഞ്ഞെ​ടു​ക്കാ​ന്‍ കാ​ര​ണ​മെ​ന്നാ​ണ് അ​റി​യു​ന്ന​ത്.

പു​തി​യ ബ​സ്‌​സ്റ്റാ​ൻ​ഡ് പ​രി​സ​ര​ത്തും ല​ഹ​രി മാ​ഫി​യ സ​ജീ​വ​മാ​ണ്. എ.​വി.​കെ നാ​യ​ര്‍ റോ​ഡി​ല്‍ നി​ന്നും മ​ണ​വാ​ട്ടി ജം​ഗ്ഷ​നി​ല്‍ നി​ന്നും ക​വാ​ട​മു​ള്ള സ്വ​കാ​ര്യ ഷോ​പ്പിം​ഗ് കോം​പ്ല​ക്‌​സ് കേ​ന്ദ്രീ​ക​രി​ച്ച് ല​ഹ​രി മാ​ഫി​യ​യു​ടെ വ​ലി​യ ശൃം​ഖ​ല​യാ​ണ് പ്ര​വ​ര്‍​ത്തി​ക്കു​ന്ന​ത്.

ബ്രൗ​ണ്‍​ഷു​ഗ​ര്‍-​ക​ഞ്ചാ​വ് -ല​ഹ​രി ഗു​ളി​ക​ക​ള്‍ ഉ​പ​യോ​ഗി​ക്കു​ന്ന നൂ​റി​ലേ​റെ സ്‌​കൂ​ള്‍-​കോ​ള​ജ് വി​ദ്യാ​ർ​ഥി​ക​ളെ ത​ല​ശേ​രി​യി​ലും പ​രി​സ​ര​ത്തു​മാ​യി നേ​ര​ത്തെ പോ​ലീ​സ് ക​ണ്ടെ​ത്തി​യി​രു​ന്നു. ല​ഹ​രി മാ​ഫി​യ ന​ഗ​ര​ത്തി​ല്‍ പി​ടി​മു​റു​ക്കി​യ സാ​ഹ​ച​ര്യ​ത്തി​ല്‍ ല​ഹ​രി മാ​ഫി​യ​യെ തൂ​ത്തെ​റി​യാ​നും ല​ഹ​രി​ക്ക​ടി​മ​ക​ളാ​യ വി​ദ്യാ​ര്‍​ഥി​ക​ളെ ര​ക്ഷി​ച്ചെ​ടു​ക്കാ​നു​മാ​യി പോ​ലീ​സ് സ​ന്ന​ദ്ധ സം​ഘ​ട​ന​ക​ളു​ടെ​യും സ്‌​കൂ​ള്‍ പി​ടി​എ​ക​ളു​ടേ​യും സ​ഹാ​യ​ത്തോ​ടെ ചി​ല നീ​ക്ക​ങ്ങ​ള്‍ ന​ട​ത്തി​യി​രു​ന്നെ​ങ്കി​ലും അ​തു പി​ന്നീ​ട് നി​ല​ച്ചു.