വില്പന വാ​ട്സ് ആ​പ്പിൽ; പണം ഗൂഗിൾ പേയിൽ; ല​ഹ​രി വി​ള​മ്പി കാ​മ്പ​സ് മാ​ഫി​യ; കേ​ര​ള​ത്തിലെ മാ​ഫി​യ​യു​ടെ ഹബ്ബാ​യി കൊ​ച്ചി

ആ​ലു​വ:​ മാ​ര​ക ല​ഹ​രി മ​രു​ന്നു​ക​ളു​ടെ വി​ല്പന​യും ഉ​പ​യോ​ഗ​വും സ്കൂ​ൾ കോ​ളജ് വി​ദ്യാ​ർ​ഥി​ക​ളി​ലേ​ക്കെ​ത്തി​ച്ച് കാ​മ്പ​സ് മാ​ഫി​യ കൂ​ടു​ത​ൽ ക​രു​ത്താ​ർ​ജി​ക്കു​ന്നു.​ കേ​ര​ള​ത്തി​ൽ മാ​ഫി​യ​യു​ടെ ഹബ്ബാ​യി കൊ​ച്ചി മാ​റി​യി​രി​ക്കു​ക​യാ​ണ്.​ ഇ​തി​ന്‍റെ അ​ടി​സ്ഥാ​ന​ത്തി​ലാ​ണു കാ​മ്പ​സു​ക​ളി​ൽ ല​ഹ​രി ഉ​പ​യോ​ഗം ത​ട​യാ​ൻ സം​സ്ഥാ​ന പോ​ലീ​സ് മേ​ധാ​വി​ക്ക് ഹൈ​ക്കോ​ട​തി നി​ർ​ദേ​ശം ന​ൽ​കി​യ​ത്.

വിവരങ്ങൾ ഞെട്ടിക്കുന്നത്

ഏ​റ്റ​വും ഒ​ടു​വി​ലാ​യി പോ​ലീ​സും എ​ക്സൈ​സും ര​ജി​സ്റ്റ​ർ ചെ​യ്ത വ്യ​ത്യ​സ്ത കേ​സു​ക​ളി​ലെ പ്ര​തി​ക​ൾ ന​ൽ​കി​യ വി​വ​ര​ങ്ങ​ൾ ഞെ​ട്ടി​ക്കു​ന്ന​താ​യി​രു​ന്നു. ​മാ​സ​ങ്ങ​ൾ നീ​ണ്ടു നി​ന്ന പ​ഴു​ത​ട​ച്ച അ​ന്വേ​ഷ​ണ​ത്തി​നൊ​ടു​വി​ലാ​ണ് പ്ര​ധാ​ന പ്ര​തി​ക​ളെ കു​ടു​ക്കാ​നാ​യ​ത്.​

പ​റ​വൂ​ർ എ​ക്സൈ​സ് സ​ർ​ക്കി​ളി​ന്‍റെ നേ​തൃ​ത്വ​ത്തി​ൽ പ​റ​വൂ​രി​ലെ കോ​ള​ജ് വി​ദ്യാ​ർ​ഥിക​ളി​ൽനി​ന്നും മാ​സ​ങ്ങ​ൾ​ക്ക് മു​മ്പ് അഞ്ച് മി​ല്ലി​ഗ്രാം ഹാ​ഷി​ഷ് ഓ​യി​ൽ പി​ടി​ച്ചെ​ടു​ത്തി​രു​ന്നു.​ ഇ​തി​ന്‍റെ വി​ത​ര​ണ​ക്കാ​രാ​യ ര​ണ്ടു പേ​രെ ക​ഴി​ഞ്ഞ ദി​വ​സം പി​ടി​കൂ​ടി​യ​പ്പോ​ഴാ​ണ് സം​ഭ​വ​ങ്ങ​ളു​ടെ ചു​രു​ള​ഴി​യു​ന്ന​ത്.

