കട്ടച്ചിറപ്പള്ളിത്തർക്കം ;മൃ​ത​ദേ​ഹ സം​സ്കാ​ര​വു​മാ​യി ബ​ന്ധ​പ്പെ​ട്ട് ക​ള​ക്ട​ർ ​വി​ളി​ച്ച യോ​ഗം അ​ല​സി​പ്പി​രി​ഞ്ഞു

ആ​ല​പ്പു​ഴ: യാ​ക്കോ​ബാ​യ-​ഓ​ർ​ത്ത​ഡോ​ക്സ് വി​ഭാ​ഗ​ങ്ങ​ൾ ത​മ്മി​ൽ ത​ർ​ക്കം നി​ല​നി​ൽ​ക്കു​ന്ന ക​ട്ട​ച്ചി​റ സെ​ന്‍റ് മേ​രീ​സ് പ​ള്ളി​യി​ൽ യാ​ക്കോ​ബാ​യ വി​ഭാ​ഗ​ത്തി​ൽ​പെ​ട്ട വ​യോ​ധി​ക​യു​ടെ മൃ​ത​ദേ​ഹം സം​സ്ക​രി​ക്കു​ന്ന​തു​മാ​യി ബ​ന്ധ​പ്പെ​ട്ട ത​ർ​ക്കം പ​രി​ഹ​രി​ക്കാ​നാ​യി​ല്ല. ഇ​തി​നാ​യി ക​ള​ക്ട​റു​ടെ അ​ധ്യ​ക്ഷ​ത​യി​ൽ വി​ളി​ച്ചു ചേ​ർ​ത്ത അ​നു​ര​ഞ്ജ​ന യോ​ഗം തീ​രു​മാ​ന​മാ​കാ​തെ പി​രി​ഞ്ഞു. യാ​ക്കോ​ബാ​യ വി​ഭാ​ഗ​ത്തി​ലെ കി​ഴ​ക്കേ​വീ​ട്ടി​ൽ (മ​ഞ്ഞാ​ണി​ത്ത​റ) മ​റി​യാ​മ്മ രാ​ജ​നാ (92) ണു ​ക​ഴി​ഞ്ഞ തി​ങ്ക​ളാ​ഴ്ച മ​രി​ച്ച​ത്.

മൃ​ത​ദേ​ഹം സം​സ്ക​രി​ക്കാ​നു​ള്ള ആ​വ​ശ്യം നി​രാ​ക​രി​ക്ക​പ്പെ​ട്ട​തി​നെ തു​ട​ർ​ന്നു ത​ർ​ക്കം ഉ​ട​ലെ​ടു​ക്കു​ക​യും ക​ള​ക്ട​ർ ത​ർ​ക്ക​പ​രി​ഹാ​ര​ത്തി​നു യോ​ഗം വി​ളി​ക്കു​ക​യു​മാ​യി​രു​ന്നു. യാ​ക്കോ​ബാ​യ വി​ഭാ​ഗ​ത്തി​ന്‍റെ മ​താ​ചാ​ര പ്ര​കാ​രം കു​ടും​ബ ക​ല്ല​റ​യി​ൽ സം​സ്ക​രി​ക്ക​ണ​മെ​ന്ന മ​ക്ക​ളു​ടെ​യും ബ​ന്ധു​ക്ക​ളു​ടെ​യും ആ​വ​ശ്യം പൂ​ർ​ണ​മാ​യും ഓ​ർ​ത്ത​ഡോ​ക്സ് സ​ഭ അം​ഗീ​ക​രി​ച്ചി​ല്ല. വീ​ട്ടി​ൽ അ​ന്ത്യ​ശു​ശ്രൂ​ഷ ന​ട​ത്തി​യ​തി​നു ശേ​ഷം മൃ​ത​ദേ​ഹ​പ്പെ​ട്ടി മൂ​ടാ​തെ പ​ള്ളി​യി​ലെ​ത്തി​ക്ക​ണ​മെ​ന്നും ഓ​ർ​ത്ത​ഡോ​ക്സ് വി​ഭാ​ഗം വ്യ​വ​സ്ഥ​വ​ച്ചു.

