തോ​ട്ട​പ്പ​ള്ളി​യി​ൽ വീ​ണ്ടും രാപകൽ ഖനനം..! സ​മ​രം അ​ട​ങ്ങി; നേ​താ​ക്ക​ളി​ല്ലാ​ത്ത സ​മ​ര​പ്പ​ന്ത​ൽ;  വരുന്ന തെ​ര​ഞ്ഞെ​ടു​പ്പ് ചെ​ല​വി​ലേ​ക്കാ​യി നേ​താ​ക്ക​ൾ ല​ക്ഷ​ങ്ങ​ൾ ക​രി​മ​ണ​ൽ മാ​ഫി​യ​യി​ൽ നി​ന്നും കൈ​പ്പ​റ്റി​യ​താ​യി ആ​രോ​പ​ണം

അ​മ്പ​ല​പ്പു​ഴ: സ​മ​ര​ങ്ങ​ൾ ഒ​തു​ങ്ങി​യ​തോ​ടെ തീ​ര​ദേ​ശ​വാ​സി​ക​ളു​ടെ ഉ​റ​ക്കം കെ​ടു​ത്തി തോ​ട്ട​പ്പ​ള്ളി​യി​ൽ വീ​ണ്ടും ക​രി​മ​ണ​ൽ നി​റ​ച്ച ടി​പ്പ​റു​ക​ളു​ടെ മ​ര​ണപ്പാ​ച്ചി​ൽ.

തോ​ട്ട​പ്പ​ള്ളി​യി​ലെ ക​രി​മ​ണ​ൽ ഖ​ന​ന​ത്തി​നെ​തി​രെ ജ​ന​കീ​യ സ​മ​ര​സ​മി​തി​യു​ടെ നേ​തൃ​ത്വ​ത്തി​ൽ ന​ട​ത്തി​വ​ന്ന സ​മ​രം അ​വ​സാ​നി​ച്ച​തോ​ടെ​യാ​ണ് തീ​ര​ദേ​ശ​ത്തെ ക​വ​ർ​ന്നെ​ടു​ത്തു​കൊ​ണ്ടു​ള്ള ഖ​ന​നം രാ​ത്രി​യി​ലും പ​ക​ലും തു​ട​രു​ന്ന​ത്.

ക​ഴി​ഞ്ഞ മേ​യി​ലാ​ണ് ക​രി​മ​ണ​ൽ ഖ​ന​ന​ത്തി​നെ​തി​രെ കോ​ൺ​ഗ്ര​സി​ൻ്റെ​യും ധീ​വ​ര​സ​ഭ​യു​ടെ​യും നേ​തൃ​ത്വ​ത്തി​ൽ സ​മ​ര​ങ്ങ​ൾ ആ​രം​ഭി​ച്ച​ത്. തോ​ട്ട​പ്പ​ള്ളി സ്പി​ൽ​വേ മു​ഖ​ത്തി​ന് തെ​ക്ക് ഭാ​ഗ​ത്താ​യി നി​ർ​മി​ച്ച താ​ൽ​ക്കാ​ലി​ക പ​ന്ത​ലി​ൽ ആ​രം​ഭി​ച്ച റി​ലേ സ​ത്യാ​ഗ്ര​ഹം ഡി​സി​സി പ്ര​സി​ഡ​ൻ​റ് എം. ​ലി​ജു​വാ​ണ് ഉ​ദ്ഘാ​ട​നം ചെ​യ്ത​ത്.

പന്തലൊഴിഞ്ഞു…
പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല, വി.​എം. സു​ധീ​ര​ൻ, ധീ​വ​ര​സ​ഭ സം​സ്ഥാ​ന ജ​ന​റ​ൽ സെ​ക്ര​ട്ട​റി വി. ​ദി​ന​ക​ര​ൻ തു​ട​ങ്ങി​യ പ്ര​മു​ഖ നേ​താ​ക്ക​ൾ വി​വി​ധ ദി​വ​സ​ങ്ങ​ളി​ലെ​ത്തി സ​മ​ര​ത്തി​ൽ പ​ങ്കു​ചേ​ർ​ന്നി​രു​ന്നു.

