കോ​ള​ജ് വി​ദ്യാ​ർ​ഥി​ക​ളെ​ന്ന പേരിൽ ഇലന്തൂരിൽ എത്തിയത് ഹണിട്രാപ്പ് സംഘം; ഭഗവൽസിംഗിനെ കുരുക്കി ഷാഫി സ്വന്തമാക്കാൻ ശ്രമിച്ചതെന്ത്?

സ്വ​ന്തം ലേ​ഖി​ക
കൊ​ച്ചി: ഇ​ര​ട്ട ന​ര​ബ​ലി ന​ട​ന്ന ഇ​ല​ന്തൂ​രി​ലെ വീ​ട്ടി​ൽ മു​ഖ്യ​പ്ര​തി മുഹമ്മദ് ഷാ​ഫി കോ​ള​ജ് വി​ദ്യാ​ർ​ഥി​ക​ൾ എ​ന്ന നി​ല​യി​ൽ എ​ത്തി​ച്ചത് ഹണിട്രാപ്പ് സംഘത്തെ.

ഇ​തു സം​ബ​ന്ധി​ച്ച് സ്ത്രീ​ക​ൾ പോ​ലീ​സി​ന് നി​ർ​ണാ​യ​ക മൊ​ഴി ന​ൽ​കി​യ​താ​യാ​ണ് വി​വ​രം. ഭ​ഗ​വ​ൽ സിം​ഗി​നെ​യും ലൈ​ല​യെ​യും ക​ബ​ളി​പ്പി​ച്ച് പ​ണം ത​ട്ടു​ന്ന​തി​നാ​യി ഷാ​ഫി ഒ​രു​ക്കി​യ ച​തി​യാ​യി​രു​ന്നു ഇ​തി​നു പി​ന്നി​ലെ​ന്നാ​ണ് പോ​ലീ​സ് സം​ശ​യി​ക്കു​ന്ന​ത്.

ഹ​ണി ട്രാ​പ്പ് സം​ഘ​ത്തി​ൽ​പ്പെ​ട്ട ഈ ​ര​ണ്ടു യു​വ​തി​ക​ളെ​യും ഇ​തി​ൽ ഒ​രാ​ളു​ടെ ഭ​ർ​ത്താ​വി​നെ​യും കൂ​ട്ടി​യാ​ണ് ഷാ​ഫി ഇ​ല​ന്തൂ​രി​ലെ വീ​ട്ടി​ലെ​ത്തി​യ​ത്.

എ​റ​ണാ​കു​ള​ത്തെ വി​വി​ധ സ്റ്റേ​ഷ​നു​ക​ളി​ൽ ഹ​ണി ട്രാ​പ്പും അ​നാ​ശാ​സ്യ​വും ഉ​ൾ​പ്പെ​ടെ ഈ ​സ്ത്രീ​ക​ൾ​ക്കെ​തി​രെ കേ​സു​ക​ൾ നി​ല​വി​ലു​ണ്ട്.

ഈ ​സ്ത്രീ​ക​ളെ എ​റ​ണാ​കു​ള​ത്ത് പ്ര​മു​ഖ കോ​ള​ജി​ൽ പ​ഠി​ക്കു​ന്ന വി​ദ്യാ​ർ​ഥി​നി​ക​ൾ എ​ന്ന രീ​തി​യി​ലാ​ണ് ഷാ​ഫി ഭ​ഗ​വ​ൽ സിം​ഗി​നും ലൈ​ല​യ്ക്കും പ​രി​ച​യ​പ്പെ​ടു​ത്തി​ക്കൊ​ടു​ത്ത​ത്.

ഇ​തേ​ക്കു​റി​ച്ചും പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ഷാ​ഫി ഉ​ൾ​പ്പെ​ട്ട ല​ഹ​രി മാ​ഫി​യ​യി​ലെ ക​ണ്ണി​ക​ളാ​കാം ഇ​വ​ർ എ​ന്നാ​ണ് പോ​ലീ​സി​ന്‍റെ നി​ഗ​മ​നം.

ഈ ​സ്ത്രീ​ക​ളു​ടെ മു​ൻ​കാ​ല ച​രി​ത്ര​ത്തെ​ക്കു​റി​ച്ചും പോ​ലീ​സ് അ​ന്വേ​ഷി​ക്കു​ന്നു​ണ്ട്.
പ​ത്മ​യു​ടെ താ​ലി​യും മോ​തി​ര​വും എ​വി​ടെ?

ഇ​ല​ന്തൂ​രി​ൽ ന​ര​ബ​ലി​ക്ക് ഇ​ര​യാ​യ പ​ത്മ​യു​ടെ കൂ​ടു​ത​ൽ സ്വ​ർ​ണം ക​ണ്ടെ​ടു​ക്കാ​നു​ണ്ടെ​ന്ന് കു​ടും​ബം. ഷാ​ഫി പ​ണ​യം വ​ച്ച ആ​ഭ​ര​ണ​ങ്ങ​ളു​ടെ കൂ​ട്ട​ത്തി​ൽ താ​ലി​യും മോ​തി​ര​വും ഇ​ല്ലെ​ന്നാ​ണ് കു​ടും​ബം പ​റ​യു​ന്ന​ത്.

ഈ ​സ്വ​ർ​ണം അ​പ​ഹ​രി​ച്ച് താ​ൻ പ​ണ​യം വ​ച്ചു എ​ന്നാ​യി​രു​ന്നു ഒ​ന്നാം പ്ര​തി ഷാ​ഫി​യു​ടെ മൊ​ഴി. എ​ന്നാ​ൽ ധ​ന​കാ​ര്യ സ്ഥാ​പ​ന​ത്തി​ലെ തെ​ളി​വെ​ടു​പ്പി​ൽ ആ​ഭ​ര​ണ​ങ്ങ​ൾ വീ​ണ്ടെ​ടു​ത്തെ​ങ്കി​ലും മു​ഴു​വ​ൻ ആ​ഭ​ര​ണ​ങ്ങ​ളും ഉ​ണ്ടാ​യി​രു​ന്നി​ല്ലെ​ന്നാ​ണ് കു​ടും​ബം ആ​രോ​പി​ക്കു​ന്ന​ത്.

