ക​ണ്‍​മു​മ്പി​ലെ ന​ടു​ക്കം മാ​റാ​തെ ഫാ​സി​ൽ; രക്ഷപ്പെട്ടത് രണ്ടായി പിളർന്ന വിമാനത്തിന്‍റെ വിടവിലൂടെ; ഷാർജയിൽ നിന്ന് ​വി​വാ​ഹ​ത്തി​നാ​യാണ് നാട്ടിലേക്ക് വന്നത്; വിമാന ദുരന്തത്തിന്‍റെ നടുക്കുന്ന ഓർമകൾ പങ്കുവെച്ച് യുവാവ്

മു​ക്കം: ക​ണ്‍​മു​ന്പി​ൽ ക​ണ്ട​തെ​ല്ലാം ഒ​രു സ്വ​പ്നം പോ​ലെ പി​ന്തു​ട​രു​ക​യാ​ണ് മു​ഹ​മ്മ​ദ് ഫാ​സി​ലി​നെ. വി​മാ​ന​ അപ​ക​ട​ത്തി​ൽ കാ​ര്യ​മാ​യ പ​രി​ക്കു​​ക​ളൊ​ന്നു​മി​ല്ലാ​തെ വീ​ട്ടി​ലെ​ത്തി​യെ​ങ്കി​ലും ഭീ​ക​ര​മാ​യ അ​പ​ക​ട​ത്തി​ന്‍റെ ന​ടു​ക്കം ഇ​നി​യും മാ​റി​യി​ട്ടി​ല്ല കൊ​ടി​യ​ത്തൂ​ർ കോ​ട്ട​മ്മ​ൽ സ്വ​ദേ​ശി​യാ​യ ഈ ​യു​വാ​വി​ന്.​

വെ​ള്ളി​യാ​ഴ്ച രാ​ത്രി 7.41ന് ​ക​രി​പ്പൂ​രി​ൽ ര​ണ്ടു ക​ഷ്ണ​ങ്ങ​ളാ​യി പി​ള​ർ​ന്ന എ​യ​ർ ഇ​ന്ത്യ എ​ക്സ്പ്ര​സ് വി​മാ​ന​ത്തി​ലെ യാ​ത്ര​ക്കാ​ര​നാ​ണ് ഫാ​സി​ൽ. വീ​ട്ടി​ലെ​ത്തി പ​ത്ര​വും വാ​ർ​ത്ത​യും ക​ണ്ട​തോ​ടെ​യാ​ണ് അ​പ​ക​ട​ത്തി​ന്‍റെ തീ​വ്ര​ത എ​ത്രമേ​ൽ ഭീ​ക​ര​മെ​ന്ന​ത് മ​ന​സി​ലാ​യ​ത്.​

ദൈ​വാ​നു​ഗ്ര​ഹം ഒ​ന്നുകൊ​ണ്ട് മാ​ത്ര​മാ​ണ് ര​ക്ഷ​പ്പെ​ട്ട​തെ​ന്ന് ഫാ​സി​ൽ പ​റ​യു​ന്നു. ഫാ​സി​ൽ ഇ​രു​ന്ന​തി​ന്‍റെ മൂ​ന്ന് സീ​റ്റി​ന് മു​ന്പി​ലാ​ണ് വി​മാ​നം ര​ണ്ടാ​യി പി​ള​ർ​ന്ന​ത്.​ നി​ല​ത്തി​റ​ങ്ങി​യെ​ന്നു​റ​പ്പിച്ച് സീ​റ്റ് ബെ​ൽ​റ്റ് പ​ല​രും അ​ഴി​ച്ച് തു​ട​ങ്ങി​രു​ന്നു.

മൊ​ബൈ​ൽ ഓ​ണ്‍ ചെ​യ്തു, നാ​ടി​ന്‍റെ പ​ച്ച​പ്പ് മു​ന്നി​ൽ തെ​ളി​ഞ്ഞു, മ​ന​സി​ൽ ജന്മ​നാ​ട്ടി​ലെ​ത്തി​യ​തി​ന്‍റെ നെ​ടു​വീ​ർ​പ്പ്, ‌‌‌പെ​ടു​ന്ന​നെ​യാ​ണ് അ​തു സം​ഭ​വി​ച്ച​ത്…റ​ണ്‍​വേ​യി​ലൂ​ടെ അ​ൽ​പ്പം ഓ​ടി നി​ൽ​ക്കേ​ണ്ട വി​മാ​ന​മ​താ താ​ഴേ​ക്ക് പ​തി​ക്കു​ന്നു.​യാ​ത്ര​ക്കാ​രാ​യ സ്ത്രീ​ക​ളു​ടെ​യും കു​ട്ടി​ക​ളു​ടെ​യും നി​ല​വി​ളി കൂ​ടെ ഉ​യ​ർ​ന്ന​തോ​ടെ ശ​രി​ക്കും സ്തം​ഭി​ച്ച​താ​യി ഫാ​സി​ൽ പ​റ​ഞ്ഞു.​

വി​മാ​നം ക​ഷ്ണ​ങ്ങ​ളാ​യി പൊ​ട്ടി​പ്പി​ള​ർ​ന്ന വി​ട​വി​ലൂ​ടെ​യാ​ണ് പു​റ​ത്തി​റ​ങ്ങി​യ​ത്.​ഏ​തോ കാ​ട്ടി​ല​ക​പ്പെ​ട്ട പോ​ലെ​യാ​ണ് തോ​ന്നി​യ​ത്.​വി​മാ​ന​ത്തി​ന് തീ ​പി​ടി​ക്കു​മെ​ന്ന പേ​ടി​യു​ണ്ടാ​യി​രു​ന്നെ​ന്നും ഫാ​സി​ൽ പ​റ​ഞ്ഞു.​

