ബ്ര​ഹ്മ​പു​രത്തേക്കുള്ള ജൈ​വ​മാ​ലി​ന്യ നീ​ക്കം പു​ന​രാ​രം​ഭി​ച്ച; വഴിയോരങ്ങളിലെ മാലിന്യം ചീഞ്ഞഴുകി തുടങ്ങി

കൊ​ച്ചി/​കാ​ക്ക​നാ​ട്: ബ്ര​ഹ്മ​പു​രം മാ​ലി​ന്യ നി​ക്ഷേ​പ കേ​ന്ദ്ര​ത്തി​ൽ വ​ൻ അ​ഗ്നി​ബാ​ധ​യെത്തുട​ർ​ന്നു നി​ല​ച്ച മാ​ലി​ന്യ​നീ​ക്കം ഇ​ന്ന​ലെ ഭാ​ഗി​ക​മാ​യി പു​ന​രാ​രം​ഭി​ച്ചു. വീ​ടു​ക​ളി​ൽനി​ന്നും ഹോ​ട്ട​ലു​ക​ളി​ൽ നി​ന്നു​മു​ള്ള ജൈ​വ​മാ​ലി​ന്യ​ങ്ങ​ൾ മാ​ത്ര​മാ​ണ് നീ​ക്കം​ചെ​യ്തു തു​ട​ങ്ങി​യ​ത്. വ​ഴി​യോ​ര​ങ്ങ​ളി​ലും ഒ​ഴി​ഞ്ഞ സ്ഥ​ല​ങ്ങ​ളി​ലും കു​ന്നു​കൂ​ടി​ക്കി​ട​ക്കു​ന്ന മാ​ലി​ന്യം ഇ​നി​യും നീ​ക്കി​തു​ട​ങ്ങി​യി​ട്ടി​ല്ല.

ഏ​റെ വൈ​കാ​തെ ത​ന്നെ പ്ലാ​സ്റ്റി​ക്, അ​ജൈ​വ മാ​ലി​ന്യ​ങ്ങ​ളും നീ​ക്കം ചെ​യ്യു​ന്ന​തി​നു​ള്ള ന​ട​പ​ടി​ക​ൾ കൈ​ക്കൊ​ള്ളു​മെ​ന്ന് ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ​യാ​യി ഇ​ന്ന​ലെ തെ​ര​ഞ്ഞെ​ടു​ക്ക​പ്പെ​ട്ട പ്ര​തി​ഭ അ​ൻ​സാ​രി പ​റ​ഞ്ഞു. ബ്ര​ഹ്മ​പു​ര​ത്ത് പ്ലാ​സ്റ്റി​ക് മാ​ലി​ന്യ​ങ്ങ​ളു​ടെ കൂ​ന നീ​റി​പ്പു​ക​യു​ന്ന ഘ​ട്ട​ത്തി​ലും ജൈ​വ​മാ​ലി​ന്യ​ങ്ങ​ൾ ഇ​വി​ടേ​ക്ക് കൊ​ണ്ടു​പോ​കു​ന്ന​തി​ന് ത​ട​സ​മു​ണ്ടാ​യി​രു​ന്നി​ല്ല. എ​ന്നാ​ൽ മാ​ലി​ന്യം നീ​ക്കു​ന്ന വാ​ഹ​ന​ങ്ങ​ൾ വ​ന്നും പോ​യും ഇ​രി​ക്കു​ന്പോ​ൾ തീ ​അ​ണ​യ്ക്ക​ൽ ജോ​ലി​ക​ൾ​ക്ക് ത​ട​സ​മു​ണ്ടാ​കു​ന്ന​തി​നാ​ലാ​ണ് ജൈ​വ​മാ​ലി​ന്യ​നീ​ക്ക​വും മൂ​ന്നു ദി​വ​സം നി​ല​ച്ച​ത്.

