ഡ്യൂ​ട്ടി പ​രി​ഷ്ക​ര​ണം; എം​ഡി ടോ​മി​ൻ ത​ച്ച​ൻ​ക​രി​യു​ടെ നാ​ടാ​യ ച​ങ്ങ​നാ​ശേ​രി​യി​ലും  കു​ട്ട​നാ​ട്ടി​ലും ‍ യാത്രാ​ക്ലേ​ശം രൂക്ഷമായി; ജീവനക്കാരും യാത്രക്കാരും തമ്മിലുള്ള തർക്കും പതിവ് കാഴ്ചയാകുന്നു

ച​ങ്ങ​നാ​ശേ​രി: ​പ്ര​ള​യം​നേ​രി​ട്ട് ദു​രി​ത​ക്ക​യ​ത്തി​ലാ​യ കു​ട്ട​നാ​ട്ടു​കാ​ർ​ക്ക് കെ​എ​സ്ആ​ർ​ടി​സി​യു​ടെ ഇ​രു​ട്ട​ടി. കെ​എ​സ്ആ​ർ​ടി​സി​യെ മാ​ത്രം ആ​ശ്ര​യി​ക്കു​ന്ന കു​ട്ട​നാ​ട്ടി​ലേ​ക്കു​ള്ള യാ​ത്രാ​ക്ലേ​ശം രൂ​ക്ഷ​മാ​യി. ഈ ​ഡി​പ്പോ​യി​ൽ നി​ന്നും ഓ​പ്പ​റേ​റ്റ് ചെ​യ്യു​ന്ന 65 ഷെ​ഡ്യൂ​ളു​ക​ളി​ൽ 45ഷെ​ഡ്യൂ​ളു​ക​ളും കു​ട്ട​നാ​ട്, ആ​ല​പ്പു​ഴ സെ​ക്ട​റു​ക​ളി​ലേ​ക്കു​ള്ള​താ​ണ്.

കെ​എ​സ്ആ​ർ​ടി​സി​എം​ഡി ടോ​മി​ൻ ത​ച്ച​ൻ​ക​രി​യു​ടെ നാ​ടാ​യ ച​ങ്ങ​നാ​ശേ​രി​യി​ലും ഡ്യൂ​ട്ടി പ​രി​ഷ്ക​ര​ണം ഇ​രു​ട്ട​ടി​യാ​യി. വി​വി​ധ കാ​ര​ണ​ങ്ങ​ളാ​ൽ ഡി​പ്പോ​യി​ൽ നി​ന്നു മു​പ്പ​തു​ശ​ത​മാ​നം​വ​രെ ഷെ​ഡ്യൂ​ളു​ക​ൾ ഓ​ടി​ക്കാ​ൻ ക​ഴി​യാ​ത്ത​താ​ണ് യാ​ത്രാ​പ്ര​തി​സ​ന്ധി രൂ​ക്ഷ​മാ​ക്കി​യ​ത്.

ഉ​ച്ച​ക​ഴി​ഞ്ഞു​ള്ള സ​മ​യ​ങ്ങ​ളി​ലാ​ണ് കു​ട്ട​നാ​ടി​ന്‍റെ വി​വി​ധ മേ​ഖ​ല​ക​ളി​ലേ​ക്ക് സ​ർ​വീ​സു​ക​ൾ വെ​ട്ടി​ക്കു​റ​ക്കു​ന്ന​ത്. വെ​ളി​യ​നാ​ട്, കാ​വാ​ലം, ച​തു​ർ​ഥ്യാ​ക​രി, എ​ട​ത്വ, ച​ന്പ​ക്കു​ളം, മു​ട്ടാ​ർ റൂ​ട്ടു​ക​ളി​ലാ​ണ് യാ​ത്രാ​ക്ലേ​ശം രൂ​ക്ഷ​മാ​യി​രി​ക്കു​ന്ന​ത്. ഇ​രു​പ​ത് മി​നി​റ്റ് ഇ​ട​വി​ട്ട് ന​ട​ത്തി​യി​രു​ന്ന പ​ല സ​ർ​വീ​സു​ക​ളും ഇ​പ്പോ​ൾ ഒ​രു​മ​ണി​ക്കൂ​ർ ഇ​ട​വി​ട്ടാ​ണ് ന​ട​ത്തു​ന്ന​ത്.

ബ​സു​ക​ൾ വൈ​കു​ന്ന​തി​നെ ചൊ​ല്ലി പെ​രു​ന്ന ബ​സ് സ്റ്റാ​ൻ​ഡി​ൽ യാ​ത്ര​ക്കാ​രും കെ​എ​സ്ആ​ർ​ടി​സി ജീ​വ​ന​ക്കാ​രും ത​മ്മി​ൽ ത​ർ​ക്കം പ​തി​വാ​ണ്. സ​ർ​വീ​സു​ക​ളു​ടെ എ​ണ്ണം കു​റ​ഞ്ഞ​തു​മൂ​ലം ബ​സു​ക​ളി​ൽ തി​ര​ക്കും രൂ​ക്ഷ​മാ​ണ്. പെ​രു​ന്ന​യി​ലെ കെ​എ​സ്ആ​ർ​ടി​സി എ​ൻ​ക്വ​യ​റി വി​ഭാ​ഗ​ത്തി​ൽ പ​ല​പ്പോ​ഴും ജീ​വ​ന​ക്കാ​രി​ല്ലാ​ത്ത​തും കു​ട്ട​നാ​ട് മേ​ഖ​ല​യി​ലേ​ക്കു​ള്ള യാ​ത്ര​ക്കാ​രെ ബു​ദ്ധി​മു​ട്ടി​ലാ​ക്കു​ന്നു​ണ്ട്.

പ്ര​ള​യ​കാ​ല​ത്ത് ആ​ല​പ്പു​ഴ റൂ​ട്ടി​ൽ സ​ർ​വീ​സ് ന​ട​ത്തി​യി​രു​ന്ന ഭൂ​രി​പ​ക്ഷം ഓ​ർ​ഡി​ന​റി ബ​സു​ക​ളും അ​റ്റ​കു​റ്റ പ​ണി​ക​ൾ നേ​രി​ട്ട​തു​മൂ​ലം പ​ല​പ്പോ​ഴും യാ​ത്ര​ക്കി​ട​യി​ൽ ബ്രേ​ക്ക്ഡൗ​ണാ​കു​ക​യാ​ണ്. സ്പെ​യ​ർ​പാ​ർ​ട്സു​ക​ളു​ടെ ക്ഷാ​മം ബ​സു​ക​ളു​ടെ അ​റ്റ​കു​റ്റ​പ്പ​ണി​യെ ബാ​ധി​ച്ചി​രി​ക്കു​യാ​ണ്.