മം​ഗ​ലം​ഡാം ഫോ​റ​സ്റ്റിൽ ഈ വേനൽക്കാലത്ത് തീ പടരില്ല; കാ​ട്ടു​തീ പ്ര​തി​രോ​ധി​ക്കാ​ൻ മംഗലംഡാം ഫോറസ്റ്റ് ജീവനക്കാരുടെ തയാറെടുപ്പുകൾ ഇങ്ങനെ…

മം​ഗ​ലം​ഡാം: കാ​ട്ടു​തീ പ്ര​തി​രോ​ധി​ക്കാ​ൻ ഏ​റു​മാ​ട​മൊ​രു​ക്കി വ​ന​പാ​ല​ക​ർ.​മം​ഗ​ലം​ഡാം ഫോ​റ​സ്റ്റ് സ്റ്റേ​ഷ​നി​ലെ വ​നം വ​കു​പ്പ് ഉ​ദ്യോ​ഗ​സ്ഥ​രും വാ​ച്ച​ർ​മാ​രു​മാ​ണ് ഏ​റു​മാ​ട​മൊ​രു​ക്കി​യി​രി​ക്കു​ന്ന​ത്.​വേ​ന​ൽ​കാ​ലം ആ​രം​ഭി​ക്കു​ന്ന സാ​ഹ​ച​ര്യ​ത്തി​ൽ ഏ​റു​മാ​ട​ത്തി​ലി​രു​ന്ന് 24 മ​ണി​ക്കൂ​റും നി​രീ​ക്ഷിക്കു​ക​യാ​ണ് പ്ര​ധാ​ന ല​ക്ഷ്യം.

ജി​ല്ല​യി​ൽ ത​ന്നെ മം​ഗ​ലം​ഡാ​മി​ൽ മാ​ത്ര​മാ​ണ് ഇ​ത്ത​ര​മൊ​രു സൗ​ക​ര്യ​മൊ​രു​ക്കി​യി​രി​ക്കു​ന്ന​ത്. എ​ർ​ത്ത്ഡാം ചൂ​രു​പാ​റ റോ​ഡി​ൽ ന​ന്ന​ങ്ങാ​ടി ഭാ​ഗ​ത്താ​ണ് ഏ​റു​മാ​ടം പ​ണി​ക​ഴി​പ്പി​ച്ചി​രി​ക്കു​ന്ന​ത്. പ്ര​കൃ​തി​ദ​ത്ത​മാ​യ നി​ല​യി​ൽ മ​ര​ങ്ങ​ളും, മു​ള​യും, പ​ന​യോ​ല​യും, പ​ല​ക​യും ചേ​ർ​ത്ത് മ​ര​ങ്ങ​ളി​ൽ ത​മ്മി​ൽ ബ​ന്ധി​പ്പി​ച്ചാ​ണ് ഏ​റു​മാ​ട​മൊ​രു​ക്കി​യി​രി​ക്കു​ന്ന​ത്.​ഇ​തി​ലേ​ക്ക് ക​യ​റാ​നു​ള്ള ച​വി​ട്ടു​പ​ടി​യും ഒ​രു​ക്കി​യി​ട്ടു​ണ്ട്.

ന​ന്ന​ങ്ങാ​ടി​യി​ൽ ഏ​റ്റ​വും ഉ​യ​രം കൂ​ടി​യ ഭാ​ഗ​ത്ത് നി​ർ​മ്മി​ച്ച ഏ​റു​മാ​ട​ത്തി​ൽ ഇ​രു​ന്ന് നോ​ക്കി​യാ​ൽ വ​നം വ​കു​പ്പി​ന് കീ​ഴി​ൽ വ​രു​ന്ന മു​ക്കാ​ൽ​ഭാ​ഗ​ത്തോ​ളം സ്ഥ​ല​വും കാ​ണാ​ൻ ക​ഴി​യും. 32.35 സ്ക്വ​യ​ർ കി​ലോ​മീ​റ്റ​റാ​ണ് മം​ഗ​ലം​ഡാം ഫോ​റ​സ്റ്റ് ഓ​ഫീ​സി​ന്‍റെ കീ​ഴി​ൽ വ​രു​ന്ന​ത്.​

ഏ​റു​മാ​ട​ത്തി​ൽ നി​ന്ന് നോ​ക്കി​യാ​ൽ ഈ ​പ്ര​ദേ​ശ​ത്തെ പ്ര​ധാ​ന വ​ന​മേ​ഖ​ല​യാ​യ കു​ഞ്ചി​യാ​ർ​പ​തി, പ​പ്പ​ട​പ്പാ​റ, വ​ട്ട​പ്പാ​റ, ചു​രു​പാ​റ, മ​ണ്ണെ​ണ്ണ​ക്ക​യം, വി ​ആ​ർ ടി ​തു​ട​ങ്ങി​യ പ്ര​ദേ​ശ​ങ്ങ​ൾ കൃ​ത്യ​മാ​യി കാ​ണാ​ൻ ക​ഴി​യും. തീ​പി​ടു​ത്ത​മു​ണ്ടാ​യാ​ൽ പ​ക​ൽ സ​മ​യ​ത്ത് ബൈ​നോ​ക്കു​ല​റി​ന്‍റെ സ​ഹാ​യ​ത്തോ​ടെ നി​രീ​ക്ഷി​ക്കാ​നും ക​ഴി​യും.

​ഇ​ത്ത​ര​ത്തി​ൽ നി​രീ​ക്ഷി​ക്കു​ന്പോ​ൾ രാ​ത്രി​യോ, പ​ക​ലോ എ​വി​ടെ​യെ​ങ്കി​ലും തീ ​പി​ടു​ത്ത​മു​ണ്ടാ​യാ​ൽ ഉ​ട​ൻ ത​ന്നെ ഫോ​റ​സ്റ്റ് സ്റ്റേ​ഷ​നി​ൽ വി​വ​ര​മ​റി​യി​ച്ച് തു​ട​ർ ന​ട​പ​ടി​ക​ൾ സ്വീ​ക​രി​ക്കും. ഡെ​പ്യൂ​ട്ടി റെ​യ്ഞ്ച​ർ കെ ​അ​ഭി​ലാ​ഷി​ന്‍റെ നേ​ത്യ​ത്വ​ത്തി​ൽ വ​നം വ​കു​പ്പ് ജീ​വ​ന​ക്കാ​രും, വാ​ച്ച​ർ​മാ​രും ചേ​ർ​ന്നാ​ണ് ഏ​റു​മാ​ടം ഒ​രു​ക്കി​യ​ത്.​ക​ഴി​ഞ്ഞ​വ​ർ​ഷ​വും ഇ​വി​ടെ ഇ​ത്ത​ര​ത്തി​ൽ ഇ​വി​ടെ ഏ​റു​മാ​ടം ഒ​രു​ക്കി​യി​രു​ന്നു.