ഗ​വ​ർ​ണ​ർ​ക്കെതി​രേ കേ​ന്ദ്ര​ത്തി​ന് ക​ത്ത​യ​യ്ക്കും; കത്ത് തയാറാക്കാൻ ചീഫ് സെക്രട്ടറിയെ ചുമതലപ്പെടുത്തി

കൊ​ല്ലം: ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നെ​തി​രേ നി​ല​പാ​ട് ക​ടു​പ്പി​ക്കാ​ൻ സംസ്ഥാന സർക്കാർ. ഇ​തി​ന്‍റെ ഭാ​ഗ​മാ​യി കേ​ന്ദ്ര സ​ർ​ക്കാ​രി​ന് വി​ശ​ദ​മാ​യ ക​ത്ത് അ​യ​യ്ക്കാ​നാ​ണ് തീ​രു​മാ​നി​ച്ചി​ട്ടു​ള്ള​ത്.

ന​വ​കേ​ര​ള സ​ദ​സി​ന്‍റെ കൊല്ലം ജി​ല്ല​യി​ലെ പ​ര്യ​ട​ന​ത്തി​ന് ശേ​ഷം കൊ​ല്ലം ബീ​ച്ച് ഹോ​ട്ട​ലി​ൽ എ​ത്തി​യ മു​ഖ്യ​മ​ന്ത്രി പി​ണ​റാ​യി വി​ജ​യ​നും മ​ന്ത്രി​സ​ഭ​യി​ലെ മ​റ്റ് അം​ഗ​ങ്ങ​ളും ഇ​തു സം​ബ​ന്ധി​ച്ച് കൂ​ടി​യാ​ലോ​ച​ന​ക​ളും ന​ട​ത്തി. ക​ത്തി​ലെ ഉ​ള്ള​ട​ക്കം എ​ന്താ​യി​രി​ക്ക​ണം എ​ന്ന​ത് സം​ബ​ന്ധി​ച്ചും ച​ർ​ച്ച​ക​ൾ ന​ട​ന്നു. ക​ത്തി​ൽ ഉ​ൾ​പ്പെ​ടു​ത്തേ​ണ്ട കാ​ര്യ​ങ്ങ​ൾ ത​യാ​റാ​ക്കു​ന്ന​തി​ന് ചീ​ഫ് സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തി​യ​താ​യാ​ണ് അ​റി​വ്.

ഗ​വ​ർ​ണ​ർ സു​ര​ക്ഷാ പ്രോ​ട്ടോ​ക്കോ​ൾ പാ​ലി​ക്കു​ന്നി​ല്ല, നാ​ട്ടി​ലെ സ​മാ​ധാ​ന അ​ന്ത​രീ​ക്ഷം ത​ക​ർ​ക്കു​ന്നു എ​ന്നി​വ ചൂ​ണ്ടി​ക്കാ​ട്ടി രാഷ്‌ട്രപ​തി​യെ സ​മീ​പി​ക്കാ​നും സ​ർ​ക്കാ​ർ ത​ല​പ്പ​ത്ത് ആ​ലോ​ച​ന​ക​ൾ ന​ട​ന്നു. കേ​ന്ദ്ര സ​ർ​ക്കാ​രി​ന് ആ​ദ്യം ക​ത്ത് ന​ൽ​കി​യ ശേ​ഷ​മാ​യി​രി​ക്കും ഇ​ക്കാ​ര്യ​ത്തി​ൽ ന​ട​പ​ടി​ക​ൾ ഉ​ണ്ടാ​കു​ക.

ഇ​ന്ന​ലെ കൊ​ല്ലം ജി​ല്ല​യി​ൽ ന​ട​ന്ന ന​വ​കേ​ര​ള സ​ദ​സി​ന്‍റെ പൊ​തു​യോ​ഗ​ങ്ങ​ളി​ൽ ഗ​വ​ർ​ണ​ർ​ക്ക് എ​തി​രേ എ​ല്ലാ മ​ന്ത്രി​മാ​രും അ​തി​രൂ​ക്ഷ​മാ​യ വി​മ​ർ​ശ​ന​മാ​ണ് ന​ട​ത്തി​യ​ത്. ഗ​വ​ർ​ണ​റെ കേ​ന്ദ്രം തി​രി​ച്ചു വി​ളി​ക്ക​ണ​മെ​ന്ന ആ​വ​ശ്യം പോ​ലും മ​ന്ത്രി​മാ​ർ ഉ​ന്ന​യി​ച്ചു.

