കുടിവെള്ള പദ്ധതികൾക്കു ഒരു ക്ഷാമവുമില്ല; ഒരു തുള്ളിപോലും കുടിക്കാൻ കിട്ടാതെ നെട്ടോട്ടമോടി റാന്നിയിലെ ജനങ്ങൾ

റാ​ന്നി: വേ​ന​ൽ ചൂ​ടി​ന്‍റെ കാ​ഠി​ന്യ​മേ​റി​യ​തോ​ടെ നാ​ട്ടി​ലെ​ങ്ങും കു​ടി​വെ​ള്ള പ്ര​തി​സ​ന്ധി രൂ​ക്ഷ​മാ​യി. പ​ല​യി​ട​ങ്ങ​ളി​ലും കു​ടി​ക്കാ​നും ഗാർഹിക ആവശ്യങ്ങൾക്കും വെ​ള്ള​മി​ല്ലാ​തെ ആ​ളു​ക​ൾ വ​ല​യു​ക​യാ​ണ്.

റാ​ന്നി താ​ലൂ​ക്കി​ൽ കു​ടി​വെ​ള്ള പ്ര​തി​സ​ന്ധി ഏ​റ്റ​വും രൂ​ക്ഷ​മാ​യ പ​ഞ്ചാ​യ​ത്തു​ക​ളി​ലൊ​ന്നാ​ണ് വെ​ച്ചൂ​ച്ചി​റ. പ​ഞ്ചാ​യ​ത്തി​ന്‍റെ ഒ​ര​തി​ർ​ത്തി​യി​ലൂ​ടെ​യാ​ണ് പ​മ്പാ​ന​ദി ക​ട​ന്നു പോ​കു​ന്ന​തെ​ങ്കി​ലും പ​ഞ്ചാ​യ​ത്തി​ലെ 90 ശ​ത​മാ​നം ആ​ളു​ക​ൾ​ക്കും ന​ദീ സാ​മീ​പ്യ​മ​ല്ലാ​ത്ത​തി​നാ​ൽ ഇ​തി​ന്‍റെ പ്ര​യോ​ജ​നം ല​ഭി​ക്കു​ന്നി​ല്ല.

പ​ഞ്ചാ​യ​ത്ത് നി​വാ​സി​ക​ൾ​ക്ക് കു​ടി​വെ​ള്ളം ല​ഭ്യ​മാ​ക്കാ​ൻ ല​ക്ഷ്യ​മി​ട്ട് തു​ട​ങ്ങി​യ വെ​ച്ചൂ​ച്ചി​റ- പെ​രു​ന്തേ​ന​രു​വി കു​ടി​വെ​ള്ള പ​ദ്ധ​തി ന​ദി​യി​ലെ പെ​രു​ന്തേ​ന​രു​വി​യോ​ടു ചേ​ർ​ന്നാ​ണ് സ്ഥാ​പി​ച്ചി​ട്ടു​ള്ള​ത്. പ​ഞ്ചാ​യ​ത്തി​ലെ ഏ​റെ പ്ര​ദേ​ശ​ങ്ങ​ളി​ലും കു​ടി​വെ​ള്ളം ല​ഭ്യ​മാ​ക്കി​യി​രു​ന്ന പ​ദ്ധ​തി​യാ​ക​ട്ടെ നി​ല​വി​ൽ ആ​ർ​ക്കും പ്ര​യോ​ജ​ന​മി​ല്ലാ​ത്ത സ്ഥി​തി​യി​ലാ​ണ്.

