തോ​ക്ക് ചൂ​ണ്ടി മാ​ലമോ​ഷ​ണം: പ്ര​തി​യെ കസ്റ്റഡിയിൽ വാങ്ങും; സംസ്ഥാനത്തെ പല കേസുകൾക്കും തുമ്പുണ്ടാകുമെന്ന പ്രതീക്ഷയിൽ പോലീസ്

കൊല്ലം : സി​റ്റി – റൂ​റ​ൽ മേ​ഖ​ല​ക​ളി​ൽ തോ​ക്കു ചൂ​ണ്ടി സ്ത്രീ​ക​ളു​ടെ മാ​ല ക​വ​ർ​ന്ന സം​ഭ​വ​ത്തി​ൽ പി​ടി​യി​ലാ​യ കൊ​ടും കു​റ്റ​വാ​ളി ഡ​ൽ​ഹി നോ​യി​ഡ സീ​മാ പു​രി സ്വ​ദേ​ശി സ​ത്യ​ദേ​വ് (40) നെ ​കസ്റ്റഡിയിൽ വാങ്ങാനുള്ള നടപടി തുടങ്ങി. കഴിഞ്ഞദിവസം കോ​ട​തി​യി​ൽ ഹാ​ജ​രാ​ക്കിയ പ്രതിയെ റി​മാ​ന്‍റു ചെ​യ്തിരുന്നു. അ​തീ​വ സു​ര​ക്ഷ​യി​ൽ തി​രു​വ​ന​ന്ത​പു​ര​ത്ത് ജ​യി​ലി​ൽ പാ​ർ​പ്പി​ച്ചി​ട്ടു​ള്ള ഇ​യാ​ളെ ക​സ്റ്റ​ഡി​യി​ൽ വാ​ങ്ങി കൂ​ടു​ത​ൽ ചോദ്യം ചെയ്യുന്നതോടെ സംസ്ഥാനത്ത് നടത്തിയിട്ടുള്ള പല മോഷണങ്ങളുടെയും ചുരുളഴിയും. ഇയാളെ കസ്റ്റഡിയിൽ വാങ്ങിയശേഷം കൊല്ലത്ത് തെളിവെടുപ്പ് നടത്തും.

ഡ​ൽ​ഹി പോ​ലി​സി​ന്‍റെ പേ​ടി സ്വ​പ്ന​മാ​യ സ​ത്യ ദേ​വി​നെ പി​ടി​കൂ​ടാ​ൻ സ​ഹാ​യി​ക്കു​ന്ന​വ​ർ​ക്ക് പാ​രി​തോ​ഷി​കം പ്ര​ഖ്യാ​പി​പ്പി​ച്ചി​ട്ടു​ള്ള​താ​ണ്. ഗ്യാം​ഗ് ലീ​ഡ​റാ​യ ഇ​യാ​ളു​ടെ സം​ഘ​ത്തി​ൽ നൂ​റോ​ളം അം​ഗ​ങ്ങ​ളു​ണ്ട്. എ​ല്ലാ​വ​രും വി​ദേ​ശ നി​ർ​മ്മി​ത തോ​ക്കു​ക​ൾ കൈ​വ​ശം സൂ​ക്ഷി​ക്കു​ന്ന​വ​രാ​ണ്. കേ​ര​ളാ പോ​ലീ​സ് പി​ടി​കൂ​ടു​മ്പോ​ൾ ര​ണ്ടു വി​ദേ​ശ നി​ർ​മ്മി​ത തോ​ക്കു​ക​ൾ ഇ​യാ​ളു​ടെ പ​ക്ക​ലു​ണ്ടാ​യി​രു​ന്നു. ക​വ​ർ​ച്ച​ക​ൾ​ക്കി​ട​യി​ൽ പി​ടി​ക്ക​പ്പെ​ടു​മെ​ന്നാ​യാ​ൽ വെ​ടി​വെ​ച്ച് ര​ക്ഷ​പ്പെ​ടു​ക​യാ​ണ് സം​ഘ​ത്തി​ന്‍റെ രീ​തി.

