താ​ത്കാ​ലി​ക നി​യ​മ​ന​ത്തി​നാ​യി ത​ടി​ച്ചു​കൂ​ടി​യ​ത് നൂ​റു​ക​ണ​ക്കി​ന് ഉ​ദ്യോ​ഗാ​ർ​ഥി​ക​ൾ; കോവി​ഡ് മാ​ന​ദ​ണ്ഡ​ങ്ങ​ൾ ലം​ഘി​ച്ചതോടെ അധികൃതര്‍ ചെയ്തത് ഇങ്ങനെ…

മെ​ഡി​ക്ക​ൽ കോ​ള​ജ്: തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ താ​ത്കാ​ലി​ക നി​യ​മ​ന​ത്തി​നാ​യി ത​ടി​ച്ചു​കൂ​ടി​യ​ത് നൂ​റു​ക​ണ​ക്കി​ന് ഉ​ദ്യോ​ഗാ​ർ​ഥി​ക​ൾ.

സാ​മൂ​ഹി​ക അ​ക​ലം പാ​ലി​ക്കു​ന്ന​ത് പ​രാ​ജ​യ​പ്പെ​ട്ട​തോ​ടെ ഇ​ന്‍റ​ർ​വ്യൂ നി​ർ​ത്തി​വ​ച്ചു. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ കോ​വി​ഡ് വാ​ർ​ഡി​ലേ​യ്ക്ക് താ​ത്കാ​ലി​ക അ​ടി​സ്ഥാ​ന​ത്തി​ൽ ജീ​വ​ന​ക്കാ​രെ നി​യ​മി​ക്കു​ന്ന ന​ട​പ​ടി​ക്ര​മ​ങ്ങ​ളാ​ണ് അ​നി​യ​ന്ത്രി​ത​മാ​യ ആ​ൾ​ക്കൂ​ട്ടം കാ​ര​ണം ഇ​ന്ന​ലെ നി​ർ​ത്തി​വ​ച്ച​ത്.

മെ​ഡി​ക്ക​ൽ കോ​ള​ജി​ലെ കോ​വി​ഡ് ചി​കി​ത്സ വാ​ർ​ഡി​ലേ​ക്ക് ന​ഴ്‌​സു​മാ​രു​ടെ​യും ക്ളീ​നിം​ഗ് സ്റ്റാ​ഫു​ക​ളു​ടെ​യും കു​റ​വ് പ​രി​ഹ​രി​ക്കു​ന്ന​തി​നാ​യാ​ണ് ഇ​ന്ന​ലെ ഇ​ന്‍റ​ർ​വ്യൂ സം​ഘ​ടി​പ്പി​ച്ചി​രു​ന്ന​ത്.

നാ​ഷ​ണ​ൽ ഹെ​ൽ​ത്ത് മി​ഷ​ൻ മു​ഖാ​ന്തി​ര​മാ​യി​രു​ന്നു ഈ ​താ​ത്കാ​ലി​ക നി​യ​മ​ന​ങ്ങ​ൾ ന​ട​ത്താ​ൻ ല​ക്ഷ്യ​മി​ട്ടി​രു​ന്ന​ത്. ഒ​ഴി​വു​ക​ളി​ൽ താ​ത്കാ​ലി​ക​മാ​യി നി​യ​മ​ന​ത്തി​ന് താ​ൽ​പ്പ​ര്യ​മു​ള്ള​വ​രെ ക്ഷ​ണി​ച്ചു മാ​ധ്യ​മ​ങ്ങ​ളി​ൽ ക​ഴി​ഞ്ഞ ദി​വ​സം മെ​ഡി​ക്ക​ൽ കോ​ള​ജ് അ​ധി​കൃ​ത​ർ അ​റി​യി​പ്പ് ന​ൽ​കി​യി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ൽ ഉ​ദ്യോ​ഗാ​ർ​ഥി​ക​ളും ര​ക്ഷി​താ​ക്ക​ളു​മടക്കം 2,000ത്തോ​ളം പേരാണ് ജി​ല്ല​യ്ക്ക​ക​ത്തും പു​റ​ത്തും നി​ന്നാ​യി രാ​വി​ലെ മെ​ഡി​ക്ക​ൽ കോ​ള​ജി​ലെ പ​ഴ​യ ഓ​ഡി​റ്റോ​റി​യ​ത്തി​ൽ എ​ത്തി​യ​ത്.

