മാ​ന​സി​കാ​രോ​ഗ്യ കേ​ന്ദ്ര​ത്തി​ൽ യു​വ​തി​യു​ടെ മ​ര​ണം: 12 ജീവനക്കാരുടേയും മൊഴിയിൽ വൈരുദ്ധ്യം; ഫോ​ൺ കോളുകൾ പ​രി​ശോ​ധി​ക്കു​ന്നു

പേ​രൂ​ർ​ക്ക​ട: ഊ​ള​മ്പാ​റ മാ​ന​സി​കാ​രോ​ഗ്യ കേ​ന്ദ്ര​ത്തി​ൽ പ്ര​വേ​ശി​പ്പി​ക്ക​പ്പെ​ട്ട കൊ​ല്ലം സ്വ​ദേ​ശി​നി സ്മി​ത​കു​മാ​രി മ​രി​ച്ച സം​ഭ​വ​ത്തി​ൽ പോ​ലീ​സ് ജീവനക്കാരുടെ ഫോൺ കോളുകൾ പരിശോധിക്കും.

ഇ​തു​വ​രെ മാ​ന​സി​കാ​രോ​ഗ്യ കേ​ന്ദ്ര​ത്തി​ലെ 12 ജീ​വ​ന​ക്കാ​രെ​യാ​ണ് ചോ​ദ്യം ചെ​യ്ത​ത്. ഇ​വ​രു​ടെ മൊ​ഴി​യി​ൽ വൈ​രു​ദ്ധ്യം ഉ​ള്ള​താ​യി ക​ണ്ടെ​ത്താ​ൻ സാ​ധി​ച്ച​താ​യി പേ​രൂ​ർ​ക്ക​ട പോ​ലീ​സ് പ​റ​യു​ന്നു.

അ​തു​കൊ​ണ്ടു​ത​ന്നെ ഇ​വ​രു​ടെ ഫോ​ൺ​കോ​ളു​ക​ൾ പ​രി​ശോ​ധ​ന​യ്ക്ക് വി​ധേ​യ​മാ​ക്കാ​ൻ തീ​രു​മാ​നി​ച്ചി​ട്ടു​ണ്ട്. ട​വ​ർ ലൊ​ക്കേ​ഷ​നും പ​രി​ശോ​ധി​ക്കും.

ന​വം​ബ​ർ 26 മു​ത​ൽ 29 വ​രെ മാ​ന​സി​കാ​രോ​ഗ്യ കേ​ന്ദ്ര​ത്തി​ലെ സി​സി​ടി​വി ക്യാ​മ​റ​ക​ൾ പ്ര​വ​ർ​ത്ത​ന​ര​ഹി​ത​മാ​യി എ​ന്നാ​ണ് പ​റ​യു​ന്ന​ത്. ഇ​തി​ൻ​റെ ഹാ​ർ​ഡ് ഡി​സ്ക് ഫോ​റ​ൻ​സി​ക് പ​രി​ശോ​ധ​ന​യ്ക്ക് എ​ടു​ത്തി​രി​ക്കു​ക​യാ​ണ്.

ഫോ​റ​ൻ​സി​ക് ഡോ​ക്ട​ർ ഇ​ന്ന് മാ​ന​സി​കാ​രോ​ഗ്യ കേ​ന്ദ്രം സ​ന്ദ​ർ​ശി​ച്ചേ​ക്കും.ഇന്നലെ ആ​ശു​പ​ത്രി സ​ന്ദ​ർ​ശി​ക്കു​മെ​ന്ന് അ​റി​യി​ച്ചി​രു​ന്നു​വെ​ങ്കി​ലും അ​ത് ഉ​ണ്ടാ​യി​ല്ല.

സ്മി​ത​കു​മാ​രി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ന്ന സ​മ​യ​ത്ത് മ​റ്റൊ​രു രോ​ഗി​യു​മാ​യി ഏ​റ്റു​മു​ട്ട​ൽ ഉ​ണ്ടാ​യ​താ​യി അ​ന്വേ​ഷ​ണ​ത്തി​ൽ അ​റി​യാ​ൻ സാ​ധി​ച്ചു​വെ​ന്ന് പോ​ലീ​സ് പ​റ​യു​ന്നു. പി​ന്നീ​ടാ​ണ് ഇ​വ​രെ മ​റ്റൊ​രു സെ​ല്ലി​ലേ​ക്ക് മാ​റ്റി​യ​ത്.

മൊ​ഴി​ക​ളി​ൽ അ​വ്യ​ക്ത​ത​യും വൈ​രു​ദ്ധ്യ​വു​മു​ള്ള സ്ഥി​തി​ക്ക് ജീ​വ​ന​ക്കാ​രെ വീ​ണ്ടും ചോ​ദ്യം ചെ​യ്യേ​ണ്ടി വ​രു​മെ​ന്നും അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും പേ​രൂ​ർ​ക്ക​ട സി.​ഐ വി. ​സൈ​ജു​നാ​ഥ് അ​റി​യി​ച്ചു.