പു​റ​ത്തു ക​ട​ന്ന ഉ​ട​നെ വീ​ട്ടി​ലേ​ക്ക് ഫോ​ണ്‍ ചെ​യ്തു. ഞാ​ൻ വ​ന്ന വി​മാ​നം വീ​ണു ര​ണ്ടു ക​ഷ്ണ​മാ​യി, എ​നി​ക്കൊ​ന്നും പ​റ്റി​യി​ല്ല​ വാ​ർ​ത്ത​യി​ലോ മ​റ്റോ ക​ണ്ടാ​ൽ പേ​ടി​ക്കേ​ണ്ട എ​ന്നും മാ​തൃ സ​ഹോ​ദ​രി കൊ​ടി​യ​ത്തൂ​ർ ഗ്രാ​മ പ​ഞ്ചാ​യ​ത്ത് മെ​ന്പ​ർ സാ​റ ടീ​ച്ച​റെ അ​റി​യി​ച്ചു.

​ ചെ​റി​യ കു​ട്ടി​ക​ള​ട​ക്കം ക​ണ്‍​മു​ന്പി​ൽ പി​ട​യു​ന്ന​ത് ക​ണ്ടി​ട്ടും ഒ​ന്നും ചെ​യ്യാ​നാ​വാ​തെ നി​സ​ഹാ​യ​നാ​യി നി​ന്നു പോ​യ​തി​ന്‍റെ സ​ങ്ക​ട​വും ഫാ​സി​ൽ പ​ങ്കുവച്ചു.​ ര​ക്ഷാ പ്ര​വ​ർ​ത്ത​ന​ങ്ങ​ൾക്ക് കൊ​ണ്ടോ​ട്ടി​യി​ലെ നാ​ട്ടു​കാ​ർ കാ​ണി​ച്ച ജാ​ഗ്ര​ത​യാ​ണ് കൂ​ടു​ത​ൽ ആ​ളു​ക​ളെ ര​ക്ഷി​ക്കാ​നാ​യ​ത്.

ഷാ​ർ​ജ വ​ഴി​യാ​ണ് സാ​ധാ​ര​ണ പോ​രു​ന്ന​ത്. ദു​ബാ​യി​ൽ നി​ന്നു​ള്ള ആ​ദ്യ​ത്തെ യാ​ത്ര​യാ​ണ്. ഒന്പതു മാ​സം മു​ൻ​പാ​ണ് ഷാ​ർ​ജ​യി​ലെ സൂ​പ്പ​ർ മാ​ർ​ക്ക​റ്റി​ലേ​ക്ക് ജോ​ലി​ക്ക് പോ​യ​ത്. വീ​ഴ്ചയു​ടെ ആ​ഘാ​ത​ത്തി​ൽ ത​ല​യ്ക്കും കൈ​ക​ൾ​ക്കും ചെ​റി​യ മു​റി​വാ​ണു​ള്ള​ത്.​

ആ​ദ്യം കൊ​ണ്ടോ​ട്ടി​യി​ലെ ആ​ശു​പ​ത്രി​യി​ലും കോ​ഴി​ക്കോ​ട് ബീ​ച്ച് ആ​ശു​പ​ത്രി​യി​ലും പി​ന്നീ​ട് മെ​ഡി​ക്ക​ൽ കോ​ളേ​ജി​ലും കൊ​ണ്ടു​പോ​യി. ശ​നി​യാ​ഴ്ച രാ​വി​ലെ ആ​റു മ​ണി​ക്കാ​ണ് വീ​ട്ടി​ലേ​ക്കു മ​ട​ങ്ങാ​നാ​യ​ത്.

അ​പ​ക​ട​ത്തി​ൽ പാ​സ്പോ​ർ​ട്ട് ഉ​ൾ​പ്പെ​ടെ​യു​ള്ള രേ​ഖ​ക​ളും സു​ഹൃത്തു​ക്ക​ൾ ഏ​ൽ​പ്പി​ച്ച മൊ​ബൈ​ൽ ഫോ​ണു​ക​ൾ ഉ​ൾ​പ്പെ​ടെ വി​ല​പി​ടി​പ്പു​ള്ള ഒ​ട്ടേ​റെ സാ​ധ​ന​ങ്ങ​ൾ അ​ട​ങ്ങി​യ ല​ഗേ​ജും വി​മാ​ന​ത്തി​ൽ കു​ടു​ങ്ങി​യ​താ​യും ഫാ​സി​ൽ പ​റ​ഞ്ഞു.

കല്യാ​ണം പ്ര​മാ​ണി​ച്ച് വീ​ട്ടാ​വ​ശ്യ​ത്തി​നു​ള്ള ഒ​രു​പാ​ട് സാ​ധ​ന​ങ്ങ​ളു​മു​ണ്ടാ​യി​രു​ന്നു.​വി​വാ​ഹ​ത്തി​നാ​യി നാ​ലു മാ​സ​ത്തെ അ​വ​ധി​ക്കു വ​ന്ന​താ​ണ് ഫാ​സി​ൽ.

ക്വാ​റ​ന്‍റൈൻ പൂ​ർ​ത്തീ​ക​രി​ച്ച് വി​വാ​ഹം ന​ട​ത്താ​നാ​ണ് തീ​രു​മാ​നം.​നി​ക്കാ​ഹ് നേ​ര​ത്തേ ക​ഴി​ഞ്ഞി​രു​ന്നു.​ ക​ളം​തോ​ട് സ്വ​ദേ​ശി​നി ഷ​ബാ​ന​യാ​ണ് വ​ധു.​ വീ​ട്ടി​ൽ ക്വാ​റ​ന്‍റൈനി​ൽ ക​ഴി​യു​ക​യാ​ണ് ഫാ​സി​ൽ.