ക​ല്ലേ​റ്, ക​ണ്ണീ​ർ​വാ​ത​കം, ​നഗ​ര​ഹൃ​ദ​യം സംഘർഷത്തിൽ; ഡ​ൽ​ഹി​യി​ൽ പോ​ലീ​സും ക​ർ​ഷ​ക​രും നേ​ർ​ക്കു​നേ​ർ;  ഒ​രു കർഷകന് ദാരുണാന്ത്യം

ന്യൂ​ഡ​ൽ​ഹി: റി​പ്പ​ബ്ലി​ക്ക് ദി​ന​ത്തി​ല്‍ കാ​ര്‍​ഷി​ക നി​യ​മ​ങ്ങ​ള്‍​ക്കെ​തി​രെ ഡ​ൽ​ഹി​യി​ലേ​ക്ക് ആ​രം​ഭി​ച്ച ക​ർ​ഷ​ക മാ​ർ​ച്ചി​ൽ വ​ൻ​സം​ഘ​ർ​ഷം. ന​ഗ​ര​ഹൃ​ദ​യ​മാ​യ ഐ​ടി​ഒ​യി​ൽ സം​ഘ​ർ​ഷ​ത്തി​നി​ടെ ഒ​രു ക​ർ​ഷ​ക​ൻ മ​രി​ച്ചു. പോ​ലീ​സ് വെ​ടി​യേ​റ്റാ​ണ് മ​രി​ച്ച​തെ​ന്ന് ക​ർ​ഷ​ക​ർ ആ​രോ​പി​ച്ചു. അ​തേ​സ​മ​യം, ട്രാ​ക്ട​ർ മ​റി​ഞ്ഞാ​ണ് മ​ര​ണ​മെ​ന്നാ​ണ് പോ​ലീ​സ് പ​റ​യു​ന്ന​ത്.

രാ​ജ്യ​ത്തെ ഔ​ദ്യോ​ഗി​ക റി​പ്പബ്ലി​ക് പ​രേ​ഡ് അ​വ​സാ​നി​ച്ച​തി​ന് ശേ​ഷം 11ഓ​ടെ റാ​ലി ന​ട​ത്താ​നാ​യി​രു​ന്നു അ​നു​മ​തി. എ​ന്നാ​ൽ പ​ത്തോ​ടെ ക​ർ​ഷ​ക​ർ പോ​ലീ​സ് ബാ​രി​ക്കേ​ഡു​ക​ൾ മ​റി​ക​ട​ന്ന് ഡ​ൽ​ഹി​യി​ലേ​ക്ക് പ്ര​വേ​ശി​ക്കു​ക​യാ​യി​രു​ന്നു.

എ​ന്നാ​ൽ പ​ല​യി​ട​ത്തും റാ​ലി പോ​ലീ​സ് ത​ട​ഞ്ഞു. ഇ​തോ​ടെ പോ​ലീ​സും ക​ർ​ഷ​ക​രും നി​ല​യു​റ​പ്പി​ച്ചു. മാ​ർ​ച്ച് ന​ഗ​ര​ത്തി​ലേ​ക്കു ക​ട​ക്കു​ന്ന​തു ത​ട​യാ​ൻ സു​ര​ക്ഷ​യൊ​രു​ക്കി​യെ​ങ്കി​ലും ക​ർ​ഷ​ക​ർ അ​വ മ​റി​ക​ട​ന്നു ഡ​ൽ​ഹി ന​ഗ​ര​ത്തി​ലേ​ക്കു പ്ര​വേ​ശി​ച്ചു.

പോ​ലീ​സ് സ്ഥാ​പി​ച്ച ബാ​രി​ക്കേ​ഡു​ക​ൾ മ​റി​ക​ട​ക്കാ​ൻ ശ്ര​മി​ച്ച​ത് വ​ൻ സം​ഘ​ഷ​ത്തി​ന് കാ​ര​ണ​മാ​യി. സീ​മാ​പു​രി​യി​ൽ ലാ​ത്തി​വീ​ശി​യ പോ​ലീ​സ് പി​ന്നാ​ലെ ക​ണ്ണീ​ർ​വാ​ത​കം പ്ര​യോ​ഗി​ച്ചു.

ദി​ൽ​ഷാ​ദ് ഗാ​ർ​ഡ​നി​ൽ മാ​ർ​ച്ചി​നു നേ​രെ പൊ​ലീ​സ് ന​ട​പ​ടി ആ​രം​ഭി​ച്ച​തോ​ടെ നി​ര​വ​ധി പേ​ർ​ക്ക് പ​രി​ക്കേ​റ്റു. ട്രാ​ക്ട​റു​ക​ളു​ടെ ട​യ​റി​ന്‍റെ കാ​റ്റ് പോ​ലീ​സ് അ​ഴി​ച്ചു​വി​ട്ട​തോ​ടെ ട്രാ​ക്ട​റു​ക​ൾ ഉ​പേ​ക്ഷി​ച്ച് ക​ർ​ഷ​ക​ർ പി​ൻ​വാ​ങ്ങി.

ഐ​ടി​ഒ​യി​ൽ ട്രാ​ക്ട​റു​ക​ൾ ഉ​പ​യോ​ഗി​ച്ച് ബാ​രി​ക്കേ​ഡു​ക​ൾ മ​റി​ക​ട​ന്ന് ക​ർ​ഷ​ക​ർ മു​ന്നോ​ട്ടു നീ​ങ്ങി​യ​തോ​ടെ പോ​ലീ​സ് പ്ര​തി​രോ​ധം തീ​ർ​ക്കാ​ൻ ശ്ര​മി​ച്ചു. ക​ർ​ഷ​ക​രും പോ​ലീ​സും ത​മ്മി​ൽ ക​ല്ലേ​റു​ണ്ടാ​യി. ഇ​തോ​ടെ ക​ർ​ഷ​ക​രെ പി​രി​ച്ചു​വി​ടാ​ൻ പോ​ലീ​സ് ക​ണ്ണീ​ർ​വാ​ത​കം പ്ര​യോ​ഗി​ച്ചു.