എ​ന്നാ​ൽ ദി​വ​സ​ങ്ങ​ൾ പി​ന്നി​ട്ട​പ്പോ​ഴേ​ക്കും തീ​ര​ത്ത് നേ​താ​ക്ക​ളി​ല്ലാ​ത്ത സ​മ​ര​പ്പ​ന്ത​ൽ മാ​ത്ര​മാ​യി. ദി​വ​സ​ങ്ങ​ൾ​ക്ക് ശേ​ഷം പ​ന്ത​ലും അ​ഴി​ച്ചു​മാ​റ്റി​യ​തോ​ടെ ക​രി​മ​ണ​ൽ ഖ​ന​ന​ത്തി​നെ​തി​രെ സ​മ​രം ചെ​യ്ത​തി​ൻെ​റ പേ​രി​ൽ കേ​സി​ൽ​പ്പെ​ട്ട സാ​ധാ​ര​ണ​ക്കാ​രാ​യ മ​ത്സ്യ​ത്തൊ​ഴി​ലാ​ളി​ക​ൾ കോ​ട​തി ക​യ​റി ഇ​റ​ങ്ങേ​ണ്ട അ​വ​സ്ഥ​യാ​ണ്.

ക​രി​മ​ണ​ൽ ക​ട​ത്ത് നി​ർ​ത്തി​വെ​ക്കും വ​രെ സ​മ​രം ചെ​യ്യു​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ച നേ​താ​ക്ക​ളെ ആ​രേ​യും ഇ​പ്പോ​ൾ കാ​ണാ​നി​ല്ലെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. ഇ​തി​നി​ടെ ബി​ജെ​പി​യും ഭ​ര​ണ​ക്ഷി​യാ​യ സി​പി​ഐ​യും ഇ​തേ ആ​വ​ശ്യം ഉ​ന്ന​യി​ച്ച് സ​മ​ര​മാ​രം​ഭി​ച്ചു. എ​ന്നാ​ൽ ഇ​വ​രും ഇ​പ്പോ​ൾ സ​മ​രം അ​വ​സാ​നി​പ്പി​ച്ചു.

തെരഞ്ഞെടുപ്പല്ലേ!
ത്രി​ത​ല​പ​ഞ്ചാ​യ​ത്ത് തെ​ര​ഞ്ഞ​ടു​പ്പ് ല​ക്ഷ്യ​മി​ട്ട് ന​ട​ത്തു​ന്ന സ​മ​ര​മാ​ണി​തെ​ന്ന് നേ​ര​ത്തെ ത​ന്നെ മ​ണ​ൽ ഖ​ന​ന അ​നു​കൂ​ല സം​ഘ​ട​ന​ക​ൾ ആ​രോ​പി​ച്ചി​രു​ന്നു.

തെ​ര​ഞ്ഞെ​ടു​പ്പ് ചെ​ല​വി​ലേ​ക്കാ​യി നേ​താ​ക്ക​ൾ ല​ക്ഷ​ങ്ങ​ൾ ക​രി​മ​ണ​ൽ മാ​ഫി​യ​യി​ൽ നി​ന്നും കൈ​പ്പ​റ്റി​യ​താ​യി ആ​രോ​പ​ണ​വും ജ​ന​ങ്ങ​ൾ​ക്കി​ട​യി​ൽ ഉ​ണ്ട്. രാ​പ്പ​ക​ലെ​ന്നി​ല്ലാ​തെ​യാ​ണ് നൂ​റു​ക​ണ​ക്കി​ന് ടി​പ്പ​റു​ക​ളി​ൽ തോ​ട്ട​പ്പ​ള്ളി​യി​ൽ നി​ന്നും മ​ണ​ൽ കൊ​ണ്ടു പോ​കു​ന്ന​ത്.

പൊ​ഴി​യു​ടെ തെ​ക്ക് ഭാ​ഗം പൂ​ർ​ണ​മാ​യും ക​ട​ൽ എ​ടു​ത്ത​തോ​ടെ വ​ട​ക്ക് ഭാ​ഗ​ത്തു​കൂ​ടി​യാ​ണ് മ​ണ​ൽ കൊ​ണ്ടു പോ​കു​ന്ന​ത്‌. അ​ടി​ക്ക​ടി​യു​ള്ള ടി​പ്പ​റു​ക​ളു​ടെ പ​ര​ക്കം പാ​ച്ചി​ലി​ൽ റോ​ഡ് വ​ക്കി​ലെ പ​ല​വീ​ടു​ക​ളു​ടെ ഭി​ത്തി​ക​ളും വി​ണ്ടു​കീ​റി.

സ​മ​ര​ത്തി​ന് നേ​തൃ​ത്വം ന​ൽ​കി​യ പ​ല നേ​താ​ക്ക​ളെ​യും അ​റി​യി​ച്ചെ​ങ്കി​ലും തി​രി​ഞ്ഞു​പോ​ലും നോ​ക്കി​യി​ല്ലെ​ന്നാ​ണ് ആ​ക്ഷേ​പം.