പ​റ​വൂ​ർ ചേ​ന്ദ​മം​ഗ​ലം കൂ​ട്ടു​കാ​ട് ക​ള​ത്തി​ൽ വീ​ട്ടി​ൽ ലി​ബി​ൻ (29), മൂ​ത്ത​കു​ന്നം മ​ട​പ്ലാ​തു​രു​ത്ത് അ​ര​യ​പ്പ​റ​മ്പി​ൽ ദീ​പേ​ഷ് (35) എ​ന്നി​വ​രെ​യാ​ണ് പ​റ​വൂ​ർ എ​ക്സൈ​സ് സിഐ എ​സ്.​ നി​ജു​മോ​നും സം​ഘ​വും ക​സ്റ്റ​ഡി​യി​ലെ​ടു​ത്ത​ത്.​ വി​ദ്യാ​ർ​ഥി​ക​ൾ​ക്കി​ട​യി​ൽ വി​ല്പ​ന ന​ട​ത്താ​ൻ കൊ​ണ്ടു​വ​ന്ന ഏ​ഴ് കി​ലോ ക​ഞ്ചാ​വും ഒ​ന്ന​ര കി​ലോ ഹാ​ഷി​ഷ് ഓ​യി​ലും പി​ടി​ച്ചെ​ടു​ത്തു.

വില്പന വാട്സ് ആപ്പ് വഴി

ഹോ​മി​യോ മ​രു​ന്നു​ക​ൾ കൊ​ടു​ക്കു​ന്ന ചെ​റി​യ കു​പ്പി​ക​ളി​ൽ നി​റ​ച്ച അഞ്ച് മി​ല്ലി ഹാ​ഷി​ഷ് ഓ​യി​ലി​ന്‍റെ വി​ല നാ​ലാ​യി​രം വ​രെ​യാ​ണ് ഇ​വ​ർ ഈ​ടാ​ക്കി​യി​രു​ന്ന​ത്.​ വാ​ട്സ് ആ​പ്പ് കോ​ളു​ക​ളി​ൽ മാ​ത്ര​മേ മാ​ഫി​യ​യു​മാ​യി ബ​ന്ധ​പ്പെ​ടാ​നാ​കൂ. ക​ച്ച​വ​ടം ഉ​റ​പ്പി​ച്ചാ​ൽ ഗൂ​ഗി​ൾ പേ ​സം​വി​ധാ​നം വ​ഴി പ​ണ​മെ​ത്തി​ച്ചാ​ൽ ഏ​തുത​രം ല​ഹ​രി​മ​രു​ന്നു വേ​ണ​മെ​ങ്കി​ലും സം​ഘം സ്ഥ​ല​ത്തെ​ത്തി​ച്ചു കൊ​ടു​ക്കു​ന്ന​താ​ണ് പ​തി​വ്.​

എ​റ​ണാ​കു​ളം സൗ​ത്തി​ലെ ഒ​രാ​ളാ​ണ് ഇ​വ​രു​ടെ ബോ​സെ​ന്ന് എ​ക്സൈ​സി​ന് വി​വ​രം ല​ഭി​ച്ചി​ട്ടു​ണ്ട്. ഇ​ത്ത​ര​ത്തി​ൽ വി​ദ്യാ​ർ​ഥിക​ൾ​ക്കി​ട​യി​ൽ പ്ര​വ​ർ​ത്തിക്കുന്ന മ​റ്റൊ​രു ല​ഹ​രി മാ​ഫി​യ​ത്ത​ല​വ​ൻ പാ​ല​ക്കാ​ട് സ്വ​ദേ​ശി ഷ​റ​ഫു​ദ്ദീ​നെ ക​ഴി​ഞ്ഞ ദി​വ​സം പോ​ലീ​സും അ​റ​സ്റ്റ് ചെ​യ്തി​രു​ന്നു.​ കഴി​ഞ്ഞ ന​വം​ബ​റി​ൽ റൂ​റ​ൽ പോ​ലീ​സ് 150 കി​ലോ ക​ഞ്ചാ​വ് പി​ടി​കൂ​ടു​ക​യു​ണ്ടാ​യി.