പ​ത്മ​യു​ടെ ശ​രീ​ര​ത്തി​ൽ നി​ന്ന് ആ​റു പ​വ​ന്‍റെ സ്വ​ർ​ണാ​ഭ​ര​ണ​ങ്ങ​ൾ ന​ഷ്ട​പ്പെ​ട്ട​താ​യി സ​ഹോ​ദ​രി പ​ഴ​യ​നി​യ​മ്മ ക​ഴി​ഞ്ഞ​യാ​ഴ്ച വ്യ​ക്ത​മാ​ക്കി​യി​രു​ന്നു.

കൊ​ല​യ്ക്കു ശേ​ഷം ഷാ​ഫി എ​റ​ണാ​കു​ള​ത്തെ ധ​ന​കാ​ര്യ സ്ഥാ​പ​ന​ത്തി​ൽ പ​ണ​യം വ​ച്ച സ്വ​ർ​ണാ​ഭ​ര​ണ​ങ്ങ​ൾ ഇ​ന്ന​ലെ പോ​ലീ​സ് വീ​ണ്ടെ​ടു​ത്തി​രു​ന്നു.

ഇ​ത് പ​ത്മ​യു​ടേ​താ​ണെ​ന്ന് ബ​ന്ധു​ക്ക​ളും സ്ഥി​രീ​ക​രി​ക്കു​ക​യു​ണ്ടാ​യി. കൊ​ല​പാ​ത​ക​ത്തി​ന് ശേ​ഷം പ​ത്മ​യു​ടെ മൃ​ത​ദേ​ഹ​ത്തി​ൽനി​ന്ന് ഊരി​യെ​ടു​ത്ത 39 ഗ്രാം ​സ്വ​ർ​ണാ​ഭ​ര​ണ​ങ്ങ​ൾ അ​ടു​ത്ത ദി​വ​സം ഷാ​ഫി ചി​റ്റൂ​ർ റോ​ഡി​ലെ സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ൽ പ​ണ​യം വ​ച്ചി​രു​ന്നു​വെ​ന്ന് വെ​ളി​പ്പെ​ടു​ത്തി​യി​രു​ന്നു.

ഒ​രു ല​ക്ഷ​ത്തി പ​തി​നാ​യി​രം രൂ​പ​യ​ക്കാ​ണ് ഷാ​ഫി പ​ണ​യം വച്ച​ത്. ക​ഴി​ഞ്ഞ ദി​വ​സം ന​ട​ത്തി​യ പ​രി​ശോ​ധ​ന​യി​ൽ ഷാ​ഫി​യു​ടെ വീ​ട്ടി​ൽ നി​ന്ന് പ​ണ​യം വ​ച്ച ര​സീ​ത് പോ​ലീ​സ്ക​ണ്ടെ​ടു​ത്തി​രു​ന്നു.

വ​ണ്ടി വി​റ്റു കി​ട്ടി​യ പ​ണ​മാ​ണെ​ന്ന് പ​റ​ഞ്ഞ് പ​ണ​യ​തു​ക​യി​ൽ നി​ന്ന് നാ​ൽ​പ​തി​നാ​യി​രം രൂ​പ ഭാ​ര്യ ന​ബീ​സ​യ്ക്ക് ന​ൽ​കി​യ​താ​യി ഷാ​ഫി പ​റ​ഞ്ഞി​രു​ന്നു.

അ​തേ​സ​മ​യം താ​ലി​ക്കും മോ​തി​ര​ത്തി​നും പു​റ​മെ ര​ണ്ട് വെ​ള്ളി പാ​ദ​സ​ര​ങ്ങ​ളും ന​ഷ്ട​പ്പെ​ട്ട​താ​യി കു​ടും​ബം പ​റ​യു​ന്നു. അ​തേ​സ​മ​യം ത​മി​ഴ് സ്ത്രീ​ക​ൾ ഉ​പ​യോ​ഗി​ക്കു​ന്ന മാ​തൃ​ക​യി​ലു​ള്ള വെ​ള്ളി​ക്കൊ​ലു​സു​ക​ൾ താ​ൻ എ​റി​ഞ്ഞു ക​ള​ഞ്ഞു​വെ​ന്ന് ഷാ​ഫി മൊ​ഴി ന​ൽ​കി​യ​താ​യാ​ണ് വി​വ​രം.

ഇ​ത് വി​ൽ​ക്കാ​ൻ ശ്ര​മി​ച്ചാ​ൽ താ​ൻ പി​ടി​ക്ക​പ്പെ​ടു​മെ​ന്ന സം​ശ​യ​ത്തി​ലാ​ണ് ഇ​ത് എ​റി​ഞ്ഞു ക​ള​ഞ്ഞ​തെ​ന്നാ​ണ് ഇ​യാ​ൾ പോ​ലീ​സി​നു മൊ​ഴി ന​ൽ​കി​യി​രി​ക്കു​ന്ന​ത്.

കാ​ണാ​താ​യ ആ​ഭ​ര​ണ​ങ്ങ​ൾ ക​ണ്ടെ​ത്താ​നാ​യി പ്ര​തി​ക​ളെ വീ​ണ്ടും ചോ​ദ്യം ചെ​യ്യാ​നൊ​രു​ങ്ങു​ക​യാ​ണ് അ​ന്വേ​ഷ​ണ സം​ഘം.