വെ​ള്ളം ക​ണ്ട​പ്പോ​ൾ മ​ണി​ക​ണ്ഠ​നു ല​ഹ​രി​യി​ള​കി; പാ​ല​ത്തി​ൽ​നി​ന്നും തൊ​ടു​പു​ഴ​യാ​റ്റി​ലേ​ക്ക് ചാ​ടി; സംഭവം തൊടുപുഴയില്‍…

തൊ​ടു​പു​ഴ: തൊ​ടു​പു​ഴ പാ​ല​ത്തി​ൽ നി​ന്നും തൊ​ടു​പു​ഴ​യാ​റ്റി​ലേ​ക്ക് ചാ​ടി​യ യു​വാ​വ് ജ​ന​ങ്ങ​ളെ ഒ​രു മ​ണി​ക്കൂ​റോ​ളം മു​ൾ​മു​ന​യി​ൽ നി​ർ​ത്തി.

ഇ​ന്ന​ലെ ഉ​ച്ച​ക​ഴി​ഞ്ഞ് മൂ​ന്ന​ര​യോ​ടെ​യാ​ണ് തൊ​ടു​പു​ഴ ഒ​ള​മ​റ്റം പു​ത്ത​ൻ​പു​ര​യ്ക്ക​ൽ മ​ണി​ക​ണ്ഠ​ൻ (45) പ​ഴ​യ പാ​ല​ത്തി​ൽ നി​ന്നും 30 അ​ടി താ​ഴ്ച​യി​ൽ പു​ഴ​യി​ലേ​യ്ക്ക് ചാ​ടി​യ​ത്.
വ​ഴി​യാ​ത്ര​ക്കാ​രോ​ട് എ​നി​ക്കു മ​ടു​ത്തു​വെ​ന്നു പ​റ​ഞ്ഞു ഒ​രു ചാ​ക്കു​മാ​യി​ട്ടാ​ണ് ചാ​ടി​യ​ത്. ഈ ​രം​ഗം ക​ണ്ട യാ​ത്ര​ക്കാ​ർ ബ​ഹ​ളം വ​ച്ച​പ്പോ​ളാ​ണ് മ​റ്റു​ള്ള​വ​ർ അ​റി​യു​ന്ന​ത്. നാ​ട്ടു​കാ​ർ പാ​ല​ത്തി​ന്‍റെ ന​ട​പ്പാ​ത​യി​ലെ​ത്തി​യ​പ്പോ​ൾ അ​ടി​യൊ​ഴു​ക്കു കൂ​ടു​ത​ലു​ള്ള തൊ​ടു​പു​ഴ​യാ​റ്റി​ലൂ​ടെ മ​ണി​ക​ണ്ഠ​ൻ മു​ങ്ങി​യും പൊ​ങ്ങി​യും താ​ഴ്ഭാ​ഗ​ത്തേ​യ്ക്ക് ഒ​ഴു​കി നീ​ങ്ങി.ജ​ന​ങ്ങ​ൾ നോ​ക്കി നി​ൽ​ക്കേ യു​വാ​വി​ന്‍റെ ത​ല​യും കൈ​യും മാ​ത്രം വെ​ള്ള​ത്തി​നു മു​ക​ളി​ൽ ക​ണ്ടു.

യു​വാ​വ് ഒ​ഴു​കി നീ​ങ്ങു​ന്ന​തി​നൊ​പ്പം ജ​നം ക​ര​യി​ലൂ​ടെ ശ​ബ്ദ​മു​ണ്ടാ​ക്കി ഓ​ടി. വി​വ​ര​മ​റി​ഞ്ഞ് ഫ​യ​ർ​ഫോ​ഴ്സും പോ​ലീ​സും രം​ഗ​ത്തെ​ത്തി. ഇ​തി​നി​ടെ യു​വാ​വ് നീ​ന്തി അ​ന്പ​ല​ക്ക​ട​വി​ലേ​ക്ക് വ​ന്നു. നാ​ട്ടു​കാ​ർ കൂ​ടി നി​ൽ​ക്കു​ന്ന​തു ക​ണ്ട​പ്പോ​ൾ ക​ര​യ്ക്കു ക​യ​റാ​തെ വീ​ണ്ടും മു​ന്നോ​ട്ടു നീ​ന്തി. പാ​പ്പൂ​ട്ടി ഹാ​ളി​നു സ​മീ​പം ക​ട​വി​ൽ എ​ത്തി​യ​പ്പോ​ൾ മ​ണി​ക​ണ്ഠ​ൻ കൈ ​കു​ഴ​ഞ്ഞു മു​ന്നോ​ട്ടു പോ​കാ​ൻ ക​ഴി​യാ​ത്ത അ​വ​സ്ഥ​യി​ലാ​യി. നീ​ന്താ​നു​ള്ള ല​ഹ​രി​യി​റ​ങ്ങി​യ​പ്പോ​ൾ വെ​ള്ള​ത്തി​ൽ പൊ​ങ്ങി കി​ട​ക്കാ​ൻ പോ​ലും ക​ഴി​യാ​ത്ത അ​വ​സ്ഥ. ത​ല പോ​ലും വെ​ള്ള​ത്തി​നു മു​ക​ളി​ലേ​ക്ക് ഉ​യ​ർ​ത്താ​ൻ ക​ഴി​യു​ന്നി​ല്ല. ര​ണ്ട് കൈ​ക​ൾ മു​ക​ളി​ലേ​ക്ക്.