പ​ള്ളി വി​കാ​രി​യു​ടെ കാ​ർ​മി​ക​ത്വ​ത്തി​ൽ അ​ന്ത്യ​ശു​ശ്രൂ​ഷ​ക​ൾ ചെ​യ്യാ​ൻ ത​ങ്ങ​ൾ തയാ​റ​ല്ലെ​ന്ന് യാ​ക്കോ​ബാ​യ വി​ഭാ​ഗ​വും അ​റി​യി​ച്ചു. ഇ​രു​വി​ഭാ​ഗ​വും വി​ട്ടു​വീ​ഴ്ച​യി​ല്ലാ​ത്ത നി​ല​പാ​ട് സ്വീ​ക​രി​ച്ച​തോ​ടെ ത​ർ​ക്കം പ​രി​ഹ​രി​ക്ക​പ്പെ​ടാ​തെ യോ​ഗം പി​രി​യു​ക​യാ​യി​രു​ന്നു. യോ​ഗ​ത്തി​നു ശേ​ഷം ഇ​രു​വി​ഭാ​ഗ​വും ത​ങ്ങ​ളു​ടെ നി​ല​പാ​ടു​ക​ൾ വി​ശ​ദീ​ക​രി​ച്ച് പ​ത്ര​സ​മ്മേ​ള​നം ന​ട​ത്തി.

സു​പ്രീം​കോ​ട​തി​യു​ടെ അ​ന്തി​മ വി​ധി​യെ തു​ട​ർ​ന്ന് പ​ള്ളി ഭ​ര​ണ​ത്തി​ന്‍റെ നി​യ​ന്ത്ര​ണം ഓ​ർ​ത്തഡോ​ക്സ് സ​ഭ​യു​ടെ കൈ​വ​ശ​മാ​ണെ​ങ്കി​ലും പ​ര​ന്പ​രാ​ഗ​ത​മാ​യ ആ​ചാ​ര​പ്ര​കാ​രം സം​സ്കാ​രം ന​ട​ത്തു​ന്ന​തി​ൽ ത​ങ്ങ​ൾ​ക്ക് എ​തി​ർ​പ്പി​ല്ലെ​ന്ന് ഓ​ർത്ത​ഡോ​ക്സ് വി​ഭാ​ഗം പ​ള്ളി വി​കാ​രി​യാ​യ ഫാ. ​ജോ​ണ്‍​സ് ഈ​പ്പ​ൻ ആ​ല​പ്പു​ഴ​യി​ൽ പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു. സം​സ്കാ​ര​ത്തെ എ​തി​ർ​ക്കു​ന്നു​വെ​ന്ന് വ​രു​ത്തിത്തീർ​ത്ത് സ​ഭ​യെ ആ​ക്ഷേ​പി​ക്കാ​ൻ ചി​ല​കേ​ന്ദ്ര​ങ്ങ​ൾ ബോ​ധ​പൂ​ർ​വ​മാ​യ ശ്ര​മം ന​ട​ത്തു​ന്നു​ണ്ട്.

മ​ര​ണ​മ​ട​ഞ്ഞ മ​റി​യാ​മ്മ രാ​ജ​ന്‍റെ കു​ടും​ബാം​ഗ​ങ്ങ​ൾ എ​ഡി​എ​മ്മി​ന്‍റെ നേ​തൃ​ത്വ​ത്തി​ൽ ന​ട​ത്തി​യ ച​ർ​ച്ച​യി​ൽ ആ​ചാ​ര​പ്ര​കാ​രം ഉ​ള്ള സം​സ്കാ​ര​ത്തി​നു മ​ക്ക​ൾ സ​മ്മ​തി​ച്ചി​രു​ന്നു. പി​ന്നീ​ട് ബാ​ഹ്യ​മാ​യ ഇ​ട​പെ​ട​ൽ മൂ​ലം തീ​രു​മാ​ന​ത്തി​ൽ നി​ന്ന് പിന്മാറി. വീ​ട്ടി​ൽ അ​ന്ത്യ​ശൂ​ശ്രു​ഷ ന​ട​ത്തി​യ ശേ​ഷം പ​ള്ളി​യിൽ എ​ത്തി​ക്കു​ന്ന മൃ​ത​ദേ​ഹം ആ​ചാ​ര​പ്ര​കാ​ര​മു​ള്ള ച​ട​ങ്ങു​ക​ളോ​ടെ സം​സ്ക​രി​ക്കാ​നും കു​ടു​ംബാം​ഗ​ങ്ങ​ൾ പ​ള്ളി​യി​ൽ പ്ര​വേ​ശി​ക്കു​ന്ന​തി​നും എ​തി​ര​ല്ല. എ​ന്നാ​ൽ മൃ​ത​ദേ​ഹം പൊ​തു​ശ്മ​ശാ​ന​ത്തി​ൽ സം​സ്ക​രി​ക്കു​ന്ന രീ​തി പ​ള്ളി സെ​മി​ത്തേ​രി​യി​ൽ അ​നു​വ​ദി​ക്കാ​ൻ ക​ഴി​യി​ല്ലെ​ന്ന് ഫാ. ​ജോ​ണ്‍​സ് ഈ​പ്പ​ൻ പ​റ​ഞ്ഞു.പ​ത്ര സ​മ്മേ​ള​ന​ത്തി​ൽ മാ​നേ​ജിം​ഗ് ക​മ്മി​റ്റി​യം​ഗം റോ​ണി​വ​ർ​ഗീ​സ് ഏ​ബ്ര​ഹാ​മും പ​ങ്കെ​ടു​ത്തു.

