മാളൂട്ടി എന്ന മ്ലാവുകുട്ടി! പേ​രൊ​ന്ന് നീ​ട്ടി വി​ളി​ച്ചാ​ൽ മ​തി എ​വി​ടെ​യാ​യാ​ലും അ​വ​ൾ ഓ​ടി​യെ​ത്തി തൊ​ട്ടു​രു​മ്മി നി​ൽ​ക്കും; കാട്ടിലേക്ക് പോകാന്‍ മാ​ളു​ട്ടി​ക്ക് താ​ല്പ​ര്യ​മി​ല്ല

മം​ഗ​ലം​ഡാം: വ​ന​പാ​ല​ക​രു​ടെ ഓ​മ​ന​യാ​ണ് മാ​ളു​ട്ടി എ​ന്ന ഈ ​മാ​ൻ കു​ട്ടി. പേ​രൊ​ന്ന് നീ​ട്ടി വി​ളി​ച്ചാ​ൽ മ​തി എ​വി​ടെ​യാ​യാ​ലും അ​വ​ൾ ഓ​ടി​യെ​ത്തി തൊ​ട്ടു​രു​മ്മി നി​ൽ​ക്കും.

മ്ളാ​വ് ഇ​ന​ത്തി​ലെ സാ​ന്പാ​ർ ഡീ​റി​ന്‍റെ കു​ട്ടി​യാ​ണി​ത്. ക​രി​ങ്ക​യം ഫോ​റ​സ്റ്റ് സ്റ്റേ​ഷ​നി​ലെ അ​തി​ഥി​യാ​യി സ​ർ​വ സു​ഖ സൗ​ക​ര്യ​ങ്ങ​ളോ​ടെ ക​ഴി​യു​ക​യാ​ണ് വ​ന​പാ​ല​ക​ർ ഓ​മ​ന​ത്വ​ത്തോ​ടെ പേ​രി​ട്ട മാ​ളു​ട്ടി.

ര​ണ്ടു​മാ​സം മു​ന്പ് പൂ​തം​കു​ഴി​യി​ൽ നി​ന്നാ​ണ് വ​ന​പാ​ല​ക​ർ​ക്ക് ഇ​വ​ളെ കി​ട്ടി​യ​ത്. അ​മ്മ​ക്കൊ​പ്പം കാ​ട്ടി​ൽ മേ​ഞ്ഞ് ന​ട​ന്നി​രു​ന്ന ഇ​വ​ളെ നാ​യ്ക്ക​ൾ ഓ​ടി​ച്ച​പ്പോ​ൾ പ്രാ​ണ​ര​ക്ഷാ​ർ​ത്ഥം സ​മീ​പ​ത്തെ വീ​ട്ടി​ൽ ഓ​ടി​ക​യ​റി.

ത​ള്ള മ്ളാ​വ് ഉ​ൾ​ക്കാ​ട്ടി​ൽ ക​യ​റി നാ​യ്ക്ക​ളി​ൽ നി​ന്നും ര​ക്ഷ​പ്പെ​ട്ടു. വീ​ട്ടു​ക്കാ​ർ വി​വ​ര​മ​റി​യി​ച്ച​തി​നെ തു​ട​ർ​ന്നാ​ണ് വ​ന​പാ​ല​ക​ർ മ്ളാ​വി​ൻ കു​ട്ടി​യെ ഫോ​റ​സ്റ്റ് സ്റ്റേ​ഷ​നി​ൽ കൊ​ണ്ടു​വ​ന്ന​ത്.

നാ​യ്ക്ക​ൾ ഓ​ടി​ച്ച് ശ​രീ​ര​ത്തി​ൽ ചെ​റി​യ മു​റി​വു​ക​ൾ ഉ​ണ്ടാ​യി​രു​ന്നു. അ​തെ​ല്ലാം വെ​റ്റ​റി​ന​റി ഡോ​ക്ട​റെ കാ​ണി​ച്ച് ചി​കി​ത്സി​ച്ച് ഭേ​ദ​പ്പെ​ടു​ത്തി. ഇ​പ്പോ​ൾ പൂ​ർ​ണ്ണ ആ​രോ​ഗ്യ​വ​തി​യാ​ണ് ഈ ​ര​ണ്ട​ര മാ​സം പ്രാ​യ​ക്കാ​രി.

ഫോ​റ​സ്റ്റ​ർ ര​ഞ്ജി​ത്തും ബി ​എ​ഫ് ഒ ​മാ​രാ​യ ദി​വ്യ​യും നീ​തു​വും പി ​ടി എ​സ് ജോ​ബി​നും മെ​സി​ലെ ശ്രീ​ദേ​വി​യും തു​ട​ങ്ങി ഓ​ഫീ​സി​ലെ എ​ല്ലാ​വ​രും ത​ന്നെ മാ​ളു​ട്ടി​യു​ടെ സം​ര​ക്ഷ​ണ​ത്തി​നു​ണ്ട്. ജോ​ബി​നോ​ടാ​ണ് ഇ​ഷ്ട കൂ​ടു​ത​ൽ.