ര​ണ്ടു കൊ​ല​ക്കേ​സു​ൾ​പ്പെ​ടെ അ​റു​പ​തോ​ളം കേ​സു​ക​ളി​ലെ പ്ര​തി​യാ​ണ് സ​ത്യ​ദേ​വ്. വ​മ്പ​ൻ ബ​ന്ധ​ങ്ങ​ളു​ള്ള​തി​നാ​ൽ എ​ല്ലാ കേ​സു​ക​ളി​ലും സ്റ്റേ​ഷ​ൻ ജാ​മ്യ​ത്തി​ൽ പു​റ​ത്തു വ​രി​ക​യാ​ണ് പ​തി​വ്. സീ​മാ​പു​രി പോ​ലീ​സ് സ്റ്റേ​ഷ​നു സ​മീ​പ​മാ​ണ് ഇ​യാ​ളു​ടെ വ​സ​തി. ഇ​യാ​ളെ പി​ടി​കൂ​ടാ​ൻ ശ്ര​മി​ച്ചാ​ൽ ആ​ക്ര​മി​ക്ക​പ്പെ​ടാ​ൻ സാ​ധ്യ​ത​യു​ണ്ടെ​ന്ന് ഡ​ൽ​ഹി​യി​ലെ​ത്തി​യ കേ​ര​ളാ പോ​ലീ​സി​ന് വി​വ​രം ല​ഭി​ച്ചി​രു​ന്നു. അ​തി​നാ​ൽ ഡ​ൽ​ഹി പോ​ലീ​സി​ലെ സാ​യു​ധ സേ​നാം​ഗ​ങ്ങ​ളു​ടെ സ​ഹാ​യ​ത്തോ​ടെ​യാ​ണ് ദൗ​ത്യം നി​ർ​വ​ഹി​ക്കാ​ൻ ക​ഴി​ഞ്ഞ​ത്.

ജി​ല്ല​യി​ൽ ആ​റി​ട​ത്ത് തോ​ക്കു ചൂ​ണ്ടി​മാ​ല ക​വ​ർ​ന്ന സം​ഘം സ്കോ​ർ​പ്പി​യോ വാ​ഹ​ന​ത്തി​ലാ​ണ് കേ​ര​ള​ത്തി​ലെ​ത്തി​യ​ത്. മ​ട​ങ്ങും വ​ഴി ഹൈ​ദ​രാ​ബാ​ദി​ലും സ​മാ​ന രീ​തി​യി​ൽ ക​വ​ർ​ച്ച ന​ട​ത്തി​യി​രു​ന്നു. റൂ​റ​ൽ എ​സ്.​പി.​നി​യോ​ഗി​ച്ച പ്ര​ത്യേ​ക സം​ഘ​ത്തി​ലെ നാ​ലു​സേ​നാം​ഗ​ങ്ങ​ളാ​ണ് ഡ​ൽ​ഹി​യി​ലെ​ത്തി പ്ര​തി​യെ പി​ടി​കൂ​ടി​യ​ത്.

വി​മാ​ന​ത്തി​ൽ നെ​ടു​മ്പാ​ശേ​രി​യി​ലെ​ത്തി​ച്ച ഇ​യാ​ളു​ടെ കൈ​ക​ളി​ലും കാ​ലു​ക​ളി​ലും വി​ല​ങ്ങ​ണി​യി​ച്ചി​രു​ന്നു. ദ്രു​ത​ക​ർ​മ്മ സേ​ന​യു​ടെ സു​ര​ക്ഷ​യി​ലാ​ണ് കൊ​ല്ല​ത്തെ​ത്തി​ച്ച​ത്. വ​ട​ക്കേ ഇ​ന്ത്യ​കൂ​ടാ​തെ ദ​ക്ഷി​ണേ​ന്ത്യ​യി​ലും താ​വ​ള​മു​റ​പ്പി​ക്കു​ക​യാ​യി​രു​ന്നു ഇ​യാ​ളു​ടെ ല​ക്ഷ്യ​മെ​ന്നാണ് പോലീസിന് ലഭിച്ച വിവരം.