അ​തേ​സ​മ​യം ക​ട്ട​ച്ചി​റ കി​ഴ​ക്കേ വീ​ട്ടി​ൽ മ​റി​യാ​മ്മ​യു​ടെ മൃ​ത​ദേ​ഹം യാ​ക്കോ​ബാ​യ സ​ഭാ ആ​ചാ​ര​പ്ര​കാ​ര​മു​ള്ള ച​ട​ങ്ങു​ക​ളോ​ടെ ക​ട്ട​ച്ചി​റ​പ​ള്ളി കു​ടും​ബ​ക്ക​ല്ല​റ​യി​ൽ ന​ട​ത്തു​ന്ന​തി​ന് സ​ർ​ക്കാ​ർ ഇ​ട​പെ​ട​ണ​മെ​ന്ന് യാ​ക്കോ​ബാ​യ വി​ഭാ​ഗം വൈ​ദി​ക​ൻ ഫാ. ​റോ​യി ജോ​ർ​ജ് പ​ത്ര സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു. ഇ​തി​നാ​യി മു​ഖ്യ​മ​ന്ത്രി​യെ കാ​ണും. സു​പ്രീം​കോ​ട​തി അം​ഗീ​ക​രി​ച്ച ക​ട്ട​ച്ചി​റ ഇ​ട​വ​ക അം​ഗ​ത്വ ര​ജി​സ്റ്റ​റി​ലു​ള്ള കു​ടും​ബ​മാ​ണ് മ​റ​യാ​മ്മ​യു​ടെ​ത്. ക​ട്ട​ച്ചി​റ​യി​ൽ എ​ട്ടു കു​ടും​ബ​ങ്ങ​ളാ​ണ് ഓ​ർത്ത​ഡോ​ക്സ് വി​ഭാ​ഗ​ത്തി​നു​ള്ള​ത്.

128 കു​ടും​ബ​ങ്ങ​ളു​ള്ള യാ​ക്കോ​ബാ​യ സ​ഭ​യി​ലെ അം​ഗ​ങ്ങ​ളെ ഓ​ർ​ത്തഡോ​ക്സ് സ​ഭ​യി​ൽ അം​ഗ​മാ​ക്കാ​നു​ള്ള ശ്ര​മം ന​ട​ക്കു​ന്നു​ണ്ട്. കോ​ട​തി​വി​ധി​യു​ണ്ടെ​ങ്കി​ലും മ​നു​ഷ്യ​ത്വ​പ​ര​മാ​യ സ​മീ​പ​നം സ്വീ​ക​രി​ക്കാ​ൻ ഇ​രു​വി​ഭാ​ഗ​വും ത​യാ​റാ​ക​ണ​മെ​ന്ന് ജി​ല്ലാ ഭ​ര​ണ​കൂ​ടം ആ​വ​ശ്യ​പ്പെ​ട്ടി​ട്ടും മൃ​ത​ദേ​ഹം വച്ച് വി​ല​പേ​ശു​ന്ന ഓ​ർ​ത്ത​ഡോ​ക്സ് സ​ഭ​യു​ടെ നി​ല​പാ​ടി​നെ​തി​രേ സ​ർ​ക്കാ​രി​നെ സ​മീ​പി​ക്കു​മെ​ന്നും ആ​വ​ശ്യ​മെ​ങ്കി​ൽ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും ഫാ. ​റോ​യി ജോ​ർ​ജ് പ​റ​ഞ്ഞു. പ​ത്ര സ​മ്മേ​ള​ന​ത്തി​ൽ ട്ര​സ്റ്റി അ​ല​ക്സ് എം. ​ജോ​ർ​ജ്, മ​റി​യാ​മ്മ​യു​ടെ മ​ക്ക​ളാ​യ കെ.​ആ​ർ. മാ​ത്യൂ​സ്, കെ.​ആ​ർ. കോ​ശി, കു​ടും​ബാം​ഗം കെ.​ബി. ജോ​ർ​ജ് എ​ന്നി​വ​രും പ​ങ്കെ​ടു​ത്തു.