മു​ഴ​പ്പി​ല​ങ്ങാ​ട് പൂട്ടിയിട്ട വീട്ടിലെ ക​വ​ർ​ച്ച: സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ക്കു​ന്നു

എ​ട​ക്കാ​ട്: മു​ഴ​പ്പി​ല​ങ്ങാ​ട് പൂ​ട്ടി​യി​ട്ട വീ​ട്ടി​ൽ ക​വ​ർ​ച്ച ന​ട​ന്ന സം​ഭ​വ​ത്തി​ൽ പ്ര​ദേ​ശ​ത്തെ സി​സി​ടി​വി കാ​മ​റ​ക​ൾ പോ​ലീ​സ് പ​രി​ശോ​ധി​ക്കു​ന്നു. സ​മീ​പ​ത്തെ വീ​ടു​ക​ളി​ലെ​യും സ്ഥാ​പ​ന​ങ്ങ​ളി​ലെ​യും ദൃ​ശ്യ​ങ്ങ​ളാ​ണ് പ​രി​ശോ​ധി​ക്കു​ന്ന​ത്. മു​ഴ​പ്പി​ല​ങ്ങാ​ട് അ​സീ​സ് വി​ല്ലാ റോ​ഡി​ൽ ഡി​സ്പ​ൻ​സ​റി​ക്ക് സ​മീ​പ​ത്തെ ഷം​സു-​സു​ഹ​റ ദ​മ്പ​തി​ക​ളു​ടെ പൂ​ട്ടി​യി​ട്ട വീ​ട്ടി​ലാ​ണ് ക​വ​ർ​ച്ച ന​ട​ന്ന​ത്. ഒ​രു മാ​സ​ത്തോ​ള​മാ​യി വീ​ട്ടു​കാ​ർ മും​ബൈ​യി​ലാ​ണ്.

ഇ​ന്ന​ലെ പു​ല​ർ​ച്ചെ​യാ​ണ് ക​വ​ർ​ച്ച ന​ട​ന്ന​തെ​ന്നാ‍​ണ് സം​ശ​യം. എ​ന്നാ​ൽ, മോ​ഷ​ണ​വി​വ​രം ബ​ന്ധു​ക്ക​ൾ അ​റി​യു​ന്ന​ത് ഇ​ന്ന​ലെ ഉ​ച്ച​യോ​ടെ​യാ​ണ്. വീ​ടി​ന്‍റെ മു​ൻ വാ​തി​ലി​ന്‍റെ പൂ​ട്ട് ത​ക​ർ​ത്താ​ണ് മോ​ഷ്ടാ​ക്ക​ൾ അ​ക​ത്ത് ക​ട​ന്ന​ത്. തു​ട​ർ​ന്ന് ഷെ​ൽ​ഫ് കു​ത്തി​പ്പൊ​ളി​ക്കു​ക​യാ​യി​രു​ന്നു. ഷെ​ൽ​ഫി​ന​ക​ത്ത് സൂ​ക്ഷി​ച്ച ര​ണ്ടു ല​ക്ഷം രൂ​പ​യും 30 പ​വ​ൻ സ്വ​ർ​ണാ​ഭ​ര​ണ​വും ന​ഷ്ട​പ്പെ​ട്ട​താ​യി ബ​ന്ധു​ക്ക​ൾ എ​ട​ക്കാ​ട് പോ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​യു​ന്നു.

ഇ​ത​ര സം​സ്ഥാ​ന​ക്കാ​രെ കേ​ന്ദ്രീ​ക​രി​ച്ചാ​ണ് പോ​ലീ​സ് അ​ന്വേ​ഷ​ണം. പ്ര​ദേ​ശ​ത്തു​ണ്ടാ​യി​രു​ന്ന ഏ​താ​നും ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ ഇ​ന്ന​ലെ രാ​വി​ലെ നാ​ട്ടി​ലേ​ക്ക് തി​രി​ച്ച​താ​യി സൂ​ച​ന ല​ഭി​ച്ചി​ട്ടു​ണ്ട്. ഇ​തേ​ത്തു​ട​ർ​ന്ന് ക​വ​ർ​ച്ച ന​ട​ന്ന പ്ര​ദേ​ശ​ത്തെ ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ പോ​ലീ​സ് ചോ​ദ്യം ചെ​യ്തു വ​രി​ക​യാ​ണ്.

ക​വ​ർ​ച്ച ന​ട​ന്ന വീ​ടി​നു തൊ​ട്ട​ടു​ത്തു​ള്ള ത​റ​വാ​ട് വീ​ട് പു​തു​ക്കി​പ്പ​ണി​യു​ന്ന​തി​നാ​ൽ ഇ​വി​ടെ നി​ര​വ​ധി ഇ​ത​ര സം​സ്ഥാ​ന​ത്ത് നി​ന്ന് വ​ന്ന​വ​ർ ദി​വ​സേ​ന ജോ​ലി​ചെ​യ്യു​ന്നു​മു​ണ്ട്. മോ​ഷ​ണം ന​ട​ന്ന വീ​ടി​ന്റെ മ​തി​ലി​ന​ക​ത്ത് ത​ന്നെ​യാ​ണ് ത​റ​വാ​ട് വീ​ടും. ഇ​വി​ടെ താ​മ​സി​ച്ചി​രു​ന്ന ബ​ന്ധു​ക്ക​ൾ വീ​ട് പു​തു​ക്കി​പ്പ​ണി​യു​ന്ന​തി​നാ​ൽ അ​ല്പം മു​ന്നി​ലാ​യി മ​റ്റൊ​രു വീ​ട്ടി​ലാ​ണ് താ​മ​സം. പോ​ലീ​സ് ഉ​ദ്യോ​ഗ​സ്ഥ​രും വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും സം​ഭ​വ​സ്ഥ​ല​ത്തെ​ത്തി​പ​രി​ശോ​ധ​ന ന​ട​ത്തി.