വീണ്ടും പോലീസിന്റെ അഴിഞ്ഞാട്ടം! കാണാതായ യുവതിയെ അന്വേഷിച്ച് എത്തിയത് പാതിരാത്രിയില്‍; സഹോദരങ്ങളെ കമിതാക്കളെന്ന് ചിത്രീകരിച്ച് പോലീസിന്റെ അതിക്രമം

ഏ​റ്റു​മാ​നൂ​ർ: കാ​ണാ​താ​യ യു​വ​തി​യെ അ​ന്വേ​ഷി​ച്ച് അ​ർ​ധ​രാ​ത്രി​യി​ൽ വീ​ട്ടി​ലെ​ത്തി​യ പോ​ലീ​സ് യു​വാ​വി​നെ​യും സ​ഹോ​ദ​രി​യെ​യും ക​മി​താ​ക്ക​ളാ​യി ചി​ത്രീ​ക​രി​ച്ച് അ​ഴി​ഞ്ഞാ​ടിയതായി പരാതി. ഐ​ജി ഓ​ഫീ​സി​ൽ​നി​ന്നു​ള്ള ഇ​ട​പെ​ട​ലി​നു​ശേ​ഷ​മാ​ണ് അ​ർ​ധ​രാ​ത്രി​യി​ലെ അ​തി​ക്ര​മം അ​വ​സാ​നി​പ്പി​ച്ച് പിന്മാ​റാ​ൻ പോ​ലീ​സ് ത​യാ​റാ​യ​ത്.

ക​ഴി​ഞ്ഞ ദി​വ​സം രാ​ത്രി ഒ​രു​മ​ണി​യോ​ടെ കാ​ണ​ക്കാ​രി വ​ട​ക്കേ​മ​റ്റ​പ്പ​ള്ളി​ൽ ജോ​സ് മാ​ത്യു​വി​ന്‍റെ വീ​ട്ടി​ലാ​ണ് മു​ള​ന്തു​രു​ത്തി പോ​ലീ​സ് അ​തി​ക്ര​മി​ച്ച് ക​യ​റു​ക​യും സ​ഹോ​ദ​ര​ങ്ങ​ളെ ക​മി​താ​ക്ക​ളാ​യി ചി​ത്രീ​ക​രി​ച്ച് ആ​ക്ഷേ​പി​ക്കു​ക​യും മാ​ന​സി​ക​മാ​യി പീ​ഡി​പ്പി​ക്കു​ക​യും ചെ​യ്ത​ത്. മ​ക​ളെ കാ​ണാ​നി​ല്ലെ​ന്ന് പ​റ​ഞ്ഞ് ഒ​രു പി​താ​വ് മു​ള​ന്തു​രു​ത്തി പോ​ലീ​സി​ന് ന​ൽ​കി​യ പ​രാ​തി​യി​ലു​ള്ള അ​ന്വേ​ഷ​ണ​ത്തി​നാ​ണ് പോ​ലീ​സ് എ​ത്തി​യ​ത്.

യു​വ​തി ജോ​സ് മാ​ത്യു​വി​ന്‍റെ മ​ക​നൊ​പ്പം കാ​ണ​ക്കാ​രി​യി​ലെ വീ​ട്ടി​ലു​ണ്ടെ​ന്നാ​യി​രു​ന്നു പോ​ലീ​സ് പ​റ​യു​ന്ന​ത്. ഈ ​വി​വ​രം ഏ​റ്റു​മാ​നൂ​ർ പോ​ലീ​സ് വ​ഴി അ​ന്വേ​ഷി​ക്കു​ക​യും ഇ​ത് സ​ത്യ​വി​രു​ദ്ധ​മാ​ണെ​ന്നും ആ ​വി​വ​രം മു​ള​ന്തു​രു​ത്തി പോ​ലീ​സി​ൽ അ​റി​യി​ക്കു​ക​യും ചെ​യ്തി​രു​ന്നു.

ജോ​സ് മാ​ത്യു​വും മു​ള​ന്തു​രു​ത്തി എ​സ്ഐ​യു​മാ​യി ഫോ​ണി​ൽ സം​സാ​രി​ക്കു​ക​യും സം​ശ​യ​നി​വൃ​ത്തി വ​രു​ത്തു​ക​യും ചെ​യ്തു. എ​ന്നാ​ൽ തൊ​ട്ട​ടു​ത്ത ദി​വ​സം അ​ർ​ധ​രാ​ത്രി​യി​ൽ പോ​ലീ​സ് സം​ഘം ജോ​സ് മാ​ത്യു​വി​ന്‍റെ വീ​ട് വ​ള​ഞ്ഞ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​ശേ​ഷം ബ​ല​മാ​യി വാ​തി​ൽ​തു​റ​ന്ന് അ​ക​ത്തു​ക​ട​ക്കു​ക​യും ജോ​സ് മാ​ത്യു​വി​ന്‍റെ മ​ക​നോ​ട് യു​വ​തി എ​വി​ടെ​യെ​ന്ന് ചോ​ദി​ക്കു​ക​യും ചെ​യ്തു.

