തു​രു​ത്തി പു​ഴ​യോ​ര​ത്ത് വീ​ണ്ടും ക​ണ്ട​ൽ കൈ​യേ​റ്റം;മുപ്പത് ഏക്കർ സ്ഥലത്തെ കണ്ടലുകൾ വെട്ടി നശിപ്പിച്ച നിലയിൽ

പാ​പ്പി​നി​ശേ​രി: ക​ണ്ണൂ​ർ ജി​ല്ല​യി​ലെ സ​മ്പു​ഷ്ട​മാ​യ ക​ണ്ട​ൽ വ​ന​മേ​ഖ​ല​ക​ളി​ലൊ​ന്നാ​യ പാ​പ്പി​നി​ശേ​രി തു​രു​ത്തി​യി​ലും ചു​ങ്ക​ത്തും വ​ള​പ​ട്ട​ണം പു​ഴ​യോ​ര​ത്തും ക​ണ്ട​ൽ​ക്കാ​ട് കൈ​യേ​റ്റം തു​ട​രു​ന്നു. മു​പ്പ​തി​ല​ധി​കം ഏ​ക്ക​ർ ക​ണ​ക്കി​നു സ്ഥ​ല​ത്തെ ക​ണ്ട​ൽ​മ​ര​ങ്ങ​ളാ​ണു നശി പ്പിച്ചിട്ടുള്ളത്. പ്ര​ദേ​ശ​ത്തു നൂ​റു​ക​ണ​ക്കി​നു ഹെ​ക്ട​ർ സ്ഥ​ല​ത്തു സ​മ്പു​ഷ്ട​മാ​യി ക​ണ്ട​ൽ​ക്കാ​ടു​ക​ൾ ഏ​താ​നും വ​ർ​ഷം മു​ന്പു​വ​രെ ഉ​ണ്ടാ​യി​രു​ന്നു.

ഇ​പ്പോ​ൾ തു​രു​ത്തി​യി​ൽ നി​ന്നും വ​ള​പ​ട്ട​ണം പു​ഴ വ​ന​ത്തി​ലൂ​ടെ നി​ർ​മി​ച്ച റോ​ഡി​ന്‍റെ ഇ​രു​വ​ശ​ത്തും മാ​ലി​നൃം ത​ള്ള​ൽ, ക​ണ്ട​ൽ വെ​ട്ടി​മ​ണ്ണി​ട്ടു​നി​ക​ത്ത​ൽ, കെ​ട്ടി​ട നി​ർ​മാ​ണം, വ​ന​ന​ശീ​ക​ര​ണം എ​ന്നി​വ ത​കൃ​തി​യാ​യി ന​ട​ക്കു​ക​യാ​ണ്.ആ​ഴ്ച​ക​ളാ​യി വ​ന​മേ​ഖ​ല​യി​ൽ ക​ണ്ട​ലു​ക​ൾ വ്യാ​പ​ക​മാ​യി വെ​ട്ടി​ന​ശി​പ്പി​ച്ചി​ട്ടും റ​വ​ന്യൂ അ​ധി​കൃ​ത​രോ പ​ഞ്ചാ​യ​ത്ത​ധി​കൃ​ത​രോ പ്ര​ദേ​ശ​ത്തു തി​രി​ഞ്ഞു നോ​ക്കി​യി​ട്ടി​ല്ല.

പ്ര​കൃ​തി​സം​ര​ക്ഷ​ണ​ത്തി​ന്‍റെ പ്രാ​ധാ​ന്യം ലോ​ക​മെ​ങ്ങും അം​ഗീ​ക​രി​ച്ച കാ​ല​ഘ​ട്ട​ത്തി​ൽ പാ​പ്പി​നി​ശേ​രി​യി​ൽ ന​ട​ക്കു​ന്ന ന​ശീ​ക​ര​ണ​ത്തി​നെ​തി​രേ നടപടി സ്വീകരിക്കേണ്ട അ​ധി​കൃ​ത​ർ ഈ ​കാ​ര്യ​ത്തി​ൽ കാ​ണി​ക്കു​ന്ന ഗു​രു​ത​ര​മാ​യ വീ​ഴ്ച​ തു​റ​ന്നു​കാ​ട്ടു​മെ​ന്നു പ​രി​ഷ​ത്ത് നേ​താ​വ് പി. ​ധ​ർ​മ​ൻ രാ​ഷ്ട്ര​ദീ​പി​ക​യോ​ടു പ​റ​ഞ്ഞു.

Related posts