സ​ർ​വ സ്വ​ത​ന്ത്ര​യാ​ണ് മാ​ളു​ട്ടി. ഓ​ഫീ​സി​നു​ള്ളി​ലും അ​ടു​ക്ക​ള​യി​ലു​മൊ​ക്കെ ഇ​ട​ക്കി​ടെ സ​ന്ദ​ർ​ശ​ന​മു​ണ്ട്. ഭ​ക്ഷ​ണം കി​ട്ടാ​നാ​ണ് ഈ ​വ​ര​വ്. ഒ​ന്നും കൊ​ടു​ത്തി​ല്ലെ​ങ്കി​ൽ ദേ​ഷ്യം വ​ന്ന് ത​ല​കൊ​ണ്ട് ഇ​ടി​ക്കും ശ്രീ​ദേ​വി പ​റ​യു​ന്നു.

പ​രി​സ​ര​ത്ത് നാ​യ​ശ​ല്യം ഉ​ള്ള​തി​നാ​ൽ മു​റി​യി​ലാ​ണ് രാ​ത്രി കി​ട​പ്പ്. പ​ക​ൽ​സ​മ​യം ഓ​ഫീ​സി​നു മു​ന്നി​ലെ റോ​ഡി​ലും തേ​ക്ക് തോ​ട്ട​ത്തി​ലും ഉ​ണ്ടാ​കും. .

റോ​ഡി​ലൂ​ടെ പോ​കു​ന്ന​വ​ർ വാ​ഹ​നം നി​ർ​ത്തി സെ​ൽ​ഫി എ​ടു​ത്താ​ണ് പ​ല​പ്പോ​ഴും യാ​ത്ര തു​ട​രു​ക. ആ​രു​മാ​യും ന​ല്ല ഇ​ണ​ക്ക​മാ​ണ്.

കാ​ട്ടു മൃ​ഗ​ത്തി​ന്‍റെ ശൗ​ര്യ​മോ ഗൗ​ര​വ​മോ ഇ​വ​ൾ​ക്കി​ല്ല. കാ​ട്ടി​ൽ വി​ടാ​ൻ ശ്ര​മം ന​ട​ത്തി​യെ​ങ്കി​ലും വ​ന​പാ​ല​ക​രെ വി​ട്ടു​പോ​കാ​ൻ മാ​ളു​ട്ടി​ക്ക് താ​ല്പ​ര്യ​മി​ല്ല.

മ്ളാ​വി​ന്‍റെ മ​റ്റൊ​രു​കൂ​ട്ടം സ​മീ​പ​ത്ത് വ​ന്ന​പ്പോ​ൾ അ​വി​ടെ എ​ത്തി​ച്ചെ​ങ്കി​ലും അ​വ​ർ​ക്കൊ​പ്പം പോ​കാ​ൻ ത​യ്യാ​റാ​യി​ല്ലെ​ന്ന് ബി ​എ​ഫ് ഒ ​ദി​വ്യ പ​റ​ഞ്ഞു.

ര​ണ്ടാ​ഴ്ച മാ​ത്രം പ്രാ​യ​മു​ള്ള​പ്പോ​ഴാ​ണ് മാ​ൻ കു​ട്ടി​യെ ഇ​വ​ർ​ക്ക് കി​ട്ടി​യ​ത്. തു​ട​ക്ക​ത്തി​ൽ പാ​ൽ കു​പ്പി​യി​ലാ​ക്കി കൊ​ടു​ക്കു​ക​യാ​യി​രു​ന്നു. ആ​ദ്യ ദി​വ​സ​ങ്ങ​ളി​ൽ കു​റ​ച്ചു ബു​ദ്ധി​മു​ട്ടി.

ഇ​പ്പോ​ൾ അ​തൊ​ന്നും വേ​ണ്ട പാ​ത്ര​ത്തി​ൽ പാ​ൽ ഒ​ഴി​ച്ചു കൊ​ടു​ത്താ​ൽ മ​തി കു​ടി​ക്കും. മെ​സി​ലെ എ​ന്തും ഈ ​ഓ​മ​ന​ക്ക് ഭ​ക്ഷ​ണ​മാ​ണ്. ദോ​ശ​യാ​ണ് ഏ​റെ പ്രി​യ​പ്പെ​ട്ട​ത്.

ഫോ​റ​സ്റ്റ് ഓ​ഫീ​സ് വ​ഴി ക​ട​ന്നു പോ​കു​ന്ന​വ​ർ​ക്കെ​ല്ലാം കൗ​തു​ക കാ​ഴ്ച​യാ​യി മാ​റി​യി​രി​ക്കു​ക​യാ​ണ് മാ​ൻ കു​ഞ്ഞും വ​ന​പാ​ല​ക​രും ത​മ്മി​ലു​ള്ള ച​ങ്ങാ​ത്തം.