മെ​ഡി​ക്ക​ൽ കോ​ള​ജി​ലെ സു​ര​ക്ഷാ ജീ​വ​ന​ക്കാ​രും പോ​ലീ​സും ഉ​ദ്യോ​ഗാ​ർ​ഥി​ക​ളു​ടെ തി​ര​ക്ക് നി​യ​ന്ത്രി​ക്കാ​ൻ ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ട്ടു.

കോ​വി​ഡ് മാ​ന​ദ​ണ്ഡ പ്ര​കാ​ര​മു​ള്ള സാ​മൂ​ഹി​ക അ​ക​ലം പാ​ലി​ക്കാ​ൻ ക​ഴി​യാ​ത്ത സാ​ഹ​ച​ര്യ​ത്തി​നി​ടെ അ​ധി​കൃ​ത​ർ ഇ​ന്‍റ​ർ​വ്യൂ ആ​രം​ഭി​ച്ച​തോ​ടെ പ്ര​ശ്ന​ങ്ങ​ൾ ഒ​ന്നു​കൂ​ടി സ​ങ്കീ​ർ​ണ​മാ​യി.

ഉ​ദ്യോ​ഗാ​ർ​ഥി​ക​ളി​ൽ ചി​ല​ർ​ത​ന്നെ കോ​വി​ഡ് മാ​ന​ദ​ണ്ഡ​ങ്ങ​ളു​ടെ ലം​ഘ​നം ആ​രോ​പി​ച്ച​തോ​ടെ അ​ഭി​മു​ഖ​വു​മാ​യി അ​ധി​കൃ​ത​ർ​ക്ക് മു​ന്നോ​ട്ട് പോ​കാ​ൻ ക​ഴി​യാ​ത്ത സ്ഥി​തി​യാ​യി.

തു​ട​ർ​ന്നാ​ണ് ഇ​ന്‍റ​ർ​വ്യൂ മാ​റ്റി​വ​ച്ച​താ​യി മെ​ഡി​ക്ക​ൽ കോ​ള​ജ് അ​ധി​കൃ​ത​ർ അ​റി​യി​ച്ച​ത്. ക​ഴി​ഞ്ഞ ത​വ​ണ ന​ട​ത്തി​യ ഇ​ന്‍റ​ർ​വ്യൂ​വി​ൽ തെ​ര​ഞ്ഞെ​ടു​ക്ക​പ്പെ​ട്ട​വ​രെ​ല്ലാ​വ​രും ജോ​ലി​ക്ക് ഹാ​ജ​രാ​കാ​ത്ത സാ​ഹ​ച​ര്യ​ത്തി​ലാ​ണ് വീ​ണ്ടും ഇ​ന്‍റ​ർ​വ്യൂ ന​ട​ത്താ​ൻ തീ​രു​മാ​നി​ച്ചി​രു​ന്ന​ത്.

പു​തു​താ​യി 110 ഐ​സി​യു കി​ട​ക്ക​ക​ൾ ത​യാ​റാ​ക്കു​ന്ന സാ​ഹ​ച​ര്യ​ത്തി​ലാ​ണ് കൂ​ടു​ത​ൽ ജീ​വ​ന​ക്കാ​രെ നി​യ​മി​ക്കാ​ൻ അ​ധി​കൃ​ത​ർ തീ​രു​മാ​നി​ച്ച​ത്.

മാ​റ്റി​വ​ച്ച ഇ​ന്‍റ​ർ​വ്യൂ തീ​യ​തി പി​ന്നീ​ട് അ​റി​യി​ക്കു​മെ​ന്ന് മെ​ഡി​ക്ക​ൽ കോ​ള​ജ് അ​ധി​കൃ​ത​ർ വാ​ർ​ത്താ കു​റി​പ്പി​ൽ അ​റി​യി​ച്ചു.

അ​തേ​സ​മ​യം മെ​ഡി​ക്ക​ൽ കോ​ള​ജി​ൽ നി​യ​മ​ന​ത്തി​ന്‍റെ പേ​രി​ൽ കോ​വി​ഡ് മാ​ന​ദ​ണ്ഡ​ങ്ങ​ൾ ലം​ഘി​ച്ച് ആ​ൾ​ക്കൂ​ട്ടം ഉ​ണ്ടാ​യ സാ​ഹ​ച​ര്യ​ത്തി​ൽ മെ​ഡി​ക്ക​ൽ കോ​ള​ജ് പോ​ലീ​സ് അ​ന്വേ​ഷ​ണം ആ​രം​ഭി​ച്ചു.