പെ​രു​ന്തേ​ന​രു​വി പ​ദ്ധ​തി​യു​ടെ കി​ണ​റ്റി​ൽ വെ​ള്ളം കു​റ​ഞ്ഞ​തോ​ടെ പ​ന്പിം​ഗ് പ്ര​തി​സ​ന്ധി​യി​ലാ​ണ്. അ​രു​വി​ക്ക് മു​ക​ളി​ലാ​യി ത​ട​യ​ണ നി​ർ​മി​ക്കു​ക​യും ഇ​തോ​ടു ചേ​ർ​ന്ന് എ​രു​മേ​ലി പ​ദ്ധ​തി​ക്കാ​യി കി​ണ​റും പ​ന്പ് ഹൗ​സും സ്ഥാ​പി​ക്കു​ക​യും ചെ​യ്തു. ത​ട​യ​ണ​യു​ടെ നി​ർ​മാ​ണ​ത്തോ​ടെ അ​രു​വി​യി​ലേ​ക്കു​ള്ള വെ​ള്ള​മൊ​ഴു​ക്ക് നി​ല​ച്ചു. ഇ​തോ​ടെ കി​ണ​റ്റി​ലും വെ​ള്ളം കു​റ​ഞ്ഞു.

ല​ഭ്യ​മാ​കു​ന്ന വെ​ള്ളം പ​ന്പ് ചെ​യ്യു​ന്നു​ണ്ടെ​ങ്കി​ലും പ​ദ്ധ​തി​യി​ൽ നി​ന്നു​ള്ള ജ​ല​വി​ത​ര​ണ പൈ​പ്പു​ക​ൾ തു​ട​ർ​ച്ച​യാ​യി പൊ​ട്ടു​ന്ന​തു​മൂ​ല​വും ചി​ല പ്ര​ദേ​ശ​ങ്ങ​ളി​ലേ​ക്കു​ള്ള വി​ത​ര​ണ വാ​ൽ​വു​ക​ൾ തു​റ​ന്നു​കൊ​ടു​ക്കാ​ത്ത​തു കൊ​ണ്ടും വെ​ള്ളം ല​ഭി​ക്കാ​ത്ത അ​നേ​കം പ്ര​ദേ​ശ​ങ്ങ​ളാ​ണ് പ​ദ്ധ​തി​യു​ടെ പ​രി​ധി​യി​ലു​ള്ള​ത്.

പ​ഞ്ചാ​യ​ത്ത് പ​രി​ധി​യി​ലു​ള്ള പൊ​തു​മ​രാ​മ​ത്ത്, ഗ്രാ​മീ​ണ റോ​ഡു​ക​ളു​ടെ നി​ർ​മാ​ണ​വു​മാ​യി ബ​ന്ധ​പ്പെ​ട്ട് പൈ​പ്പു​ലൈ​നു​ക​ൾ മു​റി​ഞ്ഞു​പോ​യ​തി​നാ​ൽ പ​ദ്ധ​തി​യി​ൽ നി​ന്നും പ​കു​തി​യി​ലേ​റെ ഗു​ണ​ഭോ​ക്താ​ക്ക​ൾ​ക്ക് വെ​ള്ളം ല​ഭി​ക്കാ​ത്ത സ്ഥി​തി തു​ട​രു​ക​യാ​ണ്.

വ​റു​തി രൂ​ക്ഷ​മാ​യി ബാ​ധി​ക്കു​ന്ന പ​ഞ്ചാ​യ​ത്തി​ൽ 80 ശ​ത​മാ​നം പ്ര​ദേ​ശ​ങ്ങ​ളി​ലെ​യും കി​ണ​റു​ക​ളും മ​റ്റു ജ​ല സ്രോ​ത​സു​ക​ളും വ​റ്റി​വ​ര​ണ്ടു. ഇ​തു മൂ​ല​മാ​ണ് പെ​രു​ന്തേ​ന​രു​വി​യി​ൽ വ​ർ​ഷ​ങ്ങ​ൾ​ക്കു മു​മ്പ് ജ​ല​വി​ത​ര​ണ പ​ദ്ധ​തി സ്ഥാ​പി​ച്ച് ആ​ളു​ക​ൾ​ക്ക് ക​ണ​ക്ഷ​ൻ ന​ൽ​കി​യ​ത്.