ത​ന്‍റെ കൂ​ടെ യു​വ​തി ഇ​ല്ലെ​ന്ന് പ​റ​ഞ്ഞെ​ങ്കി​ലും അ​ത് ചൊ​വി​ക്കൊ​ള്ളാ​തെ തൊ​ട്ട​ടു​ത്ത മു​റി​യു​ടെ​വാ​തി​ൽ​തു​റ​ന്ന് അ​വി​ടെ കി​ട​ക്കു​ക​യാ​യി​രു​ന്ന ജോ​സ് മാ​ത്യു​വി​ന്‍റെ മ​ക​ളു​ടെ മു​ഖ​ത്തേ​ക്ക് ടോ​ർ​ച്ച​ടി​ക്കു​ക​യും ഇ​റ​ങ്ങി​വ​രാ​ൻ ആ​വ​ശ്യ​പ്പെ​ടു​ക​യും ചെ​യ്തു. പി​ന്ന​ങ്ങോ​ട്ട് ജോ​സ് മാ​ത്യു​വി​ന്‍റെ മ​ക​ന്‍റെ കാ​മു​കി എ​ന്ന നി​ല​യി​ലാ​യി പോ​ലീ​സി​ന്‍റെ ചോ​ദ്യം ചെ​യ്യ​ൽ.

ഇ​തി​നി​ടെ, പോ​ലീ​സി​നൊ​പ്പം എ​ത്തി​യി​രു​ന്ന കാ​ണാ​താ​യ യു​വ​തി​യു​ടെ അ​ച്ഛ​ൻ മ​ക​ളു​ടെ കാ​മു​ക​ൻ ഇ​ത​ല്ല എ​ന്ന് അ​റി​യി​ച്ചു. ഇ​തോ​ടെ ക​ട്ടി​ലി​ന​ടി​യി​ൽ ഒ​ളി​പ്പി​ച്ചി​രു​ന്ന സ​ഹോ​ദ​ര​നെ പു​റ​ത്തേ​ക്ക് വി​ളി​ക്കാ​ൻ ആ​വ​ശ്യ​പ്പെ​ട്ടാ​യി പോ​ലീ​സി​ന്‍റെ ആ​ക്രോ​ശം.

ത​നി​ക്ക് ഒ​രു മ​ക​നേ​യു​ള്ളൂ​വെ​ന്ന് ജോ​സ് മാ​ത്യു പ​റ​ഞ്ഞി​ട്ടും എ​സ്ഐ ചെവി​ക്കൊ​ള്ളു​ന്നു​ണ്ടാ​യി​രു​ന്നി​ല്ല. ഒ​ടു​വി​ൽ​ജോ​സ് മാ​ത്യു എ​സ്പി ഓ​ഫീ​സു​മാ​യും ഐ​ജി ഓ​ഫീ​സു​മാ​യി ഫോ​ണി​ൽ ബ​ന്ധ​പ്പെ​ട്ട് വി​വ​രം ധ​രി​പ്പി​ച്ചു.
ഐ​ജി ഓ​ഫീ​സി​ൽ​നി​ന്നു​ള്ള ക​ർ​ശ​ന നി​ർ​ദേ​ശം ല​ഭി​ച്ച​തോ​ടെ പേ​രി​നൊ​രു ക്ഷ​മാ​പ​ണ​വും ന​ട​ത്തി പോ​ലീ​സ് പി​ൻ​വാ​ങ്ങി. നി​യ​മ​പ​ര​മാ​യി പാ​ലി​ക്കേ​ണ്ട യാ​തൊ​രു ന​ട​പ​ടി​ക്ര​മ​വും പാ​ലി​ക്കാ​തെ അ​ർ​ധ​രാ​ത്രി​യി​ൽ വീ​ട്ടി​ൽ അ​തി​ക്ര​മി​ച്ചു ക​യ​റി പ​രാ​ക്ര​മം കാ​ട്ടി​യ മു​ള​ന്തു​രു​ത്തി പോ​ലീ​സി​നെ​തി​രേ ജോ​സ് മാ​ത്യു ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ർ​ക്ക് പ​രാ​തി ന​ൽ​കി​യി​രി​ക്കു​ക​യാ​ണ്.