ഇ​തേ സ​മ​യം ഫ​യ​ർ​ഫോ​ഴ്സ് ന​ഗ​ര​ത്തി​ലൂ​ടെ ചു​റ്റി​ക്ക​റ​ങ്ങി റി​വ​ർ​വ്യൂ റോ​ഡി​ലെ​ത്തി. ഇ​വ​ർ പു​ഴ​യി​ലി​റ​ങ്ങി മ​ണി​ക​ണ്ഠ​നെ ക​ര​ക​യ​റ്റി. അ​പ്പോ​ഴും കൈ​യി​ൽ ക​രു​തി​യ ചാ​ക്കി​ൽ​നി​ന്നും പി​ടി​വി​ട്ടി​ട്ടി​ല്ലാ​യി​രു​ന്നു. ഇ​തെ​ല്ലാം എ​നി​ക്ക് നി​സാ​രം എ​ന്ന​ർ​ഥ​ത്തി​ലു​ള്ള ചി​രി​യു​മാ​യി യു​വാ​വ് ക​ര​യ്ക്കെ​ത്തി​യ​പ്പോ​ൾ പോ​ലീ​സി​നും ജ​ന​ത്തി​നും ആ​ശ്വാ​സം. ഫ​യ​ർ​ഫോ​ഴ്സു ഉ​ദ്യോ​ഗ​സ്ഥ​രാ​യി ടി.​ടി അ​നീ​ഷ്കു​മാ​ർ, ബി​ൽ​സ് ജോ​ർ​ജ്, ടി.​കെ മ​ണി എ​ന്നി​വ​ർ ചേ​ർ​ന്ന് സ്ഥ​ല​ത്തു​ണ്ടാ​യി​രു​ന്ന പോ​ലീ​സി​നു ഇ​യാ​ളെ കൈ​മാ​റി.

പാ​ല​ത്തി​ൽ നി​ന്നും പു​ഴ​യി​ലേ​ക്ക് ചാ​ടി​യു​ള്ള പ​ല ആ​ത്മ​ഹ​ത്യ​ശ്ര​മ​ങ്ങ​ളും ഉ​ണ്ടാ​യി​രു​ന്ന​തു കൊ​ണ്ടാ​ണ് ജ​നം പ​രി​ഭ്രാ​ന്ത​രാ​യ​ത്. ഏ​താ​നും വ​ർ​ഷം മു​ന്പു പാ​ല​ത്തി​ൽ നി​ന്നും പു​ഴ​യി​ൽ ചാ​ടി​യ ആ​ളെ ര​ക്ഷി​ച്ച​തു പി​ന്നാ​ലെ ചാ​ടി​യ പോ​ലീ​സ് കോ​ണ്‍​സ്റ്റ​ബി​ളാ​ണ്. തൊ​ടു​പു​ഴ ന​ഗ​ര​ത്തി​ൽ പ​തി​വ് സ​ന്നി​ധ്യ​മാ​യ മ​ണി​ക​ണ്ഠ​നു ജോ​ലി​യൊ​ന്നു​മി​ല്ല. ആ​രോ​ടും സ​ഹാ​യം ചോ​ദി​ക്കും. മ​ദ്യ​ല​ഹ​രി​യി​ൽ ജ​ന​ങ്ങ​ളെ പ​രി​ഭ്രാ​ന്ത​രാ​ക്കി​യ​തി​ന് മ​ണി​ക​ണ്ഠ​നെ​തി​രെ കേ​സെ​ടു​ത്ത​താ​യി തൊ​ടു​പു​ഴ എ​സ്.​ഐ വി​ഷ്ണു​കു​മാ​ർ പ​റ​ഞ്ഞു.