എ​ന്നാ​ൽ പൈ​പ്പു​വെ​ള്ളം കി​ട്ടാ​ക്ക​നി​യാ​യ​തോ​ടെ വാ​ഹ​ന​ങ്ങ​ളി​ലും ടാ​ങ്ക​ർ ലോ​റി​ക​ളി​ലും എ​ത്തി​ക്കു​ന്ന വെ​ള്ളം വ​ൻ വി​ല ന​ൽ​കി വാ​ങ്ങി​യാ​ണ് ആ​ളു​ക​ൾ ജ​ല ഉ​പ​യോ​ഗം നി​റ​വേ​റ്റി വ​രു​ന്ന​ത്. വേ​ന​ൽ ശ​ക്തി പ്രാ​പി​ക്കു​ന്ന​തോ​ടെ പെ​രു​ന്തേ​ന​ര​വി കി​ണ​റ്റി​ലെ വെ​ള്ളം പൂ​ർ​ണ​മാ​യി വ​റ്റും.

പി​ന്നീ​ട് പാ​റ​യി​ടു​ക്കി​ലും മ​റ്റും കെ​ട്ടി​ക്കി​ട​ക്കു​ന്ന വെ​ള്ള​വും ഉ​പ​യോ​ഗി​ക്കേ​ണ്ടി വ​രും. എ​ന്നാ​ൽ പ​ദ്ധ​തി​ക്ക് മു​ക​ളി​ലാ​യി പെ​രു​ന്തേ​ന​രു​വി ജ​ല​വൈ​ദ്യു​ത പ​ദ്ധ​തി​യോ​ടു ചേ​ർ​ന്നു​ള്ള എ​രു​മേ​ലി പ​ദ്ധ​തി​യി​ൽ നി​ന്നും വെ​ച്ചൂ​ച്ചി​റ പ​ദ്ധ​തി​യി​ലേ​ക്ക് വെ​ള്ളം ന​ൽ​കാ​മെ​ന്നു​ള്ള വാ​ഗ്ദാ​നം പാ​ലി​ക്ക​പ്പെ​ടാ​ത്ത​ത് പ​ദ്ധ​തി​യു​ടെ നി​ല​നി​ൽ​പി​നെ ത​ന്നെ ബാ​ധി​ക്കു​മെ​ന്നാ​ണ് ആ​ശ​ങ്ക.

വൈ​ദ്യു​ത പ​ദ്ധ​തി​യു​ടെ ത​ട​യ​ണ​യി​ൽ നി​ന്ന് നി​ത്യ​വും ല​ക്ഷ​ക്ക​ണ​ക്കി​ന് ലി​റ്റ​ർ വെ​ള്ളം എ​രു​മേ​ലി പ​ദ്ധ​തി​യി​ലേ​ക്ക് പ​മ്പു ചെ​യ്തു കൊ​ണ്ടു പോ​കു​മ്പോ​ൾ വെ​ച്ചൂ​ച്ചി​റ ഉ​ൾ​പ്പെ​ടെ താ​ഴേ​ക്ക് ന​ദി​യെ ആ​ശ്ര​യി​ച്ച് പ്ര​വ​ർ​ത്തി​ക്കു​ന്ന പ​ദ്ധ​തി​ക​ൾ നോ​ക്കു​കു​ത്തി​യാ​കു​ന്ന സ്ഥി​തി​യാ​ണ്.

എ​രു​മേ​ലി പ​ദ്ധ​തി​ക്കു വെ​ച്ചൂ​ച്ചി​റ​യി​ൽ സ്ഥ​ലം ക​ണ്ടെ​ത്തി​യ​പ്പോ​ൾ ന​ൽ​കി​യ വാ​ഗ്ദാ​നം പ്രാ​വ​ർ​ത്തി​ക​മാ​ക്ക​ണ​മെ​ന്ന​താ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.