ക​ഴി​ഞ്ഞ ദി​വ​സം തീ ​പൂ​ർ​ണ​മാ​യും അ​ണ​യ്ക്കാ​ൻ സാ​ധി​ച്ച​തി​നാ​ൽ മാ​ലി​ന്യ​നീ​ക്കം പു​ന​രാ​രം​ഭി​ക്കാ​നാ​യി. ബ്ര​ഹ്മ​പു​ര​ത്തെ സു​ര​ക്ഷ​യു​മാ​യി ബ​ന്ധ​പ്പെ​ട്ട് ക​ഴി​ഞ്ഞ ദി​വ​സം ജി​ല്ലാ ക​ള​ക്ട​ർ നി​ർ​ദേ​ശി​ച്ച സു​ര​ക്ഷാ​മാ​ർ​ഗ​ങ്ങ​ൾ ന​ട​പ്പാ​ക്കി​യ ശേ​ഷ​മേ പ്ലാ​സ്റ്റി​ക് മാ​ലി​ന്യം ഇ​വി​ടേ​ക്ക് എ​ത്തി​ച്ചു​തു​ട​ങ്ങൂ.

ഇ​തി​നാ​യി വെ​ള്ളി​യാ​ഴ്ച വ​രെ​യാ​ണ് മേ​യ​ർ സ​മ​യം ചോ​ദി​ച്ചി​ട്ടു​ള്ള​ത്. മാ​ലി​ന്യ​ക്കൂ​ന​ക​ൾ ഇ​ള​ക്കി വെ​ള്ളം ഒ​ഴി​ക്കു​ന്ന​തും വാ​ഹ​ന​ങ്ങ​ൾ ക​ട​ന്നു​ചെ​ല്ലാ​ൻ സാ​ധി​ക്കും വി​ധം റോ​ഡു​ക​ൾ ഒ​രു​ക്കു​ന്ന​തും പൂ​ർ​ത്തി​യാ​യി​ട്ടു​ണ്ട്. മൂ​ന്ന് ഹൈ​മാ​സ്റ്റ് ലൈ​റ്റു​ക​ൾ, അ​ഞ്ചി​ട​ങ്ങ​ളി​ൽ സി​സി​ടി​വി കാ​മ​റ​ക​ൾ, മാ​ലി​ന്യ​സം​സ്ക​ര​ണ മേ​ഖ​ല​യി​ൽ ഫ​യ​ർ ബ്രേ​ക്കു​ക​ൾ എ​ന്നി​വ​യാ​ണ് ഇ​നി ഒ​രു​ക്കാ​നു​ള്ള​ത്. വെ​ള്ളം നി​റ​യ്ക്കാ​നു​ള്ള സ്റ്റോ​റേ​ജ് ടാ​ങ്കും ഒ​രു​ക്കും.

ബ്ര​ഹ്മ​പു​രം മാ​ലി​ന്യ പ്ലാ​ന്‍റി​ന്‍റെ പ്ര​വ​ർ​ത്ത​ന​ങ്ങ​ൾ എ​ത്ര​യും വേ​ഗം പു​ന​രാ​രം​ഭി​ക്കാ​നാ​യി​ല്ലെ​ങ്കി​ൽ പ​ക​ർ​ച്ച​വ്യാ​ധി​ക​ൾ വ്യാ​പി​ച്ചേ​ക്കു​മെ​ന്ന ഭീ​തി​യി​ലാ​ണ് ന​ഗ​രം. ജ​ന​വാ​സ മേ​ഖ​ല​ക​ളി​ൽ​പോ​ലും നി​ക്ഷേ​പി​ക്ക​പ്പെ​ട്ട മാ​ലി​ന്യ​ങ്ങ​ൾ ചീ​ഞ്ഞ​ളി​ഞ്ഞ് പു​ഴു​ക്ക​ൾ വി​മി​ക്കു​ന്ന നി​ല​യി​ലാ​ണ്.

പ്ര​ദേ​ശ​വാ​സി​ക​ളാ​ക​ട്ടെ മാ​ലി​ന്യ വാ​ഹ​ന​ങ്ങ​ൾ ബ്ര​ഹ്മ​പു​ര​ത്തേ​ക്ക് ക​ട​ത്തി​വി​ടി​ല്ലെ​ന്ന ഉ​റ​ച്ച നി​ല​പാ​ടി​ലും. ഇ​വ​രു​ടെ പ്ര​തി​ഷേ​ധം ഭ​യ​ന്ന് രാ​ത്രി​യി​ലാ​ണ് വാ​ഹ​ന​ങ്ങ​ൾ ഇ​വി​ടേ​ക്ക് എ​ത്തു​ന്ന​ത്.