തു​ട​ർ​ന്ന് എ​സ്പി കെ. ​കാ​ർ​ത്തി​ക്കി​ന്‍റെ നേ​തൃ​ത്യ​ത്തി​ൽ പ്ര​ത്യേ​ക സം​ഘം അ​ന്വേ​ഷ​ണം ഊ​ർ​ജി​ത​മാ​ക്കു​ക​യാ​യി​രു​ന്നു. കേ​ര​ള​ത്തി​ലെ ക​ഞ്ചാ​വ് വി​ത​ര​ണ ശൃം​ഖ​ല​യെ കു​റി​ച്ച് വ്യ​ക്ത​മാ​യ വി​വ​ര​വും പോ​ലി​സി​ന് ല​ഭി​ച്ചു.

ലഹരി പാഡേരുവിൽനിന്ന്
കേ​ര​ള​ത്തി​ലേ​ക്കു​ള​ള ക​ഞ്ചാ​വ് എ​ത്തു​ന്ന​തി​ന്‍റെ പ്ര​ധാ​ന കേ​ന്ദ്രം ആ​ന്ധ്ര​പ്ര​ദേ​ശി​ലെ മാ​വോ​യി​സ്റ്റ് വി​ഭാ​ഗ​ത്തി​ന് സ്വാ​ധീ​ന​മു​ള്ള പ്ര​ദേ​ശ​ങ്ങ​ളി​ൽ നി​ന്നാ​ണെ​ന്ന് പോ​ലീ​സ് സം​ഘം ക​ണ്ടെ​ത്തു​ക​യും ചെ​യ്തു. അ​ന്വേ​ഷ​ണ​ത്തി​ൽ പാ​ഡേ​രു എ​ന്ന അ​തി​ർ​ത്തി ഗ്രാ​മ​ത്തി​ലെ ആ​ദി​വാ​സി​ക​ളി​ൽനി​ന്നും തു​ച്ഛമാ​യ വി​ല​യ്ക്ക് ക​ഞ്ചാ​വ് വാ​ങ്ങി ആ​ന്ധ്രാ ച​ട​യ​ൻ എ​ന്ന പേ​രി​ൽ കൊ​ച്ചി കേ​ന്ദ്ര​മാ​ക്കി വി​റ്റ​ഴി​ച്ചു വ​രി​ക​യാ​യി​രു​ന്നു.​

കൂ​ടാ​തെ ക​ഞ്ചാ​വ് സം​സ്ക്ക​ര​ണ യൂ​ണി​റ്റു​ക​ളി​ൽ ഇ​ത് ഹാ​ഷി​ഷ് ഓ​യി​ലാ​ക്കി മാ​റ്റു​ക​യും ചെ​യ്തി​രു​ന്നു.​കാ​മ്പ​സു​ക​ളി​ൽ വി​ത​ര​ണ​ത്തി​നും വി​ല്പ​ന​യ്ക്കും സം​ഘം ഇ​ട​നി​ല​ക്കാ​രാ​ക്കി​യി​രു​ന്ന​ത് വി​ദ്യാ​ർ​ഥി​ക​ളെ ത​ന്നെ​യാ​ണ്. വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ല​ഹ​രി പ​രി​ശോ​ധ​ന​ക​ൾ ന​ട​ക്കാ​ത്ത സാ​ഹ​ച​ര്യ​ത്തി​ൽ ഹൈ​ക്കോ​ട​തി ഇ​ട​പെ​ട്ട​തി​നാ​ൽ പോ​ലീ​സും എ​ക്സൈ​സും വ​രും ദി​വ​സ​ങ്ങ​ളി​ൽ കൂ​ടു​ത​ൽ സ​ജീ​വ​മാ​ക്കും.