ഇ​ന്ന് കൊ​ല്ലം ബീ​ച്ചി​ൽ പ്ര​ഭാ​ത ന​ട​ത്ത​ത്തിന് ഇ​റ​ങ്ങി​യ മ​ന്ത്രി​മാ​രാ​യ പി.​ രാ​ജീ​വും സ​ജി ചെ​റി​യാ​നും ഗ​വ​ർ​ണ​ർ​ക്ക് എ​തി​രേ വീ​ണ്ടും വി​മ​ർ​ശ​ന ശ​ര​ങ്ങ​ൾ ഉ​തി​ർ​ത്തു. ഗ​വ​ർ​ണ​ർ ഭ​ര​ണ​ഘ​ട​നാ വി​രു​ദ്ധ​മാ​യും നി​യ​മ വി​രു​ദ്ധ​വു​മാ​യാ​ണ് പ്ര​വ​ർ​ത്തി​ക്കു​ന്ന​തെ​ന്ന് മ​ന്ത്രി പി.​രാ​ജീ​വ് പ​റ​ഞ്ഞു.

ബോ​ധ​പൂ​ർ​വം ക്ര​മ​സ​മാ​ധാ​ന പ്ര​ശ്ന​ങ്ങ​ൾ ഉ​ണ്ടാ​ക്കു​ന്നു. വി​ദ്യാ​ർ​ഥി സം​ഘ​ട​ന​യെ​യും പ്ര​വ​ർ​ത്ത​ക​രെ​യും മോ​ശം ഭാ​ഷ​യി​ൽ വെ​ല്ലു​വി​ളി​ക്കു​ന്നു. വി​ചി​ത്ര ജീ​വി​യെ പോ​ലെ പെ​രു​മാ​റു​ന്ന ഗ​വ​ർ​ണ​റു​ടെ ന​ട​പ​ടി​ക​ൾ കേ​ന്ദ്ര സ​ർ​ക്കാ​രി​ന്‍റെയും രാ​ഷ്‌ട്രപ​തി​യു​ടെ​യും ശ്ര​ദ്ധ​യി​ൽ​പ്പെ​ടു​ത്തു​മെ​ന്നും മ​ന്ത്രി പി.​ രാ​ജീ​വ് അ​സ​ന്നി​ഗ്ധ​മാ​യി വ്യ​ക്ത​മാ​ക്കി.

ഗ​വ​ർ​ണ​ർ കോ​ഴി​ക്കോ​ട് മി​ഠാ​യി തെ​രു​വി​ൽ എ​ത്തി​യ​ത് ക​ലാ​പം ഉ​ണ്ടാ​ക്കാ​നാ​ണ​ന്നും അ​തു വ​ഴി സം​സ്ഥാ​ന​ത്തി​ന്‍റെ മ​ത​നി​ര​പേ​ക്ഷ​ത ത​ക​ർ​ക്കാ​നാ​യി​രു​ന്നു അ​ദ്ദേ​ഹ​ത്തി​ന്‍റെ ശ്ര​മ​മെ​ന്നും മ​ന്ത്രി സ​ജി ചെ​റി​യാ​ൻ ആ​രോ​പി​ച്ചു. സം​സ്ഥാ​ന​ത്തെ സ​മാ​ധാ​ന അ​ന്ത​രീ​ക്ഷം ത​ക​ർ​ക്കാ​നു​ള്ള സം​ഘ​പ​രി​വാ​ർ അ​ജ​ണ്ട​യു​ടെ വ​ടി​യാ​യാ​ണ് ഗ​വ​ർ​ണ​ർ പ്ര​വ​ർ​ത്തി​ക്കു​ന്ന​ത്.

കോ​ഴി​ക്കോ​ട് സ​ർ​വ​ക​ലാ സെ​ന​റ്റി​ൽ ആ​ർ​എ​സ്എ​സ് അ​നു​ഭാ​വി​ക​ളെ തി​രു​കി ക​യ​റ്റി​യ​ത് ത​ന്നെ ബോ​ധ​പൂ​ർ​വ​മാ​ണ്. നി​യ​മ പാ​സാ​ക്കി​യ ബി​ല്ലു​ക​ളി​ൽ ഗ​വ​ർ​ണ​ർ ഒ​പ്പു വ​യ്ക്കാ​ത്ത​തും ഇ​തി​ന്‍റെ ഭാ​ഗം ത​ന്നെ​യെ​ന്നും മ​ന്ത്രി സ​ജി ചെ​റി​യാ​ൻ ചൂ​ണ്ടി​ക്കാ​ട്ടി. ഗ​വ​ർ​ണ​റെ ഉ​ട​ൻ തി​രി​ച്ച് വി​ളി​ക്കാ​ൻ കേ​ന്ദ്ര സ​ർ​ക്കാ​രി​നോ​ട് ആ​വ​ശ്യ​പ്പെ​ടു​മെ​ന്ന് മ​ന്ത്രി കെ. ​രാ​ജ​നും പ്ര​തി​ക​രി​ച്ചു.

എ​സ്.​ആ​ർ.​ സു​ധീ​ർ കു​മാ​ർ